盈翠軒 (裝修中)

朋友係網上見團購有個任食點心好似幾吸引，又近尖沙咀，就去試。當時book了一點鐘，但因為有些急事要兩點才到。於是就打電話去改時間，但接線員態度很差，話如果我地2點甘遲黎，到時無晒野食關佢地事。明明買的時候細則寫住9-4點，仲有限時90分鐘。入到去門口，帶位既職員又係甘差。到坐底時訂落叫野食果d職員先正常態度。整體食物水準正常味道但服務態度就一定是不好。最後埋單是明明是一位68蚊再加即場服務費48，但由於是朋友比錢，沒看清楚賬單。店鋪收了每人58蚊。錢已付才發現收多了，問返收銀，竟說每一間分店收費不同。但明明買購團細則只寫住48蚊，沒有其他額外收費。這一家真心不會再幫襯第二次！！！

一坐低，就因為搞個大閘蟹團購搞左好內，又話佢地login 唔到又剩，最後，Whatsapp 左張 Voucher 俾佢地，先可以用。本身老板簡左d 大隻 d 既蟹俾我地。同埋d 食物其實唔錯。我們一家人都好幾滿意。但佢地員工服務超級差。第一上錯菜太約有六七次 , 出來食飯，從未試過發生咁多次，其中一款菜，我再三問左姐姐，係唔係我地既 , d 姐姐一口咬定一定係我地既，所以我地先食，食完先有人走過來，話上錯左，要我地俾錢，講完一輪。最後特價左。第二我問佢地，可唔可以俾 d 花生，青豆個d， 佢地話要叫 小菜先有，我同佢講，我除左團購餐，我都有叫小菜，佢又突然話，每碟要$20, 既然如果覺得團購既人cheap, 你就唔好俾人團購。第三切蛋糕要收錢，其實真係無問題的，但你收$100, 會唔會都幫人切下會好d? 而唔係連台都唔收乾淨，就放低個cake 同d碟。第四好唔老實，明明收左團購coupon, 仲可以打埋個數目入去張單，想駁人俾多次嗎？又真係俾佢駁到喔。我一時無睇清楚，就俾佢 碌左卡，之後大約十分鐘，我先發現，緊係拿拿聲返去退啦。佢做完退款，之後再碌， 結果再收多我一次一樣既錢 , 前後

之前朋友喺網上面見到有得團購呢間嘅點心放題 所以就買咗嚟試吓😮放題就得九十分鐘 都可以食到幾多款點心😉 不過蝦餃燒賣就限咗每人各一隻☹️ 之後仲有叫到鮮蝦菜苗餃 蒸排骨 安格斯牛肉腸 紅豆糕 薑汁糕 脆皮芝士手卷 生煎蝦脆皮卷 紫薯雞粒角 班蘭馬拉糕 貢菜餃 醬皇蒸鳳爪 趣致蘑菇包 煎堆仔 白灼油菜🤤我覺得最特別嘅係個磨菇包 外形真係成粒菇咁 個餡都好好食😗班蘭馬拉糕都一樣好特別 好香班蘭味 仲好軟熟😻脆皮芝士手卷喺出面其他酒樓都食唔到 幾特別 好香脆👍🏻不過蒸排骨就真係麻麻 十分唔推介整體嚟講點心放題都幾抵食 點心質素都唔錯🙊 不過埋單嘅時候 侍應同我地講其實訂位嘅時候講明係食點心放題 到時即場俾錢 都係一樣價錢 如果想食嘅 唔駛特登喺網上面買團購啦🤭

因為有優惠所以先至諗住同朋友去呢度聚一聚，食飽飯後跟住叫部長攞個餐牌睇下有冇甜品或者糖水叫，但佢答我地只得桂花糕其他就無。 咁我哋估以為佢呢間酒樓唔做甜品或糖水啦。 但又畀我哋發現隔離枱有紅豆沙喎。 不如你話畀我哋聽跟餐先至有得食好過你話畀我哋聽乜都冇囉。 又或者可能我哋唔係食鮑參翅肚。 簡直就係差，服務差到冇朋友。 絕對唔值得再去呀。

三人用餐, 9 個點心, 每種點心, 每人都是一個. 不化算. 同部長反應, 他們說他們做不了... 只能這樣的. 氣憤! 不會再去吃... 本想可以開以吃一次!

平時飲個茶都百幾蚊人頭，難得團購網見到有點心任食，加埋服務費先96蚊一個人，加上之前公司annual dinner食過味道都唔錯，仲唔即刻約飯腳食咩！網上menu已寫明蝦餃同燒賣每人只限一粒，本來有d擔心無得回本，不過食食下發現，好多其他餃類，例如菜苗餃，腐皮卷，粉果都有大大粒蝦肉係裡面，而且味道都唔錯，餃皮又唔會太淋痴口痴牙另外推介叉燒腸，腸粉本身夠滑唔淋，叉燒好味，最重要無芫茜！！！ 仲有韭菜餃，係炸的，非常脆口同唔油，食多兩舊都無罪惡感！想要再飽肚d可以叫豚肉粉貴刁，意外地惹味，豚肉大舊又彈牙，足料，不過勁大碟，多人share先好叫😂特式野都唔錯，可以一試，有班蘭馬拉糕，手卷咁既蝦春卷，帶少少紫薯味既淡味雞粒角，木瓜奶凍👍🏿絕對值得叫多幾個飯腳全部野都試一試，因為飲茶食點心黎講真係好抵

當日去到大部分人都係買左團購餐，我地4個人去食，隔離有兩張台分別5人同6人.上餐有部分食物係按人頭件數，侍應上餐非常求奇，幾次見佢地拎住碟餸行黎行去，拎住本身係我地呢台嘅去左5人台或6人台，6人台發現少左佢又拎返入廚房加返兩件落去，另一張5人台發現少左又拎多件出黎，到其中一樣上我地台數量係4件無錯，但明顯地係本身6人台果張拎返起兩件再上我地台，D汁醬係碟邊周圍都係3張台係我地最先落單，但好多野都最遲黎，途中就不停將本來係我地台4件嘅食物上錯去隔離台，到發現出隔離台嘅餐先又拎返起兩件比我地

好好食， 鮮蝦腐皮卷粒粒蝦新鮮，排骨好林好好味，燒賣大大粒好好味， 蝦餃皮薄餡靚，腸粉超滑 每個點心都好好食做得非常不錯哦團購價質素高 坐得舒服冷氣夠兩個人食咗差唔多二十碟

剔點心張紙內容又印得吾清晰，剔完比個呀姐又串眼神態度又衰，之後等左半個鐘，一碟野都未黎，咪問返之前收到我哋張單嗰個阿姐，佢竟然擘大眼講大話話完全冇收過，唔通我哋四個人，有冇剔過點心紙，有冇俾個張紙佢都一齊唔記得咩，佢仲要拗，仲要堅持話冇，我地都建議佢睇cctv。最後我哋嬲到無胃口立即走咗！

點心放題就是狂…佢提供嘅點心款式夠多，有飯有米粉有甜品，不過要食哂至可以加單。遺憾有啲點心未有供應，而且要提早預約，因為座位有限，而且只有禮拜六日至有，不過58蚊團購價加40蚊服務費真係無求…

見團購有盈翠軒二人晚餐有八道菜，於是買來一試。酒樓位於中港城平台，對於我來說地點也很方便 。套餐有蟹肉燕窩羹 有不少燕窩和蟹肉很不錯。之後有花膠北菇扣鵝掌、美極煎虎蝦。至於千島汁煎魚扒， 炸得很鬆脆。芥末牛粒 芥末味略重。帶子蒸飯 配合蒜蓉味 很惹味。最後有每人一件的馬拉糕，水晶桂花糕。團購價來說是很抵食，對於多數二人世界的 我們 有這類套餐，分量少少又可以多試款式，也是很好的選擇。

今年生日阿媽想食中菜所以團購左4位燕窩鵝掌餐，另點芝士龍蝦（約HK$380）。如果唔係團購真係唔知中港城有呢間中菜。一開始入去客都唔多枱，入座率2成，但係知客又唔想開咁多枱，一係俾對住風口位嘅細枱，一係俾廚房口嘅大枱，最後坐左大枱但係D人出出入入坐得好唔舒服。個蟹肉燕窩係OK嘅，份量算大。虎蝦、鵝掌味道一般，沒有驚喜。魚扒太多粉漿，完全冇人有興趣食，D牛柳粒硬到咬唔入，又乾，真係零分。值得一讚嘅係帶子蒸飯，幾乾身，帶子量也多。斑蘭馬拉糕即蒸即食幾軟，又唔太甜，有驚喜。龍蝦麵呢，芝士味不濃，合格，但是媽媽就不太喜歡了。團購價係$498，另加服務費茶介$152，埋單都千蚊。另外，間餐廳上菜次序亂晒，一黎到就上左芝士龍蝦麵，仲快過上燕窩羹，都食到滯左咁仲點試其他野呢？團購勿試。

這間酒樓的所有食物都尚算ok，最大問題就係服務員嘅服務態度，每次服務員送上食物都係放埋一邊跟住走咗去，完全好似係大排檔食野，食物方面，乳鴿炸得略為乾身， 美極煎虎蝦味道適中唔太咸， 北菇花膠鵝掌，果片花膠就很細小，差啲看不到有花膠，鵝掌炆得上算淋入味，芥末和牛粒，牛肉煮得過火老左啲，蒜蓉帶子蒸飯味道出色，飯軟硬適中，班蘭蛋糕都好好味，總括，服務員啲服務不能接受！

網上見到呢個團購百幾蚊係尖沙咀有中花膠食食，同朋友又夾到時間便去一試一開始上既湯羹冇咩特別。百花釀蟹蓋配了小許醬汁味道幾配合。雜菌釀竹笙配了帶甜的南瓜汁，味道清新。燒牛肉時間煮得啱啱好，肉質軟淋，配上醬汁十分野味 花膠湯浸白菜，有好多，骨膠原(同團購圖一樣，冇張貨就價),不過湯底有少少過咸。炒飯味道亦，不錯，食完碟底冇咩油斑蘭馬拉糕上枱時都有煙架，囗感鬆軟微甜，有微微既斑蘭香氣(不過我都係鍾意傳統 既馬拉糕多d)成餐都冇人催我地交枱團購價係超級扺。

友人又找來了以8道菜花膠盛宴作賣點的團購餐, 星期六晚上去試了. 地點在中港城上的辦公室平台, 雖我未曾去過但亦不算難找. 環境清幽, 加上坐下來時客人不多, 吃得很舒服.八道菜如下花膠麒麟蒸班球, 味道算清配上露筍,小花膠及冬茹, 清新之選! 竹笙雞皇翅, 味道較濃, 很合我胃口 百花炸釀鮮冬菇, 這個吃下感覺輕型, 不怕炸的口味 日式芥香和牛粒, 野味得很, 味道較咸, 如送白飯才剛好. 竹笙魚湯浸時蔬, 看上去以為會淡而無味, 實際是夠味亦帶有點點鮮的. 原籠蒜香帶子蒸飯, 此飯又是要大口大口的吃, 推介! 杞子桂花糕, 造型有點樣一柱擎天, 吃落甜度不高, 如多些桂花更好. 班蘭馬拉糕, 吃不到班蘭味, 不過亦不失為好吃的馬拉糕 這餐以約百多元一位埋單, 非常抵食.