盛記粥麵

營業中

休息中

喺旺角同朋友鋸完扒，突然間好想食粥，經過見到一間新開叫盛記粥麵，門面光鮮，新開期間仲送熱薏米水一杯，見佢推介嘅係艇仔粥，出邊有個餐牌有套餐，惠顧正價粥品，可以以優惠價加小食、腸粉、或者油菜。於是入去試吓先，坐低就叫咗佢個套餐，要咗碗艇仔粥，加一個炸兩；另外見佢個南乳雞翼賣相甚佳，就叫多一份°佢嚟咗一杯送嘅熱薏米水先，入口味甜有少少薑味，足料薏米又淋又入味，再嚟佢個招牌艇仔粥，配料有魷魚豬皮，花膠，花生，魚片，海蜇，瘦肉同，生菜絲，好足料粥底亦夠面夠味。再嚟過炸兩腸粉皮夠滑，油炸鬼亦夠脆，口感甚佳°最後南乳雞翼，咬開好有肉汁，夠晒入味，外脆內軟，甚為驚喜😌

旺角最近開了一間新的粥麵店， 營業至凌晨12點， 而且食物出品的質素很高。😋😋盛記艇仔粥艇仔粥為廣東傳統的粥品，配料豐富，一次過滿足多個願望， 鮮味的湯底加上綿滑的粥， 十分美味。鳳城水餃麵水餃皮薄餡多， 鮮蝦和豬肉味道十分配合。 湯底是大地魚湯底，十分鮮甜可口， 麵質也相當彈牙。 成碗麵的水準很高。蒜香南乳雞翼拼炸鯪魚球雞翼經過南乳醃製，表皮微脆，肉質鮮嫩多汁，咬一口時，南乳加蒜蓉的香氣立刻在口中散開。炸鯪魚球，外脆內嫩，魚球的口感彈牙，裡面充滿了新鮮魚肉的鮮味。搭配的蜆蚧醬汁讓整體味道更加多層次，輕微的辣味和酸味平衡了魚球的油膩感，讓人不會感到油膩。新開張還送熱薏米水乙杯， 優惠至9月30日。🎉🎉

朋友喜歡食粥今日去左旺角花園街鴻威大廈地下有間試業中的粥麵店盛記粥麵優惠套餐正價一份粥／麵／飯／腸粉可以用優惠價配油菜，腸粉，小食朋友叫蝦球艇仔粥$55有爽口生菜絲醃左味既瘦肉肉絲爽口水魷魚兩至三粒蝦球粥底綿密而且夠晒味唔洗另外加胡椒粉調味炸醬麵$50港式炸醬麵雲吞麵舖必食炸醬撈幼麵是我喜歡的配埋碗有韮黃既湯邊食邊飲夠晒風味炸兩港式粥麵店必有油器被腸粉包住可以加埋豉油，麻醬，甜醬入口仲脆身炸鮮蝦雲吞大大隻蝦脆卜卜必食

每次同老竇撐枱腳，#小秘書 都好鍾意搵啲 #懷舊美食，俾個機會老竇同我話當年🔍 呢日我哋喺 #旺角 睇完醫生，居然俾我發現附近開咗間「盛記粥麵」🤩 相請不如偶遇，我哋又點可以錯過喎🤤因為中午趕住過嚟，我哋連晏晝都未食😅 美食當前，一於一人一個套餐（主食、小食+飲品）吃到飽🤤 嚟得 #盛記 幫襯，梗係要整返碗我至愛嘅 #湯雲吞 同 #炸鯪魚球 啦🤤 而老竇叫揀咗馳名嘅 #及第粥 同 #叉燒腸粉。湯雲吞師傅用咗 #大地魚 熬製湯底，bite-sized嘅 #手工雲吞，包住爽口嘅 #鮮蝦仁，一啖一口，好香口、充滿港式風味🤤炸鯪魚球大大粒嘅 #鮮炸鯪魚球，鯪魚肉好彈牙，夾埋啲 #蜆芥 一齊食，零舍惹味🤤及第粥熱辣辣嘅及第粥送到面前，粥底軟綿🤤 新鮮嘅 #豬什 配埋 #手製肉丸，材料非常豐富，連老竇都食到舔舔脷呀🤤叉燒腸粉#腸粉皮 做得好滑，夾埋 #叉燒 同 #甜豉油做 做調味，簡直係絕配🤤老竇最後再嚟一杯 #熱啡 醒醒神☕️ 雖然只係簡簡單單嘅一餐，不過勝在風味十足，正呀喂😚📍 盛記粥麵 (旺角) 花園街3-5號鴻威大廈地下11號舖