盤浦

營業中

休息中

聽朋友介紹喺炮台山地鐵站附近嘅呢一間韓式食店 - 盤浦 😲😲 有 $99 任食烤豬腩肉 !! 聽到咁抵即刻嚟試吓 !!除咗好抵嘅 $99 任食豬腩肉之外 , 牛肋肉都係 $99 一份 ~ 其他菜式價錢都好實惠 😌😌 一坐低店員就送上各款韓式前菜 , 調味啱啱好 , 芽菜麻油味好香 ~ 食豬腩肉一定要整生菜包啦 !! 每一台加 $38 就可以任食生菜 😏😏好抵呀 !! 出邊真係食唔到呢個價錢囉 !! 店員首先送上一大盤豬腩肉 ! 一層肥膏 , 一層肉 , 層次分明 ❤️ 食落去冇豬臭味 ❤️ 肉質唔錯 , 性價比超高 !!韓式辣湯麵 ($88)我哋仲嗌咗 1 個韓式麵食下 ~ 揀左小辣 , 嚟到個湯底好紅卜卜😆😆但食落唔會好辣 ~ 第 1 次食呢款麵 , 有好多海鮮 , 魷魚 , 青口同蝦 , 仲有好多菇 , 青瓜 , 翠玉瓜 , 木耳 , 令到個湯充滿鮮甜味 😋😋麵同樣有驚喜 !! 有啲似幼烏冬 , 十分煙靭彈牙 , 口感好好 !! 好好食啊個麵 !! 食完好舒服 😍😍 好暖胃 ! 韓國提子汁 / 韓國梨汁 ($20) / 韓國啤酒 ($38)整體嚟講 , 呢個價錢真係冇得輸囉 !! 2

位於北角蜆殼街< 𝐁𝐚𝐧𝐩𝐨 𝐁𝐁𝐐 >, 一間韓式燒肉店, 由韓國人主理, 裝潢以簡約工業風為主。ᴘᴏʀᴋ ʙᴇʟʟʏ $⁹⁹ / ᴘᴘʟ任食豬五花肉, 選了以下兩款肉類。ʀɪʙ ꜰɪɴɢᴇʀ牛肋條的油花含量適中, 肉質鮮嫩多汁。ʙᴇᴇꜰ ʟᴏɪɴ醬醃牛五花肉, 帶有口感。ᴠᴇɢᴇᴛᴀʙʟᴇ ᴡʀᴀᴘ ⁽⁺$³⁸⁾將燒肉配以生菜更好吃。ᴊᴀᴘᴄʜᴀᴇ $¹²⁸炒粉絲軟硬度適中, 很有鑊氣。ᴄᴏʟᴅ ʙᴜᴄᴋᴡʜᴇᴀᴛ ɴᴏᴏᴅʟᴇ $¹¹⁸水冷麵清爽開胃, 冰鎮解膩。ᴋᴏʀᴇᴀɴ ɢʀᴀᴘᴇ ᴊᴜɪᴄᴇ $²⁰韓國提子汁ꜱᴡᴇᴇᴛ ʀɪᴄᴇ ᴅʀɪɴᴋ $²⁰甜米露ᴋᴏʀᴇᴀɴ ᴘᴇᴀʀ ᴊᴜɪᴄᴇ $²⁰韓國雪梨汁盤浦 (北角)📍北角蜆殼街18號嘉昌商業中心地舖

熱愛韓國嘅我今次就試哩間由韓國人親自主理嘅燒肉店🥩 老闆雖然係韓國人，但可以英文溝通，間中仲會講少少中文💪🏻 一坐低，老闆就熱情介紹有咩特色食物同優惠👍🏻餐廳喺炮台山同天后之間，兩邊行都唔係好遠。環境好光猛，可以睇清楚啲肉燒得如何😂 而且乾淨企理，員工做野都好快手💨前菜五小碟有泡菜、醃青瓜、大豆芽、薯仔粒、洋蔥，味道正宗，夠哂開胃。👑牛肋條 $99今期減價優惠係牛肋條，睇落好似唔算好大碟，但食食吓發現都唔少🤭 肉質嫩滑唔會韌，味道唔會太淡太鹹，醃得剛剛好，食落牛味香濃，加上醬汁帶點甜甜地，老闆果然好推介👍🏻✨五花肉 $148五花肉肥瘦適中，豬肉同油脂分佈剛好，厚薄都啱啱好。老闆幫手燒肉，同時會教我地點樣燒得靚又好味🤤 食落唔會韌，下層仲有啲焦香，肉質腍軟。而家仲有優惠可以$99任食90分鐘，食肉獸一定唔可以錯過🤣 生菜只需要加$38就同樣可以任食😍 ✨牛舌 $168厚薄適中，咬落爽口彈牙，質感軟嫩可口😋 去食燒肉，我必定會叫牛舌👏🏻🔍整體感覺：餐廳座位有少少逼，但環境同乾淨程度都理想。老闆同員工態度都友善好客。食材同味道都新鮮好味，值得推介同再食，單點價錢都唔係好貴，任食就更加物超所值

同閏蜜琴晚食完泰菜 今晚就去咗天后嘅盤浦食韓國嘢除咗飯麵之外 仲有得韓燒而家做緊promo 99蚊任食五花腩除咗香港人嚟幫襯 仲吸引咗外國人一齊燒肉但我哋唔食得多 所以今次叫咗3樣嘢食🐮牛肋條 叫咗2 sets 份量係一大碟2個女仔嚟講都有啲多 啱晒一班食肉獸呀肉質幾腍 唔會燒到韌晒店員好貼心 見張錫紙燒到燶燶哋會即刻幫我哋換過張另外仲叫咗份生菜包肉食🌶辣炒年糕除咗年糕 仲有麵 蛋 魚糕好豐富辣度我同閏蜜都接受到 炒得好惹味🍜冷麵大大碗落埋醋食 yummy閏蜜表示：聖誕風Kpop超洗腦 邊un邊燒

我哋今次嚟到天后嘅Banpo，試吓佢哋嘅嘢食，唔單止試咗佢哋嘅招牌菜式拌冷麵同泡菜煎餅，仲試埋新推出嘅$99蚊任食五花腩！ 拌冷麵 🍜首先要講嘅梗係呢個透心涼嘅拌冷麵啦！經典韓式冷麵，以辣醬同各種配料拌勻，真係清爽開胃！一上枱就見到啲麵條白雪雪咁，仲有好多唔同嘅配料、雪梨片、蛋等，賣相真係一流！撈埋個特製辣醬，酸酸辣辣咁，非常醒胃！夏天食就最啱喇！😋泡菜煎餅 🥞跟住就到泡菜煎餅出場！呢個煎餅真係煎得啱啱好，外脆內軟，啲泡菜又夠晒惹味！點少少秘製醬汁，真係一流！🤤 份量都幾大份，啱晒同朋友share！$99任食五花腩 🥓重頭戲嚟喇！就係呢個$99蚊任食五花腩！嘩，真係抵到爛！啲五花腩肥瘦均勻，燒完之後外脆內嫩，肉汁豐富！😍 ，不過生菜就要另外加錢㗎喇！ 90分鐘任食，真係食到你飽到上心口！

這家位於北角蜆殼街的韓式烤肉店已經營業一年多了，每次路過都能看到許多oppa在享受燒肉，真的很有韓國的氛圍。我最喜歡的是韓國老闆的熱情好客，每次光顧時，都會主動幫我們烤肉，讓人感受到賓至如歸的溫暖。**無限量五花肉 $99/pp** 人均只需$100，就能享用到飽的五花肉，性價比超高！**豬腩肉**的肉質鮮嫩，肥瘦相間，帶有適量的脂肪，燒至微焦散發香氣，入口油香四溢，皮脆肉滑，讓人回味無窮。搭配幾款韓式小食和生菜一起吃，清新又解膩，真是肉食愛好者的最愛！**冷麵 $118** 冷麵有兩種選擇，辣味和不辣，我點了一份特辣的冷麵。雖然紅色辣椒醬看起來有點嚇人，但味道卻恰到好處。除了冰鎮的麵條，裡面還有梨和醃青瓜，麵條彈牙，味道調配得非常完美，辣甜酸爽，清爽開胃。**蔥煎餅 $138** 從小就聽媽媽說“吃蔥聰明”，因此我對蔥餅情有獨鍾。這款蔥煎餅超級多蔥，還加入了蝦和魷魚粒，香氣四溢，微微脆口感豐富，讓人飽足感十足。

女女中意聽kpop🎵🎶，最近亦愛上韓國菜，帶她來炮台山banpo食晚飯，佈置勁有韓國氣氛，老闆同廚房員工都係韓國人，味道正宗。🥢有5款前菜，可以refill，今晚有芽菜，青瓜，泡菜，蘿蔔，洋蔥。炆牛肋骨 $198冬天要食呢d暖笠笠的，牛肋好入味，女女都話好食。🥟餃子年糕湯 $128好大一碗，有3粒豬肉餃子及3粒泡菜餃子，年糕煙煙韌韌。🍾清河星光氣泡酒 $88白葡萄酒結合氣泡水，口感清爽。🍇韓國提子汁 $20提子味道幾天然。🥩見到餐廳仲有99蚊位任食豬五花肉，下次約埋大食王朋友來食先。

位於蜆殼街嘅🇰🇷韓式餐廳🌟盤浦🌟，推出咗一個勁爆嘅優惠💥，每位只需$99就可以🔥無限韓燒豬腩肉🐖，簡直係食肉獸嘅天堂🤪！💥Unlimited Pork Belly $99/位（兩位起）無限任添之餘，老闆仲會落場幫客人燒製，真係快靚正！豬腩肉甘香美味，配搭各式醬料、蒜片、韓式前菜等，變化出無窮嘅滋味，爽！🥬Unlimited Vegetable Wrap $38/枱每枱加多$38就有無限生菜，包肉食無咁易膩，戰鬥力同埋持久力大幅提升！🍖牛骨湯 $138牛骨湯清潤可口，內含大量巨型嘅牛肋骨連肉，軟淋兼入晒味，仲跟多碗白飯，正！🍺Cass Beer $38｜Coke $20係食韓燒嘅良伴！

喺呢間韓式燒肉店，彷彿能即刻飛去韓國。由韓國人主理，四周都係韓國食客，賦予地道嘅感覺餐廳裝潢簡約帶工業風，菜單上有各種選擇，包括韓燒、拌飯同湯品⭐️前菜五小碟小食非常正宗，有泡菜、酸蘿蔔、大豆芽菜、醃青瓜甘筍同薯仔等，令人食指大動，食完可以再加。⭐️Pork belly (任食) $99/ppl佢哋嘅豬五花肉唔油膩，肉味香濃，外脆內嫩，肉味濃香🤤 燒得卜卜脆好香口✅每位只需$99，無限添食，物超所值⭐️醬醃牛五花肉牛肉醃過，味道香濃多餘嘅油會流入油杯邊，唔會覺得油膩。將肉片包係生菜入面，蘸大醬，簡單又美味⭐️韓式牛肋骨肉質鮮嫩，醬汁香甜，連蘿蔔都完美吸收咗醬汁，好好味，搭配白飯絕佳！湯同白飯一齊食✅ 湯嘅口感濃厚，辣味中帶甜，香氣撲鼻，令人欲罷不能🤭 馬鈴薯充份吸收咗湯底嘅精華，好美味🤤📍盤浦北角蜆殼街18號嘉昌商業中心地舖

🇰🇷韓國人主理！北角Banpo盤浦🌃晚市好熱鬧，韓籍港籍人都捧場，就知有幾受熟客歡迎啦！我都唔執輸要嚟試吓有幾好食！😆五款前菜媽咪最鍾意食🥒醃青瓜！但我覺得🐟魚仔幾特別，脆脆哋帶咸咸哋嘅炸魚味係我最鍾意嘅前菜！😋人蔘雞湯🐔濃濃嘅人蔘雞湯係入冬必叫！韓式先係最正宗！🇰🇷醬醃牛五花肉50% off!! 要叫兩份或以上先有呢個優惠㗎～即係兩份五花肉一碟價錢！ 🤩 睇住佢sizzle好有滿足感～雖然有脂肪部分都多，但同肉嘅比例好平均，燒完啲肥膏part會流走，咁就食完都唔怕肥啦！🥰

位於北角蜆殼街的「盤浦」，係一間韓國過江龍餐廳🇰🇷店內裝修以地道韓風為主，熱播着韓國K-Pop Music餐牌上主要供應燒肉、熱湯、料理、熱鍋等等韓式食物，最近仲做緊每人$99任食五花腩優惠純豆腐湯熱騰騰的韓式豆腐湯，配料有翠玉瓜、蜆肉、雞蛋、洋蔥、金菇、豆腐等等，材料非常豐富！蜆肉好鮮甜，湯底微微辣，佐飯一流蔥煎餅韓式蔥煎餅份量十足，適合多人共享～蔥餅煎得金黃香脆，唔厚粉，勁多蔥，好香口，配埋特製醬汁，正呀醬燒牛五花肉做緊半價的「醬燒牛五花肉」，必須要點兩份起。店員會幫我地燒部份嘅肉，服務周到👍🏻肉質肥瘦適中，燒到大約七成熟就食得，肉味都幾濃郁

發現到位於炮台山，竟然有一間隱世抵食韓國菜！！$99一位竟然食到任食五花腩，大大碟五花腩俾你任食任燒啖啖肉 簡直係抵食之選我最欣賞係佢個泡菜餅都係大大碟，而且好味！！！鍾意食泡菜嘅朋友仔，仲有好多前菜俾你食！！韓國牛肉石頭鍋飯，仲有好多飯焦添 ，非常香口兩個人食咁多嘢，已經好飽最啱大食大胃王黎食！仲有好多韓國飲品！店員老闆都係韓國人，非常親切友善！服務態度好！好多客人都係韓國人添！交通方便喺炮台山站附近！！

喺北角搵到一間超抵食嘅韓國餐廳，見到佢門面$99任食五花肉🈹🈹，即刻約朋友去試！餐廳夠晒地道正宗，由韓國人親手主理，都好受韓國食客嘅歡迎！店內裝修用上傳統韓式大排檔嘅圓枱，最近天氣開始轉涼，一齊圍爐燒肉，飲返兩杯燒酒，當堂暖笠笠☺️～——————————🥓◖無限量五花肉◗ $99 pp人均$100唔使，就可以五花肉食到飽，性價比超高！🤩一碟嘅肉量都唔少，肥瘦相間啱啱好，燒到燶燶地夠晒香，再包埋個生菜一齊食，真係超正！食肉獸至愛！🥘◖泡菜湯◗ $118泡菜湯會跟一碗白飯，加咗啲豆腐去煮湯，味道夠晒酸辣🌶️🍜◖冷麵◗ $118水冷麵味道正宗，湯汁有啲冰碴，食落涼浸浸，麵條煙韌有韌勁，味道調製得啱啱好，微甜酸爽，清爽開胃～🌟Encore指數：8.8/10

放工同朋友食韓國嘢，一入到餐廳就覺得超有置身韓國嘅感覺，即刻開返枝啤感受氣氛🍺本身仲諗緊燒唔燒肉好呢🤔但見到人頭$99就可以任食pork belly🐷抵到爆，見到枱枱都燒到好high，於是我同朋友就決定嚟個韓燒！Unlimited Pork Belly $99/per person————————————任食又質素高嘅豬腩肉！一開始已經比好大盤豬腩肉🐷完全唔會吝嗇呀！一片片豬腩肉厚薄度剛好，每件都肥瘦相間，邪惡又好食😆每份生菜+$38，包埋菜加啲配料，成個配搭更加豐富。店員們都非常貼心，耐心解釋點樣燒豬腩肉係確保熟同好味😋有時會走嚟睇吓我地燒成點同幫手燒，超好體驗🫶🏾Kimchi Pancake $118————————————超大份泡菜煎餅！超足料，好香酸酸辣辣嘅泡菜味，加上蔥同洋蔥就更加香，仲有粒粒海鮮！煎到有少少焦香，好香口。Kimchi Soup with Pork $118————————————又係大大鍋又超足料！有好多泡菜，仲有金菇、豆腐、蔥等等，配個白飯，好暖胃。係度聚會實在太正，下次要再Call friends一齊去燒肉！

昨晚去左北角韓店食燒肉，彷彿瞬間飛到了韓國。這家餐廳由韓國人主理，周圍的食客也大多是韓國人，真是相當地道。餐廳的裝潢簡約而具工業風，菜單上有各種韓燒、拌飯和湯品好多選擇。今期優惠 $99 任食五花腩，好抵。前菜五小碟小食非常正宗，有泡菜、酸蘿蔔、大豆芽菜、醃青瓜甘筍和薯仔等，讓人食指大動，而食完又可以再加。Pork belly五花肉 (任食) $99/ppl韓式五花肉風味十足，半肥瘦厚薄適中，燒至外焦內嫩，油香四溢。多餘的豬油會從盤邊流入油杯，這樣就不會感覺油膩。將肉片包在生菜中，配上大醬，簡單美味。Korean leek pancake蔥煎餅 $138煎餅大份，粉漿適中，裡面有大量的韭菜和香蔥，還夾雜著少量海鮮。雖然煎得還算不錯，但如果能煎得更脆點就更完美。搭配醋汁食，開胃又美味。Ginseng Chicken Soup人蔘雞湯 $188用上整隻雞釀入糯米，慢慢燉煮而成。湯底濃郁，雞肉軟嫩，人蔘味不太濃，但都幾滋補養生。