盧太太上奶湯水

營業中

休息中

有時想飲湯滋潤吓但又未必有時間煲，最好就係買返嚟；只要加熱就可以享用，好方便 🤓 盧太太湯水最緊要係無添加味精及防腐劑，飲得健康又放心🙂▪️沙參肉竹麥冬竹絲雞湯養陰潤燥，理氣補虛；夠滋潤😋 湯味夠濃，真材實料，無味精，好健康！除咗湯仲有其他冷凍產品▪️豬腳薑得閒都要補補身，食吓豬腳薑😗甜醋及薑味都夠濃，好好飲😌 而且好足料，有三舊豬手、三舊薑及一隻蛋🥚 飲完成個人暖哂☺️而且價錢合理，真係幫我慳返好多時間，一買加熱就可以飲～

盧太太幫到你！湯包雪凍送到，唔使擔心變壞～ 成個湯包唔使剪開，成包坐喺熱水一陣就有得飲靚湯，方便又快捷！！唔知有咩湯啊？佢哋社交平台有晒每個月嘅餐單，每日有咩湯飲寫得一清二楚，睇啱先落order盧太太嘅湯水款式好多，唔使驚飲到悶；而且味道好，飲得出好足料❤️ 今晚飲嘅海底椰螺頭百合粟米湯好滋潤，如果有埋湯渣就更加好啦！.日日返工放工，冇時間煲湯就快啲落order啦；非常時期真係要飲多啲湯水補下身!

向來都鍾意飲湯水，但係煲湯真係心機之作，又要買料，又要洗洗切切，重要時間睇火，真係一年先煲得嗰一兩次。平時想飲湯都會買湯包，夠曬方便，唔同連鎖店嘅湯包都試過。最近俾我發現葵涌開咗間新嘅湯水店，款式好多，真材實料。但係葵涌對我嚟講太遠，好彩佢哋有送貨服務，今日就送咗兩包湯包嚟屋企。今日試咗蟲草花螺頭豬展湯，同粉葛赤小豆生扁豆鯪魚湯。豬展湯入口好清甜，飲得出係真材實料，佢有抗衰老，滋陰補腎嘅功效。鯪魚湯飲落清清哋，唔會過鹹，佢有清熱下火，去濕嘅功效，好啱而家嘅天氣。兩個湯包都係急凍嘅，所以我將佢放落煲度，熱水加熱六分鐘就飲得，好方便，平時放喺冰格仲可以放多一兩個月，幾時想飲都得。