真‧章魚無雙

營業中

休息中

黎觀塘一定要黎食哩間章魚燒！每次都唔會令我失望章魚好大粒，仲要比勁多醬，超好食！有時經過聞到好香忍唔住又會買翻盒黎食( ˘ ³˘)不愧佢咁出名，香港高質小食而且平均30幾40蚊一盒其實都好抵食 重點係佢地真係好足料！要繼續做落去去啊！

去日本食章魚燒都搵唔到一間係咁好食🥹哩間真係滿足左我想食章魚燒既心🐙🐙🐙每日都心心念念想食~佢地啲醬出名好食就唔洗講連章魚燒本身都好好食！一啲都唔粉 而且即刻叫即刻食真係好正熱辣辣之餘 個皮都仲脆架之前試過買完拎番公司食 因為有醬淋係上面 所以個皮都已經唔太脆雖然都仲係好好味😚😚😚所以！極度推薦大家真係買完要即刻食！我今次叫左6粒蟹糕 $38一到夜晚就開始多人 要等了不過好野通常都係要等哈哈 最緊要係新鮮出爐！等左大概15分鐘就有啦店員好細心提醒我要小心熱☺️一拎上手個盒都真係有啲熱 而且打開蓋我見到既係滿滿既蟹糕😍😍😍感覺蟹糕比以前濃味左 好！正！推薦！大家如果鐘意再重口味啲 可以食明太子~個醬比較咸不過都好好味架😍

每次經過觀塘都一定會去食既章魚燒🐙夜晚經常都好多人今次難得晏晝經過，見冇乜人就即刻走去買等左5-10分鐘就有😍拎上手已經feel到熱辣辣 店員都好好咁提醒我要小心熱🫡今次叫左8粒蜜糖芥末 ($40)入面至少有2-3粒既章魚🐙好好咬而且木魚每次都比得好多哩個食過幾次都真係番唔到轉頭🥹真係好出色好好食！而且每次食完都好飽haha 所以其實都好抵食下次經過觀塘都一定會再黎幫襯你地~加油啊💪🏻🐙🐙🐙🐙🐙

初初開鋪嚟兩次都無開、第三、四次終於買到但都係好難食、有次重要係凍冰冰到底一早整好曬幾多盤？幾時變咗預制菜架…開左幾年都重係咁嘅質素、同其他分店品質差天共地。不如快啲摺埋啦

職員態度其差, 製作時間極長問了一句還要多久, 職員回 : 大把人等緊, 自己睇下我叫左大阪風章魚燒, 回到公司3-5分鍾左右,已經有軟身既狀態.一咬落去淋PATPAT的, 粉醬有點沒有完全熟透的感覺 完全沒有章魚燒既口感章魚極度難咬, 應該是因為過熟了, 還有完全沒有章魚的鮮味醬汁的味道完全跟旺角跟,葵廣分店相差甚遠.完全吃不出是同一品牌所調配出來.真的很想問一下真。章魚無雙有沒有在做品質控制吃完以後我連其他分店都不想再吃了只係掛住真.章魚無雙既招牌賣垃圾唔講以為係冒充, 真係太誇張了

之前食過一次， 個皮好淋， 好難食，好似整咗好耐咁， 但係旺角嗰間又好好食，所以決定畀多次機會佢但呢兩個月入面，去咗呢間嘢幾次，每次唔係閂咗度閘，就寫住話休息，既然唔開嘅話，不如索性執鬼咗佢啦一係就寫到明邊日休息， 每次行到死死下結果又唔開門

次次去觀塘呢間章魚無雙，真係要撞彩。營業時間你唔知，邊日開，邊日休息，你都唔會知。曾經問過店員，一般逢星期幾休息，店員都覆唔到，叫你個日睇吓open rice喎。當然你喺老闆你鍾意點就點，講真，咁做生意真係趕客

聽講呢間章魚小丸子好好食，夜晚7點幾得幾個人排緊，我就諗住試下，未開口落單店員就話：無哂6粒，得8粒。好啦，我都諗住買8粒嘅，雖然就完全唔明點樣無6粒得8粒。揀左最basic 大阪風口味，等左15分鐘左右啦，我行左個圈返黎見好似有喇，禮貌問一問：係咪有喇。店員目無表情話：自己拎得咖喇。好喇，呢督野，熱辣辣，但稱唔上好食，醬汁調味普通，口味偏淡。章魚應該算幾大粒，但無咩味道的，最深刻就係店員態度亦都一副唔憂做嘅樣子。唔會再幫襯了，味道態度都一般。

星期六下午5點05分買左8粒章魚小丸子，前面得2-3個客等梗，前面嘅單都唔係大order，一人一盒6-8粒小丸子only。買既時間店員有提醒要等15分鐘，結果要5點34分先有。。。店內有2個staffs，我諗係細舖頭既正常人手既情況。平時幫襯開其他分店，有時有好多人買要等好合理，能夠理解。你得幾個客，我唔expect買八粒章魚小丸子要等半個鐘。仲有觀塘店成日遲開早收，試過幾次摸門釘。小丸子味道亦一直都冇其他分店咁好食。之後都係食返其他分店算😑

食咗幾口，決定寫個食評，所以相影得有啲衰星期日兩點幾鐘去到發現門未開，打咗電話去問，對方稱今日開三點。彈性上班時間，真是令人羨慕。兩點九，終於見到有員工開門入鋪準備，三點十五分可以落order，三點半有得食。點咗蟹膏、蔥花、黑松露、芥末四個味。即買即食，有幾粒係半邊暖半邊凍，點做到？章魚都有幾粒係凍嘅，食落都熟嘅，可能真係太趕時間開鋪做生意。味道個人覺得蟹膏最好味，芥末就無咩味最普通。我覺得…無咩事下次都係食番其他分店

食小丸子梗係要去食章魚無雙，呢間舖頭好多人排隊食，小丸子未到非常多，味道亦都大眾化，我自己個人鍾意黑松露，黑松露味道香濃，章魚丸粒粒都覺大粒，即叫即整，熱辣辣超級正

終於食到心心念念左幾日嘅章魚燒啦🤩有成13款口味可以選擇，可以選擇食6或8粒，今次我簡左隻特別d嘅口味～8粒蒜香牛油粟米章魚燒$39🐙🐙買完大約等左5分鐘就有👍每一粒章魚燒上面都舖滿醬汁，食落重有好重蒜味同牛油味，本身唔知呢隻味會唔會好奇怪，估唔到夾落都ok喎，可以一試🤣而且每粒章魚燒入面都有一粒大大嘅章魚粒，肉質彈牙又有鮮味👍

叫咗蟹膏同埋黑松露八粒雙拼$42 ，雙拼再加$2（餐牌冇寫清楚）夜晚7:00都幾多人買，等咗20分鐘，一出就出幾張單，諗住佢係即刻整㗎啦，但係完全唔熱，仲要好細粒，其他分店食過都唔係咁🥹

雙拼口味章魚燒🐙$44💰黑松露章魚燒：1. 黑松露味道濃郁👍🏻2. 菇菌味比蒜味稍為明顯🍄明太子章魚燒1. 明太子的味道強烈，鹹度偏高，沒有腥味2. 餘韻有淡淡辛辣🌶⭐️章魚燒内餡的章魚粒頗大，肉質彈牙有鮮味⭐️🍴真‧章魚無雙（觀塘協和街33號裕民坊YM² 1樓裕民里1B5號舖）其他分店：葵芳葵富路7號葵涌廣場2樓C07B號舖旺角彌敦道688號旺角中心1期2樓SB02號舖西灣河筲箕灣道57-87號太安樓第一街A25A號舖

上個月食過西灣河果間分店 覺得好好食 好足料☺️☺️跟住我念念不忘。。去到觀塘裕民坊果間就即刻買來試 點知去到比完錢唔洗一分鐘就有得拎😰 姐係一早整定左 。。。都深知不妙 質素同西灣河果間完全無得比！！西灣河果間係即叫即整 等左7-8分鐘勁足料勁好食！ 裕民坊呢間係好多粉。。又唔新鮮 所以我去到係無人排隊的😅😅上個月食過西灣河果間分店 覺得好好食 好足料☺️☺️跟住我念念不忘。。去到觀塘裕民坊果間就即刻買來試 點知去到比完錢唔洗一分鐘就有得拎😰 姐係一早整定左 。。。都深知不妙 質素同西灣河果間完全無得比！！西灣河果間係即叫即整 等左7-8分鐘勁足料勁好食！ 裕民坊呢間係好多粉。。又唔新鮮 所以我去到係無人排隊的😅😅