石澳林明園燒烤場BBQ士多

營業中

休息中

一大班同事去完石澳沙灘「返工」後，夜晚包了場BB蕉，費用當然由公司畀。「玩」左成日又濕又支卜，一返到來都有幾盆的咖哩角、春卷同薯條等住我地，好感動! 雖然係買返來的，但小弟一向覺得依D雪藏咖哩角同春卷都幾可口的，而且炸得幾脆，食左好多呢。燒烤物有好多選擇，係要自己出去個冰櫃拎入去燒的，選擇唔少的。個晚食左...雞翼、雞扒、豬扒、豬頸肉、腸仔同埋各式各樣的丸。只可惜冇樣出色，樣樣都醃得不夠入面，最後每樣食物都只係食到搽上去的蜜糖味...。雞扒好林，豬頸肉一D都唔爽，腸仔都係好林唔好食的，而豬扒同雞翼算係較好的，但當然都係唔夠味。丸類方面，印象中只有牛丸較佳，其他又唔爽口又全部一樣味（墨丸、龍蝦丸、燒賣全部都係同一隻甜味...），味道不是太好。一開始用叉燒的，但大家燒到一半已經冇心機攞住枝叉燒了，加了錢加個網，學鬼佬燒野食。老闆同伙計都好落力，有求必應，而且有卡拉OK唱的。成個地方大概有10張枱啦，所以對我地來講都算有好多地方，只可惜食物不好，應該唔會再來。但因為唔係我埋單，又唔知道價錢的關係，還是不要給笑/喊臉了，只係寫食評。

中秋節去石澳,下午游水,夜晚係度BBQ下午先開locker, 比左一半訂,跟住就放低晒D野係locker度,好方便,仲可以租D浮床去玩!!沖身既地方唔多,只有2隔有房,另外近BBQ既位置都有5/6個花灑可供沖身,不過都係要去排更衣室換衫, 都係得2隔!!BBQ限時4個鐘!! 150蚊任食,野飲野食都係出反去士多正門攞既,今日係老闆大特賣所以我地包每人3樣野飲 (罐裝 / 支裝都可, 當然揀支裝啦!)地方唔算太寬敞,入左士多既後園咁樣,有2部TV 一大一小,未必張張枱都睇到.食物方面,大致都係個D, 特別推介既係豬肉類既食物,豬扒,豬頸肉,金沙骨呢3款係好正既!!雞扒, 雞翼都唔差,牛扒就好一般!! 丸類唔會有雪味既感覺!! 麵包有嘉頓蜜糖/生命麵包,自己查牛油既,鐘意查幾多都得次紙成卷,膠袋手套一台一盒!!(可能我地20人佢先比咁多)佢唔係最近海灘個間士多,感覺上無咁多人幫親,個日係沙灘玩,係最近海灘個間買水,5蚊支,行多20步,反來呢間買就4蚊比起個D流星花園呀,白石BBQ佢就差D款少D,但普普通通既呢間都好OK呀!會再來幫襯