影片
港鐵調景嶺站 A1 出口, 步行約4分鐘
繼續閱讀
營業時間
今日營業
07:30 - 22:00
星期一至五
07:30 - 22:00
星期六至日
09:00 - 22:00
公眾假期
09:00 - 22:00
以上資料只供參考, 請與餐廳確認詳情
《石磨樂豆 - 將軍澳》事緣有一日放工，行過地鐵站俾我見到呢一間專賣豆乳嘅小店舖，原本以為只係賣下豆漿，點知睇吓Menu竟然都有賣鹹食吐司，所以一直記住呢一間嘢嘅存在😉前排放lunch嗰陣時唔知食咩好，突然之間醒起不如買吐司同埋甜品返公司食，由我公司行過去地鐵站都只係5分鐘，所以二話不說就衝咗落去睇吓仲有咩選擇😎雖然店舖細細，但係佢賣嘅種類都幾多，有豆乳、豆花甜品、多款不同口味嘅即製吐司同埋仙草甜品等等，睇嚟呢間嘢試幾次都試唔晒佢啲產品💁🏻♀️彩虹芝士吐司 $42作為一個芝士控，對於Grill cheese 真係無辦法抗拒的說，其實入面就係放咗拉絲感極強嘅Mozella cheese 😎不過佢將芝士用咗食用色素變成彩虹嘅顏色，食落都係鹹香味十足，芝士延伸性好強，趁熱食可以做到好長嘅拉絲效果😂味道我覺得唔錯的💁🏻♀️樽裝9%微甜濃豆乳 $18聽講佢嘅豆乳超濃郁，我就買咗嚟即場飲，飲落唔太甜，又好濃郁嘅豆乳喺個口腔徘徊好耐，飲落順喉，不過唔好睇小呢一支豆乳嘅份量，飲完其實都幾飽💁🏻♀️樽裝黑白芝麻豆乳 $28原本諗住食咗一件吐司同埋飲咗一支豆乳驚之後會肚餓，所以我就買多咗支黑白芝麻豆乳諗住下午茶飲，結果個飽肚感太強勁😂所以拎咗返屋企先再飲，相比起原味，我覺得呢個黑白芝麻，反而多咗一陣果仁香，冇嗰支濃豆乳咁濃稠，但係個黑白芝麻嘅香氣徘徊口腔好耐，幾好飲的💁🏻♀️三色芋圓豆腐花 $30我仲買咗個三色芋圓豆腐花返公司食，三色芋圓都不外乎係番薯圓、紫薯圓同芋圓，口感彈牙煙靭，另外個豆腐花用紅糖水浸住，我就覺得相對冇咁滑溜，但係豆腐花吸咗紅糖水嘅味道，可以唔使另外再落糖漿都已經夠晒味，清清地食個凍豆腐做下午茶都唔錯
繼續閱讀
今日心血來潮去屋企附近食個甜品，咁諗住去新野試吓，買左個竽圓豆花，非常失望，個糖水本身溫度非常奇怪，唔凍又唔熱，一邊少少凍，一邊少少暖暖地，擺明就冇溝勻，豆腐花係滑，但係完全冇豆味，食百x 好過啦！芋圓正常啦，成碗嘢啲水太多，好似為咗要裝滿佢咁，成$30，真係冇下次😣，仲以為調景領終於有間可以食下糖水…..本身好少寫食評，除非太好或太差…希望店家睇到之後，可以改善一下，話晒你哋都係主打荳品，豆花唔得真係好失望
繼續閱讀
小編朋友之前介紹左一間喺九龍灣德福廣場嘅過江龍豆乳專門店，話呢間豆乳飲品都唔錯。後來小編有日因為要派手信而去左調景嶺，一出閘就已經見到呢間小店，都幾多人幫襯，所以小編都去排隊。沙爹免治牛肉吐司麵包烘得外層香脆，內層鬆軟。免治牛肉份量都其實幾多，有淡淡嘅沙爹醬味，食落唔會重口。桃膠芋泥小丸子幾推薦👍而且足夠兩個人share。小編認為比豆乳狂人嘅好食，唯一要改善嘅地方係甜度，建議先攪拌左再食。桃膠份量爆多，食到一半都依然有好多。芋泥磨得好滑，入口唔會覺得乾粉（豆乳狂人食完會咳）。小丸子好迷你，煙煙韌韌，同jelly狀態的桃膠一齊食落好有層次感。豆乳味係突出，有淡淡椰奶味道，不會覺得單調。士多啤梨豆乳沙冰呢個配搭係特別，但不雷，呢間的豆乳味真的幾突出香濃。第一啖會淡淡的士多啤梨微酸味，之後就浮現比較濃的豆乳味，感覺豆乳有落鹽，所以最後會覺得味道變返中和。奶蓋黑白豆乳茶呢款豆乳茶入面仲有仙草同布丁，仙草偏硬；布丁奶香味重。紅茶底都幾濃郁，夠香，帶點微澀。豆乳奶蓋很不錯，因為都擔心喺有布丁既情況下，奶味會蓋過整體味道，幸好是豆乳奶蓋，奶蓋比較滑加豆味出。呢一杯味道比較balanced不過飲完會好飽😂石磨樂豆 Jollibean (將軍澳)將軍澳調景嶺景嶺路8號都會駅地下GL-015C號舖#世一豆乳 #豆乳之鬼 #打卡able #相機食先 #職人精神 #JollibeanHK #石磨樂豆 #德福廣場 #都會駅 #手搖 #豆乳 #吐司 #豆腐花 #甜品 #療癒美食 #蛋白質 #dessert #foodie #ComfortFood #GrabAndGo #早餐 #breakfast #將軍澳 #將軍澳美食 #將軍澳探店 #都會駅 #珍奶 #沙冰 #健康 #過江龍#foodie
繼續閱讀
《 🫘 石磨樂豆 𝐉𝐨𝐥𝐥𝐢𝐛𝐞𝐚𝐧📍》———————————————————👀 新開張過江龍人氣豆乳店🫶🏻 多款吐司、甜品、豆乳飲品———————————————————🌟 田園慢煮雞扒吐司【$40】---以為專賣豆乳？原來吐司都咁正🍞外夠脆內夠軟，雞扒又夠嫩滑👍🏻———————————————————🌟 桃膠芋泥小丸子 【$42】---呢個真係主打！芋泥愛好者必點😈餡料足到！夠灑養顏、煙韌、綿滑🤤———————————————————🌟 黑白芝麻奶蓋 500ml【$38】---豆乳飲品絕對係出色！夠滑夠濃😙芝麻香好出，好似飲緊芝麻糊咁🖤———————————————————🌟 樽裝9 ° 微甜濃豆乳 500ml【$18】---呢款原味豆乳就保留更濃郁豆香😋微甜飲落冇咁膩，推薦給怕甜人士🤍———————————————————🔴 總評：9/10---💰 性價比：4.5/5📸 賣相：4/5🏞 環境衛生：3/5👩🏻🍳 服務態度：4/5 ———————————————————
繼續閱讀
-新加坡豆乳品牌 打入香港市場✨主打豆乳 輕食😋想隨時食都得 方便快捷1）沙嗲免治牛肉吐司🥪吐司即叫即整 外皮脆口唔會好硬沙嗲醬偏甜 同港式沙嗲牛肉唔同幾新奇🤤2）粒粒仙草🍧 （黑糖、珍珠、椰乳、芋圓、仙草、小丸子）貪心既小孩全部都要 超多配料😍全部超煙靭 大滿足🤤豆乳底屬微糖 好天然一碗就係要share先得3）豆乳系列即磨咖啡豆乳&微甜濃豆乳個人喜好中意原味 啖啖都飲到豆乳味而咖啡味有啲似港式咖啡 轉左做豆乳下次可以試下其他口味
繼續閱讀