砵仔王 (已結業)

食完腸粉就過對面試下砵仔王啦~點了砵仔糕,黃色,多豆~嗯...第一啖咬落去...味道係幾好,唔太甜..但質地較淋,好糊下...扣分扣分

15/3(日)，因為趕著去朋友婚禮，所以要吃些可以邊行邊吃的東西。路經此地，買個砵仔糕作為午餐的一部份。記得以前吃過一次，感覺不錯的，但今次有點失望，因為質地太焾，不夠結實，紅豆也很少。幸好不算太甜，味道尚可。店中還有其他糕點，下次要試試，希望不會再次令我失望。

難得黎呢頭，一次過買晒幾款點心試。比起人地一件起兩件止的，我頓變成「大客」。砵仔糕 - 一定食黃糖的，好多豆，如果中意多豆的就好開心，d 粉好煙韌。公利蔗汁 - 好鮮甜，但係無防腐劑，所以我無放 fridge 後，第二日就變壞左...唉，未飲完...都要$12/ bottle 嘛蔗汁糕 (由百分百蔗汁做的) - 好鮮甜，出面未食過蔗汁糕，所以覺得味道清新，可以食多幾舊都唔覺肥桂花杞子圖肉糕 - 有 d 似大菜糕，硬 d，不過有桂花香芝麻糕及紅豆糕 - 呢兩樣野對中意芝麻及紅豆既人應該會覺得幾好味，實實在在既味道白糖糕 - 少少酸酸的，無乜特別，同出面食的一樣如果對以上點心無乜要求的，唔洗特登黎，不過經過要試下囉，話晒佢隔離多左好多點心舖，當支持下香港傳統小食

砵仔糕算係一種經典而由心受廣泛歡迎既一種中式懷舊糕點。啡色 – 紅豆份量足夠﹐甜味適中﹐份量亦算大個﹐但質地較淋。見到d人一次過都買唔小﹐下次經過都會買幾個反屋企慢慢食。

九月廿一‧晴次次來也只吃鉢仔糕，是次就試試其他幾款糕點，一次過買了蔗汁糕、芝麻糕及紅豆糕三款來吃。 這裡的糕點是真材實料的，如蔗汁糕說是由百分百蔗汁做的，吃起來又真的是清甜的蔗汁味道，魚膠粉的成份不算很多，對辦；紅豆糕香甜，口感也不錯的；芝麻糕就如吃固體的芝麻糊，也對辦； 除糕點外，當然也買了鉢仔糕來吃。不過就略嫌鉢仔糕口感太糊，不夠實淨，味道可是沒有問題的，豆也夠多，亦煮得腍。 19蚊，已吃得飽飽，絕對是經濟抵食的小吃。

路過附近，砵仔王又排著長龍，見櫃底又有幾十隻「吉砵」，好奇心驅使下，排十分鐘買件糕試下。砵仔是剛運到，還冒著熱氣，$4件，是重量多於質的貨色，靠兩支竹籤頂住，左搖右擺，吃時也要花些功夫，否則一定跌。紅豆粒不少，卻談不上澎湃，無乜味，最慘是頗餬口，最討厭吃粉仔糕，這裡就是如此，貪玩，試過就算，唔會再返轉頭的。諗諗自己行經，有幾分似隔離屋靚仔阿B，乜都要試，三分鐘熱度，試完就算，港人精神。

香港街頭糕點一向都好吸引砵仔糕 芝麻糕 糯米慈都係我最愛今日來到門口好多廣告的砵仔王當然買一個來試試從背後的膠箱拿出來都知道會是熱的!其實熱的砵仔糕都好難唔好食...不過香港熱的砵仔糕真係買少見少!!!咁認真! 俾個=)你啦!

砵仔糕 is one of my favorite street snack since I was a kid. Since I moved to US, I really miss it a lot. Every time I came back to HK, I will always try to find a place to buy 砵仔糕 and 雞蛋仔.Ok, back to the 砵仔糕 here.Pros:1. A lot of beans2. Hot, seems like freshly madeCons:1. Too soft I think. I like it to be more chewy and 爽2. Small.I found out that they have another 懷舊 snack, 糖荵餅, which is worth to try. Not many place you can find in HK selling this nowadays. Worth a try.

$4一隻砵仔糕，兩隻色都要。雖然放在大膠箱內，不過仍是熱的。兩者的味道均適中，並不過甜。紅豆亦不錯，算多又夠腍軟。相比下，白糖的糕較佳，有椰奶的香和滑。那裏還有其他多款糕點，下次會試試紅豆糕及白糖糕。

爸爸買左杏仁餅番黎，緊係試下先啦。不過有丁點失望，見佢印個膠袋寫住「澳門杏仁餅」，以為有番咁上下。食落好似差好遠，冇乜杏仁味，只係多杏仁粒係面，所以應該唔會再食多塊。

再臨砵仔王, 是日只惠顧砵仔糕~比起上次有少少失準, 好輕微的酸味, 口感亦唔夠上次煙韌~不過, 都會繼續食0架~ ^^

估唔到呢度無咩食家留下評語!!今日由銅鑼灣步行至西營盤時經過, 見到砵仔糕同白糖糕, 鬆糕的物體, 又見佢有咁多報章雜誌0既報導, 就試下佢0既砵仔糕啦!!! 同埋鬆糕~!!鬆糕一般, 都試得過0既~!!個砵仔糕真係好驚喜!! 熱呼呼的!! 佢係有個洞位架!! 聽聞有凹位的砵仔糕係靚0野~~??? 個糕有好多紅豆, 煮得腍! 亦唔太甜! 亦有口感!!我會再幫襯佢地0既砵仔糕!!!!

平時經過真係唔係咁多人，是日星期六下奏經過，結果大排長龍。嚟呢度既主要目的係買檸檬王，眼見個個都買件砵仔糕食，就買咗一件試吓。砵仔糕賣四蚊，軟硬適中，唔太甜，食時成口都係紅豆，幾有口感。

之前去開土瓜灣,想去o個間總店買,點知賣晒!敗興而回.今日行行下灣仔,無端端發現佢一間分鎖商,真係神奇!即刻買番個砵仔糕,另加一個至愛白糖糕.用米漿造o既砵仔糕,真係有米香架,韌度一般,中間部分有D倒塌,但有勁多紅豆,暖暖地,正!白糖糕唔知邊度出產,但都好鬆化,小小酸,ok.

上個月開始賣埋茶粿,西米糕.茶粿有紅豆,綠豆,眉豆同椰絲四種味道.西米糕有紅豆同椰絲.西米糕幾好.茶粿好糯,痴上手好耐先洗得甩,好少食到咁糯既野.good.不過餡既味道就一般.