碌冧法式越南料理 (已結業)

完完全全既唔掂!!一去到門口, 見到入面只有幾檯客, 有4個waiter, 但係竟然可以個個都直行直過, 由得我企係門口成7-8分鐘先有人行過黎帶位。開始食, 點知唉........真係估唔到咁難食:1. 鮮蝦酸湯 - 上檯既時候已經係凍冰冰, 入口.......嘩........同飲醋一樣, 使唔使咁難飲2. 牛肉河份 - 唔知佢係唔係落d香料落得重手左, 好大陣香料味, 又係唔好食2(a). 芒果沙冰 - 唔知佢係唔係倒瀉左d牛肉湯落去, 杯所謂既芒果沙冰(實際係顏料加香精溝水), 竟然有牛肉湯同香茅味~3. 雞 - 比d油浸住左半舊雞, 真係油到飛起4. 串燒 - 又係唔熱既5. 蒜蓉炒菜 - 終於有一樣係正常架啦~~6. 椰汁黑檽米 - 哈哈...真係笑死我, 成舊磚頭咁, 超硬, 打極都唔散, 根本咬唔開, 離普~~7. 牛柳粒 - 好似一碟茶餐廳比人食剩既中式牛柳, 碎濕濕佢d野食真係爛到無人有, 多不勝數, 想挑戰既朋友真係可以去試下~

今次同D朋友去食左唔錯的越南Dinner BUFFET. 一定夠飽因為D凍檬粉好大碗,大家不妨去試下, 要BOOK 位架, 之但係D 服務唔多掂 不過旺角那間係沒有BUFFET

前日食Lunch發現碌冧推出$88 2小時放題 (5-11pm)琴晚就3個人去左試下Book 左6:45pm, 坐到8:30pm7pm前都得幾枱客 7:30pm已經坐左8成人我見食放題同set dinner既約各佔一半...好..越南放題 Choice唔選多 如果為食海鮮 唔suggest呢度如果為食越南/東南亞小食, $88就抵食過沙嗲王 越棧的Drink有珍多冰 紅荳冰 芒果沙冰 凍熱Tea n Coffee CokeSoup有4個 (麻麻 似湯底多d)Salad有燒牛肉生菜 Apple豬頸肉 Potato...小食最出食 Recommend有: 庶蝦 豬肉串燒 豬頸肉 牛油雞翼Main Dish Recommend有:羊扒 魚醬炒野菜湯河和凍檬是full size,有札肉 生牛肉...Dessert有: 千層糕 (coffee flavour) 西米糕 (濃味) 黑糯米 (熱食)7:30pm前 Service超好上菜超快到8pm 已經要等好耐P.S. Tick 1 = 1件/小碟 分量唔誇張$97食放題 我都滿意 食得開心

亂打亂撞竟然入到這個商場，再問多我一次點來都唔識答。這裡有幾間食市，但見「6 冧」門口個妹妹仔幾靚女就入去試吓。我地揀咗2 人套餐，椰青牛肉湯 – 清甜，但係得幾片牛肉春卷 – 好多粉絲，肉就少d炒蝦 – 好香口，個朋友連殼，蝦頭都食埋，當薯片咁食炒什菜 – 真係好什，乜都有d，個蒜蓉炒得幾好金邊粉 – 冇乜味，要點魚露先得，但係好飽，食唔晒千層糕 – 好soft，有好濃既椰香味，但不是太甜，好鐘意，最後打包一盒返屋企俾屋企人食，佢地都話正

兩個人想搵d好野食，見佢裝修靚，價錢貴，於是走入去試下。晚上七點半，成間餐廳得另一檯中年夫婦在吃河粉。看了一輪餐牌，我們點了半價推廣的紅酒牛柳 $64，炸軟殼蟹天使麵 $58，大蝦芒果沙律 $52。未食野先看看餐具，刀叉碟都要抹過先用得，好多水漬，肯定洗完冇抹過。先來了紅酒燴牛柳，噢！跟相片的差很遠…兩片只能叫牛肉，味道收貨但至於很好味，但份量細得可憐。雖然是半價推廣，就連半份牛柳都冇，話咁快食完。買條褲半價都唔會小左隻褲腳啦，擺明搵老襯。跟住上天使麵，個麵同前人講一樣難食，冇味，槳口，難食過自己煮。最後個沙律就幾好喇，唔洗佢煮，但中間就好鬼多生菜絲，我女友就話佢個醬酸。食完急急腳埋單出去第二度食過，好後恢去試食貴野，加一要成 $191。兩個人都唔飽，早知去番將澳廣場加尾餐廳食啦，二人餐好味又抵。絕對唔會再去，連寫意見比佢都費事，冇生意睇佢幾時執粒。到我走時有另一對情侶入座，相信佢又好我咁冇睇到食評就黎。有這個網站真好。

很多時星期六日晏咗起身,會到碌冧食下午茶餐當午餐,皆因有飯有湯河選擇、也頗大碗,還有餐飲送(凍飲不另收費,還有糖漿另上,可自己控制甜度,夠細心)餐碟杯乾淨企理、待應有礼貌、環境寧静,最重要下午茶餐不收加一及有雜誌報紙任睇！我今次order左香芧魚柳飯下午茶餐($28)--->有成六件魚塊,d魚柳滑,脆漿夠薄身魚肉夠厚,有很香香芧味,可惜炸不夠脆身;自己另加了他們自家製的頂級魚露,相當惹味!另外要了份西餅下午茶--->選擇了New york cheese cake + 凍lemon tea,only$25,cheese cake芝士cream夠滑夠濃,水準頗高,加埋嘢飲才$25,咁嘅價去边度揾？唯一美中不足是下午茶餐的款式好耐冇轉,應該不時更新才吸引多d食客啊!

上年做了會員, 張coupon 還沒有用又就快到期, 剛好今天來了將軍澳就用了它. Menu 上的食物好像比旺角少, 客人也不多, 坐一半也沒有, 有個高高地的服務員好有禮貌又nice , 忘了看他叫什麼名. 點了一個set dinner , 有龍蝦和羊扒配薯菜, $98加一, 再另加一個白汁軟殼蟹天使麵和香蒜牛油焗田螺, 後面的兩個不是套餐.Set dinner 那個份量好少, 龍蝦好香口, 羊扒就有些硬, 加了$10 , 換了一杯菠蘿雪飛, 好好味. 天使麵完全沒有味道, 好淡而且又"彰" 口, 麵又粗, 不好吃, 不值得一試. 香蒜牛油焗田螺, 好細隻, 味道也尚可. 如果不是想吃越南菜而吃西餐的話, 可能去其他的西餐廳會比較好.

買左支新壁球拍當然要試試, 訂完場後就來呢度食個午餐香茅豬扒凍檬- 有蒜茸包同湯, 湯中有札肉同蘿蔔, 味道幾清甜. 豬扒凍檬份量大, 豬扒炸得好香但略嫌醃得唔夠入味, 不過最敗筆係竟然唔夠熟, 連骨位仲好紅嫌帶血水呢處最好就係有報紙睇, 如果唔係豬扒未熟笑臉一定走唔甩

某名人講過，Fusion 菜係得個名，實情係兩面不討好之下巧立名目之行為。這間法式越南菜是鴻星集團旗下的，今日lunch 決定試一試味道如何?Fusion? 午餐牌上主要是越南菜，再加上幾款西餐，那有fusion 呢? 最後我點了一個餐，有札肉蛋絲粟米湯，蒜蓉包，主菜是咖哩汁龍利柳炒意粉，同跟餐飲一杯，$45; 我媽點的是札肉湯河及越式春卷餐，一樣係$45。札肉蛋絲粟米湯，幾清，幾多材料，唯一問題係食具上用上四方形的碗，食到底時因為角度問題只有放棄，這是腦筋上的錯誤蒜蓉包，合格咖哩汁龍利柳炒意粉，根本沒有"炒"! 只是先鋪配菜，放上意粉，再加魚柳及配汁，味道可以，但其實整個餐給我的感覺只是一般快餐店水準，貴在不是self service 吧! 但服務也有改進空間，例如我媽的春卷，應同蔬菜一齊上的，但先來的是春卷，之後要我再問先有鮮菜，這是侍仔經驗不足的問題，是可以避免的至於我媽點的札肉湯河，湯底是不錯的，河粉用上越南粉，春卷不夠脆口但多料，菜又新鮮，$45 是可以接受的，但事實上這價錢是五五折的，我在想，如果晚市來這邊食一碗凍檬要用上五六十元，是否值得呢? 見仁見智，相信越南菜會遠比西

大家知道嘛~~呢倒o既午餐好抵食架~~係食四份俾三份錢喎~~好抵食~~結帳都係三十幾蚊咋~~午餐包括餐湯(越式- 扎肉/清雞湯), 蒜蓉法包, 主菜, 餐飲.嗰倒啲香茅雞中翼真係要試吓, 好大隻架~~我自己就成日食"雞翼凍檬" 喇~~還有焗飯, 炒飯等~~個海南雞飯都幾好味架~~大家不防一試喎~~記住: 雞翼凍檬~~好味道~~^ 0 ^

越式四拼, 用一個別緻有四個小盆的木架盛著, 有四款小食分別是炸雞翼/ 春卷/ 粉卷及牛肉蝦片。雞翼–外皮的粉不算厚, 也不算脆, 且多油。春卷–坦白講, 吃不出餡是什麼, 不過覺得勁熱氣。粉卷–薄蓴的粉皮包著一些蝦及菜, 還有一點好像米粉的東西, 沒甚味道。牛肉蝦片–有蝦片上有一些牛肉, 牛肉較硬, 蝦片不夠脆。筍殼魚–選了用蒜蓉筍殼魚, 原來是炸的, 沒有問清楚而有點後悔, 因為覺得很熱氣及很油, 不過好香口是真的, 整條魚上, 魚肉質地也很滑, 下次會試其他口味!!!蝦湯喇沙–選了牛肉蝦湯喇沙, 不過喇沙湯不夠香, 只是辣辣的, 又吃不出湯有蝦味, 不會再吃。我最喜歡吃這裡的生牛肉湯粉(可選檬粉), 待應會在你面前加上上湯, 而且湯很滿, 一定會浸過整碗粉, 我會加上大量的魚露(淺色的那一種), 深色的魚露較咸, 淺色的是酸酸的, 整碗粉是酸酸的, 個人認為很好吃!!價錢方面, 其實看餐牌時不會覺得太貴, 但由於有些食品較細碟, 所以覺得稍貴。服務方面, 有些待應是醒目的, 會自動自覺, 有些不知是笨還是太懶, 叫幾次都叫你等等無下文, 所以睇你好唔好彩。

早幾日去左呢一間食一個普普通通的lunch，估唔都幾好食。我同男朋友淨係叫左喇沙粉同生牛肉湯河，估唔到咁好味，喇沙湯底濃，生牛肉湯底亦不錯，值得推介!

將軍澳中心裡沒幾間似樣的餐廳...所以選了Nuoc mam, 因為餐廳裝修很舒服, 在這裡吃飯很愜意~兩個人點了香芒柚子蝦沙律, presentation幾靚，看得出有心思,柚子及蝦也夠新鮮牛油雞翼則太油...不夠爽...南乳碎炸雞外層夠濃,很惹味!必食之選~~香露豬扒焗飯, 賣相吸引,有很香的蕃茄和椰汁味~

聖誕節正日，想食early dinner而唔想同人迫，　所以六點已到達．原來我都唔係最早到，當中已有一檯食客．大節當前也沒有強迫光顧套餐，太好了．叫了碌冧炒飯，水晶卷拼盤同最好味０既雞絲湯金邊粉．碌冧炒飯　－　普普通通，但有蜆肉係入面就幾得意水晶卷拼盤　－　唔係好好味，唔點魚露就直情係無味雞絲湯金邊粉　－　最正反而係呢個．d粉好有咬口，雞絲全部係雞肶肉由於早(七點已埋單)，環境清靜，可以再去

黎開將軍澳探朋友，未食野。本來想去鴻星飲茶，但太多人等位，隔離有越南餐廳，咪試吓。值得一讚係服務幾好，唔錯，講真我都係一個幾多野問既人，佢地都幾有耐性。我食左生牛肉河、串燒、炒金邊粉.....我想讚生牛肉河，真係響你面前沖滾水，唔似其他地方響入面沖水。佢地有兩款魚露，都幾好味，加左仲好食D，牛肉唔錯，出面D牛肉係打邊爐肥牛，呢次食得出係正料。