碗屋 (已搬遷) 新店位置

不來這裡一排, 它就已經離我們遠去了, 實在太可惜了...午餐的餐牌動輒都150-200, 中環餐廳來講都是十分貴的, 但相對而言, 質素也是上佳, 那就無話可說啦呢個特上刺身盛合, 沙律, 茶碗蒸(即係蛋), 同埋牛肉烏冬的確係超豐富刺身質素比乜乜喜屋更佳, 除左三文魚夠鮮甜味美外, 仲有埋一片海膽, 極豐富又新鮮沙律用既豆腐好靚, 味道極佳又香, 芝麻醬唔係用百佳CHEAP野, 而係真係有芝麻係度既, 而且菜葉本身好細, 水份充足, 沙律黎講都係上佳既牛肉烏冬都唔會太馬虎, 烏冬夠彈牙, 牛肉亦JUICY有肉香, 可以成日黎食LUNCH就好啦...

這裡是十分出色的放題店, 不過價錢很貴,午餐$200左右, 算是頗抵的刺身份量不多, 但非常新鮮, 甜蝦, 油甘魚, 三文魚只有一件, 但非常大件, 而且油脂甘香還帶海鮮的鮮味, 是放題兼製午膳中比較好的店大根煮釀入新鮮蟹肉, 口感鬆軟新鮮, 稔香無多餘的根, 原來蘿蔔也可以這麼好鰻魚飯是出了什麼事嗎?很亂...不過燒汁味道出色, 鰻魚肉鬆軟無骨, 甜香細膩, 也是不錯

朋友從外國回來，話好想食魚生日本嘢喎又可以傾到計，又想坐得舒服啲 所以第一時間就諗起去碗屋，其實自己一直想試好耐 ，今次終於有藉口可以去試喇早兩三日前訂位 都訂到呀 可能得朋友兩個人食 所以比較容易訂到位掛仲有就係 服務態度好好 好滿意

天氣開始熱,日本人話要食鰻魚, 今日就食鰻魚飯! 午餐$188有鰻魚盒飯, 湯,茶碗蒸, 元貝煮茶碗蒸有蛋香，口感軟滑，　good good!湯不是鰻魚肝湯（始終不是在日本鰻魚專門店）而是一般的miso soup, just so so….主角鰻魚差不多舖滿個盒, 正!望落稍為乾身的鰻魚咬下去卻十分juicy！ 鰻魚汁味道稍甜, 撈飯食則剛剛好，perfect match with Japanese Rice!元貝煮有點畫蛇添足, 太油又太多醬, 搞到好Heavy, 係唯一敗筆Overall is still a very good Japanese meal in Central!

今日屋企有人生日，夜晚黎左呢到食一個月前book左位，呢到平日都幾full黎到之後店務員好好，招呼周到前菜免費送左一碟野食，有鮑魚、帶子、蠔任選其一，最後揀左鮑魚叫野食，首先黎刺身三文魚同吞拿都唔錯其後食左爐端燒同埋火鍋和牛、豚肉、鰻魚、羊架、餃子、蝦呢幾樣都唔錯ｄ蝦都好大隻下同埋叫左好耐無飲過既波子汽水整體上黎講都係唔錯！

今年情人節決定在此用餐，因為碗屋是質量的保證，今晚也沒有令我們失望。因為是情人節，所以比較平日是需要預先繳費確保座位，$568/位另加一，另外也只限兩小時放題。我們六時左右到達，順利入座便開始點餐。先來一個刺身拼盤，有齊所有刺身，正！新鮮！之後再encore帶子、三文魚、甜蝦同吞拿魚，都係好新鮮好美味！之後吃了炸軟殼蟹、紫薯年糕(外脆內軟加甜甜地，正！)、鵝肝、薄燒牛肉(又夠腍又juicy)，厚燒牛肉、燒鷄翼（夠咸又脆，正！)。唔少得醬燒銀鱈魚，獨特醬汁，魚肉又滑，係出面食唔到㗎，我當然encore咗啦！仲有蒸蛋，好滑啊！店員服務態度親切，令人食得開心！最後有雪糕點，本來每人一球，我太為食，問店員可否要多一球，佢都送俾我，真係好喇！芝麻味同綠茶味雪糕都好濃好香整體是美味豐富的一餐，很滿足最後仲有禮物送，係香薰，好靚！

今日大除夕早放工想食好 D, 去咗碗屋食放題。雖然價錢 ($568+10%) 比一般放題貴, 但服務、食物質素及環境的確好。入座後每位可以三選一送一客牡丹蝦、鮑魚或薯蓉焗帶子。我選咗牡丹蝦，好新鮮好好味。我食咗 2 round 刺身。每樣都好味而且份量好足。燒雞翼，我覺得乾咗少少。銀鱈魚西京燒好好味但我太心急食唔記得影相。 鵝肝多士，多士好脆。薄燒牛肉，來碗屋一定要食。蔥好香牛肉好 juicy。海膽小手卷。細細件唔太飽肚可以食多 D 其他嘢。今日大除夕餐廳送比每檯的驚喜禮物。大滿足!

同事生日，大家提議去食日本菜興祝，不約而同想到新世界地牢的碗屋餐廳。於是第一時間打電話比餐廳經理幫忙，幸好今日唔多人，還可以預約。自己差不多有幾個月冇去碗屋食午飯了，可能距離公司有點遠。但一想到美味的日本美食就覺得冇所謂了。餐廳開業已經很長時間了，亦相當有名氣。不管是中午或是晚飯都是很旺塲。今日點了一個4人前套餐、份量足夠6位女士食用！前菜有雜錦刺身、沙律。刺身都有五款，其中以帶子最鮮甜，甜蝦都算大隻！油甘魚夠油又帶點彈口、其他雖然然唔係我最愛、但都被ko了！主菜有超過十款菜式以供選擇！主菜同事就點了蕃茄海鮮窩、燒羊扒及西京燒銀雪魚。加上有炒飯和烏冬，雪糕及咖啡，超級滿足！蕃茄海鮮窩是必然之撰、料足份量大好味！大蝦、帶子、三文魚頭及菜都好好味又有營養。西京燒銀雪魚、選用了真正的銀雪魚作食材，魚燒得香噴噴、魚肉又滑溜，入口魚油充斥在口腔內。同事最愛的燒羊扒雖然有小小羶味，但在熱騰騰時食用依然十分好味道。整餐午飯十分滿意，不論是價錢、份量、食物質素及飯腳都是最佳拍檔！

兩年前第一次在中環上班，已有同事推介碗屋，還提醍一定要訂枱。上星期約了獨愛日本菜的朋友吃飯，正好讓我試試大受好評的碗屋。地點很方便，12時半去到已差不多滿座，幸好訂了枱。房內有數張枱，感覺較出面靜，但清楚聽著隔離枱的對話，反而私隱度低。我們最後坐了吧枱，一排的吧枱，感覺更地道。有10來個午市套餐可供選擇。我們點了刺身和壽司定食。很豐富，刺身定食有茶碗蒸，沙律，刺身和烏冬。茶碗蒸的蛋幾滑，蛋味甚濃，但幾乎沒有材料，就只有蛋。雞肉烏冬的雞肉太熟，很嚡，有點硬，而且淡而無味，烏冬還好，幾滑，但不夠彈牙。雖然配菜都一般，但主菜的刺身很不錯，又新鮮又厚切。甜蝦很鮮甜，螺很爽口。三文魚脂肪分佈平均，鮮甜肥美。帶子也非常出色。總算值得一試。壽司定食份量也不少，9件壽司，烏冬和炸雞。我試了鮑魚壽司，也是鮮甜多汁，很彈牙。炸雞看似熱氣，但吃下去又不覺油膩，粉算幾薄，還可以啦。聽過太多人的好評，令期望很高，可能是配菜的關係，整體印象普通。多付一點，可以到穴藏吃到更高質素的午餐。

今日黎到中環碗屋依到同朋友一齊食飯,地方當然係佢約喇,因為佢比較識食。首先佢依到既裝潢都幾唔錯嫁,有和風既味道，感覺睇落有D舊，雖然咁講,但都依然客似雲來,，午市套餐都有差唔多十款比你揀，先黎既依個特上壽司盛合同埋冷茄子,依個唔錯,食落幾清,幾涼快既感覺，味道都唔錯，係幾好既前菜黎嫁。之後就係特上壽司盛,賣相當然好，有壽司同卷物十款，刺身睇落都係一流,色澤夠哂光鮮，食落味道都好鮮甜,。至於主食野菜烏冬,用料就比較清，烏冬夠哂滑身,不過口感就唔夠彈牙。朋友就叫左刺身同牛肉薄燒定食，沙律做前菜同埋麵豉湯。刺身盛合,就有刺身四款，比較厚切，口感食落當然非常滿足。刺身同我食既壽司基本係一樣，用料當然新鮮。鐵板薄燒牛肉。肉質都唔錯,只係硬左少少。牛肉都幾好味，加埋香葱同蒜粒,份量唔多，岩哂我,不過就多油左少少,.整體都唔錯喇。

口碑食評不錯的一間日本餐廳，這兩個月內試了晚市放題及持7折優惠券惠顧午市定食。晚市放題8月下旬星期五，聽聞要預早訂位，否則星期五晚市好易爆滿，早一個月已訂位並要求較安靜位置，準時7點到即有位，位置較靜，且常有侍應經過，不怕被冷待，安排十分流暢。附近坐了一家四口，跟侍應有講有笑，相信是熟客，不過侍應很醒目沒有冷待我們，還推介放題餐單上的食物，因為其非一般放題店的“寫紙仔”，每次只得靠侍應落單，因此必須清楚分量，否則浪費食物。刺身combination: 餐單有數款刺身，侍應為我們寫了一個刺身combination，每樣兩件，可先試少少，好吃的才再落單，上圖是午市定食刺身，當晚的刺身combination分量及款式都比這碟多，比一般放題的刺身更新鮮爽口。海膽小手卷：叫了4份，平日不太嗜海膽，怕鯹味，但當晚的海膽很有海水味，質感挺身，加上手卷比一般細件，多吃幾件也不覺飽肚。鵝肝多士：友人說多士脆，鵝肝嫩滑，比酒店優勝。燒帶子、燒雞翼、燒茄子、薄燒牛肉及牛柳粒：燒物不會過燶，嘗到食物本身原味，牛柳粒剛熟不會有血水，附有少少蒜頭片香口但質感軟腍。炒雜菜：還以為是一般預先炒熟一大鑊之作，驚見上菜仍

很久之前吃過一次，念念不忘的想再吃一次，這次和家人慶祝生日，所以選擇到這裡。(終於可以再吃了! )環境方面: 地方夠大，坐得也舒服，餐桌之間有一定的距離，所以不怕吵，可以很享受地聊天。服務方面: 服務也很好，我們坐在房間裡，侍應生會久不久來加茶或看客人有沒有需要，十分貼心，抵讚!食物質素: 食物方面很多也很好吃!! 食材夠新鮮，款式也很多。想要推介給大家的有很多呢，必食推介是刺身，銀鱈魚。餐牌，款式很多，幾乎每一款也想點來試試。  刺身是很新鮮，絕對是吃完還想再吃! (帶子，甜蝦和北寄貝是encore了三次。)餐廳免費贈送的，每位客人可以在三款裡選擇一款，(大蝦，鮑魚和薯蓉焗帶子)，個人覺得鮑魚最好吃^^這個薄燒牛肉也很好吃!!鹽燒大燒，大大隻，多肉又彈牙~encore encore! 醬燒銀鱈魚，平常去日本餐廳點銀鱈魚都不便宜哦，十分欣賞這裡會有這個菜式，而且很好吃呢! 鵝肝多士。  大家都盛讚這個燒羊扒，說煮的時間剛剛好，肉很嫩，encore了兩次呢~天婦羅大蝦 燒紫芋年糕~好好吃! 飯後會送雪糕作甜品 (我們分別選了豆腐，芝麻，綠茶和柚子)，四隻味道都很好，最喜歡綠茶和

在好友介紹下首次到訪中環碗屋用膳，店內和風裝潢，感覺有點陳舊，但也不阻大量食客光顧，把餐廳坐得滿滿。午市套餐有十多款，人均消費約二百餘元。先來一客特上壽司盛合，小食冷茄子個子小巧，食溫清涼，味道OK，只是核的數量略多。特上壽司盛賣相不俗，有壽司卷物十款，用上的刺身色澤光亮新鮮，味道鮮甜。刺身不論要口感油潤肥美，或是結實彈牙皆有，成品組合富水準。主食野菜烏冬製作用料清清的，烏冬滑身但口感腍了一點。另一份刺身牛肉薄燒定食，沙律前菜及麵豉湯無乜特別。刺身盛合內含刺身四款，以偏厚切法奉上，口感滿足實在。刺身和用在壽司上的一樣，用料新鮮對辦。鐵板薄燒牛肉雖點選五成熟度，但成品還是近乎全熟。肉質雖腍但仍比預期硬了一點點。牛肉肉香中規中矩，薄燒當中的香葱蒜粒份量不多，有欠搶口。另外，不論牛肉薄燒或在旁的燒野菜，剩下的油份頗多，可作改善。吃畢食物可選咖啡茶一杯，奇怪的是只有熱飲供應。一杯熱咖啡咖啡香度不俗，剛度亦算近人，以日本餐廳來說水準已有交待。

今次黎左依到食lunch,朋友一早打黎留左一張枱,因為原來都算好多人黎食,所以佢係做得好好嫁,依到都算係高格調個類先黎左依個刺身先，刺身唔算有太多款式，不過全部都非常非常之新鮮，當然唔係放題咁既質素。比較上值得推介既係依個甜蝦,帶子,同埋我好鍾意既吞拿魚刺身，甜蝦比出面既大隻,同埋非常之鮮甜，帶子都好好食,簡直食到停唔到口，最有驚喜真係依個吞拿魚刺身,真係拍得住拖羅既級數,正呀,少見有得任食呀,真係好正,其他就一般般。其餘既鐵板燒,炸物同埋火鍋等其實都唔錯不錯。全部牛肉都算做得唔錯，依個鐵板牛舌同埋牛柳粒都係推介之作,好味道,之後火鍋既牛肉都好好味,另外既驚喜就係炸芝士年糕，真係超級驚喜,炸得好好,食落又唔太膩,真係好好味嫁。 

今日黎到依到食放題,整體黎講質素都幾高,一開始就有刺身拼盤,都有好多款既刺身 比較食得多既係劍魚腩,三文魚, 甜蝦,同埋希靈魚咁樣,依到既刺身基本上係新鮮到爆炸,基本上一定媲美到出面既質素,仲可能比起酒店個D唔會差,最緊要係依到既刺身款式比較多既, 完全滿足到我依個咁鍾意食刺身既人。依個絕對係我既推介,就係依個燒銀鱈魚,肉質好滑非常之正又會太實,表皮燒到金黃色,夠哂脆口, 加埋少少燒汁係面,皮加埋肉咁食,非常之好食,賣相當然都吸引喇，之後就到鐵板燒蝦,帶子咁樣,個燒蝦真係幾好食既,不過應該係急凍,因為佢真係超爽口, 又夠多汁,不過食落又無咩急凍味,不過帶子唔太夠鮮味,之後就係依個鐵板燒鵝肝- 鵝肝做得好好,外脆內嫩, 入口即溶既感覺,加埋麵包一齊食會好D, 食落無咁膩。