磊

營業中

休息中

去亞博睇演唱會，住番兩晚順便黎番個staycation。Buffet早餐都ok, 有中式有西式，都算多野食揀。仲有人即場煎蛋，熱辣辣。我都知酒店好少提供港式熱奶茶，得英式個程，但係如果有就非常好👍🏻👍🏻夜晚又唔想出東沖食野，附近餐廳唔附，好彩酒店有三間餐廳。最後揀左食磊。自助餐黎講種類都算多。有長腳蟹有龍蝦有刺身，不過就無生蠔。不過張枱唔多夠大，好在餐廳服務員執台執得好快。間酒店都好多外國staff, 佢地都好nice下次睇演唱會可以再試，夠方便

今日帶隻化骨龍去咗航天城11SKIES嘅KidZania試玩。玩完超攰諗住搵地方食野兼坐得舒服d，點知商場入面未有食肆開業，又畀我搵到麗豪航天城酒店入面有間Petra食自助午餐，估唔到超抵食！雖然係4星酒店餐廳，但價錢都好貼地，食物質素有番咁上下。冷盤有蜆，大青口，大海蝦，非常鮮甜。其餘嘅有壽司，沙律吧，幾多選擇；熱盤方便有我最鍾意嘅黑椒牛仔骨。另外我老婆就勁like個燒牛扒。下次有機會黎開亞博睇演唱會，我會再去試埋個dinner buffet。

得閒放假冇嘢做，聽朋友講機場博覽館對面麗豪航天城酒店地下磊餐廳，環境清幽地方寬敞食物唔錯可以試吓，好啦就同我太太和D小朋友一齊過來行吓啦，我坐機場快綫由我住嘅地方去到博覽館只係用咗大約45分鐘左右就到了，都真係幾方便，一入到酒店裏面大堂，第一眼就見到磊餐廳了，因我過來嘅時候已經係2:30左右了，過咗食飯時間，沒太多人，一到門口就有位女侍應帶我入座同上餐牌，並介紹他們的特色菜，原來這裏是美食聚會，有很多不同的美食，例如西餐、印度菜、日本菜、廣東風味、新加坡菜、同港式都有，嘩⋯外面很少餐廳會做到這麼多元化，真的不枉此行了，首先我點了一個凱撒沙律伴卡津香料燒大蝦、烤芝士辣味玉米片伴醬料、滷水豬拼盤、墨西哥辣椒辣肉腸薄餅，首先講吓沙律啲菜都幾新鮮，大蝦又爽口，都幾好食，第二道菜玉米片，個玉米片加咗芝士同埋沙律醬入口都幾好食，最緊要個玉米片仲係脆嘅，唔錯唔錯，第三道菜滷水豬拼盤，原來滷水豬拼盤係包括（豬耳，腩肉，大腸和豬脷），同出面潮州打冷一樣都咁入味，跟住第四道菜係墨西哥辣椒辣肉腸薄餅，呢個辣肉腸薄餅係有少少辣，仲係要薄批入口有少少脆，味道唔錯。

今日天氣好好約咗同事食午餐，同事突然提議去麗豪航天城酒店‘’磊‘’餐廳，第一次到來果然是個好地方，光線充足，空間高而寬敞，坐得好舒適。 肉醬意粉，自製手工意大利粉好彈牙，意粉上掛滿醬汁,意想不到的好味道；跟住海南雞飯：肉質緊而不硬，一陣香香雞肉味，或者就係人人講的雞有雞味吧！ 買單時，原來可以免費入會，還有入會優惠$100可以扣除實在太抵食，總而言之，呢間酒店的食品算不錯的，下次有機會再帶些朋友去試試的

餐廳位置開揚，光線充足，面積非常大，空間感寬濶，枱與枱分隔，距離感也大，私隐度高，傾計也方便。開放式巨型廚房，客人坐得舒服，食得安心。自助餐除左有冰鎮海鮮，龍蝦，夜晚去食仲有一大鍋西班牙海鮮燴飯，有吞拿魚釀甜椒，烤乳豬，燒牛肉，辣汁燴西班牙肉腸，加利西亞式八爪魚，好有西班牙風味。甜品還有廚師即制西班牙油條，六款口味。飲品方面，自助咖啡機，橙汁，最特別是有西班牙生果酒好飲。消費滿200元有一小時免費泊車

今日去咗亞洲博覽館睇show， 喺亞博館行過少少，有一間叫做麗豪航天城嘅酒店，咁襯個show 未開始之前，去食少少野，唔駛睇睇吓肚餓都好。呢間餐廳喺酒店地下嗰層，應該係食多國菜，啲座位都幾闊落，幾好坐，樓底又夠高，夠開揚，我哋叫咗個Lamb Rack同埋Club Sandwich，Lamb Rack有三件，五成熟，好軟嫰，個汁做得好香濃；而Club Sandwich係用酸種麵包，有清清地嘅酸香味，烘到外脆內軟，餡料好足，拎起嚟咬會覺得每啖都好豐富，而入面嘅雞肉就有浸黑松露嘅香氣，同其他高檔餐廳嘅Club Sandwich有啲唔同，兩款食物都有配炸薯角，每條都外面酥脆中間軟糯，有少少調味，唔使落茄汁都好好味，兩個人兩份食物夠晒飽，應該睇完show 都唔會覺得肚餓。我哋仲申請咗做酒店member，即場食完埋單都有discount，如果想喺亞博館附近食嘢，呢間酒店、呢個價錢、呢個質素真係要俾個like 。

落雨冇得出去大嶼山諗住食埋個lunch先出發搵嘢做.簡單落大堂餐廳食過lunch.裝修算新都坐得舒服藍色嘅裝修啱啱好親埋藍藍嘅天氣都多選擇嘅有單點有套餐餐廳好似唔係好夠人咁. 要畀少少耐性. 但整體都算有禮貌.最後單點咗份海南雞.份雞正常發揮啦. 唔會話特別驚艷. 都係雞有雞味咁😂😂. 反而跟餐過個素湯有驚喜. 可能個人口味唔鍾意太濃味太油膩啦, 個鮮味有啲記憶點.最後叫埋個甜品. 落雨miss咗啲行程都叫甜下佢啦

去亞博館睇show，試呢間酒店咖啡廳，店員介紹有早鳥價350蚊/位😵食完啱啱好開場好多野食有西式、日式、中式、印度咖哩、沙律等，最欣賞佢有懷舊雞蛋仔、芝士蛋糕同埋糖果，野食好味店員都好有禮貌，下次叫埋屋企人嚟食。

因為要到亞洲博覽館度參展,所以去左隔離間酒店Regala 既磊,食佢地個午市套餐。佢哋個午市套餐既餐牌上主菜有五個選擇，五個選擇裏面竟然有牛扒，所以決定試試佢！！個套餐分量都夠。牛扒我就叫左五成熟出到黎都幾靚仔，塊牛扒配紅酒汁, 薯條炸得都幾香口都好食。個套餐仲跟咗前菜同甜品仲有生果，li個價錢即場做嘛會員仲有9折優惠，折完先$178。係附近做野黎食飯都ok 既。我過開黎會再幫襯👍🏻👍🏻👍🏻

咁啱今日又有得收早, 同同事興起提議去隔離間新酒店食個lunch, 一直都想試, 由機場搭一個站就到(博覽會站), 超級方便! 成間酒店都好新, 去到無乜idea食乜, 就隨意揀左地下間餐廳食。應該就係平時食buffet嘅地方, 但因為我地係平日去, 所以係叫set lunch, 要weekend先有buffet。我地兩個牛魔王二話不說都揀牛扒餐其實仲有其他款式都好吸引! 出品都算快~賣相好得!D肉好鬼juicy!好夠味~環境好舒服~對住塊大玻璃~唔錯~D同事都好主動幫客人fill水, 服務都周到~整體感覺幾好, 性價比高, 超級推薦會有下次~

The Petra offers a spacious and comfortable setting for their lunch buffet. The staff members are friendly and attentive, ensuring a pleasant dining experience from the moment you walk in. The food selection for the lunch buffet is quite impressive, catering to a variety of taste. The cold cut station and dessert display are particular highlights. The desserts are beautifully presented, tempting you to indulge in a sweet treat after your meal. However, there is room for improvement when it c

今天放假同太太又入嚟睇演唱會，早鳥啲入嚟做鏡粉，先嚟食個午餐先，再次到磊餐廳食自助餐，以為有自助餐食但因為平日冇自助餐供應，本應有點失望，但他們都有提供午市套餐，有五個主菜可供選擇，仲有牛扒食成數剛剛好半生熟，唔會煮到太熟，牛味濃郁，肉汁爆滿，太太食了燒豬頸肉炭燒味香有肉汁，前菜沒有選擇，今天有是日雞蛋薯仔沙律，生果三種及甜品焦糖海鹽朱古力蛋糕，蛋糕有少少甜，勝在環境好.埋單兩位300多元好抵食.

酒店做緊夏季西班牙，午餐晚餐自助餐都係西班牙特色菜，而且晚餐仲係5點半開始，可以唔食下午茶早d食晚飯，除左有冰鎮海鮮，，龍蝦，夜餐去食仲有一大鍋西班牙海鮮燴飯，有吞拿魚釀甜椒球,烤乳豬，燒牛肉，辣汁燴西班牙肉腸，加利西亞式八爪魚，好有西班牙風味，最後甜品唔只有卡塔蓮娜，仲有炸churros，睇住廚師即場炸唔係炸定晒擺係度，炸到好香脆，仲有6款醬汁可以揀，有抹茶，奶茶，阿華田，海鹽焦糖，每款都好有創意特色。

今晚來看演唱會，附近冇嘢食到了酒店食自助餐剛巧做西班牙主題，人流不是太多，不用爭食可能地區關係.海鮮有龍蝦蟹腳👍，魚生普通基本三文魚，吞拿魚，甜蝦，螺片.頭盤有西班牙火腿好味.熱食廚師即場製作好大的西班牙飯😋 ，原隻燒豬，燒牛肉，味道有啲濃.湯有點怪，西班牙蒜頭湯唔係咁啱飲，還有蕃茄凍湯，有點草青味.甜品還有廚師即制西班牙油條，六款口味咖啡味和檸檬味好食，食了六條個頭已經好飽啦.飲品方面，自助咖啡機，橙汁.最特別是有西班牙生果酒好飲.因現場會關係自助餐是開5:30我們食了個半鐘就要趕去看演唱會啦.整體好味的自助餐

今次係一班人去食tea buffet其實都冇預好好食 因為價錢好平 但其實幾ok不過款式唔多冷盤 我覺得薯仔沙律好好食個粟米湯超級好飲，個人10分推介其他炸物一件件果d 就正正常常啦個環境都幾優雅天氣好望出天都幾心曠神怡好多旅行團黎食所以聲音都未免有啲嘈雜