神山麺屋 (創紀之城五期(apm))

營業中

休息中

隔左幾個月先醒起未po呢間拉麵店食評。坐落起觀塘 APM 2 樓既神山面屋，一上電梯就見到。裝潢睇落都有日式風格，有吧枱選擇可以睇住廚房，其他枱空間位置正常，唔算逼我地兩個人 一人叫左一個拉麵加個小食，份量黎講都算OK🍜叉燒醬油拉麵 $85 / 🍜白神山叉燒拉麵 $85 放埋一齊講因為可以寫既都十分之有限，其實兩個拉麵都係正正常常平時都食到既水準，一個豬骨湯一個醬油湯，湯底算係合格，味道正常，面有根據翻湯既濃度提供唔同粗細，叉燒略嫌遜色但係都可以接受，講真商場入面呢個價錢食到個拉麵算系咁，除非追求物超所值，想過下拉麵口癮其實都可以試試 🐙蒜香魷魚鬚 $48味道正常，個人覺得蛋黃醬重手左，如果另上更好

最近同朋友去觀塘行街見好耐無食神山拉麵竟然唔駛排隊所以就入左去食lunch😋🐷神山豚燒叉燒沾汁麵 有兩大塊叉燒 燒得好焦香豚骨湯底好濃郁 麵好掛汁🍜白神山豚肉拉麵 湯底味道香濃薄薄既豚肉片好鮮甜🍚溏心蛋牛肉丼 牛肉柔嫩香濃配搭溫泉蛋嘅流心 食得好滿足🥟神山手造餃子 肉好鮮嫩 好juicy（掛住食唔記得影相😛）希望下次黎食會繼續保持到水準！📍神山拉麵觀塘APM 2樓L2-1b號鋪

呢間拉麵份量真係越食越少味道已經普通我記得沾麵仲要唔好食今次叫咗個辣湯底嘅豚角煮拉麵麵質我係鍾意有咬口但真心唔夠飽豚角我都鍾意湯底就咸咗d同油咗d白神山湯底就比較穩陣

今日一個人係apm唔知食咩好 就上OpenRice睇下有咩好野食 見到呢間咁多人讚好 諗住試吓 點知一試就賴嘢 都未曾試過食一個沾麵個湯底係唔熱既 之後食咗第二啖麵 個湯底已經即時變咗凍嘅 都唔明點解上網啲人講到咁好食 仲要一入嚟個侍應已經叫我試吓個沾麵 佢咁樣講得一定好好食啦 就咁就中咗伏 仲要埋單出邊見到排隊嘅人都話個沾麵一定要試 究竟係咪我平時食嘅沾麵唔正宗？係凍冰冰既湯先係正宗嘅沾麵................

份量足係唯一優點。叫咗兩碗拉麵，一碗黑蒜神山，一碗赤神山整體味道似food court $60一碗嘅水平味道十分鹹，鹹到拿脷，明顯公仔麵味精湯咁樣，完全係日式拉麵令人想飲埋個湯嘅感覺上枱速度的確好快，但快到似煮好曬等人叫咁，落單2分鐘已經上好2碗麵加1個小食。除住坐低時比水同QR code之外無提供服務，但有加一服務費成個晚餐好似用$2xx食咗兩碗貴價出前一丁咁唔明點解坐得滿人，肚餓去食麥當勞可能會開心啲

星期日下午四時左右入座，餐廳冇乜人，企理乾淨。叫咗一碗沾麵，加一之後99蚊。之前一直間中有食開，麵嘅份量感覺係少咗。沾麵有咬口，但麥香味冇乜。沾湯底ok，叉燒未致乾柴但又唔算軟腍，略咸，中規中矩。 如果沾麵嘅份量可以多少少就好啦

在日本,拉麵的價格實在是太誘人了,相比之下,我們在香港吃拉麵的開支就顯得相當昂貴。不過,既然小朋友堅持要吃,我們還是決定來嘗試這家店。我們點了白神山和赤神山叉燒拉麵,以及兩款沾麵 - 豚肉和叉燒,還加點了一份炸雞。拉麵的質感不錯,很有嚼口;湯底也非常濃郁濃香。不過,叉燒肉就稍嫌普通了。相反,豚肉沾麵則出乎意料地好吃 - 醬汁入味之餘也不會過重，肉質不會過淋,也不會過乾，肥瘦比例也拿捏得宜,可謂相當出色。唯一遺憾的是服務。侍應的態度有點匆忙,仿如在快餐店用餐,而且沒有提供椅底儲物箱。不過,食物整體質素尚算可以,算是一次不錯的用餐體驗。

本來想叫個沾麵，但係之前食過一次，沾汁唔多夠熱（佢地話係60度，但我覺得凍啲囉）今次問佢地可唔可以要熱啲既沾汁，佢地又話唔得，咁有佢，叫其他赤湯味ok，但係唔覺辣，同埋夠熱叉燒比我喺旺角一生嗰度食既差，不過都ok既豚角反而好食，又淋又軟又入味👍溏心蛋唔錯，咬落淋而有彈性，流心蛋黃好食麵反而係最差，麵份量係比之前小（感覺上），食哂一碗都唔覺飽，而且啲麵硬得黎痴埋一舊，唔夠散，呢樣唔掂👎👎整體真係一般般，比以前差左，唔係某一樣差，係整體都差左一個級別，比初初開始時差。而加係apm呢頭冇乜拉麵店咋，如果開多2間好食既，我覺得呢間真係生存唔到。

今日黎到apm，想試吓呢間沾麵店🤤叫左一碗神山豚角沾麵😋個湯底好濃厚😋 好肥好正😝 豬肉都好好食🥰個麵好冰爽👍🏻🥶🤤 夏天食arm晒！但一個人黎食就要坐吧枱，同埋就算係商場入面，都有幾隻蚊🥹🥲🥲平日12點幾都唔洗排隊等位🤔 唔知一陣打工仔放飯時段，1點幾洗唔洗呢？記得上次平日夜晚黎，超多人，等左好耐先有位🤣下次可以試吓拉麵款！😋😋價錢連加一要成一百蚊係有d貴嘅🥹😭😭 希望發掘到香港嘅平價沾麵🥶

這間自稱「神山拉麵」的餐廳實在讓人失望。首先,招牌叉燒的質素實在難以入口,硬度遠超自家烹飪的水準。至於另一招牌菜式蟹湯拉麵,軟殼蟹和麵都好難食，而且做法生澀,整個口感非常不協調。更令人不解的是,明明招牌寫著「神山拉麵」,結果卻是麵屋武藏的分店,讓人感到被完全蒙在鼓裡。總的來說,這間餐廳無論食物品質或者誠信經營都有待改善。建議老闆好好審視菜單,提升食材與烹飪技術,同時也要正視店家身份的問題,誠實地告知消費者。只有這樣,才能挽回不滿的食客,為這家店注入新的活力。

之前已經食過幾次神山拉麵🍜真心覺得喺香港嚟講算係唔錯嘅拉麵店🤤今次又嚟覓食就發現佢哋新出咗嗰期間限定嘅特製浪人蟹湯拉麵🦀仲要有原隻軟殼蟹😍必試啦～#特製浪人蟹湯拉麵💰$88單點 ｜ $118套餐（有沙律+熱帶風味特飲）碗拉麵一送上枱已經聞到濃濃嘅蟹湯味🦀超級令人開胃，未食已經忍唔住係咁聞🤣金黃色嘅湯底蟹味濃厚（諗起都已經想再食）一啖湯一啖拉麵咁食真係非常非常幸福！拉麵嘅質地軟硬適中，我自己鍾意偏軟身嘅拉麵，佢係冧得嚟依然保有彈性嘅質感，十分優秀💯至於原隻軟殼蟹一樣十分抵食😍索曬蟹湯嘅味所以食落脆脆又爆湯🤤唯一可以更好嘅就係上菜之前可能軟殼蟹已經浸咗一陣湯，所以望落冧晒，但依然好好味！總括嚟講$88單價有咁嘅質素嘅蟹湯拉麵，我覺得十分好🥹我胃口唔算好大，有時一碗拉麵都未必食得晒，但呢碗我幾乎連火箭菜都清埋🤣經過見到仲有得食嘅話一定要試試佢！就算無🦀湯拉麵，佢哋其他沾麵同拉麵都唔錯㗎～

今天下班後約了朋友在apm吃晚餐，剛好想吃拉麵，於是找到這家餐廳。幸好等了大約10分鐘就入座。坐下後，服務員熱情推薦軟殼蟹拉麵。因此，我們點了神山豚燒叉燒沾醬麵和特製浪人蟹湯拉麵套餐（包括軟殼蟹拉麵、沙拉和一杯飲品），性價比頗高。軟殼蟹拉麵首先送達，味道不錯，軟殼蟹份量足，但遺憾的是蟹殼不夠脆。接著上桌的是叉燒沾麵，沾醬不夠熱，僅是微暖。燒叉燒香氣撲鼻，味道美妙，拉麵的軟硬度也恰到好處。整體來講也不錯。

食物方面：叫咗個期間限定既拉麵餐，軟殼蟹拉麵，$118。湯底都幾香，軟殼蟹幾大隻，而且好脆口，拉麵質地夠硬（非常重要），整體不錯👍🏼😆 加咗溏隻心蛋$10都ok！服務方面：正常環境方面：小小逼，冇位置得放袋性價比方面：同其他拉麵店價錢差不多～備註：可以係話觀塘極少數主打拉麵既食店，希望將來可以有更多高質拉麵店！如果覺得我寫既食評幫到你既話，記得follow，like，同埋share俾你身邊鍾意食好味嘢既朋友😋😆

✨神山豚燒叉燒沾汁麵（$95）沾汁嘅味道好清淡，好似越食越無味咁🫢🫢沾麵較煙韌🍜不過我鍾意個燒叉燒‼️燒得香口，鹹度適中，應該係日式叉燒之中 係好食之一🐽.✨特製浪人蟹湯拉麵（$88）見到好似做緊Promotion 就try try佢🤔呢個嘅湯底冇咁淡味 亦都唔鹹唔辣～有少少蟹味咁囉🦀拉麵帶有少少咬感；軟殼蟹算係大隻 有少少膏食下。.又未至於難食，只係覺得冇咩性價比🥹環境好暗又擠迫 令人好有睡意。同埋除咗上餐同收錢係有服務之外 我覺得服務費係唔應該收🌝🌝

今日同朋友係APM行街, 行完搵餐廳食晚飯, 睇到呢間神山出左新既軟殼蟹拉麵, 有套餐, 加埋沙律同埋野飲, 都係百零蚊, 價錢合理, 同埋我之前都食過佢既沾麵都覺得唔錯, 就入去用膳啦~軟殼蟹拉麵 ~ 軟殼蟹就細細隻, 入面都有啲蟹肉食, 但表面就腍哂差小小, 除左隻軟殼蟹無其餸, 比較單調, 我都係比較喜歡佢既招牌沾麵~套餐沙律正常發輝, 但杯野飲好薑, 唔太岩飲~神山豚角沾汁麵試咗餐廳推介之一豚角沾麵，都keep到同之前食到既一樣味道, 麵係屬於硬身的, 撈埋濃汁, 味道出, 不過個汁唔太熱, 熱多小小會好啲, 原隻流心蛋，蛋味濃郁, 豚肉燒到幾香~加左餃子做小食,  餃子皮薄, 內裡juicy, 唔錯~呢間都開左好多年, 希望佢可以維持到做沾麵既特色~