神

營業中

休息中

鐵板燒啲牛都幾好食但有啲跟及塊鐵板唔多夠熱燒唔哂塊牛，我地喺第一次嚟食而不知要點做，問起有冇餐牌時，有些店員嘅服務態度其差，又講門口有部機響到要比好飯餐錢先好入嚟堂食，到我地比晒錢後入嚟後，某店員就即黑哂面+又講外面部餐機只可以買牛扒+又講部機只可以買外賣，但扒不可買飯，如要買飯到店內食就要另加錢響堂到食。店內有個極細嘅位喺要加$30元就有任攞嘅沙律吧(有：蕃茄仔，粟米粒，多種醬料，野菜，羅宋湯，青檸水+清水)。三人共食兩個安格斯牛及牛柳一件，加錢後食沙拉安格斯牛$148元，牛柳$128元，沙律吧$30元

今次6點鬆d去到門口都開唔排緊隊門口有售票機先買票入去坐低等左一陣好快就上牛排如果人少店員都會幫手送埋上台跟住出面就自助裝飯，湯，野飲湯真係好高質 encore 左兩碗 好濃 入面牛肉好多今次揀哥士牛排已經係好好味78就有咁既質素下次都會繼續幫襯

間中就會突然好想食肉元朗以前諗起肉肉就安娜⋯天奴⋯宜家多左間啦！自助式熱石烤肉，生熟程度自己控制，人人化身燒肉大師！入店前首先要係鋪外的㩒㩒機落單，簡定你想食乜野，總共有4款牛可以簡，有唔同重量180g/400g/400g，我一個女仔食180g已經好足夠。買好之後會有個取餐器，入座之後其實又要起身架啦😂因為呢到屬於半自助式餐廳，設有沙律吧/飯同湯等等，呢幾樣野都係要自己拎既。好鐘意個羅宋湯超濃郁，仲要有牛肉係湯到飯亦有飯素可以自己選擇加唔加，沙律吧我每次都食柚子醋貪佢夠清新好快手就上左塊牛啦，熱辣辣既石板燒到塊牛肉滋滋聲，把靚牛的油脂逼晒出黎。石板非常熱，如果喜歡吃生一點的，要控制住好時間，或者要先張靚牛搬離石板，慢慢燒。安格斯牛 180g $148，個人比較喜歡這款，貪佢厚身啖啖肉，肉味重又嫩口，滿足我食肉獸既慾望～西冷就燒得耐左小小有點柴，燒牛扒時間真係好重要～推薦

呢一晚上去左元朗搵食，老公話呢類扒佢食過好幾次，係幾好食嘅，但我無食過，所以就決定試呢間啦！由於係星期六晚，加上係💛店，人比較多，但我地都決定照排。可能係因為8點幾先去食飯，有d早入座嘅客開始走，所以都比想像中快可以入座。我地分別點左哥士牛扒180g & 300g，點餐後店員會簡單介紹叫我地可以去自助沙律吧拎沙律、飯、飲品等等最欣賞佢有飯素，飯桶我可以無限添加👍🏻👍🏻牛扒因為燒至三成就會上菜，所以我地拎完沙律吧野食，牛扒就到喇，牛扒就算180g都比我想像中大塊另外餐廳都會有溫馨提示教你點燒塊扒。塊扒上黎嘅時候真係得3成熟！慢慢切開燒，邊燒邊食牛扒好juice,就算我地係叫最平嘅果款，都好好食！CP值高！後記：全程其實好忙，一路燒、一路食又要傾計😂間唔中又要出去沙律吧添飯呀、飲品咁不過過程好開心，好滿足！牛扒我地叫左180&300g各一，如果細食嘅2份都叫180g其實都夠，180g配一份飯岩岩好！不過我地大食，各食左2碗飯，叫左一份300g牛扒，就可以有足夠牛肉配埋第二配飯食，如果唔係就要慳住留返小小肉配第二碗飯食😂

其實前後都幫襯左5次，次次食完都好滿足捧住個肚走，所以先上黎寫返篇食後感。食物質素：🌟🌟🌟🌟🌟牛扒：我次次都揀哥士牛扒，食左4次180g ($78)，最後個次揀左300g ($118)，佢會幫你燒3成熟就送餐俾你，你想食幾成熟就自己慢慢燒，最大感受覺得佢求其(可能好講究我唔識)燒3成俾你，舊牛到我手我再點燒都又好味又juicy，我食開5成，燒到外面變色，入面粉紅色就岩岩好，我自己係屋企用心煎都煎唔到呢個效果T_T。因為黎呢度食牛除左俾錢買左個牛之外，佢仲有好多配菜自助形式任你食，包括：1.珍珠飯飯米粒粒煙韌彈牙，都幾似去日本旅行餐廳食個種淨係食白飯都覺得好味既感覺，仲有紫菜芝麻飯素&粟米粒任你加。2. 沙律好欣賞個椰菜絲沙律，我去日本食吉烈豬扒飯某程度上都係因為佢地個超新鮮椰菜沙律配柚子汁，呢間牛扒店竟然都提供到，同埋都幾新鮮爽脆，仲要有埋幾種日式醬汁，當然我一定會揀我最愛既柚子汁，酸酸甜甜超開胃，仲有車厘茄同埋粟米任加。3. 牛肉羅宋湯個湯有好濃既牛肉味，好好飲，因為佢真係好足料，撈到煲湯入面有好多牛肉，有d有成1/4-1/2件牛扒咁大，仲有紅蘿蔔，如果你大食可以撈多d牛黎食，同埋食

客觀黎講，先講環境，確實係地方淺窄，坐得吾夠舒服傾吾到計。但食物方面，呢間店主打用火山石去燒牛排，有吾同價位既牛，暫時只食過$78同$88，味道同texture真係分得出，好吾同，$88好味好多，我覺得抵俾。而家出面食個普通鐵板都一百幾十，呢個仲係百元有找，而且任添白飯飯素，仲有超開胃既牛肉湯(入面超多料)，任refill既柑橘檸檬汁，每次都可以食到飽一飽！

6/5/2020💛💛💛排隊時間可接受店員清枱速度抵讚臨入去之前有店員負責量體溫同教人用點餐機，亦會幫手落外賣order態度好好——————————————————————入去之後上餐速度快，石板夠熱，hold到好耐但注意因熱力問題，要小心油或汁彈到身手機最好唔好放枱，一係用紙巾包住保護下可以自行整到幾成熟都得，都幾好玩價錢亦唔貴，值得一試——————————————————————沙律吧秒refill，抵讚啊，不過希望有更多選擇offer。現時得粟米，小蕃茹，椰菜絲——————————————————————湯方面，任裝仲要超級足料，一樣啦，希望有更多選擇offer。現時得紅湯——————————————————————

朋友介紹呢間石燒牛🥩勝在抵食又高質😍今次揀咗【哥士牛扒 300g】，自己喺門口部機揀完食物/飲品，入去坐低無耐就有得食喇😁🍴300g嘅牛扒好厚身，上枱嗰陣大概只有3成熟，利用石板熱力繼續將佢煎熟🤤個人鍾意7成熟，牛扒肉質有彈性又唔會韌，以呢個價錢嚟講牛味都幾突出😋👍🏻本身對自助區位置都無乜期望，但原來每樣都好有誠意😮沙律有幾款醬汁任揀🥗白飯用咗珍珠米🍚飯素任落唔嬲😍羅宋湯好濃好足料，絕對唔係一般茶記嘅餐湯，飲完仲唔覺口渴🤩💯不過坐坐下開始人多，店內通風好似唔多夠，有幾次覺得煙到好「醃」眼🤪

多謝朋友帶我去，去到見到門口有部自助售賣機，「好似日本咁」好啦，揀咗個安格斯牛180g，仲諗緊揀唔揀埋沙律吧，店員話已經包埋沙津吧🤗沙律吧唔多選擇，但係食材好新鮮，有生菜、車厘茄、粟米，仲有柚子醋、芝麻醬等等嘅sauce仲有個牛肉羅宋湯，好入味，牛肉好淋，我忍唔住飲咗3碗當我哋食緊沙律、飲緊湯果陣，塊扒就上咗黎，本身同緊碗湯搏鬥，朋友叫我唔好辜負眼前塊扒塊扒都好juicy，好好味😋overall，我都覺得好鍾意，下次要再去環境方面，係店面細啲，如果full house都會迫夾啲

一向都唔太鍾意食呢種石燒，可能係因為個人嫌佢比較麻煩，油煙都好大，而且切嗰陣好難控制到個火候同埋好容易會彈油，整到成身都係。但係朋友介紹我食呢間，佢話呢間個質素比較好，咁我就決定平平哋試吓最平嗰個先，$78可以任食佢個自助吧，入邊有沙律，湯，嘢飲（當然係好普通嘅檸檬水同埋水嗰啲啦，飲汽水要加錢），跟住佢一拎上嚟，見到塊扒其實真係都好大塊，係比起其他同類型嘅餐廳係大塊嘅。同一般石燒都係一樣，唔知係因為我控制得唔好定係點，我食到後期就覺得佢表面有一層燶燶哋好韌嘅一片，但係啱啱先易入口其實啲肉好嫩滑嘅，比起其他嘅同類型餐廳，佢嗰啲肉都比較靚，雖然啲牛味都唔係好重，但係以呢個價錢來講真係合格有突，再講講佢提供嘅配料，其實都有好多，例如係黑椒，鹽，仲有Wasabi，一啲嘅燒肉汁，仲有佢個自家製醬汁，佢嘅選擇係比起其他同類型餐廳多嘅，但係我自己今次就冇點佢啲醬，因為食落去啲肉都比較偏向鹹，我朋友佢食咗好多次都話今次係咸咗啲嘅，所以我今次因為唔想太鹹，所以我都淨係點左Wasabi食，其他醬我都冇特登去試過，所以其他醬我都冇特別去評價佢，但係可能因為疫情嘅關係，餐廳個入座率比起前兩個禮拜都高咗，師傅做

辛辛苦苦行完個山又係時候搵啖食啦食肉獸快啲過來懲罰佢———————————————一人一舊石板燒牛肉想要幾成熟自己話事本身只係煎過個面食到尾石板唔夠熱可以翻熱架牛柳勁軟腍又無筋，正至於個西冷可能男友煎得太熟個人食牛排中意medium rare🤤生熟度啱啱好啲牛勁有肉味湯品入面仲有大量牛肉碎幾惹味而且白飯湯品沙律任添 唔洗驚唔飽————————————————⇴ 西冷牛扒400克 $178⇴ 牛柳300克 $118

老實講見社交平台一早宣傳左好耐但一直冇機會去試，咁啱去開元朗，就試咗依一間叫神嘅餐廳系可以食依個石板燒嘅牛❤️😂自己燒嘅感覺真係幾正，同埋佢個湯羅宋湯係勁足料，覺得有啲得意係佢個餐廳會提供飯素俾你落啲飯度等佢更加好味～ 好少餐廳會提供飯素～ 而佢啲牛我就覺得一般，吾系佢講到甘好味！啲牛吾整到好熟都系食落口好銀🙄不過食完一次就算啦

同三個好朋友一齊去元朗捐血，捐血前想食好啲，食飽啲。搵咗呢間食牛扒比想像中好吃多，78元分量啱晒女仔。男仔就比多啲錢叫大塊啲啦！價錢也十分之，還有任食蔬菜、飯和湯。牛扒夠厚，很好味，石頭亦都唔會熱到塊牛熟晒，啱啱有少少血，好juicy。即使唔落鹽、黑椒或者醬汁，都好味😋。唯一美中不足是白飯唔夠熱，比一般在其他地方吃的日本米沒有那麼軟熟。餐桌設計仲要啱晒而家疫情，中間隔開左，口水都比較難噴過對面。餐桌提供搓手液，店員亦都有幫顧客逐個量體溫，要換石板店員亦都非常樂意。中午時分排咗不用10分鐘隊。一定會返去再食😚。希望可以保持水準啦！

難得入黎元朗，梗係即刻搵間良心小店試吓💛第一次試石燒牛，比我想像中好😍有4種牛肉：哥士牛扒（較多筋）、牛柳（較唸）、西冷（正常）、安格斯牛（牛味濃）。今日試左哥士同安格斯😋哥士300g：唔算好難咬，其實爽爽地，唔錯！安格斯 180g : 好味😋呢個價錢黎講好抵，濃味，好滑又多汁✨👍🏻另外仲有任食沙律吧：沙律，湯，飯（今日個湯有少少似牛尾湯，好多料好濃，好味🤟🏻）總括嚟講—抵食好食，有機會會再黎😍

石燒牛扒，近年在香港已經流行，香港好似有幾間不同的店。今日我食呢間「神」位於元朗，亦方便我，小弟住天水圍呢類石燒扒其實食個綽頭，平民鋸扒去到門口，望入去已有不少人，時間係六點都未夠喺部自助機買左票先，我揀左最基本的哥士牛扒，300G，最細份量係150g入紙幣落部機，有錢找的～～～～～～坐低左後，等個咇咇機響，服務員就會攞份扒過黎份量好大架塊石板好熱，唔好亂碰刀叉餐具要出去攞自助吧有白飯、湯同沙律我淨係裝飯，其餘兩樣都冇食裝碗白飯開始切牛喇，一塊一塊，兩面辣一辣，哥士牛扒較有咬口，肉味尚算濃其餘牛嘅選擇還有牛柳、西冷，但貴啲，我覺得食最基本嘅夠哂塊石板會慢慢唔熱，所以要食快啲，我慣左切細舊啲，易入口啲裝第二碗飯了一系列嘅調味，有燒汁、黑胡椒、海鹽、辣椒仔。我淨係落黑胡椒同海鹽