禦皇燒臘茶餐廳

營業中

休息中

呢間係屋邨老人之選佢炒野係唔錯 比起屋邨附近其他餐廳嚟講之前環境勁差又塞渠 近排裝修後叫做好d 政府管理既街市係咁上下 真係唔多乾淨 職員態度愛理不理 叫個餸睇你彩數 無人叫既得你一個叫 等成個鐘都唔會炒到出嚟 催d職員都係叫你等下 唔理係咪堂食定外賣 一定要夾到單先肯炒座位好迫所以呢間只係老人之選 唔會再去幫襯

食物質素差劣員工服務態度惡劣！無乜人光顧下，叫侍應落單都要等勁耐！百無，叫乜都話賣晒，仲要係晚飯時間7、8點依啲鐘數。垃圾！只限堂食，如要外賣，必須要額外出去門口收銀買，非常不便！不吃也罷！

前幾次已經係咁 少呢樣少果樣 我都算啦 今次係第一次嬲到down個app 上離評論真係好差咯啲外賣做到 今次嗌燒肉油雞飯 冇蔥油汁冇介辣 燒肉入面仲要有條頭髮 真係好嘔心！！！之後我打電話叫佢重新送過一份黎 講明要多汁 都仲要送個完全冇汁嘅比我 本身加左鹹蛋嘅 都冇鹹蛋比我 仲講話我拖左咁耐先打電話去叫佢換 大佬邊個講 叫左外賣就一定要即刻食 即刻打開睇 真係好過分 圖一係第一份 圖二第二份

天一商城開左間專賣燒味 諗住好正啦 自己一丁友收工買個鵝雞雙拼飯食 承惠58蚊 返屋企一打開盒飯 D鵝全部都係肥位！冇一件食得 咁樣拎出來賣 叫人點食! 唔會再幫襯！全部都係肥膏！！奉勸大家唔好中伏 未試過嬲到寫差評

去開天水圍打麻雀，打咗成晚，由頭輸到落尾，差唔多成份人工搬曬出嚟，真係我都唔知有咩好講，就係有種恨錯難返嘅感覺，大輸家嘅感覺真係痛苦萬分。食番個下午茶 揚州炒飯$28，加奶茶一杯$3，打打氣先熱奶茶一杯，係正正常常嘅茶餐廳奶茶味道， 茶味唔係好香，但係就有啲苦澀味，可能係落得唔夠奶，又或者個人慘起上嚟就飲乜嘢都係有苦澀味。揚州炒飯，呢碟炒飯有幾隻蝦，但係蝦係冇鮮味嘅，揚州炒飯炒得好濕，唔夠乾身，炒到好似立立雜雜咁唔係好靚，啲飯都仲未炒得勻，鹽落得多過頭，但又唔夠油。見人哋新開張，好人啲，俾ok就算