影片
港鐵尖沙咀/尖東站 N3 出口, 步行約3分鐘
繼續閱讀
電話號碼
52678866
開飯介紹
結合貴州黔菜的酸辣風味，把經典與創新完美融合，帶來別具特色的火鍋體驗。三大招牌菜包括貴州酸湯魚煲、優質牛肉及本地海鮮，是體驗貴州風情與優雅氛圍的最佳選擇。
繼續閱讀
營業時間
今日營業
全日休息
星期一至六
16:00 - 01:00
星期日
全日休息
公眾假期
16:00 - 01:00
公眾假期前夕
16:00 - 01:00
以上資料只供參考, 請與餐廳確認詳情
有關獎賞計劃
最近去咗尖沙咀一間新開嘅火鍋店，真係要同大家分享！超抵嘅二人套餐，$398就搞掂。重點係個湯底，貴州肌里紅酸魚湯，唔係一般嘅酸辣湯，而係用蕃茄同辣椒打碎之後，發酵足足一個月，先至做成嘅！酸味好天然，酸得嚟好夠勁，唔會嗆喉，辣度又啱啱好，唔會過火，飲落去即刻醒胃，真係開胃神器！一飲落肚就覺得好滿足！除咗湯底勁有特色之外，佢哋啲配菜都唔差。一碟吊龍牛肉，切得靚又夠厚，煮完出嚟好嫩滑，配埋手打牛肉丸，有肉汁又彈牙。仲有佢哋嘅招牌脆皮雞，皮脆肉嫩，一試就知係有心機整嘅喜歡食內臟嘅朋友，呢度仲有雞雜，包括雞心、雞腎、提燈同雞潤，肉眼睇得見嘅新鮮，如此配搭在外面並不常見 。配料齊全，食落真係夠豐富。再加埋蔬菜拼盤、高山笋心同油條，火鍋點少得佢哋呀！最後仲有兩罐飲品包埋，兩個人食，份量啱啱好，抵到笑。如果多人一齊黎，佢哋仲有個四人餐，$600 + 1服務費，咁即係人均百幾蚊就食到咁豐富，呢個價錢喺尖沙咀真係少見！—————-𝙒𝙚 𝙤𝙧𝙙𝙚𝙧𝙚𝙙:二人套餐貴州肌里紅酸魚湯（烏江魚）吊龍一碟招牌脆皮雞（一盘）新鮮雞雅（一盘） 雞心雞腎、提燈、雞潤蔬菜拼盘高山笋心油条手打牛肉丸飲品兩罐四人餐更是$600 +1 （人均大概百幾蚊）—————————————————𖠿𖥣 禾璽牛肉海鮮火鍋 (尖沙咀)〒 尖沙咀赫德道17號海信大廈地舖及1樓—————————————————⠀⠀⠀⠀⠀⠀⠀⠀⠀#hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #foodstagram___🥇Follow @eathkgirls#eathkgirls #食港女
繼續閱讀
今日又帶咗媽媽去搵食啦見到呢間新開張嘅火鍋店冬瓜盅湯底好似幾特別 就入咗去試啦呢度啲員工服務態度都好好呀全程食飯都一路會過嚟換碟執枱每次放低材料都會提醒應該淥幾多秒/分鐘咁就唔怕煮過龍啦 感覺好舒服涼拌牛𦟌 呢個汁做前菜唔錯 幾開胃啊牛𦟌都好有口感冬瓜盅湯底好有特色佢整咗個冬瓜係個煲嘅中間淥野嘅時候都會放喺中間淥 因為中間係最滾食到尾聲 餐廳職員會提議幫你整爛冬瓜食埋佢吊龍 牛肉好有驚喜 有牛味 又有口感 但唔係靭 雞雜 雞雜唔錯 乜都有 雞子都有 啲潤仲係黃沙潤添雞件 味道唔錯 但最好用個兜裝住嚟淥因為佢會縮到好細 但都明白係想切薄啲 可以好快就熟羊肉 羊肉都唔錯 羊羶味少少 但又唔會好誇張魚蛋一淥就變到好大粒入面原來係有咖喱汁㗎海鮮拼盤 - 鮑魚 蟶子皇 蜆 魷魚鮑魚會切薄片 都係方便人煮熟啦最好食係花甲 超新鮮 粒粒都好鮮甜 必點蟶子皇都好食 魷魚正常 不過不失蔬菜拼盤如果會食菜嘅人都建議揀拼盤一嚟咩都有二嚟佢嘅份量係好多 絕對夠食配埋冬瓜盅湯底嘅冬瓜同蔬菜就夠晒纖維啦手打椰椰椰奶味重 又唔會太甜柑桔檸檬茶正常酸酸甜甜 相比椰汁 檸檬茶打邊爐用嚟解膩更適合
繼續閱讀
冬瓜盅湯底好吸引！湯底清甜唔會太heavy！啲牛同海鮮又新鮮！啲蝦仲識郁😂😂😂😂雖然係單點形式，但性價比勁高！！一定會返頭再食！好想試埋個蕃茄蟹湯底🥹大推！！💓💓💓
繼續閱讀
最近天氣凍凍地，所以琴晚同成班friend去咗「禾璽牛肉海鮮火鍋」打邊爐，真係食到舔舔脷呀！😋 叫咗個勁正嘅貴州酸湯魚鍋做湯底，酸酸辣辣，好開胃！🌶️🐟🍲 啲魚肉好嫩滑，索晒啲酸湯，真係好惹味！🤤除咗個湯底正之外，啲配料都好高質！我哋叫咗吊龍、高鈣羊肉、同埋脆皮雞。🥩🐑🍗 吊龍牛味香濃，肉質鮮嫩，淥一淥就食得！ 高鈣羊肉冇乜羶味，好鮮甜！ 脆皮雞就更加唔使講，皮脆肉嫩，真係好正！另外，我哋仲叫咗啲雞雜、爆漿咖喱炸蛋、海鮮拼盤、蔬菜拼盤同埋。🥚🍤🥬 雞雜好新鮮，爽口彈牙！ 爆漿咖喱炸蛋一咬開，啲咖喱汁就流晒出嚟，好濃郁嘅咖喱味！🍛🤤 海鮮拼盤有齊晒蝦、鮑魚、蜆等等，好豐富！ 蔬菜拼盤就啱晒鍾意食菜嘅朋友，當中嘅花生芽爽脆可口，好特別！總之，呢餐火鍋真係好滿足！🥳🎉 個個都食到捧住個肚走！🤰🫃 下次要再encore！你哋都快啲去試下啦！咪走雞呀！🐔
繼續閱讀
天氣轉凍，又係時候火鍋取暖，尖沙咀這間火鍋店佔地兩層。冬瓜盅火鍋湯底好吸引。凉拌牛肉片柔軟，配以香辣的調料，洋蔥香菜等，吃上一口，令人精神為之一振。打開味蕾好開始。養生冬瓜盅外觀精美，內裡的湯汁也非常鮮美，具有養生的效果。適合想要清淡飲食，火鍋最後剪開一塊塊更加入味。招牌脆皮雞：輕輕滾15秒便食得，脆皮雞不油膩，好有雞味。相信係餐廳的招牌菜之一。吊龙肉質鮮嫩，有其獨特的香氣，薄薄的切件，放入鍋中滾幾下便食得。高钙羊非常美味，每件羊肉還帶有軟骨，所以口感特別爽口，羊肉味鮮美。海鲜小拼盘包括有花甲、鮑魚和龍𧄌。花甲新鮮無沙又肥美。鮑魚已經切片方便食。龍躉約1 斤大小，切片上，非常美觀又方便滚熟。不需加任何調味料，直接細味。爆醬咖喱炸蛋，魚蛋里面是醬爆咖喱醬，風味獨特。豬肉貢丸彈性十足，肉質鮮香。簡單卻不失美味。蔬菜菌菇拼盤色彩繽紛，食飯材豐富，包括美農水蓮、油麥菜、娃娃菜、生菜、什菇、馬蹄、冬菇、粟子、薯仔等。提供營養豐富的蔬菜纖維。
繼續閱讀