稻成小館 (已結業)

夜晚同朋友一齊去左稻成屯門食晚餐叫左好多個餸慢慢同大家講解下1. 小籠包有4粒一籠 皮唔算薄， 都有湯汁 不過不失2. 擔擔麵湯麵好食 味道夠濃 份量都可以3.雞絲粉皮味道唔太夠 配搭還好 唔太推介4. 紅油抄手汁底就可以 但抄手完全唔好食 5. 賽磅蟹好食！ 份量夠 味道香6.招牌酸菜魚魚唔算多， 味道一般 純粹過口癮7.稻成炒飯好食 炒得飯米分明 夠香 8.高力豆沙好食 紅豆容， 仲有外皮包住好滿足試左好多野食 雖然有啲野食都好出色 但整體而言都係一半半不過不失

如果唔食得辣，稻成酸菜大黃魚($188)應該會係你杯茶。湯底具備「辣」同「麻」嘅味道，但可惜都比較輕身，對於食得辣嘅人嚟講都係唔夠惹味。不過小妹覺得佢嘅魚有少少腥，唔知係咪同佢小辣有關。如果大家想食平啲，佢仲有個酸菜魚片，都係$98，對於對魚冇乜要求嘅人嚟講可以一試。另外嗌咗個蟲草花炒翡翠苗用嚟緩衝吓麻辣，點知原來係冇咁嘅需要，味道為正常發揮。

我突登開openrice account就系為左宣洩對呢餐飯既不滿。我地叫左四季豆同麻婆豆腐，實在好難食😑好似系去campsite飯堂食飯。麻婆豆腐肉碎都無多粒，豆腐鞋sap sap,四季豆得味精既味道，醬汁好似買現成醬料包。。。😓😓

相約了朋友食飯，由於朋友喜歡吃辣的，所以就選擇了稻成一試。我們大約六時到達餐廳，可能時間較早，所以不需等位，店員安排了卡位給我們坐，都很舒適，餐廳環境衛生都不錯。點菜時店員為我們推介了二人套餐，入面有我們想吃的水煮魚，價錢都ok，所以就選了個二人套餐。套餐內有糖醋排骨，味道可以，但排骨就太硬！四季豆味道也ok，不過不失，水煮魚就超正👍，魚很滑，辣度適中，份量也不少。我們休息了一會，先叫店員上甜品，店員有禮及為我們清理好枱面，先上甜品👍高力豆沙很好吃😋豆沙鍋餅就太油。整體表現良好。

服務態度好差，我唔介意落漏單，但係超唔鍾意，當我好聲好氣吹左兩次先話落漏咗單，個男性服務員（好似係經理）仲推卸責任，好寸地話係顧客嘅問題，仲話落單時有問係咪同冰粉一齊上，明明一齊上菜同落漏咗單係兩回事，雖然最後有比discount 我哋，但係真係好唔滿意佢嘅服務態度！從未試過比差評！同行既朋友平時係超好脾氣，都感到好唔舒服及憤怒！🙄😤😡而且本身係餐廳既老顧客，以後都唔會再去，而家除咗服務態度差，啲食物都難食咗！

平日lunch 係屯市中心搵野食好幾間熱門都要排好長隊，轉戰隔離既稻成lunch set 約$68 起另加一我地叫左一個點心set, 一個小炒雞絲粉皮都ok, 青瓜雞絲略嫌少左d, 粉皮係偏幼身而且夠薄，所以都沾到唔少麻醬擔擔麵有寫微辣，但其實完全唔辣始終湯底有麻醬，比較滯口如果有d 辣味會更加好，會中和到少少麵質唔錯，掛到好多汁另一款小炒叫左麻婆豆腐唔記得影豆腐量都幾多，有好輕微既辣溝飯都唔錯，但個汁真係杰身左d...整體人均$80, 都算食飽既但上海菜黎講真係未夠合格

有一段時間都無去屯門，今日探完朋友後一齊到屯門市中心食上海菜，員工服務態度很好，店員會推介餐牌上的食品給我們，有說有笑因為我們在家都食了不少茶點所以不算太肚餓，我們點了四道菜，首先是蟹粉小籠包，外皮算薄，放入口夠熱辣辣，意想不到的多湯汁，既蒸即上，也算大隻，蟹粉更是昇華了它的味道，在湯汁內吃得到王油蟹粉的味道！之後是雪菜肉絲炒年糕，份量非常大碟，味道也不錯，夠熱是其一，炒到不會很油是很重要，它做得到！雪菜與豬肉絲份量不錯，再請店員拿了豆瓣醬，食落更有風味！朋友想食清一點的，點了嫩雞煨麵，用了幼身的上海麵，雞湯很清甜，雞肉爽口麵滑，但美中不足的是雞肉份量不多，菜絲爽口，鳳梨咕嚕肉飯份量幾多，咕嚕肉酸酸甜甜好開胃配菠蘿、洋蔥及三色椒！味道不錯！總括而言我們也很滿意這餐上海菜，會再回頭試其他菜式！

呢間垃圾，員工積極得過分，客人啱啱食野就走埋尼執枱，搞到跌左張紙巾落碟餸度 都算。個水煮魚 等左成個鐘先尼，要整咁耐仲以為好好食，點知食落小小辣都冇，仲腥到食都食唔到，十分差劣！

之前堂食試過，今次外賣自取。酸菜魚2人份量足夠，連魚頭和原條魚骨連魚尾，酸菜惹味，麻酸味濃，湯汁略嫌較少。水煮毛血旺，牛栢葉煮過火，豬紅唔入味，黑木耳和蓮藕味道尚算可以，還好紅薯粉條非常入味。牛栢葉和豬紅份量不多，不太推介！口水雞醬料足，雞肉滑溜，麻香足夠，值得推薦。外賣包裝盒實正，整體味道不錯。建議外賣自取提早預訂，我比預期取菜時間遲了半個小時才有得取。

疫情下服務員唔用手套，掏手收完隔離枱客人食完嘅碗快就隨即開位俾新客人，再用同一隻手幫我拎隻杯倒茶，但由於杯沒有手抦同在枱上放得比較遠，服務員用食指放入我隻杯去摳出啲，我覺得好唔衞生。服務員態度麻麻，後生少少嘅男侍應嘻皮笑臉，推住架餐車好似玩咁

母親節當日決定同媽媽去依間食飯 媽媽吾想去太遠又想食片皮鴨 之前喺度食lunch嗰陣見過依度有就決定左同黎依度食~~ 母親節當日等位既人好多 不過都預左冇book位要等好耐 其實等都冇問題 但等位途中有位女侍應態度吾太好😕安排亦有啲亂 當時問左小小野但佢吾太耐煩咁答 不過都理解嗰日太多人好忙入翻正題講翻食物質素~~片皮鴨~~以佢200都吾洗既價錢我認為不過不失 有小小失望係佢上枱只係微暖 下次就吾會再叫了~菠蘿咕嚕肉~~媽媽中意食咕嚕肉所以一定要叫 佢份量比我想像中大碟 肉既數量都好多 我係好驚食到啲炸到勁乾既咕嚕肉 但佢咬去吾會🤤依個係3樣餸最好食既一樣四季豆~~都係不過不失 同普遍既餐廳冇乜分別下次都係食翻lunch算 以人均二百幾我覺得可以揾過一間再好小小既餐廳~~

一向愛辣的我，滿心期待食呢餐！酸辣湯 > 唔夠酸辣，唔夠濃味小籠包> 夠熱，多汁，皮薄酸辣魚>偏咸！同埋點解無薯粉係底？我睇其他人食都有，我以往食都有口水雞> 色香俱全，但味就好好好咸！！退步左好多！

今日同兩個朋友尼左衣間中菜館食晚餐，衣度係食京川滬菜，有好多選擇，岩晒中意食中菜既朋友，同埋多人share首先係小籠包，個皮唔算薄，但食落好juicy,入面好多湯，既蒸即上，熱辣辣唔錯，而且幾大隻跟住係豬師奶成日食中菜都會叫即宮堡雞丁，唔算多辣椒，辣度剛好，唔太食辣既人都食到，雞肉份量都多，整體味道唔錯朋友揀左松子糖醋魚，汁既份量非常夠，食落唔會乾，個汁酸酸甜甜都幾正，條魚好大條最後係濃湯浸百頁小棠菜，味道okay，不過不失

今天來到稻成小館吃下午茶，星期六還有下午茶餐，但價錢不算十分實惠。點了一碗嫩雞燴麵，麵質沒有拉麵那麼彈牙，但也不至於好像上海麵一樣軟爛，質感ok。湯底濃淡適中，整體味道不錯。配菜的份量十分少，雖然下單時侍應有提醒下午茶份量較少，但少得如此誇張，令人失望。老醋小排骨只有細碎的幾塊，非常甜，不是太好吃。水晶肴肉淡得幾乎沒有任何味道，細品有點淡淡的酸味，不推薦。瓦屋山龍抄手是難得的好吃，抄手竟然有肉汁，幾juicy，調味亦惹味，好食。下午茶沒有配飲品，價錢相對偏貴，配菜質素宜再提升。

今天來到屯門，下午茶時間稻成小館不用等位，又有假日套餐，便進來試試。本來想叫口水雞，但口水雞和醉雞已經賣完，只能叫蔥爆牛肉。單點和套餐的價錢一樣，但套餐配白飯和飲品。蔥爆牛肉份量足，熱辣辣，但味道偏鹹，可能是預計配白飯吃，偏鹹的確比較下飯。牛肉用鬆肉粉醃過，質感一般，蔥給得慷慨，味道可以。凍豆漿不會太甜，但豆味沒有很香濃，味道一般。店員的服務態度不錯，追單也不會黑面，付款時查單也不會不耐煩，語氣殷勤，值得一讚。