稻成 (K11 Musea)

營業中

休息中

呢間餐廳真令人失望。餐牌上嘅選擇少得可憐，主菜得個4、5樣冇乜嘢可以揀。價錢又貴得離譜，完全唔值呢個價錢。食物送上嚟嘅時候已經凍晒，味道更加係差到爆，連我隻狗都唔願意食。主打嘅酸菜魚無咩特別, d 肉超少lor 300蚊一個人都食吾飽, 又無得加白飯。服務態度亦都好差，服務員愛理吾理嘅樣，d茶凍。整體環境亦都唔係幾好。呢次真係我食過最差嘅餐廳體驗，絕對唔會再嚟第二次。大伏。🤮🤮🤮🤮🤮🤮🤮🤮🤮🤮🤮

尋晚星期一6:30入座，因為有人6:45分到，我地7:00再叫主食，喺無人等位嘅情況下，未到7:45走嚟叫我地食快啲同埋單，我地仲有片皮鴨同幾味餸未食哂既情況底下，被再次邀請交枱，喺無人等嘅情況下我地唯有速食，8:00正走埋嚟收茶，4位收1200，我其中一個朋友嬲到話要儘快申請回鄉証，話以後坐15分鐘高鐵返深圳食無咁受氣。其實之後我哋去完洗手間行完商場到8:30都係冇人入座！唔好怪香港人返大陸消費，你地有份令香港人討厭你地！

位於K11 Musea的連鎖中菜餐廳，食物選擇多元化，地點方便，用餐環境舒服，適合一家大細聚會用膳的好選擇。今次試了招牌酸菜鮮鱸魚、黑松露鴨肉炒飯，及黃金蝦球配南瓜蘆筍，三款食物都表現出色。酸菜魚酸味足，魚肉嫩骨，不會有腥臭味。黑松露鴨肉炒飯調味適宜，炒飯乾爽不會過油，而且能夠感受到黑松露的香味。黃金蝦球炸得十分香脆，蝦肉新鮮彈牙，推介！-🔘 招牌酸菜鮮鱸魚 | hkd$268 (例)🔘 黑松露鴨肉炒飯 | hkd$128🔘 黃金蝦球配南瓜蘆筍 | hkd$198-🍽️ 食物 | Food: 4.2/5🌅 環境 | Environment: 4.2/5💆🏻‍♂️ 服務 | Service: 4/5💰 價錢 | Price: 4/5📝 總結 | CP Value: 4.1/5-A foodie documentation of dining experience in restaurants based in Hong Kong 🇭🇰.

我們一行3人先叫左一份例牌酸菜魚， 另外加左 薯粉佢地既薯粉係紫色既， 口感比較煙煙靭韌，魚片非常厚身 新鮮，係我食過既魚片之中最有口感， 咬口滿滿既一間。 每片魚都連有魚皮， 鍾意食魚皮既人會好開心🤓🤰🏻酸菜呀， 我覺得酸度岩岩好，但係個湯唯一唔夠係麻辣既麻痺感唔夠配菜有啲細細粒Bb 蓮藕， 好鎖湯，幾得意。🙂‍↕️再講講個片皮鴨🦆皮脆肉 嫩，肉汁會流出黎！好正！炒花菜呢， 一般般， 比較油， 我只係敢食面頭啲花菜🥦

📍稻成（k11 musea b1層）🐟招牌酸菜鱸魚+紫薯寬粉酸菜和湯底偏酸，紫薯粉很有嚼勁很Q彈，鱸魚吃起來很新鮮和滑嫩。整體來說無功無過，並沒有很突出的部分，分量適中，不算多，配菜種類也較少，價格倒是不便宜😂🐂蔥爆牛肉四個人吃一人四塊肉最多了，但是這個牛肉是好吃的，不老不柴，很嫩倒是說不上。下飯還是很好吃的！🍔稻成小籠包很好吃，皮薄餡大，汁水豐富，調味也很不錯，但是一籠4個68元，性價比很低。🥦熗炒麻辣菜花比較經典的一個川菜，和外邊別無二致，不過調料不會很咸，依舊是非常適合下飯的一款。

呢間係寵物友善餐廳，我見不少主人帶同主子狗狗一齊食酸菜魚，場面溫馨～ 點了酸菜魚-例、小辣（$268），魚肉挺滑，入口細嫩！配料有金菇、子薑片、酸菜、迷你蓮藕等，就算不加薯粉都夠豐富！個人覺得配碗白飯更好，酸菜魚挺適合送飯，好開胃～ 小籠包（$58），本身睇個賣相覺得有點厚皮，不過咬入口感覺又不錯，因此包著滿滿熱辣辣的湯，好滋味！ 點個蔬菜均衡飲食，紫准山素小炒 （$98），有紫准山、露荀、粟米芯，清清地配搭唔錯！ 令我幾驚喜的是黑松露野菌包 （$58），一咬開個包有滿滿的菇餡，充滿菇香～ 餐廳整體不錯，令人會再次光顧～另外提一提，如果有儲開 Asia Miles，記得在結帳時跟職員提出要儲分啊～

諗住平時自己返工去開稻成食lunch，平時個女經理好好，因為同場工作又會比九折我，所以今日放假就約埋個朋友一齊晏少少先去食lunch，諗住冇咁多人，點知成個用餐體驗好唔愉快。入座既時候想同朋友坐闊啲，又見當時餐廳好多空位，就問門口同事可否安排方枱，點知門口同事一口拒絕，帶左我哋入平時我自己坐開既圓枱，而今次我地係兩個人坐系第四張圓枱既，咁我都冇所謂啦，反正都係想同朋友食個晏傾下偈。食食下飯，突然間聽到我哋後面張枱好嘈。我望一望原來係啲侍應姐姐同男經理，仲有一位著住黑T恤既男人，我諗應該係廚房同事。佢哋竟然一大堆人坐曬系我後面張枱好嘈咁傾偈，又大笑…我見佢地傾得咁開心，就唔敢叫佢哋幫我加茶，又唔敢叫佢哋細聲少少，因為都唔太好意思，怕阻到佢哋傾偈。但真係好影響到我成個用餐既感受，因為我幾乎完全聽唔到我朋友講嘢，我眼見有其他客人都揮左手好多次冇人理，最後放棄左…所以最後我就逼不得已同朋友好快咁離開左，我真係希望餐廳會有所改善。

位於k11 musea入面嘅稻成，同其他呢個商場內嘅餐廳一樣，擁有又靚又型格嘅裝修，有啲座位仲好似喺個山洞入面咁，自成一角，好有私隱度。$268蚊一份例牌分量酸菜魚，喺呢個商場嚟計我覺得唔算貴，可以兩個人share，另外會再收花生錢，不過如果喺侍應放低前拒絕就可以唔要唔收錢。酸菜魚頭尾炸過，魚尾好香口卜卜脆。魚肉都好滑，酸辣平衡。配料有酸菜、小蓮藕、金菇、菊花瓣、辣椒乾、青花椒粒、芝麻等等。不過同場嘅酸菜魚專家朋友，就話始終唔夠太二好食。

之前都成日黎幫襯，呢幾個月去左第2度做野，返黎香港諗住搵返之前d經理訂枱，點知兩個都話無做了，噤早幾日同fd去開k11，見經過就walk in 睇下宜家咩環境，點知一入門口話想坐大小小既枱，已經比門口女職員黑口黑面（帶住口罩都覺得佢唔滿意）話二人只可以坐圓枱，又話方枱要4人先可以（當時個場靜到一枱客都無）噤都算數喇，點知跟住之後有個姐姐黎，又狂推我地食2人餐，但一睇個價錢688，我問聲之前唔係368架咩，個姐姐即刻好唔耐煩噤話個價係兩年前架喇，加左價好耐了！當一刻我都打左個突，我朋友仲即刻話我地好耐無黎，唔知你地公司加左價者。。感覺個阿姐態度極之唔好，好似我地問問題都有錯噤最後都費時煩，無奈叫左個二人餐，菜既款式同之前一樣，但水準一般，比我之前食既時間差左小小，整體黎講野食一般，招呼更加比之前差天共地，噤既價錢，噤既服務眞係嚇親人。唔會再黎了

由我入場開始，服務質素就非常差勁。侍應態度冷淡，舉手接近3分鐘都冇人理會。因為係星期日，都可以理解，但最令我不滿嘅係企係門口，應該係經理嘅女士嘅行為。當終於有侍應留意到我，打算過嚟幫我落單，佢用粗言穢語鬧呢位侍應，更講出＂已經入座嘅客人唔需要理會，執咗枱比門口啲客先＂咁樣嘅說話。呢種不專業又不禮貌嘅表現實在令人無法接受，我明白生意好重要，但竟然因為客人就座後唔會離開就忽略對客人嘅服務，更在客人面前講出啲咁嘅說話，我深感失望餐廳服務質素竟然跌落至如此地步。餐廳嘅食物係唔錯，叫咗招牌酸菜魚同埋侍應推介嘅熗炒麻辣花菜，但係真係唔會再次光顧！

早幾日同朋友去食生日飯，－共七個人，book 左 20:30 ，去到一坐低嗰個副經理已經即刻嚟話你叫六人餐啦．睇都冇時間俾人哋慢慢睇吓個Menu，又係咁催話今日10:00要行消防，9:00 last order，最好就一次過落晒單啦，跟住我哋都費事煩就嗌咗個六人餐再加咗七個甜品，當然我覺得我哋需要為自己落嘅order要負責任，但我覺得佢哋都應該要提點一下究竟個份量我哋會唔會可以食得晒，我哋係六個女士加一個男士，最終就因為食得好趕同埋太多嘢食，感覺好唔良好！另外佢餐廳其實有好多其他嘅優惠去吸引客人去佢嗰間分店，但佢哋當曰全部都冇講到！ 另外當時落單前個副經理又叫我download佢哋嘅Apps，到我走咗嘅時候睇到個app入邊都冇儲到分，即刻打返俾佢哋已經冇人聽電話，我第二日打去問返佢哋，佢哋又話要即時scan個code先得，要即日嘅埋咗數就唔得喎⋯⋯😡咁你下次過嚟食我幫你搵第二啲單儲返落去囉，我同佢個同事講仲要過嚟食呀😒，咁我再問佢咁嗰啲分數有乜用？佢淨係話可能可以換啲現金coupon或者有啲甜品，咁我就再問清楚佢咁幾多分可以換到啊？佢就已經答唔到我啦⋯⋯😡咁我都唔知download個

一開始路過，睇佢個內容係以酸菜魚為主打，但因為我哋唔食得辣，所以就打算望望有冇其他中菜岩食。咁啱我打開嗰份menu,見到有個砂鍋花膠雲吞雞半隻，好耐冇食過，大部份出邊都係好垃圾所以，我決定比一次機會佢都城小籠包-係好食嘅，但係出邊有更好食既，所以$58可接受鮑魚黑毛豬紅燒肉-上乘豬腩肉，個種肥美，其實食兩舊已經封喉，雖然叫價$288，但佢真係俾足料你，冇野好批評砂鍋花膠雲吞雞半隻-真係好足料，好耐無見過奶白色的湯，飲左兩碗到，個侍應行埋嚟幫我哋剪開隻雞嘅時候，我見到個雞不停滲d雞油出黎，我再飲多一次，真係除左細個時曾經飲過呢隻味之後，已經好耐冇飲過甘足料嘅湯👍🏻$398呢個價真係好抵俾！！！酒釀桂花丸子-我食過更好食既酒釀桂花丸子，糯米粉落得10分充足 一碗已經夠飽肚由於我哋係兩個人食嘅關係，枱就一定唔會太大，但係因為我哋當其時唔係黃金食飯時間，俾咗一張兩張細嘅枱拼枱咁食，先叫放得落我哋上面叫既野食 ，環境氛圍都好好，就係空間座位比較細，冇+1，但係有收茶錢。下一次或者嚟緊有節日的話，都會帶屋企人再嚟食👏

平時都好鍾意食酸菜魚 成日經過沙田嗰間分店都冇機會試 咁啱出到嚟尖沙咀喺MUSEA見到 試下平日午市套餐個酸菜魚先酸菜魚味道我個人覺得唔錯 用嘅係鱸魚 有啲泥味 就咁食魚嘅話味道一般 酸菜唔會好鹹食落唔錯 本身配咗紫薯粉 係我鍾意嘅寬粉類型 夠曬煙韌 好食 仲有個白飯 唔算大碗 不過一個女仔食都夠曬湯底嘅話我覺得夠酸 不過越食越鹹 真係要快手啲最慘係埋單先發現原來要12蚊茶錢 畀茶錢唔緊要 不過佢午市套餐餐牌係冇寫嘅整體用餐體驗連埋服務 計曬加一同茶錢呢個價錢 我就覺得唔太值喇

同家人一行4人去開尖沙咀搵野食，見佢地門口幾靚，接待職員又介紹得唔錯，於事就入去試下，餐廳裏面環境唔似食中菜，氣氛好好，埋枱既侍應好用心介紹菜式，而且提醒我地用佢地公司會員App可以儲積分當錢用，抵讚之後侍應介紹左幾款菜比我地酒味香而不濃，雞肉好滑雞湯好足料抵讚小籠包皮薄多汁餡靚招牌酸菜魚果然係招牌必試，魚肉軟滑，再加上爽口年偶及酸菜，味道好夾職員推介新推菜式，原隻新鮮龍蝦配上辣椒雞，蝦肉爽彈新鮮，估唔到都幾好味和牛炒飯未上枱已經聞到香噴噴，必試甜品酒釀桂花小丸子，味道清清地有淡淡酒香唔錯煎鍋貼香脆多汁花菜夠鑊氣水煮魚香噴噴味道一流排骨肉質鮮嫩香脆可口整體黎講餐廳食物同環境招呼都有水準，職員都好好態度同有禮貌，一定會再黎幫襯

星期日夜晚約咗朋友去尖沙咀食飯，之後見到稻成環境唔錯，就行咗入去食。門口同事都好好咁樣安排我哋坐一個比較靜少少嘅位置，坐低之後其他同事都有主動斟茶同埋介紹佢哋嘅招牌菜式。而我同朋友亦都唔想煩食乜嘢，所以就聽啲姐姐講叫咗佢哋幾味招牌菜。每一道菜嘅味道同埋賣相都唔差，而啲姐姐仲有好主動咁樣幫我哋加茶，又聽到我哋講話怕羞污糟就主動俾咗濕紙巾我哋，好貼心！走嗰陣啲都好好禮貌咁同我哋講拜拜，下次一定會再幫襯！