稻葉亭 (已結業)

琴日行經見到任飲任食日本野, 見佢話$128一 位再加一, 見佢d裝修好似幾ok, 走入去試... 自助餐的魚生不太生鮮, 跟住又好多野本身係張menu內有的, 但都冇得食, 有個海參鍋的湯真係好"水"..內面的菜也硬....其他菜式都是一般, 整體都係普通左d, 不太值得一試...

一行五人9點入到去入到STAFF已經講左有一堆野都冇曬咁我地又肚餓唯有照入去食啦ORDER左成15MINS先有野份量係夠但好明顯刺身唔係好新鮮應該係雪左唔知幾多晚啦壽司就非常一般炸物就OK不過我諗連炸物你都攪得難食就應該執左啦

我同個朋友一齊去食飯,得兩個人仔咁~之前食過,都可以架,仲有少少心動會想再去但係昨晚果次真係好唔掂~唔掂到我死都要去返黃埔食開果間食...事件係咁,朋友仔有事,遲10分鐘先到,咁我咪早d上去叫定野,咁大家咪唔使肚餓咯大約7:00落單魚生,咁有個翅上係好正常,因為佢送既,都OK既...到左成7:20都仲未到,咁咪同佢講聲我地D魚生未到,可唔可以睇下,咁D服務員就去睇下拉~服務態度OK架~到左7:30我真係出聲,我話,再唔上D魚生我地真係走,去食明將架拉~咁先有個姐姐黎話魚生整緊叫我地等下~都OK但係到左7:35我再催單,個男士走埋黎講話冇左我地張單,我當時真係火都黎~!! 手快快咁落~!!!食魚生D豉油係甜既,同食天婦羅既汁係一樣味...咁食黎做咩???果D甜味令到魚生D甜味失真~~~變到好難食~!!!!魚生再甜,比佢D豉油一搞~!!真係唔好食~~!!全晚最差都係D野食~都唔止,佢果度有個肥佬叔叔~起勢咁同果D大枱人傾計(3人或以上者),後尾仲要坐係度一齊飲啤酒~!!!我真係好想同佢投訴點解D野食可以差成日咁~!!完全唔會黎問下我地呢D 2人桌覺得點,大枱就係度傾,講真我本來諗住係果度

剛剛睇完e到d食評 ,真係好驚心,不過試下都無妨丫。首先朋友即日訂位,竟然仲訂到,我覺得勁驚,因為荃灣同埋其他地方都一早冇位,不過抱住人一世物一世心態,乜都要試試。訂左7:30,不過由於有朋友未到,所以諗住食住等,點知waiter哥哥勁好人,開左一間房,叫我地等齊人先計時間喎!(限時2小時)人都未齊佢就送左d魚翅比我地食 (味道絕對可以接受架!我食左2碗!)之後仲送左海龍王壽司味道接受啦,冇特別驚喜!不過d刺身就真係嚇死人,從未試過成班大食友連一盤刺身都食唔晒,除左北寄貝外,其他都唔錯,由其係甜蝦同埋魷魚,而且仲極少見放題會有劍魚,而且味道同樣鮮甜!炸帶子,羊架,天婦羅,雞軟骨,鹽燒帶子如果10分滿我比8分-9分,我去過最少8間放題,雞軟骨都冇e間咁好味!138蚊連埋加1都係141蚊,仲有飲品任飲,我覺得絕對值e個價錢!連荃灣x月花質素都唔及e間!最重要係人少少6個人都比間房你先正,成班人玩到癲都冇問題,而且我地今日超晒時,成3粒鐘先走,佢地都冇趕人,服務好過牛陣!其實我覺得絕對唔係之前d劣評講既咁差,可能換左廚師掛,一試無妨!千其唔好比e d 略有質素既食店埶笠呀!以前食過mk大

因為我同班同學仔起長沙灣讀書, 所以都幾常到稻葉亭食lunch 架佢地d lunch 幾好食 水準的確幾好 價錢又合理學生價大約係$ 29至30幾,40幾 左右啦通常我地都係食$2x-3x 既餐 因為都已經好夠飽啦近排仲每次都派coupon比我地, 每人減5蚊用埋張coupon 我地個lunch都係大約廿幾至$30左右以食日本野既價錢黎講算抵食啦我地最鍾意食佢既牛肉鍋, 壽司餐同埋佢個鐵板炒烏冬牛肉鍋跟碗飯同前菜即係小食 壽司餐有成10件仲加埋碗烏冬或拉麵真係好滿足!! 而且味道真係唔錯 牛肉鍋d 料都好多 總之味道方面一定無走雞加上多人既話..例如幾個人 有得坐房 私隱度幾高每間房都有電視睇 真係唔錯加上稻葉亭早幾個月轉左老細 d 野食比以前果間進步左哩位老細哥哥都唔話得啦~ 認得哂我地 又會問我地對d 野食既意見場得閒傾下計咁服務週到, 態度一流佢都好接納我地既意見 睇下有無野可以改善好多時食野除左食個味道之外 都係食埋個人情味哈哈, 總之個老闆好友善 食都食得開心d 啦放題我未試過 下次同埋屋企人黎試下先d野食並唔係之前d食評講到咁差~ 相反仲幾好食添!! 支持支持

其實今晚去稻葉亭食飯, 原本是為聚舊的, 搞搞下變左慶祝生日...2月18日, 我同另一班朋友都係因為慶祝生日, 而入左呢間餐廳食飯, 呢間野內裡有點殘舊, 我們幾個人都有點擔心D野食是否乾淨, 不過見佢門口寫到咁抵食, 住係附近的朋友又話想試一下, 又想食日本野, 咁就入去啦.經過上次後, 我地一班人都覺得呢間野好抵食, 雖然"冇裝修", 但勝左D野真係超抵食, $129 加一服務, 但D野任你食, 包埋日式火煱, 汽水住你飲, 食飽仲送你一杯雪糕, 係呢個時勢, 真係有錢都唔想亂咁駛, 所以"抵食 " 真的可以吸引很多客人.第日日我返到公司, 已經介紹左個同事去食了.而今晚我地一班女仔想聚舊, 想搵D又平又坐得耐傾到計的, 我一諗就係呢間稻葉亭, 而同事因上次去過呢度食野, 有張6個送一個的優惠卷, 我地就覺得好抵好抵, 即使我地3觀嗇坐港鐵到根沙灣, 都覺得係值得!一入到去, 有個應該是"令班" 的男仔, 問我地有冇人生日, 我話我係, 跟住就話會送一樣野食俾我地, 而經理都坎過來說送野食俾我地, 我地聽到當然係好開心, 我仲記得上個月, 如果有人生日, 係送一個用壽司做的"蛋糕

身為一位副刊記者，我真係忍唔住，呢間真係差到爆。日前，我跟朋友一行五人到了長沙灣一家叫 稻葉亭 的壽司店吃晚飯（在宇宙商場隔壁）。這家壽司店強烈建議大家不要去，不要被騙，原因以下講解。這家店是樓上舖，所以我們在店家下面看到成人 HKD$128 任食放題，九點半後有八五折，所以我們就上去吃了。進去的時候店內沒有什麼人，這也正常，畢竟星期五晚的長沙灣是比較靜的。但問題是這家店上菜的速度極慢，你叫什麽它都不會來，而且唔好食，結果…這張是我們五人在這家店吃完飯的帳單，上面清楚顯示我們人數是五個，入座時間及離開時間，價格是 HKD$ 608。但我們這 HKD$ 608，到底吃了什麽呢？以下告訴你。（因為食物極少，每一碟，我均有拍照，而且是順序的。）以下就是我們五人最終能夠吃的東西，我們五個人分別有兩個跆拳道男教練及一個女教練，一個整天沒吃東西的女及石先生。教練們剛上完課，你覺得我們有可能只吃這些嗎？他一共只來了 14 碟食物，其中第五張圖的壽司是在 Order 了 45 分鐘以後才送上的。那個時候我大聲的贈了老闆一句話「等左四十五分鐘，終於都見到壽司啦！」其後服務生問我們會不會享用他們的 沙律

行過見到門口$128 日式放題+打邊爐, 好吸引，門口既裝修亦都唔錯，2條友走左去食。一入左去已經有d後悔，冇咩人，而且裝修殘殘舊舊，係禁既環境食刺身有d驚朋友話食完唔肚痛已經偷笑.........點左幾款刺身同熟食，雖然賣相麻麻，味道不過不失啦，之後叫多幾款，d野開始難食，燒鯖魚勁咸，刺身個邊有d啡邊，食左一二件已經唔多開胃.......打邊爐既款式我唸有10款左右，個樣又係勁唔新鮮，可能少人之故......服務唔錯，男經理態度好好，而且有多部pashmina~雖然未食飽，但已經唔想再食，以食物質料，依餐值68-88左右，128加一，一d都唔值!

138原本以為好抵LA!個雜誌都講到唔錯咁...點知去到食就知.....唉....1.冇咩野食,,,,好少款AR!!!!!!!!2.鹽燒真係好咸3.野飲得氣水4一張張咁落單..唔問佢都唔會俾張紙你..我明138係平..唔應該EXPECT太高,但係佢比起同等價錢GE其他放題,佢質素係相對較低,138不如去食5月花LA!

9月份有2位朋友生日, 結果就朋友o既哥哥(C君)就book左呢間初初睇feedback都好驚架, 因為好似唔太好講到好危險咁, 因為個week岩岩先病完唔想再病原來C君之前同同事試過, 先揀呢間慶祝生日...如果就咁睇feedback真係唔敢黎試..當日一行6人去到, DINNER, 7pm環境OK..可能唔太多人因為我地開左間房, 房入面有TV..不過得其中一台係清..轉其他台就雪花低清版ANYWAY, 都係食物, 都冇關係既D野食都到得幾快..係間中叫野食冇人應...因為出面個場冇咩人..刺身麻麻..但咁既價錢, 出咁既貨色都合理蟹鉗,雞串個D熟食真係幾好味 打邊爐都OK, 可能打左一陣, 間房唔太熱如果全程打邊爐可能會熱D-.-房既隔音麻麻..因為咁岩去個日成班小朋友&家長係隔離房好嘈..overall, 我覺得OK..唔係之前講到咁差..

見未去過$128(加埋一$140) 日本放題咪試下, 點知去到真係好後悔, d 野叫極都未黎, d waiter 十問九唔應, 態度超差, d 野食又唔得, 種類又少, 似打邊爐多過食日本野, 佢仲要係無抽油煙o既野係度, 焗到無人有只可以講句, 有多餘錢都唔好去, 唔會再去

成班同學仔行行下黎到呢度,是但搵間野食lunch。我又衰貪心,上到去見到廿五蚊有個牛肉鍋定食,佢問我清湯定濃湯,我話清湯算啦。清湯牛肉鍋上台時..真係好清...清到好似水咁..牛肉又un,最特別係杯奶茶,真係...........咁大個人飲過最難飲既當晚番到屋企...個人又作嘔,個肚又痛...搞到我成晚無訓

唔想寫咁多，淨係想講如果趕唔切返屋企睇電視就可以考慮光顧下ge，因為果度有好多部plasma電視...

以$128蚊食左先助餐..有火鍋、日式小食、壽司、刺身、汽水任飲...最好食係天婦羅同日式小食,例如雞軟骨、炸蝦等..火鍋既湯底係清湯同麻辣，比較淡。火鍋配料都ok...覺得$128既價錢比較貴..

話說一日我同班同學去呢度食LUNCH,我都知廿幾蚊一個學生餐唔可以奢望乜野,但係都冇話咁離譜,食物黎得慢,諗住佢慢工出細貨啦.....點知出黎又唔係特別好食,賣相一般,有個fd仲食食下嘔!過左一段時間,結果今日再去挑戰(冇錯,係挑戰!),我同另一個fd食完之後,一返到學校就肚痛到返學,完全上唔到堂!無獨有偶,我地3個人都係叫左牛肉鍋定食......奉勸一句,各位如果長期便秘或想減肥請速速幫襯!!!