稻香漁港市集 (雅蘭中心)

營業中

休息中

稻香今日開始有返$1蚊一隻雞，隻雞大到嘩一聲，上枱時仲熱的梗係要幫襯啦😂- 呢個一蚊雞真係做得幾好，熱辣辣， 又多汁！遇到師傅好手勢，隻雞炸得好靚 👍😋美中不足是要自己動手撕開隻雞，但這才夠地道！*冇最低消費 *星期一至五晚上🌃5:30至8:30* 2人可以食一隻，8個人可以食4隻😆Call齊班friends 一齊食啦🤣*每位要收茶錢及加一

七年前来香港吃过，发现食物素质差了，服务更是差到不行！选择也少了，以前吃个早茶很快，今天用了两个小时吃点心！破了在香港吃早餐的记录！油条，腐皮卷都油腻到不行！好像在吃油🤦🏼‍♀️ 连我七岁的女儿都觉得油腻！再来香港旅行也不介绍这家点心店了！只有叉烧包和香麻脆芋饼还可以吃和可以推荐

鮑魚汽鍋湯$28 / 盅 好味指數：9/10燉湯🥣好鮮甜好足料，入邊有成隻鮑魚仲有🐔雞件，瘦肉，花膠，桃膠，紅棗等等。味道好清甜，一啲都唔覺得有落味精😌，而且用氣鍋裝住非常夠熱♨️，一人一盅絕對唔過分。蒜蓉蒸開邊蝦$98好味指數：8/10擺盤幾靚，而且咬落去蝦🦐肉彈牙，一啲都唔會梅，食得出係新鮮蝦，調味料亦都好足夠勁多🧄蒜蓉，仲有啲炸蒜喺面，脆卜卜增加😬口感，底部仲鋪滿左粉絲，溝埋豉油💦熟油食好惹味。金銀蛋浸莧菜$108好味指數：6/10好耐冇食金銀蛋莧菜，其實味道清甜唔會過鹹，亦都有好多肉碎，🥚鹹蛋，皮蛋喺面，可惜🥬莧菜唔係當做季節，所以偏老咗少少🤏🏽，所以口感唔夠幼嫩，比較粗糙。好耐冇去過酒樓食飯，自從疫情放寬咗，口罩令😷解除咗之後，度度都好多人，而酒樓成日都會推出一啲優惠for晚市，其實呢間酒樓星期一至五夜晚都有💰一蚊一隻雞🐔嘅promotion。可惜我哋今日下晝已經食咗炸雞，所以冇叫到，但係見到每枱都會叫，隻隻都好大隻同埋炸🔥得好靚，下次一定要試吓。

沒有驚喜, 不過不失.現在改為自助煲水, 給與一包包的茶葉. 不懂啟動的, 服務員也會幫忙一下.現在落柯打用智能手機自行下單.總感覺好像失去了舊日的情懷.叫了瑤柱蛋白炒飯; 瑤柱有少少硬, 可能浸不淋... 也就像快餐店的味道...進房的話, 就寧靜一點, 自我感覺良好, 但沒有以往貴麗堂皇的感覺了.喜歡嘆茶, 一盅兩件, 還是可以, 只是老一輩或先要學懂下單, 這或許是一個學習新事物的機會.雅蘭正門有斜台, 然後轉彎乖升降機便到達, 都算是方便. 

唔係想老人家飲餐茶坐得舒服都唔會揀呢間垃圾茶樓!衛生狀況差，水壼又污糟，入座又無清潔，又無問飲咩茶、開位又唔足，要自己行去搵人，問下點落單就態度惡劣，未食都一肚氣！！

4個去食晚餐，晚市真係超級勁多人叫左4個送1）蒸魚 係最好食嘅 唔會太熟 岩岩好 都新鮮 係等耐左小小2）燒雞可能太多人叫 半隻$88 味道OK , 但係凍左3） 羊腩煲比普通更普通 但算多料4）什菜煲花膠係 豬皮， 好多菜 但唔好食

侍應唔願做，態度極差，一馬尾職員仲話係自助，開.茶都係？請問請佢他做乜野，仲要收加一，谷鬼氣！服務員根本唔值有得有星星，有負分我會揀！補充，門口知客服務員態度非常好，簡直兩回事，麻煩檢討檢討！

屋企人好鍾意食阿拉斯加長腳蟹，所以過嚟稻香試吓。雖然而家係11月，供應唔係好充足。但係今次長腳蟹嘅質素唔錯，非常多肉而且新鮮。而且價錢都幾抵，$238一斤。淨係過嚟食長腳蟹都係唔錯嘅選擇！👍🏻👍🏻👍🏻不過當日全場爆滿，服務員就好似比較懶散。好多時叫佢哋幫手拎嘢都扮睇唔到。😅當日仲叫咗其他菜式，包括滷水鴨。味道正常唔好有任何期望。😅總括而言，呢個價錢食阿拉斯加長腳蟹其實都算抵，今次帶咗四斤左右，三個人非常之飽！

今日和朋友在旺角見面聚脚，相約到旺角雅蘭的稻香漁港市集晚飯 ，未到七點鐘上到酒樓，已經見到人頭湧湧好不熱鬧，可能是經濟復甦的景象，入到酒樓見内的面積很大而且裝修亦很新淨光亮。今日不太肚餓只點了片皮鴨和肥牛粉絲煲兩味小菜。 首先來的是片皮鴨，這裏的片皮鴨做法有別於其他酒樓，是已經片好了一碟碟拿出來分給客人，而且見到每碟片皮鴨的分量都很少，我想可能是特價小菜的關係而要因貨就價吧！挾起鴨片醮上了醬汁，用薄餅饃包著菠蘿、青瓜等配料來吃，味道清新的蔬果和鴨的香味混和一起，鴨肉不肥膩也不老，味道不錯兩人都把鴨件全吃光。但發現另外加錢買我們剩下的鴨殼，鴨殼上面留下的肉比我們吃的多很多，雖則這是作為酒樓的下欄，但都離譜了點吧。肥牛粉絲煲的份量就很足了，大大的一鍋裏面舖滿了粉絲、金菇，而且肥牛的份量也不少。不過個人感覺粉絲煲似煮得過久有點乾，就連芡汁都已變得乾涸影響了賣相。所以令肥牛肉咬落口有點老和韌，相反粉絲和金菇因為完全吸亁了芡汁，而變得相當入味。今晚兩個人簡單的晚餐，主要是取其有一個可以坐得較舒適的地方，這裡的價錢和食物質素都可以，下次找聚脚點都會再來。

我們去到那裏坐下以後，服務員完全不管我們，不給餐牌和餐具，問他以後，他直接一下子扔在桌上，服務態度超差，剛剛還送錯菜。餐具上面全是油，洗的時候有好多小黑點髒東西，他給的鐵勺子，背面全是飯粒，好噁心，下次絕對不會再來

⚠️1蚊鮑魚雞煲‼️信不信由你1蚊做到啲咩，仲要食到鮮鮑魚😱適逢OT完，宵夜當晚餐食8:30pm後1蚊煲鮑魚雞煲/慢煮濃湯牛骨煲，都系1蚊咋🗣🗣而且打邊爐，所有火鍋配料半價👅1蚊煲有啲都唔馬虎，4隻鮑魚，仲有份量都足雞件，夠惹味自問自己買料，花時間，成本價1蚊肯定不可能仼務😂2個人食完個雞煲仲叫火鍋配料肥牛，鵝腸，墨魚滑，雙丸，響鈴，油麥菜，紅薯粉。。。好crazy半價火鍋配料，並沒有變一半圖中配料，已忍唔住食咗先記得影相😂😂原諒我ot完太肚餓，9點先開餐食🙈重點埋單茶位連加一，$240‼️‼️‼️🌟推廣期內1蚊宵夜煲，唔係唔食㗎嘛🌟只限於星期一至五，8:30pm後入座‼️📍全線稻香

一去到無幾耐就落單，等左45分鐘黎一個餸，第一個餸豬大蜆煲，真係睇得出極度求其掉埋一堆野煮就算，無人服務，服務態度極差，漏單仲要無禮貌，話反我地轉頭，見到好多枱都催餸菜，完全唔會再去 。個經理個態度都唔係好，完全唔係連鎖集團應有既服務。

都唔明白點解稻香集團旺角雅蘭中心的服務員的服務態度差成咁！服務員已經小，沖茶冇人理！apps落了order後，點心姐姐送點心，枱上連飲茶吸印仔點心卡都未有😆😆最差都係收銀嗰個亞姐！惡過你！勁冇禮貌！我以為佢係我上司😤我本身都有心臟病差點比她激到入院！故事：今日同家人飲下午茶☕️，埋單時：點解衣家收銀員唔係跟她電腦出的單或我手機落的單的總單！而係跟點心卡上畫咗幾多個圈圈⭕️啲😮‍💨天呀因為卡上多了一個圈圈⭕️收銀員串到調返張卡俾我叫我去搵伙記除消咗個點心先很收錢😤你話乜嘢酒樓嚟呢？呢到都唔係勁嬲！最嬲開始了問我點解你飲下午茶時段點解張卡是正價卡😤天呀！乜我係到反工嗎？妳係收銀員都唔知🤔！妳問我！我哋話如果妳唔信我們兩點後入座，我們比妳睇“安心出行”幾點入場記錄好嗎？😤她態度勁差、勁冇禮貌、仍不想收錢！最後我話唔收錢咁我走，她先很收錢！我回座位後、先生問我點解埋單咁耐，未話比他聽，我們離開酒樓前行過收銀枱時我話比老公聽是她，我們幾乎打交！😤同我啲朋友訴苦，原來他們講我知，原來現在這間雅蘭稻香是全旺角最差的酒樓！也是全稻香集團旗下最差勁的酒樓👎👎應該冇上過 Training course!

今日星期日約左兩個朋友去飲茶，呢間稻香位於雅蘭中心，非常近地鐵站，位置方便。本身大家約左1點半，但原來兩點鐘就有下午茶時段。反正友人們都遲到，於是我就排下午茶條隊喇好耐無去過稻香，原來依家咁先進，唔單飲茶用qr code落單，沖茶都係自助，唔夠水可以用部機自己加水煲水唔使麻煩d姐姐👍🏻食物方面就無咩特別，一般般，友人就覺得呢到既叉燒酥係必食奶黃包沒有流心的，想食流沙既就會失望喇。飲下茶吹下水好快就過左兩個鐘，坐到呀姐都要催我地埋單走人

今日打風，周圍打電話睇吓邊度餐廳有開，好彩彌敦道雅蘭中心呢一間稻香有開，即刻嚟攞位飲茶，打風都唔阻大家出嚟飲茶嘅心情，未至於要排隊等位，但係都大概有七成滿座。.🍚煎釀彩椒彩椒唔辣，鯪魚肉份量都算多，煎香左之後好惹味，好香口。.🍚鴨腳拼豬皮鴨腳剪到細細舊，好貼心，容易食，豬皮吸滿咗沙嗲汁之後，非常之入味，好食。.🍚鮑魚汁鳳爪鳳爪數量都算多，有好多花生喺入面，鮑魚汁味道調校得啱啱好，唔會話過喊，推介。.🍚鮮蝦燒賣燒賣食落有咬口，有一隻大蝦放喺上面，好足料，爽脆彈牙。.🍚蒜蓉蒸排骨排骨份量多，入邊仲有幾舊芋頭，吸哂蒜蓉同排骨嘅味道，非常入味，而排骨就蒸得啱啱好，唔會話太老，太鞋。.總括然而，大部份食物都可以，考慮到打風都開門，加分。