稻香 (淘大商場) (已結業)

想不到冰冷的冬天還未有離去，三月尾還會聽到香港有十度左右的低溫。相比之下，北歐大概去到五月多還是十度樓下，沒有什麼特別的。只是若果在香港，那就必定想趁寒流仍在的時間去食下熱辣辣既港野。除了心心念念的煲仔飯，另一心水當然就是羊腩煲啦！　　貪方便，凍凍地唔想專登出去油尖旺食晚餐。唯有去近少少既稻香食一食個古法羊腩煲，生菜又點走得甩？一煲大小普普，唔使諗都知唔係大排檔既豪邁版，份量實則不多。大多的是腐竹及馬蹄等，不過都好過冇，用料也算實在，成煲都滿料唔係得湯汁。羊件？好吧那是帶骨的「腩肉」，羊肉羶味不算太重，香口之餘滿滋潤的。湯汁稠度一般，食食下加湯之後就更加稀身，好在不會太鹹。生菜感覺也是新鮮清甜的，整體而言倒比想像中好啊　　一向嗜食酸甜，羊腩煲之外也忍不住點了蜜桃京都骨。京都骨未能裹好醬汁，吃到的主要還是本身醃的鹹味及豬肉的肉味。要吃到酸甜，還得咬一口點一次醬，而稀身的醬汁也只有這樣才比較好蘸。京都骨的脂肪不多，也不覺膻膩，蜜桃的作用就止於開胃這一點了。　　最後再來一個溫公齋煲，也是熱辣辣的東東，暖身還得要煲多啲先夠皮。一煲大概係平時食韓式石窩飯再大些少，意外地足料。南乳香氣不濃郁，醬汁

星期六的下午下起雨來，令我體會到，酒樓的人流愈少，質素便會相應地提升。最明顯的便是煎炸類食物，　人客愈多，食物往往都是涼掉，人少一點，還尚算香脆。今天所有煎炸類小食也是香脆可口，實屬少見，想必是酒樓人手較鬆動。鮮蝦腐皮卷非常香脆，餡料香口，沾一點喼更好吃；鹹水角雖然也是剛炸起，但皮太厚，有點黏黏的感覺。皮蛋瘦肉粥非常失敗，粥不熱之餘，質感還像是漿糊一樣，全都黏在一起，失敗中的失敗。玩時在稻香吃碗叉燒飯也要$30元，真正能感受到通脹的實況。叉燒質素相當一般，不嫩滑亦不大入味，平平無奇。豉汁蒸鳳爪醬汁頗濃，醬油味道偏甜，唯獨欠一點點香辣的味道，整體還算不錯。原籠馬拉糕($8)蠻鬆軟，可是味道仍是偏淡了一點。我還較喜愛有蛋香的馬拉糕啊。點心質素一般，無過人之處，但價錢較便宜，5人總共吃13個點心也只是$276元。

今日難得跟hubby二人世界一晚，突然火鍋癮起，來到了稻香吃個宵夜火鍋我們叫了香菜皮蛋湯底，湯底太鹹太鹹了鹹得我們全程沒有沾過一滴調味料，其實，我們也忘記可以叫侍應更換湯底，極鹹的湯底彷彿令各款配料都失色很多了唯一值得讚的是香甜的粟米。其實去過稻香吃過數次火鍋，只是這次的湯底真的要好好改善了。

因為就腳， 一家人又食稻香，揀九點後，貪佢有宵夜小菜，雖然唔算好大碟，但食小菜晚飯黎講，算價錢合理，菜式都時不時會轉，三個大人今次點左乳鴨一隻，肉不算多，但炸得皮脆，肉亦算嫩滑，口水雞嘅醬汁有陣獨特嘅川辣香味，不會太辣，雞肉亦尚算嫩滑，份量差不多有四份一隻，沙羗豬手嘅味道啱啱好，夠沙羗味（但有時咸味會較重，可能唔同廚師），羗沖爆脆魚腩一般，魚腩嘅炸粉好厚，亦唔脆，但份量都算多，沙爹肥牛炒烏冬，沙嗲味濃，但肥牛太碎，烏冬尚算彈牙，埋單連茶錢加一大約245元，都算物有所值，起碼坐得舒服，茶水任飲，唔駛搭枱，一家人食完飯仲可以慢慢傾下偈，唔會好似食茶餐廳禁急趕，但價錢除開都差不多（而家啲茶餐廳係絕對唔便宜），雖然係家常便飯都係舒服啲好！

今天來了淘大稻香打邊爐，淘大個塲好大好寬落，環境不錯的，但冷氣就略為不足每位加12蚊有可樂，豆漿涼茶任飲豉油配料都好多選擇，小弟最鐘意個沙嗲醬，真係好有花生味好足料！！順德魚腐～不過不失，很普通。香菇貢丸～冇乜特別虾丸墨魚丸都是手打的，由其虾丸很鮮味，不錯滑牛肉真係好滑，塊塊大細切得一致，係我今晚至愛唧唧麵都好正，入面好多蟹籽，掂湯底有好多豬骨，芹菜，粟米和羅白夠足料！呢晚食到好滿足，本想試一吓啲水餃雲吞，但實在都無以為繼，唯有留待下次吧。

酸菜鍋底真系極度難吃 和菜單上的圖片完全不符 酸菜一D味都冇  又唔鹹又唔酸 個湯底同普通滾水冇分別 極度極度失望 鵝腸又污糟 冇清潔乾淨 搞到唔敢食 豬紅又腥 總言之係極度失望的一餐 

今日去左稻香食lunch.好快就有位，等左無幾耐.但d food 一般，價錢便宜，😊炸鱿魚，吾夠熱，好琳蝦餃，皮吾夠薄咸水角皮太厚牛肉腸粉也可接受燕窩燉蛋白，味道一般，只需28元

九龍灣稻香最近搬新舗，推出特價下午茶，趁放假去試試係咪真係咁抵。因我唔介意搭枱，等咗十分鐘就有位，坐低即刻填點心紙，點咗一碟混醬腸粉、兩客燒鴨米線、兩客灌湯餃同炸雲吞；混醬腸粉夠熱夠滑，就係唔夠混醬；燒鴨米線普普通通，唔算太差灌湯餃中規中矩，夠熱，但冇乜驚喜。炸雲吞太油了呢餐八十元有找，抵啦﹗