稻香 (新九龍廣場) (已結業)

酒樓呀 大執位咁……九龍灣肇順 稻香 & 九龍城新苑 樂富富臨 都執咗之前見過新九龍廣場稻香 就試試星期日下午茶 冇優惠唔實惠閒日優惠時段 點心半價銀芽豉油王炒麵~優日$48 假期$58豉油香 但 麵淋 & 油膩 份量少燒鵝湯麵~ $42 幾件細嚿燒鵝胸 肉嚡口麵 & 湯 充滿鹼水味 冇蔥冇韭黃鴛鴦双潮~ 中點 $19粉菓2粒 + 虾餃2粒 虾爽 略皮厚頭抽鴛鴦椒~ $19 表紅椒 有辣有唔辣 魚肉唔夠鮮焗叉燒菠蘿包~侍應推介$11义燒過甜 冇下次皮蛋瘦肉粥~ $17 粥好棉 鹼味重新九龍廣場 指定店鋪泊車優惠 改咗要電子消費 $100 1小時 $200 2小時一張單過冇夾單

個日喺屋企嘅信箱收到張傳單、 大角咀稻香做緊$1蚊元貝推廣 ，撞啱今日放假諗住過嚟試下。 一入門口、 啲侍應都算熱情、 不時有聽到啲 歡迎聲。 坐低之後 啲店員主動介紹$1蚊元貝畀我哋， 仲有龍躉兩味、 鮑魚滊鍋鷄。 元貝够大隻新鮮 而且粉絲够味、夠淋、 夠分量。 兩味夠新鮮、 滊鍋鷄够熱、味道清甜。 其他餸菜都唔錯、 佢哋出餸的速度適中、可以接受。 滴嘢够熱。 埋單價錢都算抵食 。 佢哋嘅自助吧飲品都非常之豐富。嚟緊佢哋仲有新嘅晚市優惠孖寶推出、 下次有機會唔會再嚟試下。

今晚去咗稻香大角咀食晚飯。原來最近佢哋有新推廣菜式。而我哋 叫咗當中好幾個 餸菜1. 黃金脆脆大蝦球: 賣相 吸引 ,金黃色 脆口, 啲蝦肉好新鮮彈牙 ,有甘香嘅味道。2.龍躉兩味 黃豆醬蒸龍躉頭腩鮮茄濃湯泡龍躉球 肉質新鮮，魚味夠濃郁 ，配搭鮮茄湯幾特別，黃豆醬蒸煮頭腩 ，大大件抵食。3.大蝦多士 :賣相幾靚 。4. 麻辣鴛鴦黑白雞腳: 值得一讚是配搭夠創新 ，食落口 微辣， 用黑白雞腳做配搭，菜式夠曬特別，味道唔錯。有時 酒樓裏有一些特別的菜色也不妨試下，今次我哋試過這幾道餸感覺也不錯，值得一試。

🤭成日都想飲茶雖然好唔健康 但都一定要食不過假期就會貴好多🤷🏿‍♀️無計啦.炸雲吞🤡油左少少雞絲粉皮💩點解甘酸嘅潮式脆豆腐☺️同想像中有出入 但又出奇好食炸饅頭👍🏻外脆內軟 夠哂軟熟牛肉球…不過不失 no comment煎薄礃🙍🏻‍♀️又油又淋又冇乜櫻花蝦燒賣🤣每次都要同蝦餃二選一 因為特點

#稻香 (大角咀)大角咀大角咀道38號新九龍廣場1樓127-160號舖-----宵夜時段任食打邊爐（8.30後-每位$148加一）😋稻香火鍋以前有食過 但佢ge火鍋放題B仔都係第一次試 試完之後完全無失望 雖然係任食 但質素一d都唔差 尤其係海鮮特別出色 🦐海蝦上檯時仲識跳 魚雲同白鱔片 一樣新鮮到令人驚艷 鮮墨汁墨魚丸 蝦滑 同手唧魚麵 都非常正 美中不足ge係 如果你叫個樣野無曬 佢唔會通知你 所以你永遠唔知係漏單定係無🤷🏻‍♀️另外雖然中式打邊爐比日式火鍋放題選擇真係多好多 但係肉類真係差d 完全比唔上日式火鍋😆-總括黎講 如果你中意多選擇 中意食海鮮 呢間火鍋任食真係又抵又正 但如果中意食肉😆咁都係去食日式啦～-----👶🏻B仔整體評價：8.5/10個👍🏻👶🏻B仔抵食程度：8.5/10個👍🏻👶🏻B仔環境評分：6.5/10個👍🏻👶🏻B仔味道評分：8/個👍🏻（某d食材好驚艷 e.g 海鮮 海鮮滑類 某d好一般 e.g 肉類 首輪可以叫1/2碟試下先）👶🏻B仔回頭機會：8.5/10個👍🏻-----#ig:swallowhongkong跟住我一齊吞食香港啦！🤤#swallowolympi

今日一早同男朋友想飲茶，見到有稻香，諗住應該好過隔離間酒樓，起碼集團經營。點知中伏！ 我同男朋友2個人， 點左6個點心，由十一點9入座， 到十二點九，一壺茶首先要等10分鐘，再等多10分鐘嚟咗一碟凍咗嘅腸粉，再等15分鐘，黎左一籠粉果， 一碟辣椒醬要追15分鐘 ， 跟住前後等咗一個鐘，其他嘢都冇嚟到 ，追樓面姐姐淨係叫你等， 話出左一樣食物，就唔會漏單，叫我地再等, 係咪出齊6個點心，要3個鈡？ 最後嬲嬲哋埋單走咗。 去到收銀，扣晒單，仲要找少錢，唔提佢都唔找返啱食物質素又差，服務又差，以後都唔會再幫襯稻香集團。

今天同家人去咗 稻香 吃午飯 我們一到來，可能係午市， 都幾旺，要排隊， 所以等咗約莫十分鐘才有位置 。我們點在左了~ 家鄉煎薄餐，川汁抄手， 明爐燒鵝皇例牌， 蝦米炸兩腸及瑤柱蛋白炒飯。 炒飯大碟賣相豐富， 有瑤柱香味， 飯粒粒爽口唔會 硬乾身。 腸粉 內脆外軟，啲皮好滑' 好大碟，好夠份量。 燒鵝有個火保温住， 燒鵝肉質 嫩滑有汁。 薄餐 材料豐富， 煎得好香口，有櫻花蝦的香味。川汁抄手~個汁好好味，炒手好大粒 。我們這次用餐 不用六十蚊一位， 在酒樓吃 價錢合理，但這些出品 都算 值回票價了。

今日公司食開年飯，揀咗這裏 設宴 今日開咗成八席。 今天的餸菜雖然好簡單， 簡單得嚟比較實際 。但係都好有驚喜， 蹀頭 好夠分量，出品都算唔錯， 灼海蝦~啲蝦好大隻，好新鮮，仲要畀隻匙羹還要大。燒鵝~ 啲皮好脆，肉好滑，好有燒鵝味。蒜蓉粉絲蒸元貝~元貝賣相好吸引，元貝好彈牙，好大隻。 清蒸杉斑，夠新鮮，有魚味 蟲草花浸小棠菜~個湯有好濃沃嘅雞湯味，菜爽口及翠綠。 服務都算唔錯，間唔中有人換碟及添加酒水，每個餸出菜的速度 又唔會太快。 這一餐應該大部分同事都食得好滿意，份量好足夠。 所以值得推介一下。

今日年初三， 同兩個朋友 ，打算出嚟食嘢。 有人推介大角咀稻香。 新正頭 、店裏都好有節日氣氛， 班店員都好熱情 到處都係歡迎祝福語。 我哋被安排喺，近住廚房嘅卡位坐低。 當我哋選擇緊菜色嘅時候，有店員 行過嚟 微笑溫柔的同我哋講 ，今日有星斑兩味， 炒球紅炆頭腩 ，有冇興趣試下。 並表示如果唔啱、都唔緊要可以再選擇其他菜式。 之後店員便行開咗， 睇完菜單我哋叫咗海味雜菜煲 乳鴿兩隻 同埋個小食鹵水豬腳仔 同時都叫咗之前店員推介的星斑兩味 。 之後有店員行過嚟講 唔好意思乳鴿買曬 ， 介唔介意叫返個燒鵝例牌， 於是我哋便接受咗。 整個用餐過程我哋都尚算愉快。 雜菜煲清够爽口 唔鹹 豬仔腳够身 够淋。 星斑兩味都唔差， 翠玉瓜爽甜 炒球 新鮮 大角咀稻香用的是開放式廚房明亮整潔， 聽面座位 都嘗算鬆動，舒適 。 埋單價錢尚算合理可以接受。 如有機會我哋下次會再嚟。 當然想試下佢哋啲放題。

今日因為 另一半生日，所以 食好少少。今日 兩個人， 六點左右 叫咗一隻約三斤半重嘅長腳蟹， 再叫咗條約1斤半重嘅星班， 長腳蟹我哋叫佢剪埋先出， 佢嘅賣相好有驚喜，啲蟹膏用個碗戴住 ， 肉質好鮮甜， 好有蟹味。 清蒸星斑， 條魚蒸到剛剛好，唔會過龍，好滑好新鮮。 之後叫咗個賀壽桃伊麵，最後仲叫咗兩碗紅豆沙湯圓，同埋壽桃包。 這一餐真係非常之豐富， 這一餐價錢都好合理，因為新春期間都唔會太貴。長腳蟹$1088 星班$ 338， 初三的生日飯， 食得好開心。

通常年尾過節做冬聖誕，中國人都鐘意食盆菜，大角咀稻香，抵食好食又超值，5-6人都係688元，入面D料多到食吳曬，仲要係靚料，（吳係比D所謂盆菜只得豬皮蘿蔔燒味就收你千幾元一個，上年就係某一食肆幫襯，搵笨兼吳好食）😅今個聖誕試下稻香盆菜，真抵食，平靚正👍👍👍👍👍@🦐，包魚，花膠，瑤柱，冬菇，海參，蠔豉，年糕釀魚片，鹵水鵝，白切🐔，鳳爪，豬手，支竹，木耳，貢丸，豬皮，芋頭，蓮藕...........等等，足料好味好食✌️✌️✌️✌️✌️18款包你實發😝😝每人每樣食一件已經包到無朋友，😬😬大角咀店長華哥好人又靚仔又有禮貌😂😂

今晚天氣涼涼地， 同朋友共兩人一同去咗大角咀稻香打邊爐， 雖然八點半後先有任食火鍋，原來正價時段六點半都有好抵食嘅打邊爐，我哋兩個人叫咗一個套餐118蚊有一個湯底，有6碟火鍋配料。醉雞鍋 好足料，好有花雕香味， 火鍋配料好新鮮， 份量都夠兩個人食，尤其是啲蝦上到檯面仲生猛嘅 ，佢仲有 自助醬料吧， 總共有八款 火鍋配料 ，任添任攞，任君選擇，想食乜嘢醬都有。 我哋仲叫咗兩支嘉士伯啤酒 ， 每支15蚊 ，埋單都不用兩舊水，只係185蚊，相當之超值。

琴晚，同班朋友一行四人。相約 到大角咀稻香食嘢 、一入門口都感覺都特別舒服。 環境ok整潔， 最主要啲同事笑容， 歡迎聲響亮 親切、 佢哋有個大卡位好舒適 於是就選擇咗坐低、 近住自助吧的位置 我哋叫咗個太史五蛇羹、 陳皮蒸大白鱔， 羊腩煲配菜， 南乳粗齋煲 啲鱔陳皮味夠香夠嫩滑 ，先至係 78蚊， 羊腩煲唔騷肉質較淋 先至賣106蚊， 南乳粗齋煲份量足夠， 唔鹹，夠味。 啲蛇羹料都好足， 買168 都唔貴。 整個用餐過程 我們都好愉快， 啲待應有禮 主動招呼。 離開嗰時， 啲夥記仲提醒我哋記得攞齊嘢。 呢間店的收費， 都算合理。 埋單510蚊。 如果下次有機會 會約埋其他朋友嚟呢度， 試下佢哋的點心。 佢哋啲點心做緊半價。

昨天晚上，兩仔爺無煮飯，去新九龍廣場，見到稻香有啲好抵食嘅嘢，上到去見又唔算好多人，所以決定去呢度食，好快有位，我哋叫咗白酒忌廉青口配鍋巴，同埋叫咗勁蔥熱雞鍋一份，第一次係酒樓食青口用忌廉汁煮好特別，青口好新鮮，加上啲汁配上鍋巴，一流，另一樣勁蔥熱雞鍋$58一隻，用煲上，熱辣辣，個樣又靚，舖滿晒蔥，下面有娃娃菜，好入味，我哋仲叫咗2支朝日啤酒，都只係$15/支，好抵，食晒啲餸都飽晒，埋單都唔洗$210，超級抵食。

今晚十月最後一天， 同家人一同七人到大角咀稻香吃飯。 其實已經幫襯過好幾次，今次水準依然保持。 今天 我們叫了一隻長腳蟹， 長腳蟹好新鮮， 啲肉好鮮甜 因為 做緊特價， 相當之超值，抵食。 四斤重都係$788 。而佢哋仲有好多優惠做緊。 我叫了條龍躉仔$78 龍躉仔 雖然細條但係 好新鮮。 仲有羊腩煲 做緊$188。好抵食再出面大排檔都要二百幾三百蚊一煲。 仲有叫咗個推廣勁蔥雞窩，入面有一隻雞 熱辣辣好好味，雞肉夠滑。 蒜蓉粉絲蒸元貝 好抵食叫咗12隻 其他小菜 份量都好足夠 埋單 都係二千蚊鬆啲 好食又抵食 所以值得推介大家。