稻香 (天瑞商場) (已結業)

年幾前食過幾次都吳錯。。尋晚去食8：30到差吳多9：30先有位。。入到去點完第一輪野食10點都未上。。不停吹都沒有用。唯有不停飲汽水。本身想飲啤酒。但冷櫃無左啤酒要搵人囉。成間店咁大眼見都無五個人。。真係。。。。十點多來第一轉野食份量小到無朋友竟然得四隻蝦還要沒竹纖的。。。。係四隻。。我就二說不說再入單。。結果全晚入左好多張單最後食左十二隻。。其他野都明顯keep住吳出。連肉我寫3都來1。只有菜係來得比較多。但紫菜都係寫3來1。最後回家前補多個老麥。。。食完任食還要再食。。。咁何必浪費百幾蚊曬時間呢？打死都吳會再去而間咁既野。。埋單又吳係好平兩個人都300幾蚊。。重點係無野食。。又話任飲任食啤酒又收埋。。貴小小既食材又keep住吳出。。咁既任食只能食到一肚氣。。加埋人手嚴重不足。。有（圓）無路數。。食餐飯食到咁真係第一次

今朝得閒走黎試下早茶，將幾組人撘埋一張大枱都算啦，當我寫完點心紙想落單時，等左好耐都無人（可能因為我坐房入面），終於有個部長入黎啦，我舉起張紙都當睇唔到，轉頭走，我大聲叫唔該都當聽唔到！過左一陣佢再入黎，我又大力揚張紙，又當睇唔到！！分明趕客！未食已經成肚氣呢個銀蘿脆皮腸，唔脆，又痴牙，蘿白有少少澀味，唔好食另外叫左個千層卷併糯米卷，唔記得影相普普通通。整體黎講，稻香集團越來越差，以前都ok好食抵食，而家貴左又差左，最差係服務！

興致勃勃打邊爐，近近哋喺返區內落腳。星期日7點入座，店員提醒逐碟計算 (未到放題時段)｡望望 menu，又幾啱口味喎！揀咗麻辣鴨血鍋，麻辣味香濃，很棒，但鴨血唔入味，一般，小失望。一口牛拼盤太肥，好多肥膏，唯一食唔晒呢碟。雪場蟹柳係蟹棒，我的最愛 雲耳、蜂巢豆腐等都係麻辣鍋必選配料，好吃。丸類同餃類等可選雙拼，幾貼心，適合人數唔多嘅客人。烏冬係我最鍾意嘅稻庭烏冬，大大加分 最大問題係個環境，麻雀肆意亂飛，真係好怕中招 💩 仲有烏蠅慢速飛行，喺配料上依附，撥都唔走，要出手拍死，真係有點噁心... 希望可改善衛生吧~

稻香又出左一蚊雞，今晚同屋企人去食。一蚊燒雞，個皮好脆，不過啲肉有啲實，同埋偏咸。龍蝦伊麵就反而太淡味，普普通通，龍蝦都唔算多肉。另外就叫左個海味雜菜煲，材料都算豐富，底下啲粉絲索哂啲精華，唔錯。

真的是一家人想搵個地方坐下食野傾偈先會去呢間稻香，呢間野 啲呀姐 揮極手都當睇唔到，要佢經過叫停佢先會有回應。加茶叫菜都係等好耐，慢工出一般的課。所有食物都是一般般，沒有十分好食

平時同屋企人都係去開彩逸飲茶，間唔時都想試試新口味，見屋企附近有稻香就試一次去到門口職員話剩係可以搭枱，肯等都無得唔搭枱，無諗過咁大間酒樓會咁優惠點心紙上好少選擇，要焗住叫正價點心，但幾多上海四川小食。脆網腸原來係類似炸兩腸咁，粉皮包住炸蝦春卷。食起黎鹹香，脆身有口感，但入口幾油，食多兩舊已經覺得好抑。湯底加左紫菜煮成，味道清甜，菜苗新鮮淋甜，鱔肚幾爽口。豆腐炸得幾好，無散。炸粉薄得黎好脆身，以七味粉代替椒鹽更香口。叉燒餐包上枱時已經凍左包身幾鬆軟，但無乜叉燒餡，空氣包牛肉球有四粒，兩個人食可以分得均，枝竹夠多比起彩逸係多左唔少新野，但人手嚴重不足，上菜慢，仲要連茶都開錯，嗌鐵觀音變左普洱下次飲茶應該唔會考慮～

同屋企人做冬去酒樓首選🤘🏾🤘🏾做冬自自然然會諗起酒樓而附近好食嘅酒樓都唔多🤨所以去咗一啲大眾啲嘅酒樓同屋企人食飯🤧而且又近近地🥴次次去親都係食打邊爐單點叫乜有乜又唔使等位好方便今次見做冬所以就嗌餸食飯🍤🥟🥠有暖粒粒嘅米飯落肚先似做節🍚由於得三個人食飯所以叫咗五個餸第一個係獵味炒芥蘭我屋企人至愛不過估唔到佢抄得幾好食啲芥蘭唔會太硬又唔會煮得太林而且又夠爽口🤗食落又唔會成口油🤤所以便一流第二個係炸子雞做冬感覺似要有啲雞喺度先係😚本身諗住應該啲雞肉炸到鞋口所以一開頭唔係好想食點知食落又幾好味終於明白咩叫外脆內嫩😚炸得唔會太油而且係滑滑溜溜嘅雞🐥真係用精神兩個字去形容🤘🏾🤘🏾第三個餸係炒花枝雖然我唔知佢綠色嗰啲係咩不過好爽口好好味但係對佢感覺唔太大😂第四個清蒸龍躉都唔太大感覺？🥴感覺上同普通酒樓嗰啲差唔多🤣得一個字滑第五個類似米通個醬汁似菠蘿咕嚕肉咁酸酸甜甜，只不過轉左係米通

31/12/2018 提早5天及落訂金$500，訂了5/1/2019天水圍稻香的$2888雙龍全包宴，當晚的9個菜中有4個貨不對版，1. 乳豬全體明顯不足，比一隻雞的分量還小，豬頭跟身明顯不是同一隻，更可能是番用再番用的豬頭！2. 元貝蘭花蚌變了-元貝荷蘭豆花蚌3. 最離譜的是蟲草花螺頭燉雞變了-蓮藕粟米豬骨例湯，被發現了要取消，竟説只能減$180-200，後來叫了個高級些職員來才減$2804. 竹笙魚肚泡苗菜變了豬皮加少少竹笙泡白菜《商品說明（修訂）條例》將六項不良營商手法，稻香犯得起喔！稻香的真正高層知否公司聲譽價值！希望大家別再上當！

好友相聚食不停今晚約咗幾個好朋友友飯聚，兩星期前嚟打邊爐見到好多枱人都食長腳蟹🦀🦀套餐$13XX有蟹🦀有飯🍚有甜品🧁仲有3罐汽水同一支啤酒送呢隻蟹未煮時會毛生生猛猛活現你眼前不過因爲掛住傾計無影到相，只影到佢呢個狀況肉質尚算鮮味上桌時會幫忙剪好然後整整齊齊擺好碟連腳都會剪好一邊方便食值得一讚椒鹽豆腐拼排骨椒鹽豆腐外脆內軟好好食反而排骨無咩味又比較乾同梗最奇怪係用粟米片做伴碟湯浸蟲草花白菜仔正常味道無咩特別海鮮羹呢個海鮮羹都好足料有蟹肉冬菇木耳小帶子仲帶蟹糕另外仲有乳豬半隻皮脆但少肥生炒糯米飯🍚炒得尚算乾身粒粒分明、蠟腸蠟肉份量夠多另外仲有🐷🐷樣奶皇包，奶皇不太甜味道可以以呢個價錢都算扺食

西鐵天水圍站，坐輕鐵705線，3個站就到天瑞商場，非常方便約了家住天瑞的朋友，在這商場里「稻香」。甫坐下，熱情服務員介紹今期熱賣1）一字長叉燒$98：上檯時發出啫啫聲，今人忍受不住想立刻食，叉燒入口較淋，非常好食👍，推薦之選。2）勁蔥熱鍋雞$58/隻：有煲上檯，保持熱度，真係勁多蔥呀！3）白酒忌廉鮮青口$78：蘇格蘭入口的肥美青口，略帶海鹽味，絕對可見新鮮4）清蒸龍躉仔$78 ：新鮮清蒸，火喉剛好近期在稻香聚餐，都有不錯體驗

昨晚跟朋友一起吃晚餐，我們走到稻香，叫了一些餸菜。吃到飽一飽。(>^ω^<)首先我們先叫了一個豬手，豬手整得很夠味，豬手裏面的豬筋夠「林」。兩件大豬手。☆*:.｡. o(≧▽≦)o .｡.:*☆我們還叫了一碟清菜，新鮮的，翠綠的。底部有一些上湯浸着，上面有一些菇類，和切半的車厘茄。這就是餐單上寫的炒聖子，這個炒聖子的體型比預期中細小。！(◎_◎;)這個就是炸帶子。還以為真的是海鮮帶子在裡面，原來是仿帶子的。！(◎_◎;)最後兩位埋單三百幾港元。

普普通通既打邊爐，叫左清湯同沙嗲湯底，個沙嗲湯底有d淡，無咩沙嗲味。而野飲方面都算多選擇，但竟然無酸梅湯 野食方面，打邊爐要有既食材都有，選擇都唔少。但因為星期日，所以上菜都比較慢。不過無所謂啦，我地可以8點食到11點關門😆😆😆

去天水圍稻香叫餸食飯，之前去過天水圍稻香食任食放題火鍋，但係任食放題火鍋要夜晚八點半先開始，而且仲要排隊等，因為太肚餓啦，所以唔想排隊就入咗天水圍稻香，就咁叫餸食飯！叫咗個頭盤，就係呢啲拍青瓜，酸酸鹹鹹都幾醒胃既，青瓜都好新鮮爽脆！(●°u°●)​ 」仲叫咗條蒸魚，啲魚肉整到啱啱好熟。可能上面有蔥絲所以癖咗啲腥味，令到呢條魚唔係好腥。條魚都ok既。(>^ω^<)仲叫咗一個炸雞，我個人就比較鍾意個木桶，哈哈，估唔到佢唔係用碟上，而係用個木桶裝住隻炸雞，哈哈。(≧▽≦)炸雞嘅外皮炸到脆卜卜，啲肉都好嫩滑嘅，所以鍾意食炸雞嘅朋友應該都會覺得OK。⁄(⁄ ⁄ ⁄ω⁄ ⁄ ⁄)⁄跟住仲叫咗個水蜜桃排骨食，酸酸甜甜，都幾醒胃嘅。但係我就覺得水蜜桃咁樣煮法唔算好好食，一食落口啲水蜜桃整得太「林」，冇晒水蜜桃嘅口感。但係啲排骨都OK嘅 ，有豬嘅味道，整得都唔係好硬，配埋啲汁酸酸地，拎黎餸飯都可以。(⁎⁍̴̛ᴗ⁍̴̛⁎)至於最後呢一碟，相信大家都成日食呢一款餸，我個人認為同出邊食嘅差唔多，只不過佢嗰碟下面有兩個蠟燭，感覺好特別，淨係睇兩個蠟燭就已經吸引到我去影相，哈哈\(//∇//)\肉質～一般

晚上8:30想食任食來到天水圍天瑞商場食稻香8:30後138元成人有花膠食不過是細細隻的花膠而且不是靚花膠即使煮很久都很硬有魚頭食還可以有墨魚滑食這個可以都新鮮的爽彈的有豬肉片食略為覺得厚不夠薄有牛肉片食這個還可以跟外邊的質素差不多有羊肉片食有點兒臊不太薄略為覺得厚有各式丸類食普通質素有各式菜類食也是普通質素粟米不夠甜粟米粒有點粗糙湯底還可以有豬骨味飲品任飲有烏龍茶，檸檬茶等有糖水任飲例如黑芝麻糊和杏仁茶黑芝麻糊的芝麻味不夠重只有甜字杏仁茶比較稀杏仁味不夠完。整體來說，食物質素普通，還可以啦。因為價錢不貴。所以以這質素來說，還算可以的。

同家人黎試一蚊雞，每枱最多叫2兩隻，隻雞係喺個竹籃度原隻上，有蝦片伴菜。侍應會擺低較剪同手套等我地自己搞。隻雞比想像中好味，炸得好香，雞皮好脆，咸度適中，係炸子雞嘅味道，肉質都唔鞋，1蚊好抵食！