稻香 (杏花新城)

營業中

休息中

難得這個星期六「偷得浮生半日閒」，所以早早起床和家人到稻香酒家喝個早茶。這間稻香的早茶時段最近正做優惠，於星期六上午11時前離座的話，特、大、中、小點也是半價，比較抵吃。我們這天點了數款點心，鯪魚球肉丸粥份量頗多，肉丸口感彈牙。蒸蝦腸粉內的鮮蝦大大隻，份量足。紅棗糕內亦有很多紅棗茸，並不是一般只用紅棗水蒸製而成，不錯。惟鮮竹卷比較油膩，可能醬汁太濃稠，所以味道較鹹。整體來說，以半價的價錢享用多款點心，實在太棒了！

今晚心血來潮，想同家人一起吃個晚餐，於是到家人附近的杏花邨商場覓食。家人想吃中菜，我看了看商場的樓層指南標示有一間稻香酒家，便決定到那兒吃飯。平日晚上人不太多，侍應讓我們任意選擇想坐下的位置。侍應的服務態度不錯，主動地向我們推介今期的熱賣菜式。我們點了一個「海貝淮香奮鬥雞」，湯底加入了海蜆，所以比較鮮甜，淮山完全吸收了雞及蜆的鮮味，雞肉入口鮮嫩，整體感覺不錯。我們還點了「蟲草花浸時蔬」，這次用上了娃娃菜，娃娃菜吸收了以雜菌及蟲草花煮成湯的精華，所以味道鮮甜。每個餸菜的份量十足，我們點了數樣已很足夠，希望下次能嚐嚐他們其他的特色小菜，如：「滾下滾下龍躉仔」。

今日eatmug9 #53唔講唔知原來今個星期日就係母親節又有個藉口約埋啲屋企人出嚟食餐飯去酒樓一邊飲茶一邊食嘢傾偈 絕對係個好地方一家人聚餐今日就選擇咗稻香嘅晚市佢都有啲母親節嘅promotion 畀大家選擇但係散叫有多啲餸揀所以我地六個人就叫咗-沙薑雞-紅燒豆腐-花膠雜菜煲-薑蔥蒸斑-薑蔥廣島蠔沙薑雞絕對可以推介畀大家雞肉夠嫩滑之餘最緊要就係個醬就好似食麥樂雞點甜酸醬好味程度倍增反而雜菜煲就失色咗啲啲花膠太韌 同啲花菇切同絲咁幼唔係唔好味 只係相比其他餸就爭啲啲咁埋單6百零 價錢都合理作為母親節嘅一餐 當然係作為後輩嘅小弟同呀哥埋單喇

前身超級漁港，差不多整層二樓唯它獨尊裝修後差唔多細左一半但食物水準高了不少服務態度照舊可有可無前枱服務人員態度冷淡好似唔想你入座一樣豬豬包賣相可唔可愛見仁見智味道普通甜的中式包點小朋友或女仔呃like或打卡一流醬蒸金錢肚味道濃夠香金錢肚厚身得黎又夠淋但齋食會咸左DD整體都唔錯鰻魚炒飯係中式酒樓食鰻魚炒飯好似格格不入？飯煙煙韌韌，鰻魚切到細細粒，加埋鰻魚汁炒香香甜甜食落又唔錯最搞笑係落芫茜好彩我係芫茜痴，唔食嘅朋友記得走芫茜脆皮叉燒包本人中式酒樓必點一道“點心”有D酒樓上枱已經凍冰冰呢到上菜快得黎仲係熱辣辣成個包都做得好好包頂個皮夠脆，入面叉燒唔太甜好好味道

新搬來附近住，假日跟家人試試去稻香飲茶，已經下午兩點幾，見到稻香門口寫住下午茶，心諗假期都有下午茶咁抵，坐低後，見到個牌寫住特價是星期一至五，咁咪問問確定一下，點知個侍應態度超差話你自己睇啦，咁我就係睇左同門口見到唔同先問下啫，咁原來「下午茶」意思係冇特價嘅含義其實我唔介意，但回應嘅態度咁差就真係好趕客。食物方面，我期望都唔大，結果係真係好麻麻，有些是正常味道的，包括蝦餃同燒賣，但有些食物很差，整體來說油真是太多，薄撐真的超油，這碟茄子一放上枱已是這個樣，其實放靚少少都應該不難吧，樣子雖差但味道尙算正常，但都係好油。臘腸卷正常。最後侍應叫人埋單的態度也是超差。不會再來。失望。

雖然同樣是稻香，但是這兒的裝潢與青衣的好像挺不同，第一，它的茶壺用不鏽鋼顏色的茶壺，而且內裏有一個茶葉隔，將茶葉隔開。🤔這麼大塊的究竟是榨菜還是什麼🤔，看其紋理以及輕微酸的味道，應該是比較大塊的醃酸蘿蔔，味道不算極之酸，還可以開開胃，味道還好吧😀。這兒的鹽焗雞味道也不錯，至少比起青衣的極為細小一蚊雞好吃，而且味道香濃，香濃得來又不會太鹹。生炒骨的味道亦是正正常常，肉的份量不太多， 菠蘿也只有三數舊，細細碟炒飯反而份量較多，堆積如山，後來吃不完也要拿走。有兩碟粉絲，一碟是乾炒的粉絲煲，干炒的，份量也不少，而且粉絲夠彈牙，但當然沒有汁醬可以吸味，只是吃其鑊氣，味道也不錯。另一碟的金菇肥牛粉絲煲，份量也不少，但是汁醬何其多，啡色的汁醬好像要淹死粉絲，因此吃起上來就只覺得在吃汁醬，即使用煲子呈上，也沒什麼鑊氣。另外就是豆豉雞，亦都因為汁醬較多，因此鑊氣欠奉，雖然雞肉也不少，但是汁醬過多，將雞肉都浸林，因此鑊氣亦都是欠奉。

重臨稻香, 食物質素依舊美好。我哋叫咗好多食物, 首先有青瓜青瓜, 就好大份蒜味。 味道啱啱好. 唔會太辣。有啲紅色嘅紅油但其實係唔辣嘅 我哋加40蚊要咕嚕肉質素唔錯, 佢係冇骨嘅, 只有豬肉。 個口感都幾好 叫咗金錢肚十分之惹味, 因為有黑椒。 同埋呢都好大分, 下面有豆卜, 實在太邪惡啦, 我冇食到。 叫咗個炒飯炒飯十分高質。 炒到粒粒分明。 材料十分之多 魚皮餃生菜 呢個有啲搞笑嘅配搭, 有菜有肉食。 比較健康 叉燒包我冇食到。 唔知質素如何。埋單二百蚊幾300蚊。 三大一細食到十分十分之飽。。。下次可以叫少啲

很久沒有和家人飲茶自從筲箕灣的稻香結業了之後很久沒有在稻香飲茶今天特地來到杏花邨飲茶父親一看到這個就很高興因為這個茶壺很耐熱👍🏻每次吃到這個雖然有點油但都不停encore喜歡他們這裏的腸粉 很滑這個雞札絕對有驚喜現在很多酒樓都是用豬皮居然這個雞札有魚肚😋最後仍然是吃這個招牌燒賣然後再配上這個辣椒油味道很合配

曾經 兒時，覺得在酒樓食飯是消費高，而且不會經常去的地方。茶芥、服務費、花生咸菜費⋯坐底消費動輒每人幾百，在那年代，我們這些平民是舍不得消費。（試過打邊爐後返到屋企碌公仔麵）自從有稻香，去酒樓模式就變得普遍了，因為稻香開始了$1雞、特價火鍋、派$10利是、等等⋯今次是朋友宴請，選擇了稻香，來時並沒有抱什麼期待，但卻帶給我驚喜的晚宴。有幸能參加朋友在稻香這個飯局，相信將來日子聚會更多⋯、更多地選擇這間稻香。

杏花邨非常有名，起碼每年都有一半時間會在電視見到。大哥大嫂過來探我，一行五人，當然唔少得啤啤🍻。出來搵食，當然要搵「性比價高」的餐廳，今次就選擇了位於杏花邨商場「稻香」。餐廳員工熱情介紹了些菜式，其中有款甜品「蘆薈燉鮮奶」吸引我，順意預留了5位👍。當晚菜式：1）例 脆皮燒鵝 ：花口皮脆、香料夾帶鵝香味道撲鼻而來2）新鮮菠蘿咕嚕肉：有別於外間酒樓，這里廚師用上鮮甜菠蘿，應是用心挑選過，咕嚕肉脆口夠熱，配合酸酸甜甜汁，全部人讚不絕口，推薦。3）宮保蝦球：有8隻大蝦🍤，微辣，對於我們就剛剛好，4）清蒸海星斑：職員叫我去漁池挑選的，去到見漁池好多海鮮，為免自己控制唔到叫太多，快快趣挑了條約1斤星斑$380，上檯時剛剛好，魚肉質鮮嫩雪白5）花膠海鮮雜菜煲：大大煲，湯底唔係上湯，用上濃雞湯，連湯都可以飲埋。最後食埋早早預留甜品，完美

杏花邨稻香，以前叫超級漁港，間中都會來聚餐。自從重新裝修後，食物環境都比以往進步了，講真，酒樓都是大投資的，但稻香價格定位都好貼地氣，星期一至五，早上飲茶及下午茶點心全部半價，有咩理由唔支持。1）今晚向大家推薦「避風塘肉蟹」，同平時大家食開的略有不同，聽服務員介紹，肉蟹係用秘調的滾油直接炸，沒有上醬或粉，非常得別，肉質白色鮮甜。2）$88沙律乳豬：脆卜卜乳豬皮，剛剛好，旁邊伴有沙律菜，夾住一齊食，完美。3）$88臘味炒芥蘭：家人點的，芥蘭爽口唔會老，但臘味有點肥，合時菜式，但我偏愛灼芥蘭。4）$388清蒸東星斑：即撈即煮，新鮮已經完勝最後食埋「爆」珠燉奶完美的晚餐，會再來。

第一次幫襯杏花邨稻香放題火鍋一直期待嘅 因為喺銅鑼灣打過 印象幾好但點知杏花邨呢間...好失望因為8點半時段係要walkin 都預咗要等好彩等得唔算耐 9點2~3可以入座 都接受到啦點咗個鴛鴦湯底. 清湯無味都預咗. 沙嗲亦都無味 淡到... 雖則話依家興健康飲食 但都唔使淡到唔講都唔知係沙嗲吧 好似飲有色的水飲料. 款式接受到嘅 基本嘅可樂雪碧 罐裝涼茶係驚喜丸類. 魚蛋牛丸墨丸唔少得 普通丸類 唔好太大要求好好食 正正常常咁啦. 墨魚滑 無味 淋gg. 蝦滑試唔到 無哂. 沙蜆同蝦 好彩仲有呢兩款海鮮可以放入清湯淆下湯 令淡無味的清湯有返少少沙蜆的鮮味肉. 肥牛同黑豚豬都非常之"鞋". 雞. 滑牛(無牛味)菜. 選擇得生菜甜品. 雀巢雪糕. 杏仁湖 芝麻湖(無試過). 幾款醬汁總結湯底❌火鍋料🆗️飲品✔服務態度🆗️上菜速度❌❌❌❌❌❌追咗幾次第一張單都隔咗好耐先嚟9點半遞紙 等到10點先開始追 追咗2次先送嚟仲要唔齊 再遞紙 送嚟的嘢係第一張單漏嘅嘢同職員反映咗幾次 最後有個職員非常好佢叫我哋再落多次order 佢親自幫我哋執單今次嘅享餐無特別話好不滿體諒飲食行業好缺人但唔值俾

稻香不嬲啲野食都唔錯，手工同材料都甚佳，同家企人聚會就再好不過了~~等左唔係好耐，半個鐘就有位啦個包望落去已經好鬆軟，又唔會乾👍🏻蝦餃叫左兩籠因爲大家都鍾意呢度既蝦幾大隻多料❤️

人流不多，總共3人飲下午茶。原本好開心咁點左幾樣野食，大部分酒樓而家都係劃紙入單。點左豉汁蒸排骨，結果黎左欖菜蒸排骨，我地同侍應講話係叫豉汁蒸排骨，點知佢話：唔係你叫既果樣就唔好食啦！食左先話唔岩，唔識咪問我地囉！咁我就話：咁問題係我地叫左豉汁蒸排骨，係你地俾錯左。咁其實我地都唔知欖菜同豉汁個分別係邊到架嘛😑之後佢黑口黑面咁走左。後來比張收據我地睇，明明叫左一籠蝦餃，收據就出左兩籠蝦餃。最後叫經理過黎先處理得到。唔係錢的問題，係侍應唔應該expect 個客人知道入面係有咩配料，叫排骨有排骨係正常，但配菜唔岩我地係未必知道。但佢係話返我地轉頭囉！痴線👺其實佢地可以拎返張單出嚟，睇清楚我哋係劃左邊一款排骨，如果係我哋問題，我哋俾返錢係冇問題，但唔係我哋叫嘅，唔應該係因為佢哋黎錯咗而要我地俾返錯咗嘅錢！叫左既又唔黎，無叫既又黎左。d單出錯哂！不知所謂。同佢地講完唔岩又唔換，仲話返人轉話。我地明白餐飲業係好辛苦，但唔代表無服務。如果你哋冇服務，無資格要收+1服務費！同事做錯不單止無上報經理，又唔拎返我哋寫嘅單出嚟，咁對我地好唔公平。雖然最後同事有改咗張收據，但食到一肚火，以後都唔會再去光顧。

已經第N次去稻香食任食火鍋, 因為覺得都幾抵食! 不論食物質素, 定服務質素, 杏花村呢間分店都遠勝銅鑼灣分店好多好多少!! 呢度食物明顯新鮮好多, 尤其肥牛, 以任食價嚟講絕對係優質 !!! 而且有部份自助配料係整整齊齊咁放係雪櫃供食客自取, 不似銅鑼灣分店咁散修修, 感覺衛生好多 ! 總點係呢度總有餐前小食, 味道不錯的. 而且, 即使人多, 但服務點都算好過銅鑼灣分店....