竹島水產 西日放題 (已結業)

上水來說，這間放題算是不錯，我入去之前已經對它沒有太大期望。（如果想食質素很好的，就唔好揀上水啦）但這間的質素像是旺角兆萬中心那些放題差不多，算是正正常常，選擇也是差不多，比想像中好～

星期三晚市放題，任叫任食兩小時$228，可是如果能夠七點前離座，就只需要$148。今日去開上水，但要6：15pm 才有空吃晚飯，唯有畀個貴啲嘅價錢啦。這裏的食品款式選擇不多，而且上菜比較慢，部分熟食要催單先至有，其中有幾款例如蒲燒鰻魚皮和蜜糖薯仔牛柳粒，是我們點了但忘記催單，離去之後才想起沒有吃過這裏的刺身值得一讚，味道鮮美，擺盤奪目，令人食得出他們的誠意。炸物味道也不錯，皇帝蟹棒味道鮮美，炸蠔也很好吃，韓式辣雞十分惹味。特別要推薦這個水牛城雞翼，又脆又惹味，調味剛剛好，是值得encore的菜式。火鍋則有少許令人失望，只有三款菜、冬菇金菇、肥牛、芝士腸和兩三款肉丸，不過多吃蔬菜有益，就當作是加插一些蔬菜。前菜只有四款，以上左邊是辣椒拌皮蛋，還有支豆、涼拌青瓜等。最常見的辣味螺肉、八爪魚欠奉。甜品也不多，以上右邊的是甜品，我卻不知它的名稱。此外還有雪糕和一些可能是啫喱或布甸。在這店吃放題，其實味道不錯，主角刺身也很新鮮，可惜食物的選擇比較少，而且早一時段比正常時段便宜$80，價格相差得太遠了，令我們這批吃正價的覺得不值。我會再來吃的，不過下次再來我一定會選五點至七點的時段

本身冇諗住食放題！想食既餐廳沒有開夜市。見這間放題入面Full 晒、諗住冇死啦。點知入到去中伏。冇乜選擇之如、都吾緊要啦。點知d 野食衰到一個點。😰😰😰😰我呼籲大家千其吾好去。八爪魚 好似擦膠。😭😭😭蛋系腿蛋麵包個塊蛋。😭😭😭最基本野都甘、其他野吾使多講了。😑😑😑😑😑😑😑😑😑😑😑😭😭😭😭😭😭😭😭😭所以我都吾明點解甘多人食和好評🤔🤔🤔🤔🤔

首先，食放題第一時間就會點刺身食。來到的時間覺得都不錯，但食左1舊後，刺身很不新鮮吃不出有甚麼味道。吞拿魚更不新鮮的，發黑而且肉質是霉🤦🏽‍♀火鍋方面，食物選擇得很少，我看火鍋櫃豬肉果返d肉碎，等了一段時期都沒有添加過。一口牛肉洋蔥多過肉，牛肉沒有住何味道...店內環境好擠迫，而且有陣怪味🤢俾呢個價錢，真的寧願食酒樓都唔會再食呢間🤦🏽‍♀會令人後悔的放題食物選擇的種類不多，味道也很差，食物感覺似雪了很耐...

等食物上枱所用時間合理，服務態度好，三文魚油而鮮，有魚味；刺身蝦鮮甜可口；羊架肉好味；咖啡、奶茶、汽水、啤酒、清酒任飲。最抵就是星期六六點幾入座，加埋一、二百元有找

平時好少係上水食野，而且更加唔知上水竟然有放題!! 朋友建議去試，當然去試一試，話曬唔洗出旺角咁遠。訂左位既原故，去到已經有得入座。去到先知原來有得打邊爐，有個自助配料區，配料有肉，丸，菜，公仔麵同蝦選擇左昆布湯底，湯底咸度適中，帶鮮味，亦有少量昆布。配料既蝦肉新鮮彈牙，而我最愛就係牛丸，非常驚喜一咬已經爆汁，肉質彈牙帶韌性，相當滿意，一試難忘，之後不斷出去拎放題當然唔少得魚生刺身，壽司，天婦羅，串燒。魚生款式雖然唔多，勝在新鮮，而天婦羅我亦好滿意，外脆內嫩，尤其天婦羅蝦。同埋值得一提，我幾中意串燒，肉類鮮嫩。仲可以配梅酒，一流因為有邊爐緣故，不知不覺就食左2小時，走之前食左唔少水果，甜品。竟然有甜筒，好滿意

住左粉嶺咁多年，平時多數都係係粉嶺或者出大埔食，反而上水真係少去。但係今次同中學同學聚會，就去左上水竹島放題。一般係出面食既放題都係全日式，但呢間就特別d，有埋港式邊爐西式羊架同扒食！同朋友唔知食咩式餐既時候呢到可以一次滿足你幾個願望放題食魚生先是常識。唔好以為北區冇好野食，呢到既魚生係幾唔錯，赤蝦三文魚鮮甜（仲幾大塊），另外牛油帶子壽司自己都幾鍾意（可能因為自己鍾意食牛油，芝士類食物），入左口有牛油香同帶子口感會融，幾得意。雖然種類唔算好多，但主要既都齊，而且算新鮮。其他一般放題類食物都ok，但唔多講，因為想講下佢d羊架同扒。平時即切都係係buffet先有，估唔到食放題都有，羊架係即時用火槍幫你燒，口感軟，唔會un，牛扒都一樣係幾唔錯，自己就覺得配黑淑汁好食d另外火鍋方面，其實種類唔多，但係我淨係牛丸都食左唔止5粒，真係幾好食，估唔到黎食放題但變左食牛丸haha 當然放題食完咁多味既野，淥番d菜食都幾開心。另外想讚佢晚市啤酒可以任飲，飲番佢幾枝1664都幾十蚊係到，雪糕，飲品，甜品，水果，沙律都係多選擇食高質放題唔一定要出旺角，原來近近地上水就有一間！

一家大小八口食，睇左焦點食評而黎食，有期望，所以失望：1-又話有海鮮拼盤打邊爐又無，2-又話有H字頭雪糕又無，3-傳說中的龍蝦湯底又無，4-見過人食的凍奶甜品完全見吾到，極度失望，5-好大部分的刺身壽司肥牛等都吾新鮮，6-蟲草雞湯得啲水無料，味以洗碗水好可怕！最後得羊架牛扒檔仔幾好食，天婦羅不過不失，飲品有幾多好選擇、咖啡機吾錯。好好好失望😞⋯⋯大家不要再信焦點食評，原來過去已過去。店員服務係好好，但室內環境吾知點總有陣味道，啲杯底偶會有積要換過隻⋯⋯八個人成千一蚊埋單食吾飽，因爲無想叫多啲食的慾望了。

令人難忘嘅母親節餐！服務差！食物質素比横濱差！水吧位跌嘢落嚟整到我父母！道歉一句都冇！叫嘅嘢食同嚟嘅嘢不一樣！最貴時段去！問點解你地話有雪糕但係我搵極都冇！？佢哋話賣曬，真係吹波！

味道差到不予置評！ 選擇少到一個點，特別芝士壽司，難食到只食左半啖就無再食...🤮 啲刺身又多雪味... 花之戀我更加係無奈😂細到好似我啲指甲甘，我食緊咩？我都唔知...千萬唔好因爲近而黎食...平日一個人都要$250幾，價錢已經唔係平，我從未試過甘後悔食放題😭🤦🏻‍♀️邊爐都唔係太好... 啲腸仔超咸！午餐肉好似比人咬左一啖甘🙄唯一好食的係雪糕🍦，生菜😂😂食之前真係諗清諗楚啦.....😉😉

晚飯分三輪時間，第一輪 4:45-7 時；第二輪 7-9 時；第三輪 7-11 時；我們選擇了第二輪 （每位 $248 加一），等了約15分鐘才入座。主打日式放題，火鍋需要提出才會供應，以前的火鍋海鮮拼盤已取消，只有一般的單點項目。刺身、壽司及火鍋料選擇不算多、質量尚算可以，想不到烏冬竟然不錯、有咬口，超迷你版的鰻魚飯也有驚喜，飯質可口，新增的燒牛肉，肉質嫩，值得推介！甜品方面亦取消了Haagen-Dazs，不過朱古力甜筒和榴槤雪糕倒也好味！通往洗手間的路頗濕滑，要小心！

母親時節，見呢間食評又唔差，揀左佢開餐，但結果令人失望，本來對呢種開喺舊街裏既鋪頭仔，質素不會有所特別期待，但又無諗過真係咁差。首先入座時已經不快，我地訂左7位，但佢竟然比左兩張分別係坐到4人及2人既枱我地，分開坐的，擾攘一輪，最終都係話安排唔到，我地又費事轉場，因為當日難搵位，所以局住照食。因為心情受影響，所以無映相。食物方面:選擇種類很少，三文魚正常質素，虎蝦唔新鮮的，沒有帶子沒有甜蝦沒有海膽。罐裝飲品自己出去任拎，熱飲就有咖啡機。有個很小的甜品bar,種類不多也不吸引，所以無試到。雪糕得平價既牌子，食評上見到話有H字頭雪糕，這次沒有看到有供應！天婦羅炸得唔好食，味道怪怪的。比較好味既得炸榴槤同串燒 雞翼。埋單每位270蚊，又唔係真係特別平，食d咁既野。總結：不會再幫襯。

從未食過一間咁差嘅放題，本來都冇諗住好食㗎啦，但都唔好咁差吖，食物小已經夠衰，重要叫咩冇咩，刺身唔新鮮，廚房嘢又叫咗好耐都唔出，唔會再有下次，請都唔會嚟，垃圾，食過好多間呢間真係差到唔識講😡😡😡

山長水遠去上水探B，十幾年沒踏足過上水，這裡轉變得誇張，每處都是人與拖gip，搵左好多條街先搵到條街靜少少，見到間西式裝修，但食日本野，見肚餓就入座。餐廳都幾滿座，最初以為店員人手比例不足，有餐牌叫餐，但又有自助區，有點迷茫到底食放題還是其他，等左陣，先找到個店員問清楚，原本叫一個飯/烏冬，就可以使用自助區，自助區有前菜、飲品、甜品，還有糖水。我叫左個滑蛋豬扒飯($68)，質量高度評價，分量十足，仲可以任飲任食甜品，簡值超值！餐廳晚上都有放題提供，可惜今次冇機會試

聽朋友介紹過呢間放題既午市套裝都幾出色，而且仲有飲品甜品自助吧，當然要去一試午餐由魚生飯、壽司盛，到飯類烏冬類都有，即使唔食生野既人都有選擇～最重要係飲品同甜品真係任拎咖甜品櫃有蛋糕、布甸等。一行兩人最後點左：- 滑蛋豬扒飯 $68- 日式豬軟骨拉麵 $58拉麵烏冬類仲跟配時令壽司2件，今日係三文魚壽司睇個樣都覺得新鮮，幾肥美日式豬軟骨拉麵午餐份量剛剛好，麵質粗幼適中，彈牙有韌勁，豬骨湯濃滑，值得一讚既係主角豬軟骨稔滑之餘軟骨部分煮到入口即溶，完全唔夠喉，俾一碟我都食得哂啊滑蛋豬扒飯飯粒煲得岩岩好，唔會太濕或太硬，加上半生熟既滑蛋好好送飯同出面既滑蛋豬扒最唔同既係，佢表面舖左極幼細既蛋絲，食起黎滑蛋同蛋絲既不同口感令層次豐富左好多！豬扒厚薄適中，肉質軟身，無筋。食完正餐仲有甜品拎，每樣味道都唔錯，特別係白色果件，好香椰絲同斑蘭味，唔會太甜。如果喺上水返工我一定會日日lunch過黎食