第一家 (已結業)

今日去左朋友屋企聚會 夜晚叫左韓國菜外賣係美食平台 叫外賣 但舖頭名係啊一家 我哋4個人食但叫左5款食物😆 最後係食唔晒因為每款既份量都好多🇰🇷蜂蜜蒜蓉無骨炸雞 無骨真係岩哂懶人食 啖啖肉😋 個醬都好濃厚好夠味🇰🇷韓國泡菜煎餅 入面有啲海鮮 好大份 不過有少少燶左 但唔影響味道🇰🇷炸魷魚鬚拼辣年糕湯 炸魷魚鬚好大舊 炸得好香脆 要剪開先食到 辣年糕湯 有年糕有炸魚餅 少少辣🇰🇷炒粉絲 好大份 不過味道偏淡🇰🇷海鮮豆腐湯 好好飲 少少辣 有幾舊滑豆腐 有少量海鮮 另外再配有飯同小菜另外再加左配菜 有泡菜(唔係好岩我哋口味)同醃魷魚(偏咸）整體係好抵食 份量多 味道唔錯👍🏼

⭐️第一家⭐️📍:西灣河太康街1號麗灣大廈地下L號舖⏰:11:00am-12:00am同男朋友出咗去灣仔有啲嘢做 但係又臨急臨忙要去做其他嘢 又想食韓國菜😍於是上foodxxxxx睇吓附近有啲咩外賣自取食 就見到呢間買滿$120有八折嘅外賣炸雞🤣即刻落單買返屋企食！呢度係即叫即整 通常落單大約20分鐘左右可以攞到 外賣好貼心 會用錫紙包住外賣炸雞 有保溫嘅作用 拎返屋企仲係暖暖地🤣🐥無骨蜂蜜蒜蓉炸雞滿滿的蜂蜜蒜蓉醬 一拎到上手香噴噴 蜂蜜汁塗滿每一件雞塊 外皮唔脆 不過好香 裏面既雞肉雪白嫩滑 食落口啖啖肉 真係食唔停口🤣🥬泡菜餅食韓國餐最鍾意食泡菜餅😍泡菜好爽口 辣辣地嘅口感一流 佢哋呢款比較厚身 同埋一塊真係兩個人食都食唔晒😂都比較脆身 口感一流！🥬泡菜泡菜配炸雞食真係好唔錯 凍凍地爽口！🍟炸薯條拼盤男朋友鍾意食炸薯條 咁一定要叫呢個拼盤😂返到屋企仲係暖暖地 唔會淋晒 一盒份量好多 再配埋茄汁！非常惹味香口！

最近天氣咁熱都唔想出去買嘢食屋企人又唔想煮所以就決定外賣🥡韓國嘢媽咪不嬲都好鐘意而我自己就好鍾意蜂蜜蒜香炸雞🍗蒜蓉同蜂蜜嘅搭配真係一流蒜香味超級濃郁，而且唔會炸過晒龍韓式炒牛肉，甜甜地牛肉味好濃 好重泡菜味道加上白飯 更加一流芝士辣雞炒年糕滿滿嘅芝士鋪喺面食前熱一熱 令到佢溶化入去再攪拌一齊食 真係好味又邪惡真係一定要熱辣辣嘅時候食晒如果唔係啲芝士凍咗唔好味😋真係即整而且送餐速度唔會好慢每樣嘅份量都十足 食完好滿足！

就算去唔到韓國都可以食到地道嘅美食第一家 The Best House可以外賣送到你屋企家人朋友都可以享受韓國美食炸醬麵套餐跟配菜唔係隨隨便便一碗炸醬面上面仲有特製嘅醬汁令到味道更加昇華 麵條軟硬適中而且唔會好鹹，調味正好食炸雞之前叫咗個小菜涼拌辣魷魚食到魷魚嘅鮮味 喺開胃嘅前菜唔會好辣蜂蜜蒜香炸雞蜜糖醬汁超級多 炸雞依然脆卜卜分量仲有大，小 同朋友分享就最啱啦真係送到黎都熱辣辣同埋我覺得唔會太甜叫咗個全份有骨真係十足份量

Just when we thought this might the Korean take out that we would love, it turns out that the fry chicken is as boring as KFC. Korean fry chicken is double fried, and what we had was a joke. And then the kimchi pancakes and kimchi’s soup are just a insult, the pancake is far far and very far from the Korean vision. And the soup, why don’t we just buy some kimchi powder and cook by ourselves!Overall, don’t spend money for something that you thought it might be the one…

前幾日去朋友屋企玩，我地夜晚叫左外賣食。我地見呢間韓國菜有35% off，於是就揀左。呢個細味自選2人套餐都幾抵食，可以揀一份炸雞，仲有兩款菜式揀。無骨蜂蜜蒜香炸雞 炸雞好好食，無骨但啲雞肉好滑嫩，外皮就算沾滿蜂蜜蒜香汁都依然香脆。蜂蜜蒜香味好入味好香，食唔停口。海鮮炸醬麵 超大盒，每條麵都掛滿炸醬，仲有好多海鮮，例如蝦仁、魷魚等等，仲有啲好香嘅豬肉，呢個炸醬麵好豐富。芝士辣雞炒年糕厚厚嘅芝士滿佈成個表面，每一件雞同年糕都沾滿曬芝士。年糕煮得軟硬適中，唔難咬得黎又有咬口。辣度都ok，唔會太辣，但足夠惹味。除左芝士、雞同埋年糕之外，仲有泡菜。涼拌菠菜 Cold Spinach加左個小食，食啲菜感覺健康。

心思恩想食炸雞🍗但又無咁多時間坐底慢慢食，最後就叫左外賣返屋企嘆。見佢依間主打韓式炸雞，就點左兩樣唔同味既炸雞試下，一份 無骨蜂蜜蒜香炸雞 &一份 無骨咖哩炸雞。兩樣外賣拎到返屋企都仲熱，炸雞外衣唔會淋哂，仍然都係香脆其中，無骨蜂蜜蒜香炸雞，明顯見到佢有一粒粒蒜頭🧄炸雞沾滿蜂蜜醬，香甜得黎，炸雞仍舊脆口。而 無骨咖哩炸雞，一打開已經聞到佢既咖哩味，炸雞好香濃咖哩味，加上無骨&啖啖肉，食落夠過癮又唔洗吐骨 - 正

初夏開始熱辣辣，唔想落街食，係網上外賣平台叫左韓國野，我地2個嗌左3樣野，無骨蜂蜜蒜蓉炸雞（半份），芝士雞蛋卷同乾明太魚湯。芝士雞蛋卷 Cheese Egg Wrap比想像中大份，上面有蕃茄醬同芥末醬，入面有好多芝士Boneless Garlic Fried Chicken with Honey （half）無骨蜂蜜蒜蓉炸雞 (半份)我最期待既係炸雞，半份都有好多，底下有蜜糖汁同炸蒜頭，調得好味，我連蒜頭都食埋😍😍乾明太魚湯 Dried Pollack Soup平時好少見明太魚，一於試下，除左明太魚之外仲有蜆，豆芽同蘿蔔，撈下撈下都幾多料，蜆洗得乾淨無沙，蘿蔔又好入味，仲有d胡椒味tim。三樣好似唔多咁，但食食下都好飽，下次2個人叫2樣就夠了。

原來第一家係喺全港都有分店， 可以用app落單，好方便，外賣好準時就到，而且分量都幾多！ 韓式烤去骨豬肉套餐便當非常吸引， 豬肉好入味，係甜甜嘅醬油味，配有菜， 另外有魚糕，白蘿蔔， 芽菜等等，配白飯好好食😋 炸醬麵套餐炸醬麵好正宗，有配菜， 非常有韓國風味， 令我諗起去韓國旅行的日子！ 每個套餐都包兩罐汽水👍🏻甜辣炸雞要咗半份甜辣炸雞 ，比想像中小辣😋 皮薄香脆，醬汁甜甜好惹味😍 無骨蜂蜜蒜蓉炸雞因為屋企人鍾意無骨炸雞，所以要咗全份，肉質夠嫩滑，就算食雞胸肉都唔會鞋！ 蜂蜜蒜蓉味夠濃，微辣，食到停唔到口 😋 年糕腸仔串 整得好靚， 年糕夠晒煙韌唔會好淋，夾住腸仔食一流😄

韓式炸雞就食得多，但係通常都係堂食呢排返工比較忙所以都冇時間出街食飯所以就同同學一齊整咗炸雞同埋冷麵一齊share本身都冇抱有乜嘢期望，因為通常外賣到過嚟啲炸雞都會淋晒，但係估唔到我哋今次嗌呢個無骨蜂蜜蒜香炸雞送到過嚟依然係外脆內軟超級surprise而且每舊雞都好juicy除左食雞，我哋仲試左個螺肉冷麵冇諗過咁高汁！！！每一啖都食到滿滿既螺肉呀真係！平時呢啲都係求其比幾舊你就算，估唔到呢間除左好味仲好足料不過留意翻都幾辣下題外話: 食完到到夜晚仲覺得好飽飽

今日突然間好想食炸雞飲啤酒 但係又唔想郁 唯有叫外賣喇 搬左去d村屋之後就同左d 外賣平台做好朋友係網上外賣平台個到搵到"第一家"又咁岩做緊promotion 有折我即刻叫返份半半炸雞先送到黎原味炸雞個皮都重係脆既 味道方面係辣既 係幾香口既辣 唔係死辣而另一隻酸辣味炸雞係我鍾意食嘅味道又酸又辣 加上啲醬汁係可以掛喺炸雞到 好正呀 d雞肉質地唔會好乾身 鞋恰恰咁另外 為想想送啤酒 叫左一份雞泡魚乾 有成3塊咁多 因為係成塊上 自己剪到一條條點沙律醬食 自己用左一塊加工左放落氣炸鍋 更加香口 最後唔少得點左份豆腐湯 外賣黎到重熱辣辣 勁大碗 勁多料 有好多豬腩肉 夠辣 好有韓國風味 整體黎講 唔錯 包裝得幾好 湯又冇倒瀉 嘢食又夠熱 價錢合理 可以坐喺屋企慢慢嘆開心飲啤酒食炸雞

非常有質素 正宗韓國菜口味 吃了有去了韓國的感覺連包裝都同韓國一樣製式 外賣炸雞回家仍是非常脆份量超足 非常抵食疫情下已經食過好多次成日都做優惠 無論自取外賣 定 經平台落單送上門 一樣抵食

最近同同事喜歡上韓劇，每次在午飯的時候，我們一班同事都會圍在一起看劇🤭，然後瘋狂討論劇情。今天為了想更有韓國氣氛，我們決定叫炸雞外賣啦!!! 曾經在Openrice看過第一家有不少好評，而且發現用app訂購，外賣送貨又有折，所以就試試佢啦! 炸雞有好多口味，我們幾個同事決定點三款，有無骨半半炸雞(原味加甜辣味)和無骨蜂蜜炸雞。我們幾個同事都是女生，點無骨就比較方便易食😆。炸雞份量好多，啖啖肉又多汁，送到公司仲很熱很脆，好好食。 另外我們點一個飯盒三人飯，韓式烤去骨豬肉套餐，一個飯有好多配料，色彩繽紛，都幾吸引。豬肉軟腍入味，飯量亦都唔少。這次叫外賣更有折，抵到傻啦😍!

由於疫情關係公司好多工作都停頓咗一排，所以今日要加班追返啲進度，為咗爭取時間所以晚餐決定叫外賣，幾位同事都想食韓國炸雞。打開外賣 App 見到呢間新開嘅炸雞店做梗折，而且重有幾多好評，所以就決定叫呢間。😋說時遲那時快，落咗單無耐速遞哥哥好快就送到去公司 😍 叫左兩款唔同口味嘅炸雞 (蜂蜜蒜香同甜辣)，大家都比較懶所以當然係叫無骨嘅 😝 另外叫咗幾款配菜 (泡菜、涼拌辣章魚、涼拌辣魷魚)。無骨甜辣炸雞 (左/$138)，無骨蜂蜜蒜香炸雞 (右/$158) : 兩款炸雞都係人氣推介果然冇介紹錯，雖然係外賣，但炸雞又脆又嫩滑，自己鐘意食蜂蜜蒜香味，味道濃郁超級正，甜辣味唔算太辣，兩位唔食得辣嘅同事都無問題，炸雞雖然叫半份，但係份量超級多，四個人先食得哂。

餐廳位於西灣河地鐵站旁,賣着各款韓食,炸雞拌飯樣樣都有,疫情間用網上外賣平台落order仲有唔少折扣👍🏻無骨蜂蜜蒜蓉炸雞 $138炸雞炸到外脆而入面超級juicy,無骨炸雞食得超方便,仲要全部係雞胸位置,被特製蜂蜜蒜蓉醬包裹住,令人食唔停😎烤特級牛肉套餐 $108韓食一定不能缺少韓牛,入口就感受到油脂甘香,而且口感鬆化,拌飯一流👍🏻套餐仲附有各種韓式小食,其中芝士雞蛋卷做得非常出色,濃濃芝士香味!炸醬麵套餐 $98正宗既炸醬麵有着極香既黑豆味,與些少蔬菜和碎豬肉拌好,再加上面頭既青瓜絲,滿滿營養又飽肚😋