第三代肥仔小食店

營業中

休息中

放工時間，特登行去厚福街諗住食肥仔，因為上次食過都幾好食，見冇咩人就買左幾串食，但今次兩位女店員服務態度及語氣十分差，比錢受氣，，兩人完全黑臉，東張西望，店鋪聲譽完全被服務態度影響哂，d野食再好味都冇用

尖沙咀的肥仔小食店，原來就是旺角肥姐小食店的兄弟店，旺角店永遠都大排長龍，尖沙咀就即排即食，早前更得到了米芝蓮頒獎，更加抵讚！皇牌套餐－大墨魚，細生腸，雞腎，其實跟散叫價錢一樣？！食物其實就很普通，不過最特別就是醬料，甜醬，麻油，加少許芥末，吃入口甜甜的，涼爽的，正！

旺角「肥姐」，早已聞名遠近，成為港式街頭美食的代表之一，每天店舖門前，總有二、三十人在排隊輪候，為的只是買一、兩串生腸、墨魚、豬脷、豬頭肉等物，一飽口腹之欲，特別是「大生腸」與「大墨魚」，更是店中的鎮店之寶，澆點醬油、甜醬和芥辣，絕對能讓人食指大動。一個到厚福街吃晚飯的日子，雖然自己是從旺角乘車往尖沙咀，但沒有幫襯久不久便會幫襯的「肥姐」，想不到的是，自己去到厚福街，時間早了點，還未到訂檯吃晚飯的時間，自己又開始肚餓，靈機一觸，便走過馬路，來到這間與「肥姐」甚有淵源，據聞是肥姐兒子所開的小食店，買一串「大生腸」，一解肚餓。這小店與「肥姐」又的確是極為相似的，從門面樣子到食物種類，從食物種類到食物價錢，都幾近一模一樣，不過生意就只是普通，只有疏疏落落的顧客幫襯，與「肥姐」終日生意滔滔，其門如市的情景，不可同日而語。其實這店子最吸引的，我覺得是它的「皇牌套餐」（$26）和「大皇牌套餐」（$31），「皇牌套餐」已包括大墨魚、細生腸與火雞腎三者，「大皇牌套餐」更把細生腸換成大生腸，一次過可以吃到兩樣店中名物，還有火雞腎附奉，還能不吸引嗎？不過這晚我還要留肚吃豐富的晚餐，所以只是買來一串「大生腸

平日經過旺角肥姐小食店，總會看到長長的人龍，有時確是頗令人想吃而又卻步，之前曾在網上看過報道指肥姐的兒子在尖沙咀開了分店，但一直沒有機會前往，想不到在機緣巧合下經過厚福街，發現肥姐兒子開設的新店就在眼前！食物方面，不論款式還是價錢，都與旺角肥姐相同，不同的是這間肥仔分店旁邊有少量吧桌位置供客人立食，以不鏽鋼碟盛載食物，吃得更為方便乾淨，而且更不用大排長龍！大墨魚 細生腸 火雞腎 豬潤 ($34)點了細皇牌套餐及一串豬潤，其實單點與點套餐價錢一樣，不過點起來比較方便吧細皇牌套餐包括大墨魚、細生腸及火雞腎，三款亦非常爽口，而豬潤則比較實，質感帶粉，冰涼的小食十分適合夏天掃街！芥末醬、甜醬及豉油絕對是肥姐小食的精髓所在，雖然嗆鼻，但真是辣得過癮吃完後記得要自行將不鏽鋼碟和用過的紙分開放進旁邊的垃圾桶，並清理乾淨桌子呀個人覺得味道質素與肥姐相同，是經過尖沙咀或是想吃肥姐又不想排隊的另類選擇！

去到尖沙咀口痕想食啲野，加上而加天氣熱辣辣，食肥仔就非常好了！平時去旺角排肥姐排到2046，呢到呢到唔洗點排隊，最多都係排兩三分鐘。今次要左皇牌套餐(大墨魚、細生腸、火雞腎), 💰HKD26, 之前食過一兩次，之前覺得都幾好，但今次食明顯質素有啲下降，份量好似少左，而且已經冇咁爽口。但係肥仔的確係炎熱天氣嘅一個唔錯小食，配上甜醬、芥末、豉油等，確實係好味。但係比我揀，我會揀返肥姐，始終肥姐質素比較好。

Went here for these orange skewers again because the queue here is not as long as the one in MK.Normally I get the squid but this I decided to go for the set.You get three skewers: gizzards, intestines and squid.They were all fresh but I think I will stick to just squid next time because the gizzards are too crisp for my liking and the intestines were nice but having three skewers were a bit too much for me.The squid remains my favourite drizzled with delicious sweet sauce and sharp mustard.

鍾意食第三代肥仔，因為佢無肥姐咁多人。好多人都話佢無乜特別，我都想幫佢平反一下。先講我點了豬潤，雞腎和墨魚。豬潤好爽口，不太粉，感覺沒有煮過龍。雞腎都好爽脆，仲有必點的墨魚，充滿索哂鹵水汁。識點一定甜醬芥辣都要先夠好食！我覺得絕對不比肥姐遜色。

食過肥姐都知有幾好食，D汁同醬都好好味同埋D一串串夠凍！叫左個皇牌，有细腸，八爪魚同雞腎.價錢還可以接受28蚊有三串！细腸冇雜味，八爪魚好可口！但總係覺得比旺角個間細D！另外仲可以加紅腸或者其他。宜家黎親tst都幫襯呀！

在尖沙咀隨便吃一串街頭小食都要十多元，但肥仔小食店大部分的小食只須六元！認真「抵到笑」！肥仔小食店是旺角熱店肥姐小食店的子店，不論用料、造法、款式、定價，全部都一模一樣，唯一不同的是，在尖沙咀的肥仔不用大排長龍，便可以買到又便宜又好吃的皇牌套餐。細皇牌套餐($23)共有三款食物：火雞腎、細生腸、大墨魚。落單後店員就會從雪櫃拿出一串串小食，詢問你要不要甜醬芥辣（我的建議是必定要加！），然後便很有效率的送上食物。三串小食都很爽口，店員把食物整理得很乾淨，沒有內臟/海鮮的腥味，冰涼的小食配合甜醬芥辣簡直天衣無縫，尤其是芥辣攻鼻的一剎那，很爽！

呢排去開尖沙咀行街，都會忍唔住去幫襯“第三代肥仔小食店”，唔洗再專登去旺角排隊食“肥X”了每次我都會食墨魚，墨魚夠爽，夠冧，加埋佢啲甜醬，涼涼地好好味呀另外都會叫多串豬脷，豬脷口感都唔會太冧，好味，$19已有兩串，抵食招牌好易認

行開尖沙咀，唔可以唔推介呢間小食店 佢賣既小食好似好普通，生腸，雞腎，墨魚等等但佢嘅特別之處就係佢嘅醬汁，甜醬加d麻油香，甜甜的又惹味，令人食完都返尋味 生腸，墨魚都好爽口，大細適中 價錢方面，同旺角大多街頭小食嘅價錢差不多，唔算話特別貴，仲有套餐揀添，堂食、外賣都可以 黎開尖沙咀，可以黎到一試

上次講完北角雞蛋仔，灣仔 Kelly pop, 今日黎到食平時好少會食既生腸, 八爪魚。平民版米芝蓮，買少見少，通常好快加租就執笠， 大家真係要幫襯下，支持本地美食!黎到叫左店招牌套餐$26，姐係一串八爪魚$12，細生腸$7，同火雞腎$7。套餐好似冇平到？定我睇錯價錢？八爪魚超爽，好有咬口，同時同一串既爪又會好軟熟入味，一串有兩種口感好過癮 幾好食細生腸，好爽脆，洗得好乾淨，完全冇異味火雞腎，呢樣真係第一次食 ,佢爽但比較硬， 味道一般。唔太識食呢三樣野我平時真係好少食，但都覺得好特別，好有香港風味。 睇過報紙話佢係旺角 肥姐個仔，一直都食唔到肥姐, 試左呢間當係佢架啦 哈哈哈

今次叫咗皇牌套餐，有雞賢，大腸同墨魚。因為太肚餓，食晒雞賢先記得影相。估吾到呢間嘢咁好食，本身以為係熱食，不過凍食都好好味，估吾到老味同甜醬同芥末醬咁夾，而且哦材料好新鮮，又吾貴，$26一份，值得一試。

很耐以前吃過外婆泡製的滷水美食有八爪魚、雞腎和鳳爪，味道美味非常，回味無窮，可惜外婆過身以前再沒有吃過了......第一次光顧肥仔，反正很耐沒吃過這種滷水小食，於是索性點一個大皇牌一次過滿足晒三個願望。大皇牌包括有八爪魚、豬大腸和雞腎，口感彈牙、爽口、食料很新鮮，其實只有少少醬油已經很好味，不用加芥末和甜醬即可。

走飲旺角波鞋街, 必見到一條很誇張會U字排開的人龍, 由早排到晚上10時都不變, 跟紅隧的車龍可媲美! 這條誇張的人龍是為了幫襯「肥姐小食」, 喜歡掃街必食的店! 「第三代肥仔小食店」其實是肥姐細仔開的分店 , 開了一陣了, 幫襯幾次都很舒服不見人龍, 而且旁邊有一張小小的吧枱, 食的時候沒那麼狼狽 想必消息未廣為傳開, 沒有太多人知道....想必未來又要排長龍 門面到食物種類, 味道, 價錢, 份量都跟旺角一樣凍櫃排好了大墨、火雞腎、豬心、豬耳、豬脷、豬潤、豬頭肉、豬耳、紅腸、鳳爪、大生腸和小生腸除了大墨魚及大生腸$11外，各款滷味$6我們幫襯了皇牌套餐,裡面包括: 大墨魚+火雞腎+細生腸 其實所有食物的滷味都不太濃, 主要靠甜醬及芥未醬帶起味道, 而賣點是小吃很爽口清涼最喜歡是他們的細生腸, 特別爽脆!