等等HEA

營業中

休息中

非常差嘅就餐體驗！完全冇提供餐牌上嘅套餐所包含的前菜小食，跟餐熱飲顧客唔問就唔提供，付款亦唔冇提供收據。唔係食貴嘢，服務人員就黑面，九龍城大把選擇，呢間服務態度極差，下次唔會幫襯！

九龍城大閘蟹放題返來啦❗️記得上年佢地都有舉辦大閘蟹放題嫁❗️之前一直都食唔到，今次終於同老公食到了🤩88分鐘無限添加大閘蟹放題😍上枱速度好快👍🏻每次落單等幾分鐘就黎到👍🏻我地2個人都食左14隻😋真係每隻大閘蟹都爆曬膏嫁😍🔸清蒸大閘蟹🔸台式麻辣大閘蟹🔸玫瑰露花雕醉大閘蟹🔸秘製鹽焗大閘蟹各種口味任你揀，任你叫👍🏻個人比較鍾意清蒸大閘蟹，原汁原味就最好食😋除咗食大閘蟹，仲有好多蟹粉系列嘅食品，爆汁蟹粉小籠包，蟹粉水餃，蟹粉灌湯餃，蟹粉撈麵。。。。仲有各式各樣台式小食，台式飲品任你飲，任你食溫馨提示，食完大閘蟹記得一定要飲佢哋自家製嘅薑茶👍🏻薑茶夠晒辣大閘蟹放題做到2024年12月10日，想食大閘蟹記得要預約❗️佢哋好爆場㗎😍

九龍城任飲任食大閘蟹放題 又到左一年一度食大閘蟹季節88分鐘無限任食大閘蟹 蟹粉前菜價錢跟據大閘蟹大細 最平$478（價錢餐牌可以睇一睇影片）.有4款口味大閘蟹 原味/鹽焗/麻辣/花雕醉蟹但最鮮蟹味都係原味最重口味會係麻辣大閘蟹 仲有啲辣椒碎 惹味.其他前菜小食唔算多 但全部係蟹粉菜式例如⭐️生滾大閘蟹蟹粥⭐️蟹油香辣雞煲⭐️瀑布蟹粉撈麵⭐️蟹粉小籠包⭐️蟹粉糯米燒賣王⭐️蟹粉水餃全部都係蟹 仲有啲台式小食 同飲品飲品相對比較多 有二十幾款.整體好適合鍾意食蟹嘅朋友.#hkfunfoodrecord窮遊香港#hkfunfoodrecord_九龍城.#等等HEA (九龍城)地址：九龍城福佬村道41號地舖..#飲食 #美食 #hk #food #hkfood #hkfoodie #hkfoodblogger #hkblogger #hkfoodies #香港美食 #新蒲崗美食 #新蒲崗 #鑽石山美食 #鑽石山好去處 #新蒲崗好去處 #鑽石山 #樂富美食 #黃大仙美食 #九龍城美食 #九龍城 #九龍城必食 #宋王臺美食 #啟德美食 #大閘蟹 #任飲任食 #放題

大閘蟹季節！阿媽話想食大閘蟹，就帶佢黎九龍城等等Hea 任食大閘蟹 ！🤣88分鐘大閘蟹任飲任食放題，可以對應返收費價錢挑選三至七両的大閘蟹。仲有任食大閘蟹入饌的小菜、台式小食同台式飲品。小食選擇都好豐富，有蟹粉水餃、生滾大閘蟹粥、小碗瀑布蟹粉撈麵、蟹油香辣雞煲、台式腸蟹粉糯米飯、蟹粉澎湖花枝丸、蟹粉爆汁貢丸、蟹汁多春魚、蟹粉滷肉時菜、萬華街滷肉飯、士林鹽酥雞粒、手工薑茶芋圓、厚燒鰻魚。食蟹小常識，公蟹肚尖，乸蟹肚圓，乸蟹蟹卵呈橙紅色，俗稱紅膏，又叫蟹黃，口感沙沙的，帶顆粒感；而公蟹蟹膏稱白膏，細膩綿密。所以乸蟹叫蟹黃，公蟹叫蟹膏！（我都係最近先知😂😂）西曆 10 月至 12 月係品嘗大閘蟹的時令季節！😍😍😍

睇到介紹話九龍城有正蟹黃拌麵、仲要係一百蚊好似好抵食，咁一於試下啦！平日晚上幫襯、下層食大閘蟹放題，二樓食麵餐，都算幾多客。賣一百蚊嗰🦀蟹粉餐，真係唔好有太高期望，落茶餐廳食個晚餐都要80蚊起標啦⋯⋯餐廳寫明蟹粉有180g，真實都算大份，顏色都似模似樣，不過蟹粉味好一般，醬汁比例多過蟹好多。可配上海麵或白飯，再跟一隻🥟蟹粉小籠包，同小菜一碟🥬，送黑糖薑茶☕️

散叫4.5-5両蟹全部俾任吃3両貨，蠔仔餅不知所謂似啫喱，絕無下次同時另一枱客都表示両數不足，搖頭示意及向員工反映，差斤缺両情況嚴重，散叫按両貴價照俾最細最平嘅你，離哂大譜

之前在內地品嚐過的蟹黃餐令人回味無窮，當發現香港有類似的優惠時，便邀請了幾位好友一起前往嘗試。原以為食神的推介會有所保證，然而宣稱的瀑布陽澄湖蟹黃撈卻像一碗芡漿，裡面只有零星的蟹肉，讓人感到極度失望。小籠包的情況更糟，皮厚而無法咬出湯汁，口感枯燥乏味。至於鹽酥雞，則是厚厚的油炸粉裹著乏味的雞肉，咬下去後我不禁吐了出來，實在難以下嚥。服務方面也顯得平平無奇，服務生的態度似乎缺乏應有的熱情。整體用餐經驗讓我感到沮喪，遠遠不及預期。雖然對於平價套餐並沒有星級的期待，但在物有所值的原則下，至少應該有起碼的質素吧！不知為何整個餐廳卻座無虛席，或許是廣告吸引了不少食客，但這樣的體驗確實讓人失去了再次光臨的興趣。

食完第二日嚴重食物中毒，其實見到啲蟹係咁見腳都心知不妙。平均四、五隻蟹入面只有一隻係十肢健全。啲腳一掂就甩，應該死咗唔短時間。又可能全球暖化的緣故，今時今日都未夠凍食大閘蟹。舊年食過係大讚的。希望店家注意啦。

又到咗大閘蟹嘅季節，大家今年食咗大閘蟹未呢？九龍城等等HEA每年都會推出大閘蟹放題，今年都唔例外，88分鐘大閘蟹任飲任食放題，更可無限追加大閘蟹、蟹粉前菜等小吃😍優惠期：2024年9月23日至2024年12月10日每日下午14:30至晚上23:00價錢根據唔同蟹嘅Size和用餐時段會有不同▪️細蟹（約3-4兩）$477-$498/位▪️中蟹（約4-5兩）$568-$588/位▪️大蟹（約5-6兩）$668-$688/位▪️特大蟹（約6-7兩）$818-$838/位大閘蟹方面除咗可品嚐到清蒸大閘蟹之外，更有其他口味選擇：鹽焗大閘蟹/麻辣大閘蟹/玫瑰露花雕醉大閘蟹小編用餐當日未有機會試到其他口味，試咗以下兩款都好好味▪️清蒸大閘蟹提供大閘蟹公+大閘蟹乸，隻隻都爆晒膏，蟹膏甘香味濃，蟹肉肉質細膩，味道鮮甜，每吃一啖都充滿幸福感，食到停唔到口，要encore再encore▪️麻辣大閘蟹麻辣大閘蟹有驚喜，辣度適中，大閘蟹嘅鮮嫩蟹肉仍保留原有的鮮甜味道，辣得惹味，令人回味無窮除咗大閘蟹公/乸之外，更有多款▪️蟹粉款式蟹粉小籠包/蟹粉糯米燒賣王/大灌湯包/蟹粉水餃/生滾大閘蟹粥/小碗瀑布蟹粉撈麵/撈飯/蟹油香辣雞

我哋每人嗌咗十幾隻大閘蟹，選擇真係好豐富，除咗大閘蟹，仲有好多台式小食同飲品，適合各種口味，令人期待。雖然入邊有兩三隻蟹係死咗，呢個情況有啲令人失望，但整體來講，啲蟹膏同啲蟹都足料，肉質鮮嫩，食落去依然令人滿足。推薦佢哋嘅原味大閘蟹，味道自然鮮美，蟹肉搭配醬料，真係好味到令人陶醉。呢款蟹可以淨係嗌味，食落去感受到蟹肉的鮮甜，實在值得一試。其他小食有少少強差人意，但係都唔影響我哋嘅用餐，因為我哋係嚟食任食大閘蟹😋總體而言，九龍城嘅大閘蟹任食套餐係一個好選擇，唔好錯過！希望下次再來能夠有更好嘅體驗，享受到更多美味嘅🦀🦀

-餐廳支援多樣性，食物款式&飲品選擇多，小食嚟講推薦鹽酥雞&花枝丸 > 小籠包-店員服務態度好，好nice-蟹嚟講個人prefer 公、鹽焗（多人食清蒸，辣味賣晒試唔到）總括而言，可以一試！

今日終於去咗九龍城一間叫「等等HEA」嘅餐廳食大閘蟹放題啦，聽講呢間餐廳往年都有做大閘蟹放題優惠，由第一隻大閘蟹蒸起上枱開始計88分鐘，可以無限任叫大閘蟹，蟹膏鍾意食硬身鮮甜嘅朋友可以揀蟹乸，蟹膏鍾意食綿滑濃郁嘅朋友可以揀蟹公，大細可以對應返相對嘅任食價錢去選擇三両至七，我哋揀咗每人$588嘅四至五両，已經幾夠食。其他蟹粉相關嘅小食、台式炸物同飲品都可以任叫，真係食到好飽，店主仲好細心咁俾咗杯暖嘅黑糖薑茶我哋驅寒，飲完之後個胃好暖好舒服。🍊 清蒸大閘蟹落單叫蒸上枱嘅時間只需要幾分鐘，因為時令當造嘅關係，每一隻大閘蟹嘅蟹膏味道都非常濃郁，我最鍾意食蟹公嘅蟹膏，質地面綿滑濃稠，每一啖都係濃郁嘅膽固醇味道，味蕾十分滿足，而且蟹肉鮮甜，食得好過癮🍊三款特色大閘蟹今年餐廳仲推出咗三款特別口味嘅大閘蟹，包括台式麻辣大閘蟹、玫瑰露花雕醉大閘蟹、秘製鹽焗大閘蟹，三款味道都比較濃味，蓋過咗大閘蟹嘅鮮味，所以我都係鍾意食清蒸大閘蟹多啲，不過鍾意試唔同口味嘅朋友都可以試吓🍊蟹粉小食有多款用蟹粉做主題嘅小食，包括食神爆汁蟹粉小籠包、食神蟹粉糯米燒賣王、食神大灌湯餃、瀑布蟹粉撈麵、蟹粉水餃、生滾大閘蟹粥等等，全

五兩蟹六兩蟹來定不同價位放題，任何煮法都掩飾不到蟹本身是超渡蟹。去了奄，近乎無膏。 佢無扼你係五六兩。 無中毒已經偷笑。 有幾檯走左先煮好是有原因的。 問題是 不斷供應的是約三兩的清蒸蟹。食得過的。 肉滿膏肥。 唔叫都加俾你。基本上追單的食品是會送來的。 灌湯飽是招牌菜，一人一個，不設追加。雞沒有吃的。 或者下次再試。其他食物 不過不失。始終餐廳想做生意 賺錢。口卑好緊要。 每位貴兩百，食左d唔食得既蟹，真係好大問題。 蒸蟹都有機會打開先知膏多與少。但死蟹當生蟹煮係良心問題。 食神都救唔到駕。

從來冇試過係openrice寫評語，今次真係第1次係foodie ig見到好吸引，特登走去九龍城食。一入到去聞到餐廳有陣怪味（唔係乾淨嘅味道），地下又有dd汙糟。開始嗌嘢食嗰陣，其實都講左兩次要飲咩，個侍應妹妹好似遊緊魂咁，不斷重複問飲凍定熱？跟住又講錯我地要飲咩比收銀落單妹妹知。呢個時候已經覺得有少少伏，點知嘢食嚟到嗰陣真係中伏。男朋友叫左鵝肝蟹黃肉臊飯，佢話啲肉臊好似中學嗰啲頹飯盒嘅醬汁味，蟹黃一啲蟹黃味都冇，純粹係一pat肉醬。。。我叫咗標準嗰個蟹黃撈麵，又係一啲蟹黃味都冇，真心一啲都唔好食（平時我一啲都唔揀飲擇食，求其入間茶記都覺得好味）見到佢宜家仲不停係ig揾Foodie做緊廣告，真心希望大家唔好再中伏。

真心食評，完全自費！好好食！唔呃人！所有朋友都知道我好鍾意食大閘蟹！而我每年都會去 waitwaithea 度食”任食大閘蟹餐”㗎！今年佢哋仲推出咗一個全新嘅”食神瀑布陽澄湖蟹黃套餐”！咁我當然要嚟搶先試吓啦😌👉食神瀑布陽澄湖蟹黃撈（麵/飯） $168呢個套餐包括咗蟹黃鹽酥雞，蟹黃小籠包&蟹粉時菜🤤佢哋嘅蟹黃撈汁用 咗30%大閘蟹乸膏，20%大閘蟹公膏，25%蟹嘅身肉同25%蟹嘅腳肉！真係每一啖都食過返尋味！用嚟撈麵或者撈飯都超好食呢！記得加啲蔥油，再加啲蟹醋食就更滋味👍呢set 套餐性價比極之高😉👉食神蟹粉大灌湯包，勁大粒！入邊超多汁！用飲筒飲入面嘅湯真係勁正勁開心😆👉食神爆汁蟹粉小籠包呢個蟹粉小籠包，皮薄餡靚，粒粒分明，晶凝通透，一咬落去就爆汁啦！食到唔停得口！😋👉食神蟹粉三杯雞勁有創意！第一次食到三杯雞加埋蟹黃汁一齊食！雞肉本身已經爆香左，肉質又非常之嫩滑，再淋埋成碗蟹黃汁上去一齊食，真係好食到震！又香又惹味🤩真心推介俾大家！快啲嚟試吓啦！抵食又好食，真係要嚟試吓先得！💪🏻