築地GINDACO (已結業)

表姊表妹由外國返黎, 試了一d街頭小食到築地要了一客十粒原味鱆魚丸, 4個人share味道都不錯, 但無疑是退步了, 皮不夠熱, 也不夠脆, 是烤鱆魚丸的大忌價錢加了, 質素卻退步, 再係咁樣, 無下次了, 去第二間試下好過

雖然名稱不太記得,但是我覺得味道一般,不過挺喜歡裡面的海鮮,雖然只有一丁點,飲品,是士多啤梨的沙冰,覺得挺好的,因為味道甜甜的,又真的是士多啤梨的味道,而且是濃濃的。

不嬲都好鍾意食呢間野...就算灘凍左依然甘好食..唔會好似其他街邊甘成口粉..今次食左個大蝦燒同天婦羅冰燒..廢時次次食原味甘悶...(得知最愛既吞拿魚燒無左..勁唔開心)大蝦燒個汁好好味...少少spicy又唔太搶..蝦仔就合格啦..下次轉做8爪魚+呢個汁會仲好味..天婦羅冰燒就真係麻麻...比起其他..呢個有d比下去..其實只係將普通既丸子...跟住自己點落佢比既2包凍而無味既天婦羅汁度...我寧願食番原味啦甘..起碼有個汁

前晚經過山東街,突然聞到陣陣章魚燒香味,左望右望,先發現新開左一間築地(我已差不多3個月没有去山東街了). 章魚燒既香味令我流口水,忍不住和友人夹錢買左盒＂大蝦燒＂一起分享．等果時一Ｄ都吾悶，因為透過玻璃可以清楚見到店員燒丸。 等左一陣熱辣辣香噴噴既大蝦燒到手拉,味道果然吾錯!值得一試!

因為逢每個月的8號，18號同28號去食會有雙倍印花，所以專登昨晚去食(18號). 今次無食章魚燒，而選了大蝦燒. 講真，大熱天時食熱辣辣的小丸子真係幾辛苦(店內冷氣好唔夠呀)，好彩人唔係太多同埋個小丸子無平日咁熱 (以往去食個小丸子裡面係有煙出架)，所以都未至於熱到熔個隻...講翻味道. 呢個大蝦燒有好多蔥花呀，面頭的醬汁仍然係燒汁加沙律醬，但食食下發現原來個底有另一種橙色的醬. 試下味先 - 原來係辣醬! 我本身唔食辣，但係個醬其實只係帶有好輕微好輕微的辣，所以完全可以接受，而且我會話個醬好惹味添! 將沙律醬，燒汁同個辣醬撈埋一齊(變左混醬?)，再配埋蔥花. 嘩，好好食呀! 蝦肉雖然唔係爽個隻，而且食唔到有鮮蝦味，但係個texture 算ok 啦. $38十個，唔平. 不過因為我好鐘意食醬，所以覺得好好食囉.

平時行過築地，見親佢哋都係燒定哂喺度攤凍，邊好食架，所以都係望而卻步...前日行過，竟然比我見到仲身處於窩爐中嘅小丸子碌吓碌吓咁，正到爆，理得佢酷熱天氣警告，照食可也，仲要嚟一份大嘅添噃

同仔仔出旺角買衫,見到有人排隊買八爪魚丸,於是都排埋一份,心諗都應該幾好食先咁多人排啦!同店員買左一盒四粒裝原味,仔仔見到同我講,媽咪,點解買四粒大波子食呀?我拮左粒俾佢食,咬落去就吐番出嚟,太熱了,佢又係食得太心急..不過真係幾好食,粒八爪魚肉都好大粒,仔仔兩粒,我兩粒,好快就食哂,下次再買嚟食先得!

本來喺九龍城食,執左!出到旺角終於食左買左盒四粒攞走,原味,番到屋企打開,仲有點脆同熱,外賣facility做得算合格啦!每一粒咬落都有一大件八爪魚肉,加上椰菜絲等等砲制,好食!買既時候要排隊,證明係好野嚟!

又係因為多好評先去試，之前一路都見到呢間野，但冇試。今日就的起心肝去食啦！哈哈兩個人叫左10粒原味章魚丸，$36。4粒都$18，緊係10粒抵啦！仲加左$5要杯凍綠茶，可惜味道麻麻。章魚丸見住佢整，食落仲好辣口！之前都唔係太好章魚丸，因為成日都比人呃成日食章魚丸都得好細粒章魚仔．．．但今日食呢個章魚丸居然有大大舊章魚，正呀！唔怪得又咁多人排隊買啦，旺角真係多好抵ge野食。要改善ge就係環境啦，檯面地下都稍為污糟左少少，個垃圾筒爆哂都冇人清。可能真係太忙員工冇時間清潔啦！

上個月去東京玩,喺成田機場已經食過佢既八爪魚丸,返到香港喺旺角山東街都有得食,於是就買左一盒食,一盒有四粒,十八蚊!原味既八爪魚丸,皮好脆,見店員熟練地喺度做,好心急想食,每粒八爪魚丸入面都有一塊大大粒既八爪魚肉,柯ec!!佢地查喺面既燒汁好好味,味道帶點甜,另外仲有係佢地啲木耳絲落得唔會太多,有時太多未必好食,再加埋沙律醬食就真係e枝班!

行過又忍唔住d口水泌....p買左四粒企喺度食,都唔知點解次次都忍唔住,就嚟肥死我..最可愛既地方係每一粒八爪魚丸入面都有一件大大粒既八爪魚肉,雖然未至於話係觧甜,但係咁先似食八爪魚丸!每粒八爪魚丸都燒到好脆,好難叫我忍得住口啦,勞氣呀,肥死我喇!

每次吃這間小丸子都不太捨得 ...雖然味道很好 .. 但價錢都頗高....男朋友喜歡吃有個蝦的 ...有一整隻蝦 ..真不錯 !我較喜歡吃玉子 ..不過很普通...只是我偏好愛吃沙律蛋...我認為他是燒得得脆的 .. 材料雖不多但不會只有一舊漿 !...其實已經很不錯 ..因為我在日本都試過吃到不脆的..

築地係MK最GOOD的大大粒"八爪魚又爽口有味燒汁更加係wonderful laaaa````係2夫妻ge favourite >3<個粉較得又好但可惜佢為左效率always整定一大堆

吃罷肥媽的招牌墨魚後再殺到築地吃TAKOYAKI要了4粒原味跟朋友分著吃,sauce和沙律醬的比例剛剛好,18元4大顆的takoyaki用料亦絕無欺場有咬口之餘非常的順喉,不會燒得乾巴巴的讓人吞不下嚥為了更有效提高效率,TAKOYAKI是預先做好的到手的時候只是微暖,當然也令味道大打折扣集團的經營手法呢,這也是無可奈何的事吃著涼掉的TAKOYAKI真的笑不出來,給你一個OK面好了讓我選的話,小的寧願吃一盒用料沒那麼認真,但熱騰騰的TAKOYAKI下次去試試日之船的好了~~*

之前有去開築地食八爪魚丸,只有六粒賣,一個小女子根本食唔哂,今日再行過入內幫襯,有四粒賣,好開心,因為自己一個人食都唔會驚食唔哂^^十八蚊,加杯可樂要廿三蚊,我食左一盒原味的,一啖咬落去,要即刻吐番出嚟,唔係因為唔好食,而係啱啱燒起,熱辣辣,咬開左之後仲出哂煙添呀,賣相喺呢個時候先最吸引!味道好好,塊八爪魚大大粒,仲好有八爪魚味添,皮燒到脆脆地,好正^^八爪魚丸,喺香港,暫時最好食,都係呢間^^