簡品堂

營業中

休息中

經過天后見到呢間麵包舖主打麻糬波波，就行入去望吓！除咗麻糬波波，仲有買蛋卷，蛋糕，曲奇等等🙌🏻 賣點自家製😊望吓啲麻糬波波，見佢個size唔算細，就買咗五個裝嘅紫薯麻糬波波$28💥包裝幾精緻，size大概叉燒餐包咁，搣開個包，雖然幾空心，但都見到有一舊麻糬加紫薯蓉包咗喺入邊，食落都幾煙韌，都有紫薯味，麵包鬆軟，不算太甜，不錯🍠🍠🍠 個人認為如果多啲餡料就更好了，但以呢個價錢而言，性價比算高👍🏻👍🏻

黎到 fresh fresh 二話不說係門口我揀左樣出面好少見既全手工製作麻糬曲奇，一盒$58 已經有固定4隻味道各一塊 (朱古力、牛油、焙茶、芝士)，黎到3：30pm 店舖好多客人係店內選購緊，快快手咁再揀左拉絲芝士波波 & 朱古力麻糬波波，屋企小朋友實鍾意既口味喇。波波一袋有5大個呀，袋既設計好好，唔會壓扁波形，未食哂仲可以方便收起唔會趺出添。當完下午茶又可以明早做早餐。2個小朋友食得好開心， 鬥快食完一個再一個。

蜂蜜芝士蛋糕:最頂層嗰層有好明顯嘅芝士味,芝士偏鹹,下面嘅海綿蛋糕有牛油香同埋淡淡嘅蜂蜜味,唔會好甜好漏麻糬包:麵包本身係比較軟,唔油,上面薄薄咁灑咗一層粉,入面麻糬煙韌,紫薯口味味道較淡,抹茶紅豆就比較甜,紅豆味比較出,適合配茶一齊食

餅店：Fresh Fresh Bakery 地點：天后電器道菜式：麵包糕點餐牌：主打麻糬波波，亦有蛋糕，麵包，爆谷，曲奇，蛋捲等等波波包裝都算精美，一袋有5個，每個都好似拳頭咁大。我哋擺到第二朝做早餐，個包仲係好軟。拉絲芝士波波 $25拉絲芝士波波係麵包米色，面頭有唔少粉末。聞落去已經聞到有芝士味，咬入去居然咬到粒粒芝士，好正！宇治抹茶紅豆麻糬波波 $28宇治抹茶紅豆麻糬波波當然係綠色，面頭有白色粉末。個包有適當嘅綠茶味，入面原來好多紅豆，最正係有煙韌麻糬，口感豐富，味道一流！焰燒芝士蜂蜜蛋糕 $38焰燒芝士蜂蜜蛋糕用個膠盒裝好，外皮果然有少少焦面。質感非常鬆軟，帶微微蜂蜜味道，唔會太甜。

去開天后 見到網上推薦左依間麵包店 係正地鐵站隔離 見未食早餐 就行左去睇下。 依間主打麻糬波波， 價錢都幾抵 $28/5粒。 同其他麻糬波波唔同 佢係冇好似菠蘿包咁既質地 只係同一般包咁既外表 份量都唔會過大細 幾為大粒。 波波口味方面 ，有宇治抹茶紅豆麻糬波波（$28） 、 拉絲芝士波波（$25） 、小紅莓波波（$25） 等。 網上曾看到有賣紫薯味 等。今次就簡左宇治抹茶紅豆麻糬波波， 一袋5粒， 粒粒都有半個菠蘿包咁大，真心好飽肚。 味道方面， 抹茶味比想像中燶配上甜甜既紅豆， 再加上內裡煙煙韌韌嘅麻糬 ， 口感100分 個人最推係內裡既麻糬 因為真係好好味

呢間香港小店，真係抵食又高質，最緊要價錢唔貴！除咗唔同嘅烘焙小品，佢嘅唔同款蛋糕都好出色！👆🏻麻糬曲奇😻呢度嘅麻糬曲奇特別煙靭，有四款口味，出邊脆薄口感，咬落去麻糬Q軟彈滑，拉出黎既麻糬見到佢煙靭程度，既斑斕麻糬曲奇同朱古力榛子脆脆麻薯曲奇，非常香口特別👆🏻 麻糬波波（原味& 宇治綠茶紅豆麻糬 & 紫薯麻糬）😻呢度嘅麻糬波波超抵食，每袋有好多粒，出邊個包好軟身，唔會硬繃繃，佢既原味中間係呀仲食到有粒粒嘅芝士粒，超級香，仲有配埋芝士汁喺裏面，另外都有好香綠茶味唔會苦，同埋濃郁紫薯，中間仲有麻糬喺度！👆🏻班蘭戚風蛋糕😻呢度既戚風蛋糕，係用新鮮班蘭葉練出葉汁 ，斑斕味激增，最緊要入口超級軟熟，彈彈下...💸.消費. $80 （每人）🈵.回頭率. 9.5/ 10📸.打卡率. 8/10

綠茶紅豆麻糬價錢$28/5個, 基本上好抵食包裝: 包裝唔錯,簡潔清楚外型: 漲卜卜幾好幾吸引呀味道: 淡淡綠茶,不嗆,易入口. 紅豆味反而唔出,但麻糬夠QQ,整體不錯,加埋價錢抵食,值得一試

今日本來去天后食一個90後香港人造嘅麵包嘅千層生吐司而係綱上爆紅.店主係中大畢業.更遠赴日本深造修讀籃帶烘焙課程.為求炮製有質素嘅麵包.《Aozora Bakery》.可惜今次麵包一大早就已經被掃清.去到門口貼出告示今日麵包沽清.無緣只有留待下次繼續美食之旅！在失望之下.唯有往天后電氣道出發.希望能夠找出其他美食.因為電氣道出哂名食店超多.在失望之心情下.又再次經過一間麵包舖門前店名叫《FRESH FRESH BAKERY》望入舖面乾淨整潔.又覺得啲麵包好似幾靚咁.便留下腳步入舖參詳下.睇落啲麵包都幾低食.由其嗰個叫（拉絲芝士波波）一袋有五個.都係賣緊＄25元咋.不妨買來試試.再向下望又見到迷你牛角酥.個外型幾靚仔咁.一袋有四個.都係賣緊＄22元.便不動聲色.每款一袋取走去付款搭地鐵回家！🚶🏻‍♂️👉📌Fresh Fresh Bakery (天后)天后電器道 50號地舖📍備註：大家不妨試吓佢哋嘅〈拉絲芝士波波〉用焗爐110度熱焗1至1.5分鐘便可.過長時間飽會太煙靭！

新年前去咗呢一間喺天后嘅🍞Fresh Fresh Bakery 🥯嘅麵包店，舖面比較細，企四至五個人已經逼爆咁滯，佢有好多唔同種類嘅包款賣，麵包，麻薯包，蛋糕，蛋捲，冬甩同曲奇等等😍😍聽人講佢哋嘅麻薯包幾好食，所以就買咗幾款返嚟，佢哋都有啲比較傳統嘅糕點，因為臨近新年嘅關係，佢哋仲有得賣春節嘅食品，笑口棗，蛋捲，角仔都有😆😆，我哋買咗幾款嘅麵包🍰焰燒芝士蜂蜜蛋糕$38: (不吃飽，哪有氣力減肥)😂😂，呢句又啱喎，佢個包裝鬼死咁特別，其實蜂蜜蛋糕就好似雪芳蛋糕嘅感覺咁，但係佢非常鬆軟，面層將芝士輕輕一燒，就好似焦糖，食落甜度適中，空氣感又夠👍🏻👍🏻🍠紫薯麻薯波波$28:裡面係紫薯蓉再加麻薯，餡料豐富，味道都可以，但外層嘅紫薯包就一般，唔太特別，同普通麵包差唔多，但呢個價錢就五件就可以接受🍞黑糖麻薯合桃波波$28:佢同紫薯波波都係一樣，只不過係味道唔同，佢嘅麵包皮係黑糖合桃粒，裏面就係黑糖麻薯，呢款嘅餡又少咗啲，但麵包幾有口感，合桃粒都多🥖斑蘭包 $17:最後就係呢個斑斕包，佢係新口味度啊出邊綠色做到好似菠蘿包咁，呢個又有斑蘭嘅餡，食落有啲甜，斑蘭味都唔係好出，一般

個日個女想食曲奇就去左樓下買比佢啦 見到有三個價錢 咁咪要65蚊曲奇 點知就同我講話80蚊曲奇 講真呢個唔係多少少70幾蚊我都仲接受到 咁算啦，見佢都執咗成袋 加埋另外啲包就109後尾找錢 又找少左一蚊 唉我都廢事入番去問佢 成件事都幾無奈 佢個個oreo曲奇係硬到你唔會信 唔知係咁啱擺咗幾日定烘到乾晒 佢係完全唔係鬆脆係好硬你啲牙要好大力先咬得開…講真呀開正屋企附近 平時諗住多啲幫襯 點知好似唔係好老實，啲野又唔好食 冇下次！

今日已經係第二次返去買曲奇同芝士蛋糕😋😋我平時好懶唔寫食評，不過見呢間 bakery 原來好新未有人食過食評，咁我又試吓做第一個啦☺️☺️上個月第一次食佢啲曲奇，係貪特意同我女話想試吓，咁又即管買包什錦手工曲奇試吓啦，點知返到屋企我哋兩母女開嚟試食就跟住停唔到口，一陣就食咗大半包😅😅 唔喝住都留唔啲俾爸爸同婆婆試😂 我鍾意佢哋啲曲奇唔太甜，好鬆化但又唔係好重牛油味，之前試過另外一啲好香牛油味但2-3塊就已經開始喉嚨痛😅😅呢間真係啱我口味，好多款揀但我又隻隻都好味。今日再經過天后，我女已經提我記住去買曲奇同芝士蛋糕，搞到宜家好似去親果頭都要去買手信咁😂😂 索性一不做二不休，順便買多幾包俾爸爸拎返公司開心 share😜😜希望佢啲同事都鍾意啦😙😙