籠太子點心專門店

營業中

休息中

一家裝潢有時代感既點心專門店，感覺幾有新鮮感，點心價格相比其他點心專門店便宜。茶位每位$3，我們點了籠太子蝦餃皇2粒 $13，蝦肉有汁味道幾好，略嫌餃皮厚了些少。鮮蝦燒賣皇2粒 $13 跟蝦餃一樣，真的很抵吃！ 燒賣味道不過不失。金蒜蒸排骨 $18 蒜香味濃，排骨多肉夠滑，好吃！多汁小籠包 $19，有四粒，比想像中多汁，一啖吃下去，好滿足😋 雪山叉燒包 $18 ，有三個包，外皮很酥脆，軟綿綿，叉燒餡都算多，好吃，飽肚之選😂 黃沙潤腸 $23，比較細碟，豬潤夠滑，所以是好吃的，下次再食其他口味的腸粉😁 家鄉咸水角 $16 有四個，炸得香脆，不油膩👍🏼 是小妹吃點心的必吃項目之一。海皇芝士千絲卷 $21，四大個，外層有很多超脆的炸絲，內面是素菜，是熱氣和健康的結合😂整體而言，點心的水準幾高，價錢便宜，會再幫襯。

有人話想飲茶，個人覺得傳統茶樓最大既賣點只係位置舒服，食物質素方面就⋯要睇下間酒樓既級數了，反而點心專門店就著重食物品質，但座位就好像茶餐廳咁，難免有點逼，如果大班人就未必適合，不過我地2個人啫，所以決定去點心專門店。決定左餐廳類型後，就openrice下，見到呢間野食評好好，點心又有特色，最重要既係蝦餃燒賣可以揀2粒，唔洗一叫就4粒咁多，留返個肚試多幾款點心👏👏，由於用膳當日係星期六午飯時間，都驚要等位，話晒食評咁勁，所以叫左男友先到去攞位先，估唔到唔洗點等位，可能位置唔算係旺區吧，不過到我去到時，就見到門口有2個人等緊。一入到去即刻揀野食，其實大概都知想食乜，話晒刨左少少食評，有點心水了，例牌既：✅蝦餃✅燒賣✅蝦腸✅藥膳雞腳特色既：✅不是炸兩（唔係包油炸鬼，不過都有一層好似油炸鬼咁脆既野包係入面，個人覺得麻麻，因為入面有我唔鍾意食既芹菜🙈）✅蘿蔔薄餐（推介👍🏼👍🏼👍🏼，上菜時唔會好似茶樓咁鋪係大碟度，反而係切開一塊塊，疊住上，而且加左白蘿蔔做餡，好味）✅海皇芝士千絲卷（推介👍🏼👍🏼👍🏼，外面果層好似炸麵，香脆可口，雖然油膩，但一向鍾情炸物既我，食完再食）✅鮮蝦腐皮卷（推介👍🏼👍🏼👍

好耐無去飲茶，想食點心，就黎到籠太子！地理位置上，於小巷中，較為不便，內裡位置唔係寬敞但都可以接受。糯米雞：味道唔太咸，份量唔算多，普通質素炸兩：腸粉中包有油炸鬼，亦有蔬菜，幾清新，但覺得傳統的更好反斗糕：其實係馬拉糕，無咩特別，淡淡的，唔夠香和鬆軟叉燒包：內裡只有醬汁，叉燒好細好少，好似食唔到咁制茶：每枱有一個茶壺，可能已經沖左成日，淡而無味搵得咁辛苦，期待有好嘢食，實在太失望了！

香港地周圍都有好野食, 上OPENRICE搵食就更方便, 永遠唔驚會餓親.飲茶亦都唔一定係日頭既, 星期五OT夜左想飲茶, 就搵到LEE間位於太子既籠太子.有別於舊式茶樓, LEE到裝修新穎, 有時代感, 感覺夠曬YOUNG.除左有傳統既點心外，仲可以試到一D新穎既點心.傳統點心一定要數蝦餃同燒賣啦, LEE到有兩粒叫, 咁就可以留肚叫多D其他款式點心食啦. 細細蒸籠裝住皮薄、蝦肉彈牙既蝦餃, 燒賣皇亦都有酒樓水準.魚肚水餃, 魚肚好入味, 水餃不過不失, 我連D湯都飲埋.不是炸兩, 新式腸粉, 腸粉入面包住脆脆春卷, 好香口, 又唔覺熱氣.咸水角親熱食, 熱辣辣, 炸得都夠脆.香芒沙津盞, 只係水果粒粒加芒果醬，賣相吸引, 不過普通左D.以後放工想飲夜茶, 就有好地方喇!

好耐無同媽咪飲茶，但又唔想食黎食去都係個啲酒樓點心，跟住就去試下籠太子點心。中午去到就有位，店內唔大，主要卡位，唔會好迫。點左4樣點心，好快就到。茶位$3，無茶揀，應該係玄米茶，反正對於飲茶唔係真係飲茶嘅無咩所謂。服務態度可以。下次要試下個個海皇芝士千絲卷，睇落幾好味

上個月有晚又去食呢間點心, 之前食過幾次覺得質素都相當唔錯, 但今次好明顯跌晒watt...味道同之前唔係相差太遠, 但份量就大大縮水啦...逐樣講:原隻鮮蝦腸食左兩舊..已經確認到腸粉豉油變酸了...跟住同侍應講叫佢換過佢..點知隔左一陣侍應走埋黎話D豉油冇問題喎...我地就索性即刻叫佢試下我地呢碟D豉油...佢一食就話真係酸左..最後先肯換比我地...(我心諗...唔通我地專登呃你話變左, 呃你兩舊腸粉咩..)....唔計D豉油, 腸粉係OK既, 同埋蝦都幾爽口.黑椒金錢肚金錢肚份量好少..得五細塊...就算下面墊住D烏冬都係覺得好細碟囉...雖然味道係幾好食, 但23蚊得5細舊會唔會貴左D??海鮮蘿蔔絲煎薄撑同之前食一樣有8塊...但而家每塊都細塊左好多...入面冇乜料...連蘿蔔絲都少左....不過, 算係薄身同煎得香既..鮮竹牛肉球好彩我最愛既牛肉球冇變差! 肉質仍然彈牙, D肉唔會霉. 好食呀!鮮蝦燒賣皇燒賣都好食, 肉質爽滑, 熱辣辣!籠太子蝦餃皇蝦餃入面既蝦仲係新鮮爽口, 但唔知係咪我記錯定咩, 好似都細粒左?!整體...都係退步左好多. 同埋服務態度認真麻麻...

太子站附近既食店多的是，只有呢間會食過再食。飲茶唔使等太耐位，可以係三點三，可以放工輕輕鬆鬆，係到慢慢嘆。每次都要食既推介 ： 黑椒金錢牛肚。海鮮蘿蔔絲薄撑。不是炸両(墨魚滑)。皮蛋牛肉腸。椰汁桂花糕。雪山义燒包。

位於太子的籠太子，是一間點心餐廳。今天有點疲倦，大慨從去日本的當日至今，睡眠極度不足，吃完晚餐就趕快回家了。原隻鮑魚燒賣$27一籠兩隻的燒賣，放上小鮑魚後，貴氣特出。小鮑魚煮至腍軟，燒賣扎實，油脂不多，較為健康，但缺少一點甘香。鮮竹牛肉球$18還記得兒時很愛吃牛肉球，把牛肉用筷子分成四份，是我每次吃牛肉必做的事。牛肉球較為扁平，油肪比例高，入囗軟腍，甘香四溢，好好吃哦。雪山叉燒包$18包控一共選擇三種包點，媽媽未吃就說飽飽啦。雪山叉燒包，即以墨西哥包包著叉燒餡。包皮呈白色，甜甜脆脆，內裡叉燒餡料不多，勝在煮得腍爽。流沙奶黃包$21小時侯，有餡的包子，我勻不吃。叉燒包只吃包皮，菜肉包也只吃包皮，唯獨奶黃包會吃光光。奶黃包撕開後，奶黃四溢。但奶黃醬略稀，混入過多牛油，不夠蛋黃香味呢。海皇芝士千絲卷$21椰汁桂花糕$17一客三磚的桂花糕，有點大小不一。桂花糕層層分明，賣相不俗。椰汁的味道較桂花濃，軟硬適中，也層不錯哦。

閒日竟然都要等位 睇黎真係唔錯咁等左三個字終於有位燒賣 雞扎 牛肉腸我每次飲茶都必點的三寶絕對柏得上大酒樓全部都勁足料 熱辣辣腸粉皮薄 肉多! 雪山叉燒包 ($18)個雪山整得幾脆 唔算太大個一個人都食得哂不是炸兩 ($23)好搞笑 純粹見到個名好特別所以叫黎試試裡面唔係油炸鬼~~所以不是炸兩不過都係炸物 而且炸得幾脆中意食煎炸野既朋友要試下!煎蝦膠釀茄子($17)聽個名唔算吸引不過見到好多人叫果然幾好食非常彈牙 個汁做得幾夾平時飲茶都冇得點推介!海皇芝士千絲卷 ($21)聽個名就吸引~冇乜芝士味 唔洗驚會漏千絲炸得好脆~好正! 服務態度都好好果然係好高的性價比呢!

今晚經過太子，突然好想吃點心，於是上網看看附近有沒有好吃的點心專門店。我們選擇了這間位於柏樹街的籠太子點心專門店，今次都是第一次來這條街吃飯。今晚吃的點心包括籠太子蝦餃皇2粒：味道不錯，外皮煙靭，鮮蝦爽口鳳爪排骨飯：味道不過不失魚肚水餃：吸滿湯汁的魚肚很鮮味和爽口，但水餃一般，餡料普通紅油抽手：味道一般香滑反斗糕：名字和賣相吸引，不太甜，其實是馬拉糕，但不夠鬆軟雪山叉燒包：外型像墨西哥包，麵包鬆軟，雪山皮鬆脆，內裡的叉燒味道也不錯

其實呢間點心我已經食咗兩次，第一次食完之後已經決定一定要再去第二次，今日終於都履行左諾言啦。今次叫嘅嘢特登同上次有啲唔同， 唯一一樣嘅就係個燒賣王，因為佢嘅燒賣王真係好大粒而且係有好大隻蝦，可以話係真材實料。我哋仲叫咗煎釀茄子，雖然食落去有少少油，但係個蝦膠做得好好。仲有個雪山叉燒包，同添x運個叉燒包好似，不過我覺得個包可以再熱啲，同埋個皮再脆啲。個春卷其實都好好食， 因為佢係幼身，特別脆口，而且入邊啲餡都好多。仲有叫咗排骨同埋紅油抄手，呢兩樣點心我就覺得冇咩特別，所以下次可以唔叫，叫另外一啲野。其實我兩次都想試吓個老火湯，但係次次都賣晒，可能要飲湯就要好早去lu我一定會去第三次。

飲茶再不是酒樓的專利，晚上9點左右來到太子來找東西吃，發現原來還有得飲茶，它的營業時間還要到開到凌晨2點。我很喜歡飲茶，小時候會覺得很悶很無聊，長大了，口味變了，反而很喜歡茶樓內的食物。到晚上9點多還有很多食客，等了一位兒才有位：）令人垂涎的流沙奶皇包($21/3) 我和友人都對眼前的流沙奶皇包讚不絕口，因為它非常非常流心！原本已經“mip”開了一個流沙包，我太心急，就這樣將流沙包從中間一分為二，但因為內餡太流的關係，弄得我的手都是奶皇～～～ 奶皇包充滿蛋黃既咸香味，有沙沙口感，最後一個放了一會兒先食，但都很流心！ 一籠有三個流沙包，賣相正常 籠太子蝦餃皇($13) /鮮蝦燒賣皇($13) 平時去酒樓會點蝦餃同燒賣，普遍都係一籠4粒，但這間店就可以選擇一籠2/4粒，那就選擇食方面就可以有多一些選擇，試多一些不同的款式。  蝦餃皮薄，蝦肉新鮮，味道正常。海皇芝士千絲卷($21) 有4大件千絲卷，炸得甘脆香口，可惜比較油，千絲卷的底部都浸著油，如果有張墊底紙來索油，感覺會好一點。味道方面，內有爽口鮮蝦和冬菇片，但芝士味欠逢。女生吃一件就已經足夠了，建議4人分享會更好。不是炸兩

平時好少去太子，今日同朋友喺旺角行行下街行到去太子方向就搵下附近有咩嘢食。上網見到呢度有間食中式點心嘅就黎到籠太子啦。地方裝修到好似一般Cafe咁樣，環境舒適，但又食到傳統點心真係好開心呀！點菜嘅時候即刻比鮑魚燒賣吸引住，鮑魚鮮甜，另外推介嘅係蝦膠醸茄子同埋海皇芝士千絲卷！好脆好好味👌呢度全部點心都係十幾＄20真係好抵食。同埋見到門口寫住營業時間去到凌晨兩點鐘，夜晚想食點心做宵夜都可以過嚟食喎。

我可以話點心係我生命中係最喜愛食物之一基本上 我除大逢星期日陪家人飲茶我仲經常性都同朋友飲夜茶呢間點心餐廳我已經第二次光顧了因為性價比高皮薄 肉質又鮮美 肥豬肉不太多但係唯獨係二人枱既size不太大如果一次過黎就好易爆了

夜一夜都飲到夜茶, 位置又近地鐵, 夠哂方便!嘿嘿海皇芝士千絲卷, 不是好食到芝士味但是都幾好味,口感唔錯, 入味原粒蝦, 表面炸到脆一脆,嘿嘿蝦膠豆茄子, D 茨打得幾好味, 炸過, 香口得黎唔油膩!嘿嘿叉燒腸,都幾大方,因為叉燒多得黎都幾大舊!D粉唔膠唔會好痴牙, 係粉感,嘿嘿鮮蝦菜苗餃, 味道不錯,得無咁熱先食, 外皮就唔會痴埋一舊了,嘿嘿 燒賣,點心王,無咩評語,好難唔好味,次次都食.嘿嘿鳳爪,D表皮無爛容容, 味道可以,嘿嘿家鄉煎薄'餐', 邊位夠脆, 不過可以多D料就好啦嘿嘿