米奇廚師餐廳 (已結業)

話說女友係奇妙處處通會員，今個月自助餐有六折優惠，所以就黎食，食物選擇不多，海鮮只有蟹腳、青口、凍蝦，不過都很新鮮，蟹腳很有鮮味，而且好大隻，凍蝦很爽脆鮮甜～👍🏻👍🏻👍🏻刺生方面只有三種，三文魚、吞拿魚、劍魚，不像一般酒店自助餐要排隊等師父切，係切好自己夾，可以夾好多，而且都好新鮮。熱食方面有燒牛肉、豬、雞、帶子，即炒意粉，點心，都算唔錯～甜品方面全部都好有特色，加入很多迪士尼元素，還有小熊維尼慕絲蛋糕、麵包布甸、焦糖燉蛋、芝士蛋糕，都幾好味！另外都仲有軟雪糕和朱古力噴泉～食物refill速度很快，收碟速度都很快，員工很有禮貌，食得開心又滿足！！唔洗$300真係抵～～～

今日同女朋友500日 去迪士尼玩 順便食埋自助餐 自助餐整體環境，食物都吾錯。不過個長腳蟹就十分差第一太咸 有好濃既海水咸味第二吾新鮮 食到我女朋友個肚吾舒服 希望下次會改善下呢個問題 大部分客人都會進食呢道菜 所以希望能好好改善。

餐廳既裝修跟餐廳既主題十分貼切，餐廳既牆壁印有米奇圖畫，什至餐具都以米奇為圖案，令人彷如置身童話世界一樣。食物既造型亦都很有心思，很多食物都以米奇造型為題，色香味俱全。刺身十分新鮮，厚切三文魚口感十足，三文魚油豐富，多吃幾件會膩。雪糕杯印有可愛既米奇，很受大人&小朋友歡迎! 唯獨不足的是雪糕只有Vanilla味，但雪糕既配料卻是十分多的。芒果醬、朱古力醬、七彩朱古力針、M&M朱古力等等，大人&小朋友都可以自己DIY

早於1個月前訂位, 由於是男朋友的生日不容有室,因此一早已致電預訂。先講講當日一早就入到Disney玩左大半日的了, 不過由於訂左位食生日飯 ,所以就放棄左冇睇煙花有點可惜。連我男朋友都話好可惜, 不過好彩既係, 唔知係咁岩定係酒店安排, 比我地坐左窗口位, 雖有點遠距, 但係都總算入座後見倒少量煙花。  我為了比驚喜男朋友, 帶到佢去門口佢先知道當晚的生日飯既吃什麼 , 門口的員工不知道是見倒我男朋友的生日襟章還是見倒電腦的顯示,知道我男朋友生日,於安排入座前都特別說了生日快樂,員工十分有禮。本人與男友都是第一次吃迪士尼酒店的晚餐, 米奇廚師餐廳會比翠樂庭更開心更有童話feel ~ 其實揀得Disney的酒店自助餐應該都是吃氣氛吧! 入座後感到坐位舒服有私人空間的感覺。地方整潔, 還有一樣貼心的服務是其他酒店自助餐沒有的 就是換餐巾, 把客人用過的餐巾收了後馬上換一張新的。不過當時我才入座不久, 所以都沒換到, 到我想換的時間就已經沒有員工來換了。不過有這種服務, 我本身是很滿意的,雖自己沒有享受此服務,還是值得一讚。其實為了驚喜, 我於訂位時已預訂蛋糕, 蛋糕包一份禮品包(整個蛋糕

一心來這裏，當然是再戰大大隻蟹腳。是這裏回本，及必吃的焦點，今次也沒巾有失望 ，真的比其他酒店蟹腳質素高，又甜，大隻，又有海水味，亦不少得與這裏才有的廚司打扮的米奇合照。常跟朋友說，要靜靜的吃一餐，又可滿足與迪士尼人物影相(廚司米奇造型都幾型呀!呢度先有)，絕對適合。其他食物款式老實說不多(呢個改善下更好)，一定一定會吃很多蟹腳，大d細d不一，貼士:等每一輪頭轉夾，可揀到大隻蟹腳，會不斷refill,不用怕，好多人都住。。。哈! 全家人都好鍾意食!三文魚，吞拿魚等刺身自己任夾，又不斷refill, 海鮮有蝦(爽脆)，藍青口(但太瘦喇。。)，其他牛排(好食喎)，腸仔(like)，點心(麻麻。。)，各款咖哩(ok)，湯面(普通料。。),簿餅等，甜品有迪士尼人物，又可自己整軟雪糕，脆筒好脆! 酒店環境，戶外草地很舒服，吃到好飽了，出去走走影下相，又或者慢慢散步約10-15分鐘到另一間香港迪士尼樂園酒店走走，有一草地迷宮，影相及到海邊吹吹，睇風景，好靚，開心的day trip!

周末的午餐，雖然沒有卡通人物來合照，但價格較周日平了百元，就去試試。我於開餐前15分鐘才訂座，仍然有位，不過，坐着坐着，還是近乎滿座。國際美食與其他酒店餐廳基本上不惶多讓。凍海鮮方面，沒有蟹腳，只有細小的青口，海縲，但蝦頗為大隻，且很鮮甜；還有羊肉片、牛肉片、鴨胸；印度咖喱配上薄脆、蝦片、薄餅；魚生方面，有三文魚、吞拿魚、鯛魚；至於壽司，有八爪魚、玉子、炙燒蟹柳芝士及熟蝦壽司；中式點心有豬仔叉燒包、小籠包、蝦餃、牛肉燒賣、日式菜肉餃子；甜品一般，是蛋撻、綿花糖、曲奇餅、軟雪糕、Mouse蛋糕、芝麻糊等。吃了兩小時半，飽腹而回。人均消費$218，算抵！當然食物就有點行貨。

幾年前食第一次二百幾仲要好好味，想不到幾年後四百幾差到脾，主菜款式小 甜品款式小 入坐率仲小8:30pm果場兩成人都唔知有冇，坐低先來海鮮 冇蠔冇翡翠螺 冇緊要 有蝦有蟹還可以可惜蟹腳咸到苦，再來個又硬又鞋的肉榨牛扒，京都骨差燒又係硬，點心很像蒸了很久 刺身唔新鮮 豉油皇大蝦又係好咸 熟食唔熱 最好味算是個哪沙好夠味，但好味還好味比一大碗你做咩❓ 食完一碗真係飽肚，即係叫人試兩啖就倒左佢，浪費食物 壽師的飯太實，似4蚊件果種。全無心制作冇心做 無下次，一班廚師在廚房內做什麼？，相信只是將食物加熱吧⚠連這麼的一丁點也不能做好嗎？ 如此下去相信過多一段日子入坐人數會更小，幾年前的味道去了那裡？

今年生日家人為我預備了在迪士尼酒店吃自助餐。我們當日揀了五點半至七點半時段那天是星期一所以不算很多人。因訂位時已表明需要梳化位所以我們能坐梳化位另一邊是木椅子。環境尚算舒適即使左右兩邊也有食客但進出也鬆動。食物分類選擇頗多有沙律、頭盤、主菜方面有齊中、西、日、意、東南亞等等選擇。首先我們自取沙律沙律有很多選擇蔬菜、配料、醬汁看起來也十分新鮮吸引另外有多款特色沙律供應。冷盤海鮮有長腳蟹、青口和凍蝦。海鮮吃落也很新鮮。另有其他多款頭盤如凍肉盤、煙三文魚、芝土等等。熱盤亦有很多選擇有燒牛肉、豬肋骨、羊腿等等。中式食物有蝦餃、燒賣、小籠包、魚翅餃、燒味、炒飯、小菜等。日式有冷麵、凍豆腐等前菜、魚生有三文魚、魚、吞拿魚和多款壽司供應。有廚師即煮意粉自選食物、配料和醬汁味道不錯。東南亞食物有咖哩、烤餅等等。甜品也有很多選擇很多也用到迪士尼人物的樣子味道不太甜而且件頭不太大可以讓食客多嘗到各種甜品。難得自助餐有軟雪糕供應小朋友可以自己用雪糕筒或碗自制軟雪糕！侍應、廚師也十分有禮貌，侍應很快收碟和加添水。將被取完的食物廚師很快添加。但最令我和小朋友失望的是原來星期一至五是沒有卡通人物和食客拍照留念只

前排團購有優惠，可惜剩返任飲既選擇$298，但都平過平時，照殺順便慶祝埋父親節,,,一開始唔使講，一定掃蟹腳，，同上次一樣都係咁大隻，但今次無龍蝦湯 ,, 上次飲過係好香濃,,刺身 3文魚好香魚油，，但無北寄貝，可能因為平日少左選擇，同埋無Mickey影相 沙律吧，，有蒜蓉包粒,,意粉區都唔錯，即煮甜品無乜點試，，主攻都係蟹腳

是日係小妹青梅竹馬的朋友生日，所以去迪士尼酒店慶祝，可惜好萊塢酒店係無得同米奇老鼠合照。而且食味道麻麻，小蘢包乾蒸蒸！叉燒硬到死！牛扒好靭茄子又乾又硬芝士蛋糕無芝士味甜點種類太小長腳螌好快俾人搶哂熟食全部不新鮮幸好刺身夠厚切和新鮮，巧克力蛋糕又好濃味我另外訂生日芝士蛋糕就好好味！工作人員拎蛋糕出來俾我朋友，又唱生日歌:smile_o01:不過就係咁話同我們切蛋糕，雖然係好似好細心的服務，但生日梗係想自己切啊不過三百幾蚊去咁遠吃過咁普通的自助餐，我不會再去

話說... 舊年12月Openrice聯同Hong Kong Disneyland搞咗個Game -- Open​Rice x 香港迪士尼樂園 - 分享奇妙「滋」旅 贏取奇妙旅程, 於OpenRice提交食評, 獲得最高食評分數的2位食家(金飯碗組及金筷子組各1名）, 可獲得香港迪士尼樂園1日門票兩張及迪士尼 好萊塢酒店園林景觀客房住宿一晚(價值港幣$3,540)... 我足足苦戰咗1個月, 充滿淚水與汗水與口水的一戰... 終於抱得美鼠歸!!! Yeah!!! 我得咗喇~~~原本想去加拿大前LaLa聲去玩咗先, 點知酒店Full Booking, 結果拖到5月中... 貴人出門招風雨... 成個星期都雷暴呀!!! 激屎人...Check-in時酒店送咗張Chef Mickey Dinner Buffet Discount Coupon, 成人每位減$80, 又幾吸引喎... 就係咁, 2個無打算過係廸士尼食自助餐的人, 迷迷糊糊就訂咗早段的枱... 無記錯應該係5:30PM食到7:30PM... 食完仲趕得切坐Shuttle Bus入廸士尼樂園睇煙花...今日Lunch只吃了即食麵,

迪士尼的蛋糕一共有四款味道選擇分別是：美式芝士、朱古力慕絲、鮮果忌廉及芒果慕絲，蛋糕為圓形，另+$20 可以轉米奇頭造型，並提供一個可免費替客人寫上祝福字句的白朱古力牌。朱古力慕絲蛋糕 $200 慕絲蛋糕面的層是朱古力醬，還有不少新鮮水果片，慕絲蛋糕質地軟滑，入口是香甜的朱古力味道，不太甜膩，而面層的朱古力醬則味道較為濃郁，美味。

選擇米奇廚司餐廳的好處是，可以專心吃東西，但亦有獨有的廚司米奇造型可與客人合照。自助餐也很豐富，非常適合一家人到來。必選冷盆長蟹腳，濃濃海水味道，十分大隻及很甜!淨吃這個已回本，吃了幾盆! 其他青口鮮蝦質素亦高，比外面酒店用料高，肉質紮實鮮甜。剌身有三文魚，吞拿魚及一白身魚羊肉，腸，薄餅，熱湯粉面，其他自助餐的沙律，印度咖哩，甜品應有的都有。 爸媽也愛有點心選擇，雖然質素略嫌未夠精細，始終都是西式比中式好。現在小朋友frozen 最愛，也可在餐廳來四處看到。一讚影相安排會有職員通知，不用排長龍! 298再加一的午餐，算抵食!

入住迪士尼 Hollywood Hotel, 當然要吃個自助早餐才算完滿。不用訂枱也不用預約，早上 walk-in 就是了。款式和種類都比想想像中要豐，各式食品的水準也是中上，整體可說是接近五星酒店的水平。但當然重點是主厨出來巡視和跟大家合照，一個 magical day 就這樣開展了。因有奇妙處處通的優惠，是日早餐買一送一，超值.

9月13日去左迪士尼玩, 我們三個人, 訂左中午BUFFET, 12點開始, 遲左十分鐘左右, 已經好FULL啦, 我們坐係一間房入面, 睇下有咩好嘢食先, 之前係食評睇過下, 冇咩特別, 但原來有長腳蟹食架, 仲要係好大條, 有埋蟹鉗架. 魚生有三文魚,吞拿魚同另一隻魚唔知咩名, 放晒係度自己攞. 海鮮則有蝦,青口及長腳蟹呀.沙律菜都好多選擇, 有燒羊扒, 即煮的菜及麵, 咖喱,冷盤都幾多選擇, 甜品有軟雪糕機, 窩夫, 另外一些CAKE之類.食物種類及選擇都俾我預期的多. 最正當然係長腳蟹啦, 真的好好味,又鮮甜,唔會好咸及唔會係梅的,好爽口, 蝦都好好味呀, 青口都好味, 三文魚肥美, 正呀. 我地不停食長腳蟹, 供應都好快, 不停的出, 熱葷一般, 有些咖喱唔好食, 好酥, 羊扒都酥, 有一些點心, 粥, 湯等, 粥都幾綿身的, 有白粥及粟米南瓜粥, 我食粟米南瓜粥. 朋友食白粥. 甜品就麻麻地, 有朱古力噴泉的, 有一些CAKE, 有一些奶凍之類, 食左一啖有花生味道的奶凍, 感覺好怪呀. 米奇樣的窩夫係熱辣辣的,加少少蜜糖好味呀, 好香好鬆化, 仲有兩款米奇樣的曲奇都好味,