米子寿司 (已結業)

琴日經過石籬見到呢間寿司店感覺好驚喜！因為呢頭不嬲都好少寿司店！諗住買黎試下！食落真係唔錯！三文魚刺身好好食！好新鮮水準好好！特別係海膽平時食開嗰d海膽一般都會有d腥味，但係呢間出奇地一d腥味都無感覺到d師父既用心制作同保持食物新鮮度做得好好仲要性價好好扺食用一個咁平既價錢食到咁好水準既寿司令我感覺有d驚奇值得排介

石梨新寵壽司店，之前收工經常外賣回家享用。性價比極高，出品穩定。今次聖誕開派對，叫左好多都好驚喜，海膽好正，三文魚腩又大件又肥美。我經常返啅。喜歡吃壽司，又住石梨或係附近返工，係唔錯既選擇。最緊要既係價錢平。

要係葵涌既工業區/ 住宅區要搵到一間有壽司加埋生蠔賣既舖頭真係好難..見到開左一間叫做米子壽司既就入去睇下..一入到去就聞到好香既壽司味入面放左2個雪櫃, 一邊主要放刺身, 一邊放壽司除左已經預先PACK好既壽司之外, 當然仲有自選既壽司, 即叫即做架價錢方面都合埋, 以即叫即做黎計都叫抵食既除左壽司之外, 呢間壽司店都會賣埋生蠔, 款式唔算多但係可以一次過滿足哂食壽司同埋生蠔既願望, 有提供埋免費既開蠔服務,,唔使驚返到屋企開唔到啦舖面入面有2張BAR枱可以比你堂食,,,但係我就鍾意返屋企慢慢食,,所以就買外賣返屋企最後揀左個雜錦魚生飯 ($35)入面既魚生主要都係三文魚, 仲有吞拿魚, 靖魚, 希靈魚, 八爪魚, 帆立貝, 蟹籽以呢個價錢既雜錦魚生飯黎計個質素係合格多少少既, D魚生都新鮮, 但份量就唔算太多如果食量唔大既都夠飽既, 壽司飯既味道都唔錯, 唔會太重醋味, 飯又唔會雪到硬哂另外叫左2隻美國大平洋珍寶蠔, 有我手板咁大隻, 蠔肉好厚身, CREAMY同埋鮮甜岩哂鍾意食啖啖蠔肉同埋鍾意鮮味既食蠔愛好者, 海水味適中, 冇金屬味 (因為個人好怕食金屬味重既蠔)咁大隻都係$3

早2日同屋企人落左去叫外賣 全部野都係即叫即整。海鮮好新鮮好鮮甜!!而且價錢又抵食 平靚正！生蠔我就吾食嘅 不過屋企人話好新鮮好鮮甜 必試！我個人就比較仲意三文魚同帶子 真係好好味 ！必須推薦大家一試！

收工想食壽司，好彩屋企附近有一間，平時放假食堂食仲正，今次就買外賣返去同屋企人嘆，刺身幾鮮甜，特別係帶子，超甜又肥，甜蝦都係我推介之一，蟹棒壽司好抵食，啖啖都係肉，三文魚壽司有油脂，唔錯，另外仲買左d枝八小食，1盒2隻，係原隻大大個，呢個最抵食!總括黎講，呢間小店既壽司抵食，推薦!

呢個位只有呢一間日本餐廳賣壽司，見到個時真係幾開心。好似沙漠中見到水一樣。而且見係小店，所以支持下。但，我錯了，試完之後，真係好難食，其實睇相都知個質素係幾唔掂😑 食完之後係會發現，連鎖餐廳既壽司係人間美食。壽司的飯好乾身，好似放左好耐咁既感覺。面既三文魚刺身，好薄，好瘦，完全無三文魚味。雖然單件係4蚊，但....真係連鎖餐廳既好食好多。帶子壽司，好細件，無甜味，好薄。食完個口仲會有腥味😑 未試過食完壽司個口係會腥，已經點左wasabi。然後，海膽帶子壽司，係臭既😑 面個一少醬咁既海膽 完全唔值個價錢。其實呢餐係家人買的，因為喜歡食日本野。如果我係店入面見到呢個質素既壽司，係唔會買。

位置好易搵，一落車就見到，雖然呢間鋪頭係一間外賣鋪，但係呢度壽司個質素真係好過好多堂食，食材好新鮮，味道又好，個價錢又好便，個人覺得個質素超過呢個價錢好多，真係超抵食！推薦

住係附近第一次買米子壽司，order後即叫即做保証新鮮，外買制作需時都要20mins，因為叫了好多又刺身和壽司，三文魚和甜蝦各樣都好味道，總括來講價錢尚算抵食，老闆話下次Whatsapp 落單唔使等。👍🏻

聽說和宜合道一帶沒有日本菜，所以要吃壽司/刺身的話，這大概算是獨市生意。（當然也可以選擇 板X、元X 等連鎖食肆的外送服務）飯：乾、硬、偏酸，但仍比爭X好一點。象拔蚌：爽口，但欠鮮味，不太推廌。劍魚腩：鮮甜，不算濃郁，但有油香。帶子：以這個價錢，算是不錯。油甘魚：不過不失，勝在不腥。三文魚：保險的選擇，薄薄一片，尚可。甜蝦：尚算鮮甜，可惜還是被壽司飯拖下去。芝士飛魚子：可能因為壽司飯調製得不好，整體味道一般，反而覺得爭X的比較好吃。總括而言，如有其他選擇，其實真的不會選這裡。但基於地理優勢，相信它還是有一定的存在價值和競爭力。加油！

原本諗住去荃灣搵野食、點知兜錯路兜兜下都吾知自己去左邊附近又吾熟路、又肚餓.......好在比我經過見到呢間壽司鋪、諗住買外賣上車食、但入到鋪見到鋪面有張bar枱可以堂食、就坐低左睇下有咩食啦。一睇張order紙、嘩！咁平既？款式都唔少仲有生蠔食添！生蠔做緊優惠就買黎試試啦、個人認為生蠔就麻麻、有少少覺得沖水沖得太耐沖淡左陣海水味再試一試d壽司、真係好食到喊呀D魚好新鮮好肥、海膽一d腥味都冇、紫菜仲係脆架！火灸壽司個面仲微暖、燒得好香吾會過熟！呢間壽司鋪我一定會再去絕對係平靚正臨走前我仲係冷櫃買多盒加州卷返屋企食添

見佢開左都成個月，一於買外賣反屋企試下。買左個獅子壽司盛，有40幾件，睇圖都幾大件，夠晒4 個人食。打開個盒，全部壽司都係比教圓身，唔係圖片咁長身。海膽壽司：超級難食，好似食緊坑渠入面既野咁甜蝦壽司：隻蝦都算大隻，但腥腥地蟹棒壽司：唯一叫做最好食既一樣吞拿魚壽司：好乾，乾到好似用過2張抹手紙夾過件吞拿魚咁其他都普普通通，同食爭鮮差唔多。