影片
港鐵深水埗站 D2 出口, 步行約3分鐘
繼續閱讀
營業時間
星期一至日
11:30 - 21:00
以上資料只供參考, 請與餐廳確認詳情
食家推介
點解執得咁突然呢？開咗冇幾耐咋喎，都幾多人幫襯，米線都幾好食,賣相又唔錯，前幾日我先幫襯過一次咋，仲諗住長期幫襯你哋添！點解咁快就執呢？如果係遇到難關希望你哋會克服啦，好想你哋會開返呀,加油!
繼續閱讀
個市道好不好？見到旺區嘅食肆， 一間又一間咁執笠，大概都估到一二 .... 當然，香港大把大孖沙，手頭有大把貨，個市玩成點，都可以馬照跑，舞照跳，鮑參翅肚，日日 ~我這些小老闆，鮑參翅肚就不必了，偶爾吃一兩餐就ok，平常來說，吃碗米線就夠安樂 ~花雕醉雞米線：未敢說是天下無雙，也不敢說是驚為天人，但貨真價實，落足本錢就是肯定的；個花雕醉雞湯底，濃郁芳香，飲一啖就知係有料度，雞件厚肉，熟透又滑嫩， 配合其他配料，還有滑不溜口的米線，真是美味 ~本篇完 ~
繼續閱讀
喺附近工作完之後要食個快嘅晚餐，經過見到有麻油雞，好想試。點餐後好送上。大大碗味道十足，藥膳麻油雞米線包括有蟲草花紅棗杞子龍眼肉木耳以及好多件雞髀肉，真係抵食，而且味道好好。一定會再嚟試埋其他味道。
繼續閱讀
今日2月14號同老婆去深水埗買手錶，順便食晏飯簡單慶祝情人節。老婆想食米線，我上網搵咗一間叫米線哥嘅餐廳，評價都唔錯，我地就決定去試下。餐廳位置方便易揾，空間夠大，坐位之間唔會太擠迫。老婆叫咗一個三餸餐，有雞肉、豬潤同蘿蔔，加埋酸辣米線。仲有小食巴蜀皮旦。湯底味道唔錯，份量足夠，三樣餸嘅質素都合格，只係米線有啲軟。巴蜀皮蛋就一般水準，無特別出眾。至於我自己叫咗胡椒豬肚雞米線，真係一碗好大碗，我都食唔晒，湯底味道夠胡椒味，豬肚煮得夠軟熟。飲品就叫咗凍檸茶同凍奶茶，最後仲送了兩張50送20優惠劵下次用。總括黎講，以呢個價錢質素嚟講，算係好抵食。下次我地會再去支持米線哥。
繼續閱讀
Intro: 加藤屋近年開拓左米線嘅生意，就係米線哥，而揀餸方面同譚仔差唔多，今次見佢地做緊第二碗半價嘅優惠，手快快就揀左咩餸都有嘅大嚿米線，估唔到份量多左驚人～___________________🍽 大嚿米線（+$1酸辣湯底，多種餸米線）💰57 ⭐️7/10✍🏻 同譚仔嘅過橋米線差唔多，真係包左好多普通餸，其中一個餸唔同就係酸菜肉碎，不過太鹹，唔好食；✍🏻 佢地嘅豬肉同牛肉麵幾滑，而豬潤味好濃，蘿蔔麻麻地有渣，豆卜索左好多湯汁，而仲有芝士腸嘅餸，就好似無咁夾；✍🏻 至於丸類就正常發揮，但酸辣湯底就普普通通，好似譚仔更出色，但整體餸嘅份量就多好多，所以會過飽。✍🏻 小食就送左兩隻單邊無骨雞翼，炸得好香脆，仲有啲鹹鹹地嘅椒鹽味。___________________🏠 米線哥 深水埗📍 深水埗元州街32號地舖⭐️ 7/10___________________
繼續閱讀