米線哥 (元州街) (已結業)

今日2月14號同老婆去深水埗買手錶，順便食晏飯簡單慶祝情人節。老婆想食米線，我上網搵咗一間叫米線哥嘅餐廳，評價都唔錯，我地就決定去試下。餐廳位置方便易揾，空間夠大，坐位之間唔會太擠迫。老婆叫咗一個三餸餐，有雞肉、豬潤同蘿蔔，加埋酸辣米線。仲有小食巴蜀皮旦。湯底味道唔錯，份量足夠，三樣餸嘅質素都合格，只係米線有啲軟。巴蜀皮蛋就一般水準，無特別出眾。至於我自己叫咗胡椒豬肚雞米線，真係一碗好大碗，我都食唔晒，湯底味道夠胡椒味，豬肚煮得夠軟熟。飲品就叫咗凍檸茶同凍奶茶，最後仲送了兩張50送20優惠劵下次用。總括黎講，以呢個價錢質素嚟講，算係好抵食。下次我地會再去支持米線哥。