米線陣 (海富中心)

營業中

休息中

以前都覺得米線陣好食過譚仔個麻辣蕃茄湯，又辣又酸好夠味但係近呢年食d質素差左好多個湯低好淡，唔夠味，得個麻字肥牛淥熟咗放入去，點浸都冇味叫豬扒但俾雞扒，唔confirm 一下就放低走人問佢係咪俾錯，就咁拎走就算用機落單d staff都幾乎唔理你，會員有得免費換小食都唔會提你d staff趕住執枱d汁分分鐘會彈到你咁成個感覺都好差已經唔想再去食希望你地可以番去以前既質素啦搞番好個湯底先啦，peak hour忙都明白，staff 態度差都算，至少食物要好食如果唔係金鐘冇咩選擇都唔想揀你

平日想食平dd又就到時間就會去食個飽肚嘅下午茶今日好想食米線 就選擇左黎米線陣🍜入到黎職員會印張單俾你 上面有qr code只要用手機scan 就可以自助落單📱.〰️鮮蝦雲吞四川麻辣湯米線 $41鮮蝦雲吞大大隻 而且都有4、5粒 份量都好夠🍤四川麻辣湯選擇左要小辣🌶️不過可能平日食開酸辣湯略嫌麻辣湯唔係好夠味而且麻味都唔係好出🤔米線軟硬度煮得啱啱好下午茶仲有杯餐飲送 都算幾抵食☕.📍米線陣 (金鐘)金鐘夏愨道18號海富中心地下B號舖

the tomato soup was tasty, it wasn't too salty or anything, but don't expect the taste to be very strong. i ordered lettuce, beef slices and beef shank. the beef shank was good, but the portion was pretty small. the service definitely wasn't the best and everything else was pretty average.

見人少少入去醫肚服務效率快點了個濃湯豬骨湯底米線豬大腸豆卜凍檸茶好快黎到野飲無飲筒， 可能要問先有，我都支持環保下不過坦白講一直覺有冰既野飲， 起碼要有紙飲筒， 唔係都幾難飲豬大腸同豆卜正正堂常常係個豬骨濃湯底出事， 我初時以為搞錯清湯， 睇單係濃湯但淡如水， 以為熱水米線， 最後要加辣油先勉強食得落望望隔離左右都係蕃茄湯或麻辣真係要好有機會先會再試下會唔會再中伏環境， 屬半開放式， 咁啱今日好鬼熱， 我唔係好受大冷氣既都覺得熱鍾意大冷氣既肯定唔夠

米線應該係好多香港人都鍾意嘅食物，有時中午唔知食咩，個腦就會閃起食米線。今次去咗金鐘間米線陣食，叫咗碗麻辣魚蛋米線，本人鍾意食大辣，辣度都好夠，食到額頭都出汁，湯底味道都唔錯，碗粉份量都適中，價錢合理，聯營餐廳算不過不失。

星期二晚一個人喺金鐘,好肚餓,諗起有間米線鋪咁就去食,諗住食番碗四川麻辣米線,刺激下個人,飲返一啖麻辣湯.我係叫咗小辣,小辣就真係唔辣,直頭係淡.冇辦法啦,唔係食開呢間,有啲舖頭個小辣就辣到你飛起.呢間就下次要叫中辣或者大辣.叫咗三個餸鹵水蛋一隻豬大腸幾粒,金錢肚幾粒,分量太少,一啖就食曬啲餸,變咗齋食米線.,即係話咁樣單點就有啲搵笨,咁當然有啲人好細食一粒就飽.如果五星滿分這裏只有一星. 凍檸茶就幾好飲,不過冇飲筒,夠曬環保.

一碗番茄湯三餸米線＄56，加配青瓜豆漿要＄15。米線陣早兩年都有食過，不過記得早年都唔使咁既價錢。宜家米線店有好多選擇，呢間既部分配料同湯底係會鮮味少少，不過比起其他連鎖米線或者米線小店收費都係高，而且配料選擇少左，可能要有更特別既地方先至符合翻個性價比。

買個專for米線陣食客嘅router會更好 手機信號差（通病）落單要借住隔離嘅KFC WiFi 先落到 令到顧客體驗唔係話好 食物質素都可以 但我野都未叫就已經用咗我10分鐘

星期六中午黎到，要等位，不過等左10分鐘已經有位，都好快手，依家係到手機落單，幾方便，兩個人食，叫左豬扒擔擔麵，油菜，蒜泥白肉，都係10分鐘左右上齊菜。油菜正常，有配蠔油，蒜泥白肉就一般，雖然見到好多蒜，但其實冇咩味，因為俾佢底部既辣油cover左，白肉都唔錯既，唔係好肥，白肉下面都好多花生。呢個擔擔麵食過幾次，呢間竟然整得冇其他店咁辣，有少少麻，所以好食d，豬扒夠脆，骨都係大大條易咬，辣粉係中間底面，所以我唔太食得辣都可以整走佢。整體黎講，質素唔錯，價錢合理，擔擔麵個餐仲送豆漿，兩個人食埋單都係$100左右，下次會再幫襯。

晚餐諗唔到食咩通常都會選擇米線，配料可以任選，有湯又易入口 呢碗自選米線係牛展魚腐配蕃茄湯底米線，湯底中仍然有埋半煮溶蕃茄，有腐皮及芽菜作配菜，面頭再灑上少少芫茜碎 牛展切得夠薄，有口感之餘唔覺嚡口; 而個魚腐就夠軟腍，兩種口感; 湯底嘅蕃茄酸甜味道，幾令人開胃，配襯米線可以令人食晒成碗都唔覺得太膩! 就咁食米線好似有點單調，呢度嘅小食選擇都唔少，呢個海南鷄就係其中之一 份量夠2人分享，有埋酸甜醃蘿蔔條及特色醬汁伴鷄件! 鷄皮下有層凝結左嘅啫喱狀，唔想食皮可以輕易除去，鷄肉浸得相當夠味，肉都算滑嘅! 仲有呢個新出品檸檬蜜糖鷄翼，外觀顏色都幾吸引，隻隻漲卜卜咁 入口超熱，應該係即叫即炸，檸檬味欠奉，淡淡甜味之後就食到好咸，單食確係唔掂，連鷄翼控嘅我都放棄其餘果D 好彩有杯青檸意米水中和下，飲度青檸味，甜甜地仲可以食埋D意米，大杯D就仲好!

海富中心的米線陣，從開業以來，生意非常好！每次經過，都看到有人排隊，午餐時間，人龍還挺長的！我沒耐性等，所以一直沒吃上！７月香港爆發第３波疫情，我公司調整了午餐時間，讓我們錯峰用餐，減少與人群聚集，終於不用排隊，可以直接入座。來得早！還是早餐時間，本來想點嫩滑炒蛋系列，但店員說沒有餐包，給方包可以嗎？我問有沒有多士，店員回答 不是多士，就白方包１片。不喜歡！就放棄滑蛋系列，點了鮮蕃湯米線，應該是餐廳招牌菜，單併34元，雙併39元，點了午餐肉(單併)，味道一般，沒啥特別！不知道為什麼那麼多人排隊吃！熱奶茶，味道不錯！

大熱天時無乜胃口，食壽司係唔錯，但日日早午晚三餐咁食都會厭，想轉吓口味又好似樣樣都唔多啱心水，行過見到大大杯咸檸7好好味，隔離一碗芫荽皮蛋湯石斑米線，再望吓入面唔多人唔需要等位，記住先行多一個圈再睇睇，最後都係決定食呢間，menu 都無睇就叫呢2樣嘢，份量唔算多，無骨石斑厚切有3件，皮蛋1開4，仲有少少腐竹同芫荽，唔係好重魚湯味或芫荽湯味，米線份量唔少一定夠飽，主角咸檸7反而好Surprise, 唔會好甜，檸檬肉比較爽好好食

完全唔知道佢個面上面係有芫荽😩唔係好鍾意。 不過自選三餸逐樣咁樣加錢落去都幾貴，但係食物整體都OK，普普通通不過不失咁啦。只係米線份量我覺得應該多少少。而服務態度同環境都唔錯。

Visited Mixian Sense for lunch, tried both the mixian with spicy tomato soup base and the Dan Dan noodles with fried pork chop, both were extremely delicious with the spices done right. Pork chop was very tender, batter not too thick, and it was also coated liberally with a very appetizing spice mix. Would definitely go again!

不得不承認 #小秘書 對 #米線陣 嘅 #麻辣湯底 已經上咗癮，每次諗食啲咩，好多時都會自自然然去幫襯，尤其係 #下午茶時間，一碗米線+飲品，都係四五十蚊，價錢都算好公道👍🏻👍🏻 呢日收咗工，約咗朋友去 #銅鑼灣 食飯，不過佢就講明要夜啲出現。我唯有先去 #金鐘 搵人吹吓水晏啲再返過去。朋友話肚仔餓，居然由佢提議去 #米線陣 食嘢...明明人哋諗住留肚唔食嘢，點知比佢講一講，我又破戒👉🏻👈🏻#海富中心分店 比較細，但係去到嘅時候，#職員 唔知點解要喺某幾張枱上擺個reserved牌上去唔比人坐，反而我哋就要搭枱... 其實同陌生人打對坐、仲要你眼望我眼咁，真係勁尷尬🤣 講大聲兩句又會比人聽到哂😌 不過鬼叫我哋為食咩！#店員態度 有啲over，我哋都未行到埋位已經聽佢大大聲吩咐我哋用QR code落單😅 一如以往，我都係叫我最愛嘅 #牛腩碎什菌麻辣湯米線，仲另加咗啲 #金菇😋 份量比較多，所以我都分咗1/3比朋友先食得哂😉 #什菌、#金菇 浸喺 #麻辣湯 真係夾味，加埋啲 #芫荽 特別香口😋埋單嘅時候，又重預果個 #男職員，佢一樣係態度怪怪的，我好心提佢有人漏咗知電話喺counter，縱