米青蛋包飯公司

營業中

休息中

位於荔枝角長義街的米青蛋包飯公司，以其獨特的蛋包飯聞名，餐廳的主題設計充滿了輕鬆的氣氛，讓人一進門就感受到愉悅。我首先嘗試了洋蔥騸牯牛柳絲蛋包飯，這道菜的蛋包蓋在香噴噴的飯上，金黃色的蛋皮滑嫩無比。牛柳絲鮮嫩多汁，與洋蔥的甜味相得益彰，讓整道菜更加豐富。米飯吸收了牛肉的精華，味道十分入味，每一口都讓人感受到滿足感。接著，我試了日式吉列豚蛋包飯，底下的椰菜花飯底令人驚喜，口感清新，搭配上濃郁的豚肉吉列，讓整體的味道層次更加明顯。豚肉炸得金黃酥脆，與滑嫩的蛋包形成鮮明對比，讓人一試成主顧。餐廳的服務也十分周到，員工熱情友善，讓用餐的過程更加愉快。整體而言，米青蛋包飯公司不僅提供美味的蛋包飯，還營造了輕鬆愉快的用餐環境。

好少寫食評，今次真係頂唔順，嘢食嘅性價比低，服務員又寸嘴，－定不會再去，真係唔好怪香港人上深圳消費。叫$76 厚切牛舌沙律，好馬虎，沙律菜唔新鮮，爛菜葉都比客食，見到一堆好大塊爛邊嘅菜都唔想食。招牌日式吉列豬扒蛋包飯，豬扒冇味，脆皮同一片豬肉分開，$84 一碟飯真係唔平，出面有好多其他選擇。食物差都算，堆單先話唔收1千元紙幣，服務員態度認真差。 門口沒有張貼一千元紙幣不接受，如果有寫，我肯定唔會入去的。

今晚同朋友dinner, 去咗D2 place 搵食。我地叫咗2個餐第一個係100%純和牛漢堡扒和厚切牛脷芯飯，好好味！😊 漢堡扒牛味濃，份量足。🥩 厚切牛脷芯飯軟嫩，配洋蔥牛肉汁和白飯🍚，味道香濃，簡單滿足。第二個係純和牛漢堡扒配「米青」咖哩汁加炸蝦餅，炸蝦餅外皮脆口，和牛漢堡扒配埋咖哩汁帶點辣，挺開胃。味道好價錢實惠，套餐都係100左右，幾抵食。😉 凍四季春🍵冷萃茶清爽，茶味夠濃，解膩一流。整體來說，米青菜式份量充足，味道不錯，尤其是牛脷芯飯。而且環境舒服，服務又親切！👍

健身後想吃低碳又美味的午餐，「米青蛋包飯公司」以其椰菜花飯底蛋包飯成為理想選擇。•三級肉念豐盛蛋包飯（$96，+$8轉椰菜花飯）包含100%和牛漢堡扒、西班牙黑毛豬肉餅及芝心雞肉漢堡扒，手工製作，肉汁豐富，口感多樣。和牛牛味濃郁，黑毛豬肉香嫩，芝心雞肉漢堡扒奶香突出，惟整體未達高期待，略欠驚喜。蛋皮滑嫩，椰菜花飯底粒粒分明，低碳健康。•厚切牛脷芯低碳沙律（$76）牛脷芯厚切，煮製軟腍，牛味濃郁，調味精準。肉質保留輕微咬口，無需刀切即可輕鬆撕開，令人驚喜。搭配清爽沙律，解膩健康。
低碳飲食如椰菜花飯底蛋包飯，確實適合健身後或追求健康生活的朋友。搭配高質蛋白如牛脷芯或和牛，兼顧美味與營養。如果你鍾意低碳飲食，這間的椰菜花飯底絕對值得一試！

在米青蛋包飯公司的這次三連擊，真是讓味蕾有如在雲霄飛車上起伏！🥢首先是吉列豬扒蛋包飯，外層炸得酥脆不油膩，豬扒厚實多汁，配上滑嫩蛋包飯，經典滋味令人滿足。接著是慢煮雞胸蛋包飯，雞胸柔嫩細緻，不帶絲毫柴口，低溫慢煮技法展現了料理師的用心，健康之餘也不失美味。壓軸登場的是黑毛豬肉餅蛋包飯，肉餅紮實有彈性，豬肉香氣濃郁，與香軟蛋包飯完美交織，宛如一首味道交響曲。三款蛋包飯各有風格，不論是想要酥香、健康或濃郁口感，都能在這裡找到滿足。若你也喜歡在蛋包飯的世界裡探險，米青絕對值得一試！🍳✨

俾老細一個電話打黎無啦啦話要早半粒鐘開工，臨急臨忙但又想食個好西，預計得15分鐘食飯，就即刻狗闖上米青，好彩2點時段好易搵位！第一次黎幫襯，一收到職員俾既下單QR code, 即刻9秒9 order左個上網見其中一個好多人推介既牛脷芯配日式咖喱蛋包飯，remark仲加左個”趕時間, thanks” 希望真係會快啦😂！加咗個餐飲，但唔記得係乜嘢，好似可能係白桃烏龍茶掛～點知真係5分鐘職員已經將食物熱辣辣咁送到枱面，呢下真係非常滿意，即刻拎起叉羹開餐！第一下食飯之前係搵個匙羹篤吓粒好厚身嘅牛脷芯，真係好腍！但係因為趕時間同肚餓嘅關係，下1秒已經即刻爬咗幾啖蛋包飯，蛋同飯都好熱，感覺好新鮮，日式咖喱汁相對唔係好熱，但個汁感覺相對比較稀。啲飯仲有幾舊蔬菜，都係新鮮好味嘅。之後食佢嗰幾粒巨型牛脷芯， 腍嘅程度係用匙羹都輕易分得開，亦都係新鮮好味，咬落亦好有口感。重點：方便我盡快食完！眨眼就成碟飯食晒，發覺只係用咗10分鐘，遺憾的是未能好好享受呢個飯，但我決定下一次再來荔枝角做嘢嘅時候，要試佢嘅黑豚豬肉餅，和牛餐，封門柳….係好多嘢想試！#foodie #hkfoodie #hongkongfoo

米青蛋包飯公司，係蛋包飯界嘅潮牌！今日叫咗兩款主打：洋蔥騸牯牛柳絲、牛舌同和牛漢堡嘅蛋包飯，再加埋著條，成件事滿足感爆燈。先講個牛柳絲，肉味夠濃，炒得香口又有焦邊，配埋甜甜地嘅炒洋蔥，味道十分不錯。至於牛舌+和牛漢堡版本，牛舌厚切、夠腍又保持彈性，入口仲有淡淡嘅燒味。和牛漢堡就唔洗講啦，肉汁豐富，帶少少油香但又唔膩口，滿足感爆燈。著條方面，外脆內煙，唔會太乾，點埋蕃茄醬就 perfect。成體驗：好食、份量足、擺盤亦都有少少 IG feel。如果你都係蛋包飯控，咁真係唔好錯過。🎌🍳

昨晚剛好行D2 place時見到呢間蛋包飯專門店，好多人食就湊熱鬧去試一試厚切牛脷芯Thick cut ox tongue $96- 呢個牛脷心非常軟腍，配合餐廳嘅自家咖喱汁，味道唔錯，但醬汁可以多少少，先至夠沾哂全部飯，另外配菜都好新鮮日式吉列豚Tonkatsu $84- 呢個吉列豬扒外層炸得酥脆，但係內裏就有點Over，有少少嚡口，另外加咗8粒日本小貝柱，細細粒都算有咬口，配菜同樣新鮮總括而言，個人比較推厚切牛脷心嘅蛋包飯

食過番茄師兄幾鐘意，等熱潮過咗就試吓姐妹店，裝修帶點港式又有文青風，開咗幾個月仲係乾乾淨淨咁，加分位啲姐姐唔會好似其他鋪，見你食完就收起你啲野迫你走👍🏻洋蔥騸牯牛柳絲蛋包飯 $76番茄師兄果到都食過騸牯牛，哩到牛柳絲真係有點幼，食洋蔥多過牛柳，仲比較乾身，蛋都比較薄身，不過算滑，加幾粒唔同顏色蔬菜算幾靚不過價錢好似進取咗小小，哩區咁多選擇未必會成日嚟食

同舊同事喺返舊公司附近食飯上菜速度好快叫完唔使𝟝分鐘就已經送上(•̤̀ᵕ•̤́๑)我揀咗「米青」咖喱汁 芝心雞肉漢堡扒$𝟠𝟚配上免費既四季春冷萃茶ლ(´`ლ)蛋包飯可以加$𝟠轉椰菜花飯/日式醬油菜飯自選醬汁可以揀洋蔥牛肉汁蘑菇忌廉汁「米青」咖喱汁 菠菜忌廉汁係頗多選擇既個「米青」咖喱汁 係特別既唔係好辣酸酸地ヾ(◍°∇°◍)ﾉﾞ原本以為個飯份量好少一定食唔飽但係最後都食得好飽旁邊有蔬菜 紅蘿蔔 蕃茄仔 翠玉瓜 長柄西蘭花 粟米 我想像中嘅蛋包飯係入邊會流心係我期望太多 ૮◍⁰ᯅ⁰◍ა佢係一個樣子靚靚 個蛋都滑滑地既普通蛋包飯芝士雞肉漢堡扒入邊有芝士 但無流心 無拉絲係我期望太多 ₍^_   ̫ _^₎不過好少聽到有用雞肉做嘅漢堡扒佢唔算爆汁 但係亦都唔乾 加咗芝士係多一重口感既(•̀ᴗ•́)究竟$ 𝟠𝟚一個午餐係貴定唔貴呢？꒰꒪꒫꒪⌯꒱

久聞呢間蛋包飯好耐，終於試到啦！🥰平日1:20到，等2-3個就坐低啦，係咪算好彩。😅🍳招牌蛋包飯——🐣慢煮嫩雞胸 $74🌕🌕🌕🌕🌗上枱好靚，顏色對比鮮明，賞心悅目🥰，令人想大快朵頤。劃開隻蛋，略嫌份量唔夠多，只係薄薄地一層。入口蛋滑同又香嘅。雞胸意想唔到好嫩滑，雖然雞味唔算濃，但都好好食。用返呢個價錢計，完全收貨有餘。反而佢個汁汁我麻麻地，唔道唔突出，就係普通一個芡汁，令整體有啲失色。🍳招牌蛋包飯——🐮100%純和牛漢堡扒 $96🌕🌕🌕🌕🌖和牛漢堡扒爽口有牛香，又唔會過分油膩，同樣好食，會翻町！最開心係可以加$8（轉椰菜花飯，好岩減脂要健康嘅，剩係呢點都足夠叫我下次再黎。😘#蛋包飯 #米青 #D2 #D2美食推介 #椰菜花飯 #生餇飲食 #減肥 #減肥餐 #荔枝角美食推介

喺D2 Place 3樓行到最盡頭，發現有幾間餐廳，其中一間係食蛋包飯，我哋叫咗兩個餐西班牙豚肉漢堡蛋包飯，醬汁可以自行選擇咖喱汁，蘑菇忌廉汁，菠菜忌廉汁等等，我就選了蘑菇忌廉汁。蛋包飯入面係白飯，唔係日本嗰種有茄汁炒過嘅飯。忌廉汁好香，濃稠適中，雞蛋有蛋香和好滑，豚肉漢堡，口感較實，味道香濃。芝士雞肉漢堡蛋包飯，醬汁選擇了咖喱汁，咖喱汁好香，唔辣，雞肉漢堡入面佈滿芝士，口感軟滑，豚肉漢堡和雞肉漢堡比較，我自己就比較喜歡雞肉漢堡。配菜新鮮，套餐亦有配飲品，如果以份量和價錢嚟講，價格有點偏貴，但係味道很好，下次會再去試埋其他款式

社交平台成日轆到佢哋廣告 加上之前食過蕃茄師兄 所以一直都好想嚟試吓今日嚟到 就算平日都幾多人排隊 都排咗差唔多20 mins 先入得 大約八點幾到啦 已經得返比較少嘅選擇（約10種） 出面有5-6位工作人員 但淨係得一位負責帶位同收銀 望住幾個空位但仲要企喺度等嗰下覺得安排得唔係太好叫咗佢哋推介嘅臀肉蓋其實未叫之前見到其他人叫嘅沙律餐睇社交平台沙律餐有好多舊牛 不過嗰個人嗰份睇落就唔係好多我叫咗飯餐 牛有7舊左右 有啲厚度嘅 不過都係覺得比較少 始終都差唔多成$200個餐份量都唔係好大 飯比較細個 隻匙羹又好大 基本上匙羹𢳂6-7下就食晒女仔可能食得飽嘅餐湯似罐頭湯質素反而嗌炸魚柳會抵食啲 原條+即炸見到有人攞嘢飲樽換紙杯 啲茶樽可能洗完再用冇想像中咁好 未必會嚟下一次

✨重點評價✨ ✅ 封門柳蛋蓋飯 $168- 牛肉品質超驚艷！肉嫩多汁有牛香🐮 - 但嚴格來說是「蛋蓋飯」非蛋包飯 （蛋只是鋪上面 沒有包裹感） 🔥神級醬汁▪️「米青」咖喱汁：香濃微辣超下飯 ▪️蘑菇忌廉汁：奶香順滑不膩口 🍵飲品驚喜• 粟米忌廉湯：濃郁creamy🌽 • 凍頂烏龍茶：清新解膩首選 ⚠️小失望位▫️吉列炸蠔（+$16）普通不驚艷 ▫️蛋料理方式有待改進... #荔枝角美食 #日式洋食 #偽蛋包飯 👉🏻 建議點牛肉系列+咖喱汁組合！ （同場加映：有無人試過其他口味？求分享～） 後記： 雖然不是傳統蛋包飯， 但牛肉質素值得回頭！ （希望改進蛋的處理方式）

其實未預備好，點解要開呢？今日專登去食5:15 就有人排隊5:30 入坐漢堡扒飯，飯係暖嘅，漢堡扒都係暖，淨係支茶係正常。盛為$98。另一個餐仲大鑊，我從來未食過牛扒係凍嘅。一入口，「凍喎！」 咩料呀？飯又係暖嘅，淨係碗湯嘅溫度比暖熱少少….盛為$198大約6:00pm食完出面仲大排長龍大家可能都係睇IG 啲人講到幾好食幾好食…之前D22 嘅蕃茄師兄都無咁差，大家都係同一間公司啫，呢間極難食喎。希望之後啲人食到熱飯熱餸😐