粉仔檔

營業中

休息中

呢間粉仔檔，我相信唔少屯門人嘅童年回憶或者地標～以前食好好味～唔知係咪大咗呢個口味變咗N但佢嘅咖喱汁一樣咁好味～粉仔就中規中矩啦，始終食嘅都係回憶～燒賣好味～個辣菜脯真係好辣所以個面都寫住請勿挑戰😂😂😂

香港街頭小食發展源遠流長, 因為香港島四面環海, 漁產豐富, 海鮮係街頭常見料理種類之一, 從19世紀開始, 香港已開始有路邊攤檔,所出售嘅食物仍極受歡迎!屯門呢間小食店好出名, 最有名就是粉仔同辣菜圃, 不過聽講呢間鋪好似換左好多手,據說粉仔以前人手做, 唔知宜家仲係唔係呢?黎到大西北緊係要試下啦!!!

有無人同我一樣，喺長大嘅地區總會有幾間食店係由細幫襯到大。不論味道好與唔好，但又唔知點解係都要食下，坐下。懷念下。呢間粉仔檔顧名思義主要係食粉仔，當然粉仔以外，亦有多款港式小食同車仔麵提供。粉仔檔屹立咗三十幾年，老闆一代傳一代，食客一代傳一代，富有人情味。💎 馳名粉仔 $20湯度夠濃郁，蝦米味香，配菜脯食口感一流。店主仲有自家大辣菜脯，表明别挑戰。而且仲只係賣緊$20。💎 魚肉翅 $22魚肉爽口，碗仔翅滑溜。肉絲幼細易入口。人均消費💰 ： ＄ 21總結✍ ： 吃著兒時味道，價錢便宜。

今日小編去左屯門千島湖行山，朋友仔帶我黎呢度食燒賣、佢話呢間好古早味即係好有懷舊味道，係佢細細個食開燒賣既味道。咁小編我都係魚肉燒賣控，咁o岩呢度都係賣魚肉燒賣、當然要會一會佢啦大約3點幾黎到、有幾張檯o係出面、朋友仔去左泊車、小編我就急不及待試左份燒賣先，真係好好味呀係細細個食開既燒賣味道、真係冇呃人wor燒賣似民豐d frd，魚肉味有但唔係好腥，最欣賞佢地既豉油甜甜地咁、似鮮味醬油or鹵水d frd啦總之就係正，呢個堅推呀！下次even唔係入黎行山純粹食個燒賣都值得既，其實呢度附近都有好多舖頭仔幾得意咁，朋友仔鍾意去利寶商場既模型舖，我地買左d puzzle同模型滿載而歸呀

燒賣，我最重意食魚肉燒賣，但唔係間間都好食，而家搵到一、兩間都已經好難。🙈🙈🙈係屯門，呢一間出名食粉仔，我老公見我鐘意食粉仔，所以就帶我去食，講真佢嘅粉仔係唔差嘅，加埋佢個勁辣菜脯，真係好味嘅，但都係果句啦！衰在唔夠熱就扣咗好多分。😋😋😋粉仔檔地址 屯門青河坊2號麗寶大廈地下1號舖但佢嘅燒賣就好出色，唔好講少，我食完都會心思思，行過都好想食嘅。佢唔會好粉，軟軟綿綿，仲有種彈牙嘅口感，呢一種就係我鐘意食魚肉燒賣嘅原因，而且配埋佢特制嘅甜豉油同埋辣椒油，真係一絕。👍👍👍

好耐無食過粉仔了，記得細細個時跟媽媽去親置樂買餸都要去食今次重遊舊地，已有冷氣地方 多左了其他食物，少了果汁沙冰今次我先叫了一碗粉仔，味道依然，仍然有菜譜，有辣或不辣 （同以前一樣有點污糟感覺）另外叫了一碗 魚肉翅，味道可以魚肉有點淋身，爽口彈牙一點會更好🤗

讀書時期成日都喜歡lunch 去食依間粉仔,趁今日經過買番碗回味下除咗粉仔之外仲有好多小食,價錢又平這粉仔係自家製,質感細滑,也帶煙韌。粉的形態介乎烏冬,上海粗炒之間,咬落淋身,而湯底有濃郁有菌香和蝦米鹹香。雖然是下欄野,但也是大衆化的香港味道,配上自家製辣菜脯,香辣又過癮

屯門回憶的好滋味⋯⋯最有名就是粉仔同辣菜圃呢間鋪好似換左好多手，亦都好多新聞據說粉仔以前人手做⋯⋯我估依家應該唔係，以前口感滑嘟嘟而家鞋口同好粉⋯⋯但菜圃還算是可以以前嘅平民街頭小食，現在索價為$19

今日我地講下碗仔翅，腸粉，燒賣。 我相信好多屋邨大嘅朋友非常有親切感， 其實你揀狗仔粉出名嘅， 不過個個都講的6唔講啦。 碗仔翅，腸粉，充滿屋村氣息， 燒賣熱辣辣。 仲有粉果，魚蛋，腸仔之類……食完飲返支玻璃樽汽水入型入格， 爽到震。 集體屋邨感覺回憶都幾開心架。 不過提提食物澱粉質比較多， 醬料都不而落太勁， 入正題之前叫碟油菜， 食左先就更健康啦。 😁 我食完都有種回到學生時嘅感覺， 挫折枱摺凳真係好有風味。 祝聖誕快樂極唔肥。

到屯門吃粉仔，近這二十年都好像是外區人士必做的事情，經歷過大大小小的風浪再轉手以後，現在的粉仔雖然沒有了從前由街頭擺到街尾的氣勢，由熱潮變成主流，也依然受街坊歡迎。粉仔比從前的油膩，但也有人愛其惹味，因為食粉仔落菜甫就像指定動作一樣，猶如吃腸粉要加甜醬，每張檯上也有兩盒原味與辣味菜甫可隨意添加，就算外賣也會在蓋上前讓你自由添加。現在的粉仔沒有正宗不正宗可言，反正就是碎上的上海麵，用匙輕易吃到，不少豬油渣粒，但其實滿滿的菜甫才是靈魂所在，每口都是菜甫與麵條，惹味得很，來此等路邊小店，玻璃樽汽水也非喝不可，解解味精之癮。這裡的生菜魚肉一向都很受歡迎，但轉手後似乎質素有點下降，魚肉條粗粗的，但魚肉的比例肯定不多，生菜也只有少許，出色的生菜魚肉應該粗幼相約，吃到鯪魚肉的味道，現在也不曉得吃了甚麼下肚。小店現成雖然做得比較衛生整潔，但作為老主顧還是掛念從前的味道。

屯門人的橋底粉仔就出哂名，由兩公婆自己打理，環境一般，但食物選擇多，又係平民小食，而且多年街坊生意，當然客似雲來啦！狗仔粉份量唔算太多，過下口腹之慾又確係唔錯，粉仔加上大量菜圃，添加了唔少口感，爽口菜圃同煙韌既狗仔粉成為左強烈對比！亦為了粉仔添加了調味，菜圃有分辣味同原味，鐘意食辣既一定會加好多！因為真係好惹味$17 呢個價格唔算貴，雖然我唔知點整粉仔出黎，但呢個粉仔有家的味道，可能係家屬生意關係啦！

細細個已經食樓下街邊檔既狗仔粉長大，所以一直情有獨鐘，本身係唸住去食另一間狗仔粉，但朋友話不如試下呢間粉仔檔，話開左好多年，好多人幫襯來到見門外有位就坐底左，無人招呼只好行去落單枱面已經放好2大盒菜脯，一辣一唔辣，但辣個盒無左個蓋，係街邊就欠缺衛生一來到相都未影，就急不及待落左一羹辣菜脯之後先記得影相，呢度個粉仔係幼身，配料係蝦米，個湯底唔錯，加左辣菜脯惹味好多，食食下又再加多羹辣菜脯食到有d辣，呢度有賣樽裝可樂，大支裝都係賣$8咋

小時候已經常常過來置樂食粉仔，到長大後都小了過來食，今日跟朋友來到置樂又再一嚐粉仔檔。值得一讚就是他們枱面每枱都放有菜脯，有辣有唔辣，任君選擇，所以好變態的我連魚肉刺都唔放過要落啲菜脯試吓，味道幾新穎的，哈哈。粉仔好足料，勁多蝦米，湯好濃魚肉翅~翅好足料，冬菇同肉絲，好入味粉果皮太厚，燒賣好食，唔會好粉。價錢keep到平嘅，但服務就唔好期望太多，姐姐好惡，肥叔叔個樣惡但態度比姐姐好。不過可能生意太好，所以都唔怪得佢地。

住喺屯門無理由唔識粉仔檔！佢絕對係屯門友嘅集體回憶，皆因100%食地道嘢好好食！唔好睇佢格局好似得街邊位，只係梗有人鍾意坐街位，其實行入去佢裡面有兩個冷氣舖位，而且有店員幫你落單兼捧埋俾你。而且呢度有個大mon,俾你睇住有冇人抄牌！如果有人抄牌，店員仲會好好咁衝入嚟大叫提醒客人，呢個服務真係窩心至極。嚟到唔係唔食粉仔呀化？呢度嘅粉仔真係入味又足料（蝦米），而且炸菜任添，粉仔軟硬度剛剛好！啖啖都是幸福！燒賣都係我必點，唔知點解佢肥豬肉度適中，係我嘅大愛。另外又係必點嘅生菜魚肉，又係唔知點解，簡簡單單一個清湯，已經同魚肉味好夾，魚肉又彈牙，麻油味香濃，一直好奇點解望落咁簡單嘅嘢可以令我食得咁滋味。其實腸粉都係又滑又好食之選，只係今日下午茶時間嚟唔想食咁飽，下次再嚟掃過！

以前讀書喺呢頭，學生冇乜零用錢，$5可以食到一碗又平又靚又正嘅粉仔。果時平排有兩間，而家呢間都係頂手。以前放學時間成日好多人開晒啲枱出去。而家當然無咁樣啦。今日特登入嚟懷舊一下，熱辣辣雖然有冷氣位都係鐘意坐街先有風味。通脹壓力以前＄5而家買＄16雖然係大件左啲啲啲（粉其實都係由粗已經變咗幼條，呢十年嘅趨勢）呢粉都係非常軟，味道依舊係咁懷舊。果啲蝦米冬菇肉絲湯汁就夠晒味。不過識食一定係狂落爽口唔咸惹味菜甫，粉軟菜甫爽呢個對比嘅口感覺正，如果食得辣嘅當然係要落特辣嘅菜甫啦😻佢地個盒面都寫左勿挑戰😂以前既經驗話俾我知我只能落少少，大量都係落原味啦😂食飽滿足走人