粉果佬 (已結業)

難得通關，朋友遠道從廣州而來，下榻智選假日，早上去接送往迪士尼，正好發愁吃啥早餐，打開酒店門，就嗅到獨特濃烈的魚肉燒賣味，原來粉果佬在旁邊開了分店，正好解決我倆所需。分店門面亮麗，門上掛著『參叔手造』金漆招牌，我倆光顧了招牌手工燒賣，女友人評價「灰常Da好吃」，比她在廣州吃的點都得、陶陶居傳統燒賣更清新可口、辣椒油辣度够；碗仔翅在內地稱為小碗，她說比廣深吃到的更好味地道。早上八點碰巧是早餐時間，排隊輪候需時，幸好只排了七八分鐘，這已是本人第二次光顧粉果佬了，小吃依然能保持水準，確是很有特色的小店，又讓我倆解決一餐了

粉果佬最近係觀塘開左新分店啦🌟當日到達約730左右，大概排左20至25分鐘倒，排到咁上下已經無曬最想試嘅粉果😭最後買左20蚊(有10粒)嘅「門口姐姐手工燒賣」🥟🥟🥟口感較粉，size中等啦，豉油同辣油都唔香唔吸引🫤可能對佢太有期望，食完有點失望😮‍💨

排隊時間12:55 - 13:20 , 足足排咗半個鐘, 排到差一個到我, 然後店員阿姐話粉果賣晒，灰咗。到我買嘅時候見佢有一盤蒸好咗嘅粉果，阿姐又話要擺20分鐘先可以賣，咁我放棄了粉果，買咗碗仔翅同埋燒賣。兩樣都無特別好食。買完之後因為要等埋同事，望咗一陣入面D阿姐做嘢，其實除咗負責出食物嗰個阿姐係快手腳做野之外, 另外嗰幾個負責包粉果包燒賣嘅阿姐完全係hea 住做。其中兩個阿姐包包下粉果/燒賣去拎D錢出嚟，原來係俾另一個人去買外賣，重點係佢哋完全無洗手無戴手套就繼續包粉果/燒賣...其實粉果喺食晏繁忙時間13:20 已經賣晒，同埋會好似好多人排隊咁，原因唔係因為佢地做唔切，而係根本佢哋就拖長嚟做。

7仔燒賣好食過佢十倍, 冇魚味,一pat 粉,味精重,皮厚,豉油勁咸,咬兩啖即刻掉左成兜🤬 ,魚蛋一般,冇咖哩味,仲要排左廿幾分鐘,哂錢！都唔明點解咁多人排隊同咁多好評!

朝早諗住朝聖一下，由8:30排到9點先買到，繁忙時間得一個職員，返工時間緊迫，簡直浪費時間，如果好食都話值得，但係難食都嘔，燒賣一團粉，粉果極度厚皮，兩樣超難食，唔會再幫襯，此終都係駿運燒賣好食d

咁啱响附近返工。又見到有報導話日賣1萬粒咁犀利,即管試下。尋日買唔到粉果(放工時間都好多人）。今日唔順氣再去買。又賣淨得返一粒。由8點50分排到9點15分。眼見得一個人包嘢食連收錢。條龍又長。真係想中途走。但又唔忿氣。燒賣10蚊5粒，唔平。但就大大粒。粉果又話爆餡。唔知係咪姐姐包時趕時間。我食個粒係偏少餡。皮係香嘅唔係一般出面食嗰啲。但就厚咗些小。另外有咖喱魚旦，碗仔翅同生菜魚肉。行過路過唔多人可以試下。多人就免啦！

喺大埔好出名嘅粉果佬，喺觀塘開咗分店，即刻去試吓。粉果 $12/3個 - 雖然皮有點厚但煙韌，幾飽肚，餡料比較少，有啲沙葛同肉碎魚肉燒賣 $10/5粒 - 比較實同煙韌 (個人覺得駿運比較淋身)魚蛋 $10/8粒 - 有驚喜，彈牙，幾好味整體還可以，只是等候時間有啲耐，同俾得較少豉油。

今日有網友介紹呢間小食店，見個地址又喺返工附近，返工前順便經過，入到阿姐話所有嘢賣晒，賣剩10粒燒賣，咁我就買賣果10粒燒賣，賣到$10/5粒應該唔會太差啩？拎到返公司食，第一啖食落口，黐牙嘅？我食咗啲咩？$2粒燒賣係咁嘅質素？似係用一pat嘢整埋一舊，龍津果啲$10/10粒都好食過佢，我諗呢10年中食過最難食嘅燒賣都係呢間，我唔知點解大埔分店會有咁多好評，果10個負評先係最真實，燒賣咁簡單嘅嘢都可以難食到令我寫負評！