粵軒

營業中

休息中

餐廳分咗兩間舖，週末排隊排左30分鐘先有位，餐廳唔會派飛。明白而家生意難做，不過又要搭枱，疫情期間向每張枱嘅距離都好近好似防疫做得唔係太好。。。一籠蝦餃$30/2粒,係好大粒嘅，不過蝦重雪味。燒賣又係$30/2粒，普普通通甘筍鹹水角，賣相ok但超厚粉，未食過禁難食既鹹水角🤢同之前有個OpenRice 嘅評論一樣，腸粉係凍嘅。長頭髮，身材豐滿的女職員大聲呼喝客人，態度惡劣咁鬧隔離枱嘅客。真係唔明白點解個女職員禁既態度仲有人幫襯。。

今日經開大圍就去左火車站附近搵野食，見倒酒樓吾洗等位，幾大都去食吓！因為以往都要等下位，今日連飛都吾洗攞，入到去都坐滿！我哋只得兩個人，所以只點了四款點心吃！蟹籽百花釀魚肚$38，魚肚超入味又淋，蝦膠又爽，正荀尖活剝蝦餃皇$20必食雖然只有兩粒，但每粒成個乒乓波咁大，蝦又鮮甜，一定要試🤤手剁鹹魚肉餅飯$35飯量吾多嘅我就啱，但如果D大胃皇就一定吾夠，鹹魚味濃肉餅好香好正。欖角陳村粉排骨$35幾特別，味道吾太鹹配埋欖角好甘香。計埋茶介埋單都係$180倒，下次可以再去幫襯，可以試吓其他特別點心。

1. 「薑汁野雞卷」原來係雞包仔！ 唔知點解要改個咁既名。2. 點心係由另外隔離店拎過黎，蒸點還好，有蓋。炸點真係唔衛生，行過既人打個噴嚏🤧，點先？ 3. 紫菜鮮蝦腐皮卷，唔掂！ 9成是炸腐皮，最後有一粒蝦！4. 坐係門口位，風機好大風，好想快點走； 加上所有點心都由另一店拎過黎，可以想像門開關既次數有幾密。5.今時今日咁既時勢，汰弱留強，呢間店，不論食物質素、服務和環境都強差人意，除非買左間舖，唔知下次去大圍仲見唔見到佢。

今日經過大圍，見到呢間鋪頭有點心食，就諗住走入佢試吓啦。飲茶好多時我都會叫蝦餃燒賣，今次見佢叫蝦餃王咁就叫一籠嚟食下。佢嗰度一籠兩隻，個蝦餃皮食落去都算唔錯，裏面啲蝦都算爽口。呢個西洋菜牛肉球，牛肉球配西洋菜我都係第一次食。食落去反而都真係幾夾個牛肉球個味道都幾好食，軟滑彈牙，牛肉味都重，如果下次再嚟呢度食嘢，我都會再叫。呢個欖角陳村粉排骨，個味道都清得來幾夠味。因為本身陳村粉係冇味嘅，再配合埋欖角同排骨，可以帶出味道呢個甜品🍮賣相一流，上面有啲沙律菜配合埋下面嘅沙律醬都幾夾。可惜裏面嘅生果都只係得幾粒蘋果，令到成件事失去左少少風格，食落比較單調。呢個皮蛋瘦肉粥就普普通通啦，食落冇乜特別囉。呢個菜即叫即做，佢裏面個油炸鬼都算脆口，再配合埋出邊嗰個腸粉，呢個咱倆賣相唔錯，食落正正常常。

今晚同父母食晚飯, 第一次嚟依間食肆, 叫左兩樣餸, 羊腩煲, 薑蔥美國桶蠔, 兩樣餸要388蚊同188蚊, 不過價錢同實體唔樣, 羊腩煲得5,6件羊肉, 蠔煲得3隻蠔仲離譜, 問老闆娘點解蠔煲得3隻, 佢仲大大聲話佢地冇偷蠔, 不過同樣間隔枱都叫左薑蔥蠔, 佢地自己友就有6隻蠔, 自己友去食係唔同d.....最後仲要唔記得咗, 我地落單兩隻乳鴿, 送錯枱, 我地已經講俾佢聽話我地叫, 佢冇理, 送返去廚房, 再等左半個鐘先嚟, 好彩兩隻乳鴿仲係熱熱哋...

大圍主要有兩間茶樓，其中一個原因去粵軒係點心分量適中。有時候，兩個人去飲茶，好多點心都是四件或以上，相對地食得唔多，但是粵軒好多點心都是兩件起，所以好適合兩個人食今日下午同媽咪兩個去飲茶。我們每人叫咗一個煲仔飯和一客燒賣。燒賣只有兩粒，不過好大粒。另外，叫咗兩個煲仔飯，一個是煎蛋牛肉飯，另一個是鹹魚肉餅飯。等左10分鐘，煲仔飯終於上枱。聽聞煲仔飯是即叫即蒸，所以熱辣辣，好新鮮 飯是一粒粒的，不會太濕。

屋企人生日慶祝，今年不去大商場高檔食府，推薦此店老式粵菜風味，又即管試下。舖面較細，只有約十張檯。之前屋企人訂了檯，不用等位。八個人(有大有細)，揀咗一個六人套餐(有八個餸，連伊麵及壽包)，另加兩個小菜。上菜啦! 煎花蝦好香鼓油味，熱辣辣。蝦大隻又新鮮，正!炒聖子皇，可能過咗火， 縮得細，有D韌。味道可以。冰梅骨是另加的，好有矱氣，夠香! 不過我覺得似糖醋骨多D。百花炸釀蟹鉗，呢個係我覺得全晚最正果樣! 真材實料，而且超大，留意下張相，隻蟹鉗放落個碗後嘅比例! 好香口，真係細細個跟大人去飲，食到果種!古法篜魚頭，我自己不好食魚頭，只是淺嘗，全不覺得有泥味腥味。但下面的豆腐點咗汁仲正。蒜子火腩柱脯，麻麻地。個汁好似濃得滯，遮晒瑤柱D味。清蒸大海班，魚新鮮，肉嫩，冇過火。古法紅燒雞絲翅，足料。見張相食咗半碗仲有咁多料就知。胡椒猪肚雞，呢個就差D。味ok 嘅，但D雞煑得耐老咗好韌。呢外仲有野菌津白同乾燒伊麵，大路貨色啦。食到呢到已經夠飽。甜品仲有盤桃(壽包)同布甸添。盤桃係裏頭有咸蛋王果種。今年既生日餐，一家盡慶! 有機會再來試其他小菜。

呢間喺大圍都開咗好多年嘅中式酒樓中菜，同屋企人食過好幾次 鍾意呢度下午時間有點心賣，本身有一間店已經開到兩間店，只係一店之隔。呢度嘅點心最啱兩個人嚟食，因為一般都係兩件呢度啲點心畀出面嘅好食，新鮮整起，而且係有水準嘅叫咗腸粉係帶子腸，一客有六件，腸粉好滑，入面有啲帶子粒再加菜心另外叫咗魚翅灌湯餃， 灌湯餃超級大隻，有好多蝦同行喺入面，而且個湯係非常之鮮甜 唔似有味精，最緊要係佢真係有一排魚翅咁樣。另外嗌咗煎鍋貼，窩貼一盒有三隻，煎得幾脆，不過硬咗少少，亦都係大大隻好足料 點心晚上都好靚

光等位子已經一肚子氣。人多自然要等, 但是不派票輪候已經能想像會記得嗎?好了~前面1張2張3張4張陸陸續續進去了可是我們還在原地等着,問老闆說快到了~再等等2人3人5人6人8人甚至12人都進去了居然4人沒位子??

Arrived in Hong Kong last night so this is my first meal for this trip. Dad walked past it all the time and it’s always busy so we decided to give it a try. The place is quite small but not overly crowded. The menu has all the standard items you’d expect with a Cantonese style yum cha breakfast. We ordered the prawn dumplings (筍尖活剝蝦餃皇), chicken feet (百醬蒸鳯爪), pan fried rice noodle rolls (乾煎蝦米腸), steam glutinous rice in lotus leaf (瑤柱鴨胸大米雞). The food took a while to come out which I take as a good

大圍離家不遠，去是時常去，習慣去吃的地方卻不過幾處。吃點心嘛，從前就只往裕富，坐在路旁飲夜茶，是那處獨有的風味啊，俱往矣。也有過幾家質素平平的連鎖酒樓，就似許多的好東西，留不低。這邊嘛，開業沒有十年也有八年，從用我不喜歡的黑色碗碟，到月前，換成我依舊不喜歡的綠色碗碟，一直間中就來幫襯一趟，都是來飲早茶，主要是欣賞他們的蝦餃水準穩定。今早，先吃的是黑椒白玉爽肚，一上桌。「噢，是豬肚啊。」不知怎的，我想錯隔籬了，一直以為點的是金錢肚。剛起床不久，腦袋似乎還不很清醒。豬肚就只有眼見那寥寥幾塊，但也夠入味，而對比別處做的，蒸煮得久那種半融的軟糯口感，這裏得到的是爽滑。當中的白玉是白蘿蔔，甜而無渣又好像不錯。再來是棉花雞，大片的雞髀肉與放面的一塊冬菇一樣厚滑，不過雞皮甚為缺乏，油份不足之下，本可索盡雞油的魚肚未能發揮其最大潛能。但又，如此即更適合追求飲食健康的都市人。吃罷，又突然想念着雞扎的那塊鹵火腿，足見我的饞嘴。至此，期待中的蝦餃始告登場。我決定對它名字裏的「活剝」兩字至若罔聞。一貫的，此處之蝦餃比坊間所見的要大顆，與傳統的風格大概有點迴異。餃皮晶瑩、餃形圓渾、色白泛紅，裏面的蝦可口，並帶點

十一點幾既大圍想食個brunch一餐頂兩餐選擇實在不多，今次選擇左粵軒來食個中式brunch。😂😂我地叫左一個蝦餃、一個小漢堡仲有一個春卷。個蝦餃好足料，入面應該最少都有兩隻蝦，小漢堡佢都係蝦肉漢堡，而個春卷岩岩炸出來都十分香脆。以茶樓來講，佢既點心都幾新式，唔係一般會見到既款色，值得一試。

在大圍居住多年，上星期日第一次在這中餐館晚飯，叫了一隻肉蟹吃，埋單這味薑葱炒蟹盛惠八百元，我們只是問了一下，即刻有一位兇巴巴的肥姐姐走出來睥住，好像是我們不想比錢，對於吃了過千元一餐，這侍客之道十分令人討厭，以後亦不會再幫襯，似足謀人寺，各位以後在這餐館飲茶吃飯要小心，大圍有許多更好選擇。

又是每月一餐的時候，今次到大圍食粵菜，訂了5位8點，到了大圍，有兩間舖既喂＠＿＠！入了其中一間問，才知都是粵軒，只是分了兩個舖位。 兩間舖位都是小小的店子，因為是平日，唔太多人又唔嘈，都幾好呀。 餐牌，即睇有咩食，我們有5人，每人揀一個小菜。 青島，$32，啤下佢。 黃金茄子肉﹐＄70，講起來，呢期真係到處鹹蛋熱，不過鹹蛋茄子一早已經存在了，一條條金黃色的茄子，好大件，面層有粒粒的鹹蛋碎，入口味道鹹香﹐茄子口感軟嫩，幾好味呀。 特色冰梅骨，$98，份量多，好大件，味道酸酸甜甜，食一件幾好味，但食多件就開始覺得太濃味。 豉椒牛仔粒煎米粉，＄118。 人氣之選，賣相吸引，同兩面黃有異曲同工之妙，煎米粉口感香脆，夠乾身唔算好油膩，味道同豉椒排骨炒麵極為相似，十分濃郁的味道，但略微鹹了一點，牛仔粒份量適中，味道不俗。 椒鹽脆皮豆腐，$70，一樣係份量多，口感香脆，內裡豆腐滑，椒鹽味強烈，食落都幾鹹呀。 陳皮煎藕餅，$80，好大件藕餅，肉厚多汁，好香口，有一粒粒清甜爽口的蓮藕粒，味道不俗。 整體來說食物味道略微偏鹹，環境都算坐得舒服，態度幾好，價格尚算合理呀。

今日是成班舊同事一早約定的聚餐吹水日期待已久了。個個見面掛住問候八卦，反而忘記美食的存在實在對不起相機椒鹽鮮魷炸得外脆內軟，再散上一上自家炸得香脆的干蒜茸，十分香口惹味好味到無影相，再來紅燒亂鴿，嘩……同相咁惹人食，皮香脆肉汁多，而且淹得入味，唔使點鹽我超鍾意香口的食物。牛柳即是牛柳，淋滑無渣，蒜片香脆粵軒炒米粉，是老闆自創的，介紹我地試下，果然好介紹，落足料，入邊有吊筒仔干，好香好有嚼頭，但有一樣老闆加咗煎得香脆的午餐肉落去一齊炒，有估唔到的食法有心思！有創意！甜品出場喇蛋散炸得好松化，入口即溶感覺，配合D蜜糖好正，怕肥都要食多D芒果布甸，細細盅，好精緻，好香滑，再加上新鮮芒果粒，唯一美中不足是比咗中式匙羹我地食甜品，不是太襯呢個精緻甜品。