糖心軒

營業中

休息中

呢間酒樓lunch time嘅點心都唔錯，而且價錢都算合理，三個人食咗$411，八個點心。蝦餃幾好食，蝦夠大粒，餃皮夠薄，餡料新鮮。山竹牛肉都做得唔錯，畀平時食到嘅少啲肥肉，有撈馬蹄落去所以食嘅時候好爽。叉燒包都ok，開頭以為一籠得兩個原來佢有三個，入面啲餡真係有叉燒粒唔係淨係叉燒醬撈啲肉碎。叉燒腸啲芫茜好香，啲叉燒都ok嘅。腐皮卷不過不失，唔算好油，啲餡料都算新鮮。煎釀三寶就少少尷尬啦，真係得三粒，仲要每個款得一粒。印象中好耐冇食過牛柏葉，煮得幾難。因為驚唔夠飽所以叫多個馬拉糕，佢個馬拉糕做得幾香，而且仲有瓜子仁，幾好食。

一入座已經被通知食飯時間1.5hr，但到1小時已經問食物到齊未，可以埋單未因為小朋友tick食物單，經理將tick（1籠）理解錯了為2。經理一行過來就大聲責怪：呢個唔係2係咩？我解釋左是小朋友唔小心引起誤會，但作為落單人，如果有疑問，唔係應該問客人？而單上的tick好明顯不是2字一橫，而是向上勾。其實大家都有錯，如果不是態度惡劣，我會道歉。但一來就大聲責怪，呢種服務態度，好難怪香港人北上消費咯。唔會再幫襯。

小籠包豆苗餃腸粉蝦腸魚頭豉汁河粉鮑汁蒸鳳爪食物夠熱 多人首先是小籠包，這可是經典中的經典！薄皮包著豐富的湯汁和鮮美的餡料，一口咬下去，湯汁四溢，肉香濃郁，讓人忍不住多吃幾個！每一顆小籠包都是一口滿足，絕對是點心界的王者！接下來是豆苗餃，這是一道清爽又健康的選擇！鮮嫩的豆苗與鮮美的餃子皮完美結合，口感爽脆，味道鮮美。每一口都能感受到豆苗的清甜和餃子的美味，絕對是一道令人愉悅的點心。再來是腸粉蝦腸，這道點心有著綿滑的腸粉和鮮嫩多汁的蝦腸。腸粉的口感柔軟順滑，蝦腸的鮮甜味道讓人回味無窮。每一口都讓人驚艷，絕對是一道讓人垂涎三尺的點心！別忘了試試魚頭豉汁河粉，這道料理以魚頭熬成的豉汁搭配著滑嫩的河粉，口感豐富多樣。豉汁的鹹香和魚頭的鮮味相互融合，每一口都帶來濃郁的美味。這道料理絕對能滿足你對豉汁河粉的渴望！最後，來一份鮑汁蒸鳳爪！這道點心有著鮑汁的醇厚和鳳爪的彈牙口感，每一口都讓人驚喜連連。鮑汁的濃郁與鳳爪的鮮美相得益彰，絕對是一道讓人回味無窮的點心！

一間好適合家庭聚會嘅中菜廳，鮑蔘翅肚及小炒都有，同長輩食飯一定鍾意😆菠蘿黑毛豬咕嚕肉- 炸得好鬆脆又唔肥膩，酸酸甜甜好惹味👍🏻 當紅炸子雞- 脆皮肉幼嫩🐓 食到停唔到口！估唔到飯後仲有糖水送🫶🏻有紅豆沙又有豆腐花😍仲有番薯糖水～好多選擇！唔好講笑原來佢仲有啲平民嘅魚翅😌 $100就有交易 😌味道仲要唔差！想食好啲，唔同價錢都有，咁就自己自由選擇🤫🤫🤫📍糖心軒📍奧海城1期UG樓UG09號舖

用餐日期：2024/02/14用餐時段：晚餐用餐費用(每人）：$485.75餐廳環境：環境整潔乾淨 室內不少座位 檯與檯之間闊落 坐得舒服 服務：服務員服務正常 有定時收碟+換碟 但在房中不是換碟時間較難找到服務員加水+埋單餐前小食$20: 是一小碟烤腰果果仁 腰果果仁夠香脆味道不錯 份量如大些更好 茶介$18*4：選了普洱茶 味道正常 可叫職員添水加茶主食：點了雞湯金錢翅+翡翠明蝦球+鮑汁海參炆豆腐+西澳洲上湯焗龍蝦伊麵+ 瑤柱扒豆苗1-雞湯金錢翅$108*4: 這個是每次去這店必點的 雞湯濃郁口感鮮甜 金錢翅份量十足 雞湯清甜不咸 翅煮得剛好不過稔吸了雞湯味道鮮甜爽口 味道非常好 推薦 2-翡翠明蝦球$188: 份量不錯 有約8隻大蝦+不少四季豆 大蝦蝦腸去得很乾淨口感新鮮彈牙 四季豆新鮮爽口 整體味道好 推薦3-鮑汁海參炆豆腐$168: 份量足 鮑汁不咸 在不少的豆腐上有不少海參+花菇 豆腐海參花菇都吸了鮑汁味道很香口 豆腐香口軟滑 海參發得好夠稔軟滑彈牙 花菇香滑 整體味道很好 推薦4-西澳洲上湯焗龍蝦伊麵$688: 這家的龍蝦很新鮮 在上湯伊麵放了1隻龍蝦 龍蝦有幫忙切開再

We came to this restaurant on a Sunday around 11:30am and was surprised it wasn’t full! So we got seated right away with the restaurant only half full.We order chicken bun, rice roll with prawn and chives, rice with pork neck and salty fish in clay pot, beef balls, xiao long bao, and some dumplings! Overall we were very happy with the quality of the food and we want to come back for sure! Service was upto standard too! Bill came down to $4xx for 4 of us!

約咗客奧x城，從open 飯app搜尋，只得此酒樓！已經見食評甚差！諗住算啦，有時食評都未必啱，但又想嘆茶、儘管試試，食物一般已經不值一提🤪到埋單，由訂位時已訂三位，到枱上得三個茶位，竟然收五個人茶錢，有料！服務態度，意想不到的差勁！最厲害係，個個服務員都係極品🤪有時真係要信啲食評🥲#香港服務態度#點心

是日同家人慶生日，點了龍蝦套餐，問題是龍蝦等餸菜還未上已上燒雞，心感奇怪，都無出聲跟著位「男部長」仲過分，餸菜上到一半就上甜品，有冇攪錯😡，回覆竟然仲笑住話廚房整錯就放低走😤😤😤完全將個責任交比食客，那不是他貴店問題嗎？？？個蒸甜品最後係凍晒先食跟著叫個伙記叫部長黎，又無咗回事。呢間野就算幾好食，請啲咁嘅員工都只有趕客。原來之前訂枱時，又係上述「男部長」寫錯日期，好彩家人自己覆查，否則生日飯被他攪鍋😡收了客人加一，但這樣的服務態度，真是垃圾

今日去到奧海城，見到糖心軒，記得有朋友提及佢既虾餃很有水準，於是去試試，點了一些經典的點心和熱食，虾餃 : 外皮薄而有彈性，內裡鮮嫩多汁，是我最喜歡的點心之一，燒買: 外觀金黃誘人，入口後肉質鮮嫩，蝦腸: 皮較厚,但蝦不是原隻, 羗汁雞包: 皮鬆軟，內裡的雞肉鮮嫩多汁，不錯, 但不合小孩子, 太辣。牛肉: 則鮮嫩多汁，經過烹調後保持了肉質的原汁原味。糯米雞:糯米不夠淋,，內裡的雞肉鮮嫩，配料不錯。整體而言，這家小吃店的菜品味道中規中矩，但價錢並不平宜，性價比不高。

首先 等位耐就一定架啦，明明見到入面有位，門口個呀姐就一定先處理熟客，Walk In預咗等好耐除非你叫套餐，否則可以叫嘅嘢食非常少，嗌完嘢食起碼要等30分鐘以上先有一道菜，仲要唔催係唔會有，上到嚟嘅嘢食份量非常少，真係寧願係隔離大家樂食仲開心下次黎食應該睇下啲食評先，而家見到咁多負評先知中伏

打電話訂枱，叫我等一等，等咗幾分鐘，聽足幾分鐘音樂，之後再接話大角嘴糖心軒，我話要訂枱佢就直接cut咗我線，之後再打就已經唔聽我電話，用其他電話打就聽，又係再cut我線，依間野唔優做，門面野基本禮貌都冇，永久blacklist!垃圾狗

第一次寫食評，因為已經俾咗好多次機會佢，愈來愈過份，不得不說之而後快！呢間酒樓全無管理，對客服務態度惡劣。1）帶位及侍應只會對熟客有基本禮貌，生客就算輪到有位都要預咗受氣，除非你order 鮑魚參翅肚。2）門口排隊攞飛，帶位可以公然俾熟客插隊，有啲熟客又會直接入酒樓內等位，生客們只有無了期的等！3）想向佢哋管理層投訴？收銀員話唔知經理響邊度，侍應話帶位係店長！一班人公然扯貓尾！其實佢不如做私人會所，唔好做生客生意啦！總之一句：唔會再俾錢佢賺！

嘢好唔好食係另一個問題，但靜係等位攞枱都已經一肚氣🤬開始搵位時已經知道前面有十張枱要等，本來就冇乜期望，不過因為啱啱見到一堆人埋單走人，即管就等下佢，突然前面派枱好快就剩兩張到我，當然開始有期待⋯⋯惡夢由此開始！哩差兩張枱到我哋就害我等咗一個鐘頭，之間不斷有熟客打尖（當然都係話有訂枱，但都唔應該咁樣處理掛）真係火都嚟埋🤬講到食物方面，價錢唔算便宜（亦唔算太貴）所以性價比唔高（可能係因為星期日，冇特價）真心咁講，我如果唔係差兩張枱到我我肯定唔會等一個鐘頭，哩間亦唔值得我等一個鐘頭😂我估計唔會有下次囉

今日去飲下午茶。等咗一陣就入得有位坐。坐低後發現張枱較高，想換枱。當時見到附近有一張枱已經清理好，咁就同個女待應講話想轉枱。佢話前台嘅人已經安排好坐位，會有其他人坐。咁我只係同佢講左一句：「我哋轉枱你都可以free咗呢張枱俾其他人。」個女待應即刻話：「我唔想嗌交，你同前枱講」我真係黑人問號⋯⋯之後，我無再叫佢。留意吓佢哋班待應，全部對熟客就有講有笑，對住生客就木口木面。咁我又真係無俾利是佢哋。雖然食物都okay, 但咁嘅服務態度，我諗我唔會再去啦。費時食到成肚氣。同埋價錢都唔平，俾多少少起碼坐得舒服又唔會俾人duk.😡

屋企人一直都想試糖心軒，因為平時都多人而具價錢較貴，所以係奧運打滾咗幾年都無食過。今日趁平日放假，佢又有特價下午茶大中小點$26，就同二老去試下。雖然佢點心既選擇都算多，又另外有張下午茶點心紙，但係屬於大中小點既就唔多，好多都係廚點同特點。咁知慳惜憸既我哋就盡量係有限既大中小點入面揀咗8樣，連埋3位茶加一埋單$284。整體黎講d點心都係有返咁上下質素既，我特別鐘意個小籠包，皮夠薄肉汁份量適中，因為一般酒樓做小籠包都麻麻，所以佢呢個都做得唔錯。唯一覺得差既就係牛柏葉，真係好韌，咬唔到。