糖果工房

營業中

休息中

幫襯咗好幾次🥰🥰🥰嘢食質量十分之好，咖哩雞扒飯不愧是招牌，原來蛋包飯都好好味，茄汁炒飯底好配滑蛋，又有可愛的畫碟。d活動都搞得好勤，仲有限定餐單！超級驚喜，聖誕餐係牛扒薯菜！包埋餐湯甜品超豪華只係三百零蚊。唔止嘢食方面，女僕服務都好好㗎，施魔法好可愛而且好貼心，會睇住有咩需要，又會送客人去到門口咁。不過意外地原來有外賣送的，旺角油麻地區都可以送的，又平又抵食真係幾好，有時都會叫下外賣，唔洗落街買。

新年來到sugar factory cafe 糖果工房 女僕咖啡店 同朋友來過生日 因為係生日仲有生日紀念襟章 叫左蛋包飯 會係上面畫公仔 因為朋友中意比卡超 畫左比卡超同朋友個樣 位置:❤️🖤🖤🖤🖤入口好難搵 係小巷入面味道:❤️❤️❤️❤️🖤但上面有意想不到的味道。我個人來說比較注重味道。確實蛋包飯在日本比較普遍，但他們的蛋包飯入口散發的香氣，真的意想不到。我個人真的喜愛吃比較熟的蛋皮。所以我覺得非常滿意。

終於搵到間cafe啲野食唔錯，係好味👍值得俾個like👍服務又唔錯，座位又舒服。🥰今次食咗佢哋個聖誕set （法式香草烤春雞），另外再加表演餐同埋甜品。唔錯，值得推介。🫰🏼😋

女僕好熱情 會主動同客人講嘢 令到一啲怕醜嘅客人冇咁拘謹 第一次嚟女僕咖啡店嘅體驗幾好 環境好乾淨 雖然喺旺角 但係採光度好好成間店都好粉紅 啱晒女仔打卡 又可以有好嘢飲 整體都好推薦嚟

朋友生日第一次同佢去女僕cafe，去到服務非常好招呼周到，朋友仲叫咗蛋包飯畫咗佢個樣出嚟😂😂，佢個蛋包飯炒飯料足夠絕對唔係普通炒飯。而我叫咗芝士煙肉意大利飯，芝士味十足，香味俱全。好好味😋

第一次嚟女僕café嘅我好拘謹，但係好彩女僕們都好細心照顧我地感受。佢哋同我嘅對話好自然，令我心情放鬆好多。對我哋兩個女仔嚟講整體服務都好貼心舒服。食物方面，雖然唔太突出，但係有中上餐廳水準，女僕會在每次嚟食飯嘅時候同我哋施魔法，呢種互動反而令整體感覺加分。唯一美中不足嘅係場地有啲簡陋，地址有啲難搵，希望可以有更多可愛裝飾同道具🤣加油！！！💪🏻💪🏻❤️

🧚‍♀️🧝‍♀女僕Cafe💗💕👸🏼由於從未接觸過，所以都做下功課💗見到話Sugar cafe係世一🏆就去潮聖下🧚‍♀️當日既女僕都真係好熱情👸🏼又會主動傾下計～亦都好詳細介紹menu🍴食飯前要施魔法🧞‍♀️野食就會變得好味～個下真係幾有feel，氣氛真係唔錯既！至於野食方面，都係不過不失。唔會因為主打女僕cafe，野食就失準！都真係一個幾好既體驗🫶

sugar嘅卡邦尼意粉🍝真的係世一，去過好多間女僕咖啡廳 得sugar嘅野食係最好食的，超級推薦小食套餐入邊嘅鹽酥雞粒，個雞粒外邊個層好脆，入邊又好入味，個套餐又有埋一張相卷。

星期日晏晝去，咁啱嗰日天氣好陽光曬入嚟打卡都幾靚。佈置可愛，食物價錢OK，叫咗一個套餐同埋一份pancake，朱古力公仔擺盤幾得意。大概坐到12-16個人，整體算係幾好嘅體驗。

環境不俗，枱櫈尚算寬鬆， 雖然坐位比較少。但裝修採用日系風裝修， 帶有少女青春感覺。食物高質，種類豐富，味道優勢。最重的服務高質，服務親切，帶來朋友的感覺，但不會唐突感

食女僕cafe好多人總係為咗𥄫女。「食乜飯呀高質女仔先最緊要！」但我會話嚟到Sugar Factory，高質女僕固然有，高質飯亦然。我好鐘意佢地嘅卡邦尼意粉，因為起碼好食過自己煮嗰啲，超出我預期。我一開始的確為睇靚女而嚟，但而家係為咗廚師嘅手勢，尤其鋪面好有家的感覺，所以食到家的味道。今次上嚟試咗星座特飲入面嘅金牛座(百香蘋果梳打)，下次再嚟想試雙魚座(藍桔乳酸梳打)😍😍不過女僕始終好重要，所以等女僕沖杯為我特製嘅「女僕心情特調」，幻棍下自己係動漫入面嘅主人，睇下女仔扮萌都好正。

第一次去maid cafe覺得呢間cafe氣氛好好!!當值嘅maid都好主動熱情同我傾偈!!👍🏻叫咗個主食套餐！一個主食再加一杯嘢飲就可以搵女僕合影一張即影即有比可愛靚靚女女包圍感覺好幸福😂主食我叫咗個萌萌蛋包飯 覺得好好食！👍🏻👍🏻maid幫我吱茄汁畫咗個玉桂狗公仔都吱得好似同埋好靚😂😂然後食之前要施一施魔法😂😂好有feel嘢飲我就嗌咗個牛奶朱古力 都好好飲👍🏻會再去呢間maid cafe的👍🏻

第一次上黎sugar factory用餐🤤🤤淨係望見餐牌都垂涎三尺😍😍😍呢到既環境引人入勝😉😉😉到上餐既時候攞盤優美入目三分🤩還有魔法少女既愛心魔術加持💖💖美食當前🍛🍛總能有所思或饞性千嬌🍯食前觀察🍿吃中思想🎂品後體味

今日第一次跟朋友介紹上咗去依間裝修好粉系嘅女僕咖啡廳地方唔大但係好有親切感一入到門口就有女僕歡迎同介紹好細心全程都好滿意仲有好飲心情特飲！！！！！今日係薄荷牛奶剛好係我最鍾意

第一次去女僕cafe，同frd兩丁友一齊去，意外咁有唔錯嘅體驗。個frd話香港原來都有女僕cafe，於是決定去體驗一下。喺ig上面search下有邊間cafe，見到呢間cafe嘅ig，嘢食嘅賣相同埋女僕妹妹嘅相都覺得唔錯，於是決定嚟呢一間cafe試下，體驗女僕嘅文化。開頭搵間舖頭，的確係幾難搵同frd都兜咗幾轉先搵到棟嘢嘅入口。上到去，女僕聽到有lift嘅聲即刻就過嚟門口迎接我哋，服務都唔錯，而且都幾Q。入到去，環境雖然唔大，但係唔會好焗，都幾通風下，會播住音樂咁，真係幾有女僕餐廳嘅feel。－女僕會同我哋介紹咗佢自己，然後再介紹餐牌，嘢食睇落唔算太平又唔算太貴，我同我個frd睇咗一陣，就落單。到落嘢啦，呢度係要搖鈴鐺咁呼喚啲女僕嘅，啲女僕又真係隨傳隨到，唔會要我哋等好耐，將女僕呢個身份做得好好，服務好好。我就叫咗個番茄肉腸意粉同女僕特調，我個frd就叫咗個咖哩雞扒飯同飲品餐。啲嘢食都幾快到，廚師都即叫即煮，煮嗰陣嘢食嘅香味真係令人忍唔住流曬口水我同我個frd啲嘢飲到咗，女僕會施魔法，係傳統日式女僕cafe不可或缺嘅環節，個飯到咗，都會再施，女僕真係好萌，好有日系嘅可愛女僕feel，都