影片
知道呢間野開咗一排，難得行過就試下啦。午市價位都唔算平，5x-7x。講講環境先：其實係見佢無乜人先入黎坐下，一入⋯⋯嘩！咩事！無冷氣嘅？！大佬你做西餐但唔開冷氣，我以為自己上咗大陸呀！今日又唔係話太熱，只係室內唔開冷始終會覺得焗。都算。我只係想靜靜地食個晏，初初都OK嘅，有播下R&B啲嘅音樂。唔夠一陣伴隨住：「隔離個廚房佬話佢唔洗顧樓面架！」「嘩～淫地巧滿囉！」我乜mood都無晒！我唔係介意落單嗰個有鄉音，而係我無預計到食西餐個侍應會大大聲咁傾計。我終於知點解你無客了⋯⋯入正題，食物：我叫咗個lunch set。餐湯羅宋無得揀，焗豬賣相唔係差，不過大大舊蘿蔔舖面，豬扒實質得4條。芝士係好多呀，但！無味架！！！！！老實說講大X樂仲好食過佢，至少豬扒多啲又平啲。我俾多個機會佢，試埋blueberry cheese cake。味道不過不失，餅底有啲淋，餅身偏乾，加14蚊件黎講叫過得去。服務侍應除咗吹水好大聲之外，其實都叫有禮貌嘅。收費是次午餐60個大洋，唉，唔敢試晚市了。
繼續閱讀
在上水區一間舒適，價錢合理又好味的西餐廳。特別是伴餐上的薯蓉，又大份、又好味！如果飯後再order芝士撻加熱咖啡，簡直是一大的享受！最喜歡吃雞扒，又大塊，又好味！值得一試！
繼續閱讀
年三十晚8點幾無咩餐廳開門，就算有開門都太多人，行過見到呢間糖潮西式餐廳無咩人食，所以入左呢間食。有d野食真係有待改進。呢兩塊扮garlic bread 既 garlic bread, 好硬，好乾，無味道。好油又唔熱既洋蔥湯呢個算幾好食。
繼續閱讀