糖百府 (已結業)

行完街例牌要食個甜品先安樂既我已經諗定要食雪花冰,好友最終屈服係我手上陪我食,hehe~(因為佢話夏天黎度要減肥...) 最怕等等等位既我想食糖百府通常會黎呢間,因為就腳同唔駛點等位~而好友一坐低就已經估到我實叫朱古力冰底(因為本人係朱古力狂熱份子呢~)朱古力雪花冰+玉米片+oreo碎+小丸子+榛子糖漿 冰整到一片片好似成座山咁已經叫人眼前一亮 一入口朱味濃郁 就好似食緊朱古力雪糕咁 唔似有d鋪好似食左陣風咁咩都feel唔到 而榛子糖漿好似飲凍檸茶咁俾一小杯你自己鍾意加幾多就幾多 味道似整蛋糕香精味 一般啦 而粟米片加oreo碎加小丸子撈埋雪花冰 又脆又軟 唔駛一陣我地就將個冰山劈開 全個吃光 仲刮得一乾二凈tim~天氣開始熱,又係時候俾我經常黎食雪花冰既好藉口呢

the dessert is very good!! Love it so much!! i choose the bean curb favor snow ice, the taste is very interest! The taste is light but just enough if you don't want something that heavy! it was my first time trying it!!

冬天吃雪花冰，並不會感到凍上加冰。相反，在鬧市中穿著大褸，穿街過巷，行得有點熱在這時候，吃一份雪花冰，反而感到寒中帶點熱，熱裏又生涼冬天中，我最愛吃的還是朱古力、玉米等均與冬天氣候無關，只是近來比較喜歡朱古力雪花冰朱古力雪花冰本身味道適中，不太甜也不覺淡；再配上玉米片、魔豆等，更增添口感今次加上蜜瓜粒，蜜瓜的甜令整碟雪花冰增添了甜蜜感覺糖百府又轉了新的Menu，而且看上來，分店數目也多了

同朋友係旺角行完街,本想搭車返屋企雖然天氣凍D,但難道唔駛等位朋友又未試過,我又想試新口味新味:好立克味道幾好甜甜地,又有杯芽值得一試加埋朱古力碎,椰果...一流咖啡:依然係至愛PS:份量比剛開業時Size細左但2個人一碟都夠食仲見佢加左D新款糖水下次去會再試下...但還是愛食雪花冰多D!

今天叫了兩款甜品朱古力玉米片魔豆雪花冰︰天寒地凍，冬天吃雪花冰就像凍上加冰，感覺是怪怪的… 但糖佰府的雪花冰算是不俗的。朱古力雪花冰本身味道適中，不太甜也不覺淡；再配上玉米片、魔豆等，更增添口感芝麻糊︰十分傳統的一道糖水，但煲得夠香夠杰；芝麻也磨得算香滑，唔錯的

之前食過黑布街果間, 覺得好好味, 見呢度近近地, 又好似大d, 可能唔洗等咁耐, 於是就等位食雪花冰.石榴冰+杏仁片+煉奶+蜜瓜石榴冰好清甜, 好香石榴味.胚芽好立克雪花冰+朱古力樹皮+煉奶一直都好鐘意飲好立克, 初初唔知佢有呢隻冰, 落左order先發現, 於是叫侍應即刻改,濃濃好立克味一d都唔淡, 加少少胚芽脆卜卜感覺, 加埋煉奶真係正~

同朋友係旺角富記食完飯就去幫貓爸買外賣晚餐本身諗住去康年買,所以就沿路由旺角行左去太子點知康年裝修就行左去隔離街睇係華人叫左個焗飯俾貓爸...要等20分鐘於是友人提議到對面既糖百府一試朋友叫左個自選組合朱古力味冰底, 配榛子漿(似整cake個d精油), 加上奇異果同古力樹皮其實都幾大個下食飽飯一個人真係好難食晒味都唔錯不過生果就未係時候至於我, 心血來潮好想飲彊湯叫左個湯丸一試黎到已經好香濃既彊湯味入口有好香既彊辣味辣味未至於辛辣岩岩好暖!!湯丸都唔錯唔太厚粉只係芝麻味唔夠重!!

食完壽司，女友指定要去糖百府食雪花冰喎，於是就行咗去西洋菜南街嘅分店食，去到都有d人排隊，不過等咗陣好快就有位嘞~女友叫咗哩個牛奶冰+錬奶+小丸子+"彩粒"~牛奶味再配錬奶非常夾，好好味!我就叫咗個咖啡冰+芒果漿+花生碎~極濃咖啡味，只怪自己死唔信Cherry講，偏偏要配芒果漿，味道同咖啡真係好唔夾，不過我都照食晒!試過之後，值得一讚就係d冰真係刨到一片片好薄好薄，好有層次感!

當日下午行到有D累, 又口乾, 友人就提議到該店.我是第一次品嚐雪花冰的, 雖然可以自選冰的味道同配搭款式, 但在十五十六情況下, 我就選了咖啡秋香 (咖啡冰)友人選了宇治金時 (綠茶冰) 咖啡冰 ~ 見到賣相已經好吸引, 一層層咁, 好特別, 外表看似是軟綿綿的感覺, 食時好有口感, 好冰涼, 雖然係冰, 但就有好濃郁既咖啡味, 正, 配料有紅豆, 小丸子同咖啡凍, 仲有少少咖啡漿同七彩朱古力碎係冰上面 綠茶冰 ~ 好靚既深綠, 外型有D似一棵菜, 冰上加上了少少既綠茶漿，帶出不同層次，配料係紅豆, 小丸子, 椰果同茶凍, 我試了幾口, 綠茶味都好濃, 都好好味 見到已經好開心, 食了除了可以止到口渴之外, 比起飲一杯凍飲或食沙冰更實在, 更有口感.不過如果D配料多番小小就會更加好喇.

食完一餐勁唔好味的粉麵, 為左令自己開心D, 立即走去食甜品, 呢間甜品已經想食好耐, 上次同甜心B泡食完, 今次終於可以捉到祁生來食喇。 牛奶底練奶焦糖粒粒加朱古力樹皮雪花冰 - 本人超愛牛奶, 所以今次第二次食都係揀番我最愛的牛奶底啦, 食完甜品個人都心情好左。哈~ 綠茶底練奶配香焦雪花冰 - 祁生叫既, 見佢叫香蕉我覺得好奇怪, 乜綠茶配香蕉好食咩~? 哈哈, 不過祁生話....只此一次喎, 下次唔會陪我食。我估我永遠都會覺得牛奶底係最好食, 下次有機會要再食。

今日放工後食完lunch就去試糖百府啦, 因為尋晚睇阿蘇個節目介紹嘛, 其實想食好耐家啦, 只係平時夜晚經過超級多人冇食到, 今次我地2:55到達, 但見佢未開門喎, 喺門口繞左一圈, 咁岩有個女仔出黎攞個menu牌, 咪問佢幾點開門囉, 佢話而家開啦, 我地就做第一位客人啦, 佢地係3:00pm開門家!我地去到就叫左阿蘇食唔到既石榴秋香同杏仁秋香啦! 估唔到啲人越來越多, 我地坐低後就不斷有人入座啦, 真係明星效應呀!!! 首先黎既係石榴秋香, 食到一半個杏仁秋香就到啦!石榴秋香(番石榴味) : 淨聞己好香石榴味啦, 一入口陣聞仲好重添, 越食越濃呀, 食口即溶, 食到最呢你會感覺到口裡面有啲石榴既粉未咁, 應該係啲石榴容呀!杏仁秋香(杏仁味) : 佢既質感比較幼細, 第一口食落好重杏仁味, 但越食就越冇左陣味, 好奇怪...唔知係咪食左石榴秋香先啦, 所以個口既味到唔同掛...總結 : 一個字正呀!!! 下次要試下薑味!

今次試棉棉冰的大阿哥糖百府!要等位呀又 糖百府永世都咁多人不過唔係好耐都ok 棉棉冰都係好快食完姐~樣樣都好想食 最最最最後都係揀左朱古力底朱古力底 + 練奶 + 朱古力樹皮 + 香蕉 + 小丸子$25 + $5 + $2 = $32好味 比我想像中淡味 唔係好甜 都幾好香蕉都值5蚊架 有成條架!小丸子雖然冇味 但好Q好Cute呀必要!好似食緊朱古力雪糕咁 好透心涼呀食完即刻降溫!! cool~媽咪order宇治金時都係淡淡地 好清!!綠茶sauce好好味 好綠茶!!正很不錯的甜品!

食完烏冬就食冰呀一向鍾情綠茶既我,今日又食宇治金時~我朋友未食過,當然由我去介紹比佢啦~第一個金時來了，份量好似比我之前食既大咗喎～我朋友食先（因為佢未食過呀，當然要讓下佢啦）佢話好好味呀～　ｙｅａｈ～　夠"棉" 咁當然佢話比台灣仲係差少少~我既金時來... 但係點解唔夠佢大既~我男友笑我...隔離飯香呀~我堅持話唔係囉~ 我影咗相架~ 大家幫我評下理~

試左牛奶秋香&朱古力秋香~份量比我想像中細推介牛奶冰~牛奶冰冰同D紅豆好夾牛奶味都好重, 正!!朱古力味道都好濃, 不過就冇咩特別~鍾意朱古力既人可以一試!!配料如小丸子同焦糖jelly都ok既, 冇咩驚喜

近來,染上了"冰毒"這惡習!千萬不要誤會,我說的當然不是真的吸食冰啦!而是近來攻陷了本人"食蕾"的雪花冰!我知我知,食得太多不好...但...真的制止不了那種心癮!像真的染了"冰毒"一樣!最誇張是這個星期,已光顧了三次!連自己都覺得是時候停一停!真的很美味哇!像新推出的"胚芽好立克雪花冰"...umn...yummy yummy...不過最最鐘情的,還是古古力冰!仲要配香蕉喎!真係絕配呀!再例牌既"整色整水就係加古古力醬同古古力樹皮!而配料就只愛椰果&古古力魔豆<--個魔豆既口感真係好正架!夏天食冰,最好味!