糖百府 (已結業)

第1次寫食評 多多指教今日和媽媽出西灣河 一嘗聞名的糖百府怎料好友來電 問我出西灣河食糖百府嗎噢 真有緣 4人行!下晝3點鐘 雖然面積少 但感覺頗寬敞 如果西灣河的店算大間 真不想到旺角跟人逼...個人覺得service不錯我點了朱古力秋香~妹妹點了自選的牛奶冰媽媽點了杏仁秋香友人則要宇治金時第1次吃 還是點set試試 難食極都有個譜叫左唔夠5分鐘 朱古力秋香就來了好大座雪山!香蕉和朱古力漿少了點 不是溶得太多 ok!牛奶冰~感覺普通 不過不失杏仁秋香~我的最愛 - 魔豆, 很有趣! haha不過媽媽略嫌粉圓太硬 芒果汁則酸過頭宇治金時~很香綠茶味~小丸子也很煙韌略嫌紅豆不太香 總括而言 好味冇食評所講咁差 如果非繁忙時間會再去haha

呢期佢真係好紅..朋友想試好耐,奈何成日都無路經過,今日去天悅買完game又見有時間所以就決定去試吓..7點去到,好野唔使等位,一坐低我已經想食石榴味,但係朋友話想食嗰個咩咩金治(唔好意思唔記得個全名-_-")總之就係綠茶味加埋紅豆,小丸子同埋兩樣唔記得叫咩嘅啫哩.我地兩個人叫咗一個,因為諗住食完會去吃晚飯.個冰好快就嚟到,嘩...心諗咁就收我35蚊,呢間野食水都幾深喎,d料少到震,不過個綠茶味都ok,但係其他配料真係好難食,我真係好少用難食嚟形容任何一間食店,但係呢間野真係令我好失望.嗰兩種唔知咩啫哩一d味都無,小丸子遠不及許x山,紅豆可以叫做最好食,不過都唔知得嗰幾十粒...唉...有時真係唔知d人係咪收咗$而話佢好食...

溫書溫到呆晒, 決定落太安樓掃街補充能量...同熱量...哈哈!!掃咗幾檔之後, 想起西灣河有糖百府,見咁多人話good, 就去試試啦~一坐低, 真係枱枱都食雪花冰, 不過我已經有9成飽, 怕咁大碟食唔晒,所以就揀中式糖水食...燉雙雪(即雪梨+雪耳 $30)...沽清... 唯有揀過第二樣...咁食個紅豆沙算啦!! 紅豆沙 (熱)一見到碗紅豆沙, 第一個反應: 吓?! $16, 咁細碗?!個碗係平時屋企食飯個種白色通花藍色花紋嘅碗, 碗底係窄身, 唔係闊底,紅豆沙只係去到碗邊藍色圈嘅下面, 比平時去食糖水真係算少咗d...心諗: 如果係好味嘅, 份量少d都接受嘅....誰不知...稀稀嘅...紅豆...得返d"衣"...有一塊指甲咁細塊嘅陳皮, 但係一d陳皮味都無唔出,食到一半先發現有兩粒咁大把嘅蓮子, 一d都唔甜...我係平時食少甜嘅人都覺得唔夠甜...食咗一口已經好後悔叫咗呢個糖水...呢個紅豆沙只係比個d平價酒樓嘅飯後糖水好少少, 起碼唔係水還水, 紅豆還紅豆...完......全......失.......望!!!!!!臨走之前我真係忍唔住問個侍應: 你地平時d中式糖水都係咁

就我所見的這間店舖, 非常簡單 - 一張張四方枱仔 + 四方形四腳櫈, 同埋都幾迫吓...(可能香港區舖頭超級寸金尺土o掛)先試了一客聞名的"綠茶冰", 份量超過一個人用! 味道唔錯, 綠茶味十足~口感唔同食雪榚, 亦不似在食冰, 神奇!之後再叫了芝麻+花生兩溝湯丸 - 個糖水幾辣(好夠姜~) o個6粒湯丸都幾大粒, 饀料足.可以一試!

之前食旺角果間好好食ga!!仲去食過幾次添~~見西灣河新開,,就梗係去食下la~~近屋企嘛XD一行兩人,,等左都有20分鐘,,我多數食綠茶或者好立克,,咁我個fd叫左綠茶喎,,咁我咪要好立克囉~等左一陣~終於都有得食laXD點知=.=lll個綠茶一d都唔滑!!食完仲要有d粉粉地..好似食緊綠茶粉咁到我自己果個la,,諗住好立克冇得唔滑la..係....係滑....咁勁融....一黎個底係融晒,,食落又唔夠凍!!以後都係去返旺角食會好d

之前黎過一次呢間覺得都ok雖然d配料少到見都見唔到- -仲以為佢比漏左- -''(汗)但前幾日再去~ d冰少左勁多..係之前ge 1半.叫左個花生冰同咖啡冰 個冰ok但個配料 棉花糖 唔知點解咁靭其他都過得去ged料真係少得好可憐-.-'''

聽講附近開左間,即刻搵朋友一齊去...去到排隊就預左架啦~之後 我地叫左4個都係自己簡配料既~我自己係朱古力冰+朱古力醬 + 朱古力樹皮 +朱古力咩豆 (+2蚊) + 焦糖布甸朋友叫左番石柳冰, 2個牛奶冰各選自己仲意既配料~一黎..佢一放底,我個朱古力就成個冰掉左一半落黎.. 賣相幾差.. 之後 冇朱古力醬係到... 仲已經出緊水.....D配料呢?? 原來係個底到!! 個D 朱古力豆,, 勁難食!! 個 焦糖布甸細粒到你搵唔到~ 我地仲欲為好似台灣咁有一個純一布丁係到... 嘩.. 我試哂4個冰真係要講句緊失望! 1) 賣相.. D料係底, 又已經出水一放落黎就掉左一半.... 2) 味道唔得~ 3) 服務一般~ 個女仔, 同傑講我地冇spoon, 佢問我地要幾多隻碟... 未去過台灣既朋友食完介紹我黎... 我地岩岩去完台灣黎食呢間野.... sorry 唔會番黎~ 又唔好食, 又貴

成日都聽日講話呢間好食，又見佢成日排隊，心思思走黎試今次等左十五分鐘就有位一行三人叫左兩個雪花冰牛奶：第一啖都ok，但勁快溶，唔夠濃，仲要配料芒果得一粒，好小家呢綠茶：都幾夠味，但係都算特別出色，配料又係好少總括黎講：超唔值得排咁耐隊、唔值得賣$30-35 而比d料咁少試過其他鋪頭既雪花冰/棉花冰既我，呢間一定唔會再黎

糖百府今次其實唔係第一次食, 之前o係旺角都食過兩次.不過質素係有D分別首先, 個香蕉冰細左一個Size, 可能因為比較過, 所以即刻Down 一Down.跟住到個朱古力冰...擺o係我面前ge時候已經溶緊, 冇晒雪花冰ge層次...雪花冰除左賣"味", 賣"樣"都好重要.

今晚第一次幫親呢間糖百府, 見佢門口勁多人喺度等位, 仲貼晒依家勁HIT"錦至識食"主持SUKI幅相喺度, 以為好好食, 咪諗住買外賣返屋企試吓囖, 點知真係"Lai"晒野.買左個綠豆莎同紅豆蓉豆腐花. 點都估唔到既係無一個好食. 綠豆莎個外賣碗又細, 仲要得3分之2碗, 又無味. 紅豆蓉豆腐花仲經典, 紅豆還紅豆, 豆腐花還豆腐花, 最攪笑係無紅豆蓉而有既係幾粒西米再加D花奶, 成碗野除左果幾粒紅豆之外, 一D味都無. 食左2啖都已經唔想食. D咁無誠意既舖頭, 唔使錢都唔會再去呀.

之前係cwb分店食過，今次再黎呢間食食完之後覺得唔係特別好味可能好多其他甜品店都可以做得更好所以有名氣唔一定好食！綠茶﹣本來好大其望，但冰底好淡無味，個綠茶醬太太太太太甜花生﹣好味呀！好少見人order，但真係值得去試！但配奇異果真係唔gap，花生冰甜奇異果　酸食得奇異果黎食唔倒花生味﹣好快溶，一第到黎已經溶到有灘水﹣無綿綿的感覺，入口係一pat野﹣配料少

同朋友仔喺北角渣華道熟食市場食完泰國嘢，嗰口重興合合, 咪過嚟食糖水囉。經過咗好多次, 見門口都有人等位, 好釆今次我唔駛等, 一到就有位。食咗自選香蕉味雪花, 都唔錯; 第二樣就係春香糖不甩, 可能係啲綠茶同玫瑰唔夾, 食落苦苦哋, 我就不太欣賞。不過不失!

由於糖百府的名氣大, 但旺角銅鑼灣又太多人排, 當知道西灣河開了一間而又不太多人後, 就決定去試下~6pm around去到, 唔使等即刻有位 (爽!) 叫野食時, 某人說上網做了research... 散叫比叫set 抵 (咁搞笑?!) 計一計數~ 又真係喎~ 咁就跟足佢個set 散叫啦~ (哈哈) 叫了朱古力, 咖啡, 杏仁,質感上... 入口即溶, 軟綿綿, 好得意~ (而且大熱天時凍冰冰當然正啦!)咖啡... 味道上無甚特別... (可能我唔太好咖啡吧了~) (set $35, 散叫$31)朱古力... 好味 (不過... 綿花糖濕左就唔好味... 可惜~) (set $35, 散叫$34)杏仁... 超好味, 原來杏仁同芒果係好夾架, 而且芒果粒好甜(唔似許留仙咁好多時都酸o既~)食到尾時覺得好凍, 仲打冷震添~ (哈哈) ps. 唔好掛住食底d配料呀~ 個雪山會倒塌架! (掉到臺面就無左忽... 蝕)

新開張,生日前夕入去試試去到11點到吾洗點等位,但要同人搭台,張台勁細-_-又坐唔得耐,無得傾下計咁2個人叫左1個朱古力秋香刀等左10幾分中先黎入面有朱古力冰+朱古力醬+棉花糖+香蕉+朱古力樹皮+椰果食落入口即溶,好似食雪糕咁總括黎講刀ok下次要試下自選配料

同老婆食完個晚飯，行開見倒有間新糖水舖，裡面爆晒之餘出面仲有人等，決定人等我又等。原來呢間舖頭喺旺角早有分店，不過未試過，一試無妨啦。由於未食過，決定食D穩陣D0既，一於要朱古力秋香 (即朱古力冰+香蕉+椰果+棉花糖)。不過佢其實仲有唔少CHOICE，甚至你可以自由配搭，都算唔錯。雖然顧客好多，個朱古力冰大概10分鐘就黎，可以接受。大熱天時，成32/33 度，食一啖個朱古力冰，真係成身涼晒，正 !當然除左凍之外，個冰食落有D質感，唔會好似齋成冰咁，非常唔錯。食後感: 本人唔係咁鍾意落香蕉，但係棉花糖+棷果夾朱古力冰確實幾好，建議大家一試。