紅城

營業中

休息中

我大大話話住左灣仔三十多年，由於社會運動，皇后大道東是黑暴搞事重災區，未有國安法時，逢星期日同公眾假期一定有遊行，好多抗議大聲公，嘈到冇得安靜休息！最後唯有搬離大佛口，進駐越來旺的東區。湾仔好多美食，可惜無一食肆，特別令我留下深刻印象。平價的，便是環境不潔同食物質素好求其；有間好好味嘅群眾小廚，嘢食超好味但座位有限，人客大聲講便已嘈到拆屋咁，而且後來巴閉到要訂位，好景不常，社運&員工老邁，唯有結業！入番正題，大家會問，紅城有咩好？第一：價錢公道，有高低分別第二：分了吸煙區在户外，禁煙區在室內第三：食物質素同份量好足第四：員工服務態度正面，不會落錯單便卸膊第五：所有餐具放置整齊，供應足夠第六：裝修光猛寬敞，好有特色總結：我早，午，晚，下午茶都試過，一個人入去一定有位坐，不用排隊等。

-有時晏晝好肚餓嘅話都會想食啲重口味啲嘅嘢😋再加上自己本身好鍾意食街外嘅炒意粉🍝今次揀左黑椒西冷牛扒意粉醬汁好惹味，意粉又夠晒入味鍾意食飯嘅朋友，亦都可以揀飯🍚

這店面在灣仔區來說算寬敞，坐位多，分室內和室外，室外坐位可望街景，感受灣仔街頭氣氛。 而食物方便，種類多樣化，水準可以。就是衛生環境，員工意識有點問題。玻璃枱面油淋淋，還好檯面有潔手啫喱紙巾可以自己清潔。負責賣包既店員會揭開口罩來打噴嚏，還好我嘅多士係水吧負責。我想以後還是可以幫襯，食物質素大致OK，在灣仔區定價算合理。至於衛生，只要自己抹乾淨，點熱食和永不order 餐包類就應該可以了。

常餐真的美味！瑞士雞翼撈面搭配蔥花蛋同烘底 焦焦嫩嫩超贊冬朱也極好喝🥹海南雞飯雞肉好鮮嫩 搭配蓮藕湯好有味 超級棒整體服務也唔錯 上餐速度都幾快 環境當然超亮眼 當初因睇到呢個紅色的景才決定試下

由開張到宜家都去過，早午晚餐都試過，一路都覺得以附近茶餐廳黎講呢度出品算唔錯所以有繼續幫襯。今晚去食晚餐就有d改觀喇。剛開張時d職員運作有d亂都明，新開張嘛，都算喇，今晚見到個著短裙嘅女侍應，估計係替工，但無帶腦返工。我坐低無耐，就見到呢位阿姐收拾碗碟時倒左好似奶茶嘅野落地，一嘢就攞左塊抹檯面嘅藍色檯布抹地下嘅奶茶，然後放番塊布上去旁邊櫃檯。隔咗2分鐘，後面有檯人話要抹檯，呢位阿姐攞返同一塊布跑過去抹檯。。。真係O曬嘴🙈出去食嘢係預咗唔衛生但係都唔好咁啦大佬，呢個係基本衛生常識呀！跟住我地叫野食，我朋友叫左羊腩煲，食食下有一大塊硬嘅塑膠送，有至少2cm長仲要係尖頭尖尾，好彩就係無插入牙肉咋！今次真係扣曬分

早餐真係好重要，不單帶給你營養，還帶給你好心情。今天來到紅城，在OpenRice查一查，他應該源於中環機利文街。開到灣仔已經好一排陣子，成日見到很多人幫襯，今日終於幫襯佢的早餐。早餐都係正常茶記早餐，有港式及西式兩種。選擇了最經典嘅沙嗲牛肉早餐，及一個三餸自選早餐。沙嗲牛肉，牛肉都算係醃製得好，不會乾蚊蚊，亦不會覺得是千年牛肉，當然亦不可說是火煱的鮮牛，但算唔錯啦。另外一個：榨菜雜菌拼沙嗲牛拼煎蛋（三餸）米粉。咸！除非你鍾意味濃，否則你可能會覺得鹹。奶茶，正正常常，地方算乾淨企理，夥計又醒醒目目，如果在附近返工，呢個係方便、穏陣、快趣嘅一個最好選擇。

聽同事講，灣仔4個月前開咗間新嘅茶餐廳，每次lunch都超多人去排隊🚶‍♂️🚶‍♂️🚶‍♂️，今日難得可以食早少少，一於去試下。我地一行3️⃣人去到大約11點50分，餐廳已經坐滿咗9成人，都幾誇張。餐廳地方夠大，卡位夠多，坐得舒服🥰。第一嚟就試下佢地嘅午餐先啦😂。午餐menu📔一共有5️⃣個選擇(其中一個係素餐👍)，最後其中一個同事叫咗個素餐，另一個同事就同我一樣揀咗C餐，不過我揀咗意粉，佢就揀咗薯菜。湯🍲有中湯、羅宋湯和素忌廉湯選擇，同事們揀咗紅湯，好淡，好似溝咗水咁😪。至於白湯就出奇地好😋，味道濃郁得嚟又多料🥰。素翅野菌西蘭花配白飯 $58味道還算可以，但飯和餸的份量比較少，如果男士🧔食應該唔夠飽。金銀蒜香雞扒拼海蝦球配意粉/薯菜 $65雞扒好大塊，煎得好香口👍，而且好香蒜味😋，但係粒海蝦🦐就好細粒和無咩味。意粉無味，就好似就咁煮好咗之後就咁加啲蕃茄醬🍅上面；薯菜就係薯仔🥔+菜🥦，我以為係焗薯，但同事話好似係就咁碌熟之後放上錫紙入面...最後想講下杯凍檸茶🧃，唔係因為佢好味，而係因為佢竟然係無味...我印象中係第一次係茶餐廳飲杯無味嘅檸檬茶。總括而言，個別食物質素普通😶，短期內應該唔會再幫襯

話說好晏先食飯，勁肚餓既情況下，經過紅城，因為第一次去食海南雞飯感覺唔錯，所以最終唔理咁多衝左入去食個便飯。.我就order 左：1. 黑椒炒牛柳 配炒飯底.不得不讚賞佢既食物上菜速度同賣相都非常出色，唔知係咪因為肚餓關係定點，望點好有食慾(｡･ω･｡)ﾉ.首先講下d 主角牛柳粒先，原來係一塊塊狀，味道唔會太咸，可以突出返佢原本牛既味道，around 8舊左右，份量十足，睇相可以見到同d 炒飯差唔多高，幾好。.個炒飯底都係我其中一個雀躍想試既野，係茶記黎講，要炒得手靚飯真係唔容易，however!! 佢上黎既時間只係暖暖地，感覺略為似炒好放係度，有客要就車一兜出菜咁，好快d 飯就凍左，傷心。.整體黎講，7X 蚊食兜野，牛有水準，但炒飯略顯不足，如果係熱辣辣上菜就very good 喇成件事ʕ •ᴥ•ʔ

Red City Cafe was a pretty flashy looking cha  chan teng. It was hard not to miss with it's pretty looking exterior. Inside was just as flashy and quite large as well.Menu is in Englis and Chinese. There is no 10% service charge. As we were here during afternoon tea time, they had a tea set menu that included a standard drink. There was quite a lot to choose from.Boyfriend ordered a Fried Spicy Mince Beef with Rice ($48). Portion wasn't too big but it also wasn't very good. Just a fried rice tha

叫一個海南雞，得雞肉，雞皮自己食咗？飯佔三分之二個位，總要收63$？質素呢？晚上想吃個飯，見到今既樣點食得落啊。真係，開頭買紅城外賣的時候，個樣仲好地地，最多唔記得擺豉油調味，但而家連個飯都開始變到咁嘅樣，我好難忍住食落去囉。

有follow 我既朋友都知，除左魚之外，雞就係我另一個fav meat🥹，所以去到邊首選我都會order 尼兩樣肉類喜好。.今次食lunch 黎到"紅城", 坐位都幾舒服，又多卡位，茶記黎講感覺真係唔錯。.好，講返野食先，佢有lunch set 同埋tea set, 仲有另一本大餐牌係咩都有哂～上至小菜焗飯，下至多士包類食品，都應有盡有，選擇好多～黎到唔怕搵唔到食！.而我就order 左：1. 海南雞飯 - 配白飯 💲62 跟餐熱飲.首先一定要講下個海南雞先！超超超超超超超級滑，加上比左雞脾位我，好開心啖啖肉(˶‾᷄ ⁻̫ ‾᷅˵), 白飯份量十足，無論男女都一定夠飽，加上配菜有酸甜蘿蔔絲，好岩夏天開胃菜！.重有一個重點，因為有不少開車人士lunch 係尼頭，佢見有人抄牌都會大嗌全場，尼個動作真係相當sweet, 大家如果路經開可以黎試一試呀ʕ •ᴥ•ʔ

三個字：無下次同事午餐，食到一肚氣。知你新開，但你呢間真係喺灣仔嚟講就真係唔掂，份量少，叫咗個餐可以等成半個鐘，催完又催，催到火都嚟😡。員工冇禮貌其實都可以接受，但十問九唔應就真係無下次。食物質素：一般份量：少價錢：普通 最後唔係針對你，但麻煩準備好先開張啦！再見～

之前在行過見新開張 在紅城試過下午茶 當時叫炸雞髀紅豆冰 非常得 皮薄少油 近年都無食過咁精致的炸脾 價錢公道 係抵食今日一個人晚餐，本身打算叫晚餐，後尾突然想食海南雞飯。又有！本身都肚餓 清哂食評：水準高，雞滑，兩個汁又得，會再幫襯另外值得一讚係，晚餐時段無論堂食外賣都爆滿，員工接單無停過 但都好好服務質素，有食客連拉櫃拎餐具都唔知，繁忙時間都親身幫手拎，很好。室內環境新開張，位夠有格調，暫時係區內首選的茶餐廳。

咁岩錯過咗午餐時間，所以就決定下午茶時段去呢一間最近好多人排隊嘅茶餐廳睇吓啦！由於桐桐行朋友都未食午餐，所以都係對佢嘅常餐同埋set比較有興趣。一開始睇， Menu都覺得好吸引，感覺好多元化！最後都係叫咗豬扒金寶雞湯通粉！其實食落感覺一般，都係普通茶餐廳水平。同童行朋友喺度討論點解平日咁多人排隊！可能其實因為佢嘅價錢比較相宜，喺灣仔可以食到五十幾$60！整體來講上菜速度都快！而且啲侍應態度都好良好！

最近屋企附近開佐一間新既茶餐廳，叫做紅城。呢間茶記好搶眼，一開就已經好多人。一入餐廳已經滿哂座，坐無虛席，真係有啲誇張。一坐低，等佐陣先有人過黎比餐牌我地睇，睇得出其實餐廳既侍應係唔夠既。侍應總共得5個， 但餐廳既食客多到爆。餐廳應該多加侍應，侍應處理客人既要求。我叫佐碟乾炒牛河，啲牛河賣相好光滑。以新餐廳既水準，我覺得係水平以上既。份量係好夠既，開頭我以為自己食唔哂添，但慢慢食又食得哂 。。啲牛炒得好軟身，而且食得出係有鑊氣既。至於沙爹牛肉麵呢， 最緊要就係個麵，個麵底好有口感，沙爹牛麵最關鍵既就係個麵夠唔夠林身 ，而呢個真係做得出林身既麵底。 總括而言，呢間餐廳既食物質素ok，但要改善既就係唔夠侍應。相信繼續做落去應該會變好既。