紅城

營業中

休息中

今朝叫左3份外賣早餐加個菠蘿油。3份早餐全部都漏左牛油多士，即係一塊多士都無，其中一個餐係原條炸魚柳伴茄汁豆配炒蛋多士仲離譜，連茄汁豆都漏埋得炸魚柳同炒蛋。菠蘿油亦都無牛油，只係一個菠蘿包。

呢間舖頭好有問題！員工都好有問題！上次29/12叫外賣畀漏咗一杯熱奶茶，店員打電話過來話下次叫外賣備注返響張單度就會補返畀我地，今次再叫外賣備注返響張單度，但都係冇補返畀我！呢個完全係誠信問題！根本就係欺騙消費者行為！又呃我話下次再叫補回！好差！非常不滿意

行完D2 Place 已經係下晝 有啲肚餓就走咗去呢間餐廳度食下午茶下午茶T骨扒餐 $6868扒有一塊T骨扒食已經係幾難得～🤣仲要配一整個芝士焗薯，幾抵食👍🏻T骨扒就一般茶餐廳質素，份量望落好大塊但係係薄身的👨🏽‍🍳作為下午餐非常唔錯～

同朋友喺荔枝角 食呢間茶餐廳環境嚟講 佈置得算係幾有心思(聖誕裝飾)地方乾淨 食物擺盤 茶餐廳嚟講都好靚有心思食第三次~ 員工都好有心~ 價錢都唔錯.✨咖喱雞墨魚卷飯有少少似日式咖喱 勁濃芝士味✨羊髀扒朋友吃的 眼見好夠腍.飲品我叫咗熱鴛鴦茶味可以再濃啲 咖啡帶酸下次都係分返開叫好D

夜晚九點後，經過附近見到呢一間嘢仲未關門，入咗去試，坐低服務員已經叫一次過落單，因為準備last order，叫咗一個鮑魚雞煲，同一個咖喱豬扒飯，咖喱豬扒飯幾好食，咖喱味道唔會太甜，唔會太辣。鮑魚雞煲非常惹味，但唔知係咪因為趕收工嘅關係，有好多雞都係唔熟，係要用生字嚟形容，同服務員反映，佢立即道歉，叫廚房煮過煲新既比我地，有機會會再去食多次。小插曲，應該收10:00，9:30 last order，好似大概9.7左右就閂晒啲冷氣，有啲焗

紅城的位置非常方便，比一般茶餐廳寬敞，好多座位，都坐得舒服，我哋屋企人，每星期日都喺嗰度食早餐。我哋最喜歡蛋治烘底，雞尾包，咖啡和熱奶茶，亦試過佢其他麵包，新鮮出爐，都好好味，亦都試過晚飯，啲小菜好味足料，我哋非常滿意！啲員工友善，有禮貌，冇需要等，佢哋個價錢非常合理，賣相又好，值得推介，下次會提供相片😊

呢間新開既茶記都算係經典，首先食物質素非常一般，加上"一流"既服務，想我再黎幫襯都幾難。話說平時食lunch都不會逗留太久，通常食完就會結帳，我也知新開加上Lunch時間人流一定會多，但也不用一食完個飯，就想收人杯野飲，話未飲晒就企喺我面前等我飲晒先行開。而食物方面，第一印象也不太好，叫左一碟楊州炒飯，但就用個碗黎裝, 不是用平時茶記既大碟，味道也非常一般，炒得太濕，個人係鍾意乾身少少既炒飯。其實荔枝角大把平過又好食過呢間，試問我又點再黎受氣~ 

食物質素很一般，服務態度差 差 差 未食已氣飽了，下次不會再去這家了，怪不得市民都跑去深圳消費了 服務態度一流，食物質素高，价格便宜，今后會最來越多市民走去大陸吃喝玩樂

T骨難食，服務員不停大叫幾位。我老婆食完我都要再等20分鐘先到，T骨要5成熟變咗全熟，枱号又寫錯，食物去咗其他枱T骨冇味。超級難食。從來未食過咁難食。服務員態度差店內因為服務員不停大叫，所有非常嘈吵。見佢新開試下，一定冇下次。

搭車經過見這間新開餐廳，見外觀不錯，所以才過來試試，其實是一間好少少既茶餐廳，食物種類不少，味道都ok的，其中叫了一份紅城三文治，賣相不錯，但太厚，好難處理，一邊食餡料一邊跌出來。另外座位太密，今天安排一張6人座位搭三對唔識既人，坐最裡面既人要出來的話外面兩個人要行出來才能走 ，太不方便。

荔枝角新開既餐廳，開業幾個月，終於消失了排隊長龍，可以輕鬆入坐。店員先帶我們行到餐廳最入位置，坐位是個奇怪的設計，感覺上是餐廳死角配備一張多出來的椅子，我們放棄坐下，準備離開時，店員又可以突然找到兩個正常的位置可以坐下，這樣，我們坐下，下單了。點了兩個下午茶餐。之後。不斷有客人帶到死角奇怪位坐，都是離開走了。面黑走人。一份芝士肉醬焗薯角，一份咸魚雞粒炒飯。薯角是熱，炒飯是微暖。兩杯奶茶正常。薯角吃了大部分後，停一停，店員們先後多少次想收碟，明明還未吃完，問了又問。坐多一陣都不想了。到門口付款，收銀姐姐同其他店員，一面爆粗一面收錢，不是爆我，但就是這樣。。。不會推介嘗試，不會再翻來了。。。