紅磡串門子

營業中

休息中

餐廳位於紅磡鬧市中，帶有霓虹燈嘅裝修，好有格調，而且坐得舒適，令到整體用餐體驗非常獨特，必定再次光顧😎串燒選擇非常多，必試之選一定係佢哋既海鮮，包括蒜蓉扇貝帶子及南非特大磯煮鮑魚，新鮮優質既食材經簡單調味，用燒烤保留原汁原味，超級惹味🤤肉類方面就比較推介燒五花腩肉串及燒雞軟骨，烤至外面香脆，內裏仲好juicy，微焦香口💯串燒雞中翼同燒脆皮芝士腸就最啱一人一串，分享滋味😊蔬菜款式都好多，燒翠玉瓜同燒牛油粟米係不二之選❗️

又到月頭又到出糧嘅嘅時間，梗係要趁機會請阿媽食餐好嘅☺️住咗喺呢區咁耐，都係第一次食呢間超隱世、位於街角嘅串燒店🍢餐廳位置唔算好大，店舖入邊充滿着唔同嘅燈飾，好有氣氛！我六點幾左右到都已經坐滿晒，所以店員就安排我哋坐喺巷仔，不停有運輸人員行過😅雖然舖頭細細，不過食物選擇比想像中多👍🏻我哋兩個食肉獸主要嗌肉類，每樣都試少少，叫咗和牛粒、肥牛金針菇卷、燒雞軟骨、燒雞腎、多春魚、煙鴨胸肉、芝士腸等，冇諗過仲有得叫比較冷門嘅鴨舌同埋薄切牛脷添！😋而我母親大人就大推原條惹味蒜蓉燒茄子，熱辣辣嘅燒茄子上，放滿晒蒜蓉、蔥粒同埋辣椒粒，一撕一拉，完整嘅茄子肉就起到出嚟，趁熱食非常惹味，仲偷偷地試埋塊皮添😛燒雞全翼都非常不錯👍🏻燒得剛剛好，香脆嘅雞皮，咬落去雞汁即刻湧出，雞肉依然嫩滑！整體而言味道唔錯，價錢不過不失，最後埋單連埋加一每人大概$160🙈小辣令到串燒更加惹味，肉類串燒好Juicy，不過略嫌有啲串燒燒得太濃，相對比較乾身，唔係太食得出食材本身嘅味道🥲🥲

最近愛上食串燒 因為唔使自己落手落腳去燒 真係岩哂好呢種無敵懶人😂😂 今日去開紅磡又見到有間串燒店 一於試吓皇牌牛脷心 $48識食一定要揀牛舌 因為好考功夫 太耐就會乾 呢度師傅👍🏻 燒雞中翼 $24燒雞翼，我自細就鍾意食😂 無解的燒五花腩$28雖然係五花腩 但係燒完之後都唔會好油 反而仲食到少許油脂香 不錯不錯燒雞皮$19又一必吃。唔會太乾太硬 係卜卜脆 但又唔會硬到食唔到原來呢度仲有特價啤酒Hoegaarden /Stella 生啤 $58/ 500ml

上星期食完串燒之後，念念不忘，今次去到紅磡又係食串燒，好邪惡但又好想食，揾左呢間串燒店試吓🫣呢間開到凌晨，我地傾到差唔多人地關鋪先走😂串燒價錢相當合理，點左好多唔同款式既話下，今次叫左燒牛油粟米🌽，好香牛油味，而且粟米仲好甜添，燒五花腩肉串一層肥一層瘦好正，燒頂級牛筋丸牛味好重，而且仲爆汁添😆，燒雞皮串雖然好邪惡，但脆卜卜真係食唔停口，皇牌牛脷心真係一定要試，勁好食🤩其他既燒土豆片、燒牛肉串、燒雞軟骨、燒雞腎、燒台灣腸都相當唔錯，而且唔會燒得好乾或者好咸食串燒一定要配啤酒，Hoegaarden生啤 $58有500ml，相當抵飲

應該係第4次食串門子，前3次都係外賣，今次堂食!! 住poly hall宵夜/以前住佐敦eaton 都有嗌過😛，so far 每次質素都唔錯門店喺一條小巷，好遠就會望到門面嘅deco～👨🏻‍🍳🤳🏻錫紙燒蒜蓉娃娃菜 －多蒜蓉！❤️‍🔥燒脆玉瓜－有汁 相對上味道清爽啲中和下成餐串燒～燒脆香魚豆腐燒午餐肉 － 大大塊好厚肉食得好滿足❤️‍🔥燒五花腩肉串－偏瘦多汁燒雞軟骨串燒雞全翼❤️‍🔥美味玉子燒燒蒙古羊肉串❤️‍🔥燒甜美菠蘿－最後食個甜嘅燒物完結 🥳overall 串門子用嘅調味幾對上我口味。燒烤調味幾惹味，少辣唔係隨心唔會一次辣啲一次無咁辣😂住咗4年紅磡覺得呢度真係超方便，好多性格比唔錯甚至平嘅餐廳，想食高檔啲一樣有得揀。 推介大家去完演唱會／嚟開紅磡想食串燒可以試下!! 宵夜/外賣都得✨✨

天氣凍，最好就係食吓打邊爐或者串燒呢啲可以令人暖笠笠嘅嘢食今日就試下紅磡串門子 呢間人氣爆燈嘅串燒舖頭座無虛席 無論晚市定係宵夜都超級多人支持 我哋今日就叫咗幾樣人氣推介 燒惹味小饅頭片、燒翠玉瓜，燒脆香燒賣、燒雞皮串、燒雞腎、燒雞軟骨其中燒小饅頭片係最令人有驚喜 呢款串燒一定係呢一間餐廳必試嘅食物無論味道或者咬口都係非常一流 而其他嘅串燒亦都令人非常之回味 今日我地小試幾款，下次再試埋佢其他海鮮或者鐵咩板系列！最正就係而家order Hoegaarden或者Stella生啤 都只係$58（500ml）

最近食串燒嘅次數有點頻密😅 有Fd子介紹我呢間紅磡串門子 路過經過唔好錯過😂 店舖細細所以都要等等位 ▫️台灣腸、頂級牛筋丸、脆香燒賣 ($16, $17, $17)好鍾意佢個椒鹽粉 好惹味 炸燒賣落埋好正牛筋丸一咬好彈牙 ▫️蒜茸扇貝帶子 ($32)蒜茸燒帶子保留左個汁 令到佢唔會太乾身入口好juicy🤪 食完一定要啜埋佢啲蒜茸▫️燒豆卜、燒司華力腸 ($14, $26)試完台灣腸 當然支持埋本地司華力腸🤤豆卜都幾過癮 外脆內軟食串燒點都要啤啤佢🍻 有我最鍾意嘅Hoegaarden 同Stella😍$58 500ml抵飲啦🍺🍺▫️燒雞軟骨、鍚紙燒蒜茸娃娃菜 ($14, $58)雞軟骨爽口惹味👍 都係食返啲菜嘅😌好有BBQ燒金菇嘅style😍 Fd子果然無介紹錯😗

•紅磡串門子•紅磡有間叫串門子既串燒店，店舖細細，但全晚爆場，要店員不停室外開新檯，氣氛非常熱鬧。佢位置出左黃埔地鐵站都要行5-8分鐘左右，佢爆場既原因係因為佢真係好好味！在場好多客人都叫海鮮類。我地叫左燒生蠔，OMG! 一咬爆汁，蠔味突出，燒到岩岩好。另外亦叫左錫紙焗辣味蒜蓉花甲，入味到不得了，呢個係串門子既招牌菜！當然唔少得燒茄子啦，大大份又多汁！檯檯都叫，唔係講笑。又試左燒芝士年糕，煙煙韌靭，流心芝士好鬼正！娃娃菜同金菇肥牛卷好惹味呢。其實仲好多款菜式仲未試，檯檯都叫到張檯都放唔哂，上班族一邊飲酒傾計食串燒，真係嘆呀！

✨燒牛舌推薦，牛舌好厚身，燒到岩岩好，淡淡肉又有牛味，好味✨燒雞翼好抵食有四隻，調味唔會好重手，外皮燒到好脆，高質。✨雞腎雞腎正正常常但有啲細粒，外脆內軟。✨燒茄子茄子份量好足好飽滿，上邊鋪滿晒蒜頭，好重蒜味，燒得啱啱好，茄子仲好Juice。✨花甲粉分量都幾大碗，湯底野味，隻隻花甲都好大隻，新鮮又冇沙，推薦。✨炒米粉好有屋企炒米粉味道，配合埋串燒飽肚又好食。食串燒一路飲啤酒，真係爽！呢度變左同fd傾吓偈飲兩杯既好地方～

推！紅磡地道美味串燒紅磡最出名就係好多串燒店，不過有幾間好早去到都同我講要等一個鐘，而且冇得堂食，紅磡地膽推薦我試吓呢間位於必嘉街，可以坐低食的串燒小店，主打多款惹味串燒及川味小食，包括酸辣粉、燒茄子，選擇都幾多，同朋友坐低飲下啤酒食吓串燒咁，深夜浪漫不過如此皇牌牛脷心$35牛脷心果然特別嫩，厚身又唔韌，油脂感十足，外層微微焦香，忍唔住要encore惹味蒜蓉燒茄子＄36/條原條茄子燒製，燒得好有心機，蒜蓉茄子真係世一，最緊要夠多蒜同燒得透，又唔會太乾身錫紙花甲粉 $58花甲無沙份量大方，想攝取碳水化合物充飢一定要試，Q彈粉絲吸盡辣汁，吃時嘴巴一陣麻，辣得過癮燒肥牛金針菇卷$21價錢唔貴所以都嗌咗幾串，金菇索晒牛肉汁超入味—————————————————紅磡串門子 (紅磡)紅磡必嘉街87號地舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodporn #hkfoodblogger #hkfoodies #yum #hkfoodstagram #foodie #foodphotography #foodgasm #lunch#紅磡美食

紅磡近黃埔一帶出名多好嘢食，呢間串燒店比較隱世，店舖都比較細，但氣氛好好。而且係平民嘅價錢選擇仲好多，又有酸辣粉又有甜品🤤串燒🔥燒牛舌$20燒雞腎$14土豆片$14蒜蓉娃娃菜鹿兒島一口豚肉$26翠玉瓜$14燒冬菇$14所有串燒都燒得好香口，外脆內嫩。一口豚肉十分有驚喜，豚肉好腍身而且好厚身一粒，下次都可以再點🤭麻辣燙🥵麻辣燙真係十分抵食，如果淨係食串燒唔飽可以點一碗麻辣燙，配菜款式十分之多，仲配埋粉面好抵食。麻辣燙湯底辣到啱啱好唔會搶晒主菜嘅味道😆朱古力🍫棉花糖多士烤棉花糖多士一想點要即刻食，棉花糖有拉絲既效果，外脆內軟，配上同樣香脆嘅多士都幾好食😋紅磡呢間平民串燒店，下次如果仲想食串燒，不妨嚟試吓呢間☺️

「紅磡串門子」又到食串燒的日子！！放工後，要輕鬆下。食下串燒飲杯啤酒。尼間串燒燒得好好味。食得又自在。燒茄子：燒得淋身又惹味。熱門推介：燒脆香卜卜魚腐，有驚喜。外脆內軟，甜甜咸咸的，好有風味！👍蒜蓉燒美國大生蠔：今日特別想食蠔。尼個蠔燒得好夠味，又juicy又啖啖蠔肉。風味燒魷魚：燒得一點都唔會乾爭爭。仲好彈牙。惹味辣汁燒花甲：花甲好夠味，又無沙，啖啖肉！燒虎皮青椒：好辣！爽！仲有好多其他串燒，唔多介紹。自己黎試下！值得！姐食的是美食與氣氛！

紅磡串門子〖紅磡〗══位於紅磡的串燒屋。 這間餐廳雖然小小一間，但氣氛不錯，有點像深宵食堂，很適合喝酒聊天吃小食，於是便決定宵夜選擇這間餐廳了…•…•…▫…•…•▫▪✨串燒：🔹醬燒墨魚咀串★$25🔹皇牌牛脷心 ★$35🔹燒雞軟骨 ★$14🔹燒雞腎 ★$14串燒不會燒得太乾柴，外脆內嫩；最好吃的是牛脷，果然是皇牌之作，一串有四片，每片都非常厚實，入口嫩滑，惹味香濃!✨麻辣汁燒八爪魚鬚 ★$48辣汁加入大量蒜蓉，令味道更加香；魷魚鬚保持爽彈口感，煙煙韌韌，份量也很多，非常適合下酒菜✨燒安格斯牛仔骨 ★$56 ▋燒美國特級牛小排 ★$78牛小排及牛仔骨香濃惹味，份量非常多；表層微微焦香而肉質依然嫩滑，入口滿滿油脂香，非常香口惹味✨錫紙花甲粉 ★$58花甲份量十足，雖然不算大隻，但每粒都鮮甜有肉無沙，搭配娃娃菜，銀芽，金針菇等配菜，非常滿足

來到紅磡找朋友見面，朋友仔說要帶我去她經常去的串燒店，開頭以為好遠，但行過原來都好快，由紅磡地鐵站B1出口穿過隧道再沿住天橋直行到尾落樓下，然後再直行轉右便是了！這間串燒店很有路邊街的風味，但又很少途人經過，最重要的是價錢相宜又好味😋，朋友絕對沒有介紹錯給我！必叫燒茄子，多蒜惹味！牛舌厚身又軟身，好入味！麻辣燙可選不同款餸，好像車仔麵🤭，我們選了8款，我覺得麻辣湯底好好味好香👍🏻燒粟米好大條，水份沒有被流八廿，燒到剛好，仲好多汁好甜！燒雞翼又係好好味，不會燒乾，火候剛好！燒菠蘿帶酸，但我都好鍾意！

好友帶我食串燒，係紅磡必嘉街。 地方又唔難搵，紅磡火車站B1出口一直向天橋行就到。😄見多人點惹味蒜茸燒茄子，當然點一點皇牌啦🥰一大隻茄子，爆蒜多仲食到多種調味料，七味粉、蒜粉、孜然粉及辣椒粉配合茄子，味道香口，超正👍🏻麻辣燙點選8款餸，湯底香濃，小辣，配上午餐肉厚切最襯，魚腐又彈牙，肥牛，翠肉瓜牛丸係配湯底好配腳😊牛脷😍😍不得不讚，厚厚牛脷加上孜然粉，真係回味無窮，價錢低，點了2串😂燒蠔新鮮無比，價錢超值，正雞中翼都係推薦，大大隻燒得好香好脆。必叫雞軟骨-爽口脆，大大粒。燒粟米🌽又係必推2大條，新鮮，夠juicy，唔乾身，最緊要無渣。甜甜地好好味😍燒菠蘿結尾係最完美，多汁，好甜好開心再加支啤酒🍻，傾傾講講，價錢合理，正👍🏻