紅磡冰室 (已結業)

尖沙咀茶餐廳衆多，但論抵食、大份兼好食的話，紅磡冰室是不二之選。除了餐牌上面的菜式，還可以選顯示在銀幕上的當日晚餐。價錢通常是大概$68 至$100以内，有一個餸，一碗飯，飲品和餐湯。基本上，個餸的分量足夠2-3個一起食，最多再要多一碗飯，埋單最多$100多鬆d。這晚同男朋友又來到紅磡冰室，叫左個花膠雞煲。雞非常入味，但有d太鹹。花膠大大塊，咬落去有點似糯米條口感，但以這個價錢，都不要要求太高啦！

今晚又夜左食飯於是搵間茶餐廳就坐低，因為確實已經好肚餓了, 原本諗住隨便食d野就算，但點知看過餐牌又覺得幾吸引，於是便叫了2個餸慢慢食，包括了燒汁茄子牛柳粒，牛柳茄子和青椒的配搭很好，牛粒很有肉和，茄子偏油，但青椒爽脆，真係送住飯食一流ga還有另一樣係咸魚雞粒豆腐煲，一上菜時很熱辣辣，而且份量十分多。豆腐夠入味，雞粒也好軟滑，好好食。2個人配埋例湯品同白飯，再將2個餸一齊配來食，慢慢食。是一餐充滿港式風味的晚餐。

Lunch同事帶左我去食好野，因為之前都有聽佢地講話呢一間的常餐好好味，所以就同同事夾一夾時間就來試下有幾好味本身自己都勁鍾意食雞翼！所以我就點左個瑞士雞翼撈丁，配埋個炒蛋，蒜蓉包加杯熱咖啡一來就食左炒蛋，勁creamy食極都唔會厭!蒜蓉包都勁好味，外脆內軟，好香的蒜蓉味!到左個主打，瑞士雞翼撈丁，真係好出色，好入味仲要有3隻咁多，而且配埋個撈丁真係好正，可惜呢到冷氣太大，搞到食左雞翼再食麵，D麵就開始凍冰冰，如果可以熱返D，會好好多！

第一下點餐那個哥仔已經態度十分差再有個蘇絲黃款的員工問佢要杯水都要渺我我忍食物一般又這個價錢不只這間两樣加埋就好唔掂咁多員工未必個個差但一個差個客人遇到就足以影響成個印象！而且仲要唔止一個我係為啖氣不會再來幫襯食野都要欠左你咁款

係附近返工，放晚飯黎左食，其實之前都食過佢個魚香茄子炆米，味道普通到不值一提，不過見佢貴得黎都有番咁上下多份量，今次再黎食，就當俾多次機會再試下。叫左避風塘茄子，上菜一大碟係幾搶眼，但食落每舊茄子都yam勁厚粉去炸，仲要超油膩，食到一半已經想嘔，係油到想嘔。冇諗過俾到咁貴食d咁既質素。真係永遠blacklist，已經冇興趣再俾更多機會，話之你服務態度幾好，環境氣氛幾好，但最基本d野食都搞唔掂，仲要食幾次食唔同菜色都係咁

只有一字形容。樓面差。昨晚一行六男孩，晚上到哪吃晚餐。我們點了六個小菜套餐， 點知得三隻碗仔， 於是叫樓面給我們碗仔。點知樓面態度惡劣。佢講咗句又唔使錢轉頭比你(語氣帶 諷刺)。等到小菜全部到曬,但 要啲碗仲未到，於是在叫樓面囉碗。 那位樓面剛好是同一人， 因他起初態度服務惡劣，我朋友便問:你欠我D嘢仲未到喎，服務員答又唔係爭你錢，錢就幫唔到你，女呀都幫唔到你。 我朋便生氣地問你之前應承咗我哋啲乜嘢呀你諗下。 佢好嬲發曬脾氣係咁小話咁多嘢我邊記得喎。我們便說欠碗仔仲未到。較高級的員工馬上拉開他。因他的態度以不只是影响我們了。其他很多枱客人也受影响。這樣的餐廳已跟食物好壞無關了。食物再好也不敢去，食物再好食都食唔落。 希望老闆能留意員工的服務態度。雖然我明白他們辛苦 ，但也不要找客人發脾氣。

招呼非常差, 樓面招呼非常差, 海膽機雞唔得, 樓面把口好臭童撞到人都唔會講對唔住, 下午茶食物差, 仲衰過快餐店, 價錢比同區 茶餐廳貴, 只係遊客唔知道, 入面啲工作人員兇神惡煞

年尾要清假就攞一日去探啲舊同事lunch吹吓水，就人哋返工所以選紅磡冰室。餐廳之前幫襯過兩三次，發現依道嘅特餐/常餐好味過每日午餐。今日再叫瑞士雞翼撈公仔麵餐，瑞士雞翼非常入味，瑞士汁較乾身同時又做到平均沾上公仔麵身，食落唔會時鹹時淡，麵身彈牙，食過幾次都可以繼續保持彈牙程度剛剛好。跟餐多士炒蛋都十分了得，片蒜蓉多士牛油同蒜蓉味都吸晒啲味，炒蛋嫩滑程度同佐敦出名排隊嗰間都不相伯仲。整餐最一般嘅奶茶都算合格。快、靚、正常餐，打工仔就係要依啲，可以再平啲就 perfect 啦。

一係唔出，一係就周圍去。今次又翻食好東西，呢間係尖沙咀金馬倫道高格茶餐廳，我地鍾意佢乜都夠大份。以方便大家可以早啲睇有乜，俾外賣紙做參考先。有時茶餐廳都係講熟客同人情，我地一班都算係熟客仔，幾乎每個星期都幫襯下。有碗例湯，雞腳眉豆，正喎，夠哂味夠哂火喉。是日晚飯之一，海鮮花膠豆腐煲，花膠多到呢，我地五個一人有一條，煮得夠淋夠入味，撈飯一流，真係食咗先講。鹹魚雞粒炒飯，正喎喂，炒到粒粒分明，唔會太咸。豉椒排骨炒麵，一上枱，我地已經急不及待要即刻食，炒麵仲係脆口嘅，排骨嗰啲仲係好香口。我地五個女仔叫左三碟都係每人40元，夠飽又好味。

人人去紅冰都係食炒蛋、雞翼撈面常餐，可惜常餐去到6點就無，今次晚晚黎食，唯有試下小炒。尖沙咀鋪新開，地方好大，價錢同紅磡店差不多，尖沙咀黎講算抵。3個人叫左3個餸，西檸雞排、梅菜肉碎蒸菜心同鐵板薯仔牛柳粒。西檸雞排炸到好脆口，配埋檸檬汁送飯好開胃，可惜西檸汁唔多，唔係舊舊雞都沾到汁。梅菜洗得幾乾淨，無沙，食完去幾甜，菜心蒸得略淋，個汁又係可以送三碗飯！鐵板牛柳粒上碟好熱，食時要小心辣到咀，牛柳幾淋，亦有牛味，薯仔炸過先去炒，脆卜卜撈埋啲汁，好食。可惜牛柳既份量略小。整體黎講茶餐廳水準中間水平，勝在坐得舒服

搞完event，好想搵間茶記沾下鍋氣，三個人入咗呢間茶記。佢裝修算係新，好特別，唔似平時幫襯嘅茶記。坐到個卡位，周圍環境都唔錯，唔算太嘈。你會以為係西式餐廳呢。食物選擇好多，聽講有個佢地獨有嘅冰室麵，乜都有，有機會過黎食先（最好味嘅通常都係邪惡食物）呢間餐廳嘅份量算大同多，我地點左蒜炒西蘭花同埋叉燒炒烏冬。兩道菜真係好夠鑊氣，肚餓，大量吸入！三個女仔兩碟夠飽，唔算貴。店員態度都ok，不過有啲風趣位我地唔識笑啦。。。哈。。。

常餐B ($44) 包括:1. 瑞士雞翼或香煎豬扒撈公仔麵2. 配有煎雙蛋或炒蛋3. 牛油多士或蒜蓉包而我每次點餐都是一樣:瑞士雞翼撈公仔麵 炒蛋 及蒜蓉包鍾情於常餐B的我 每次食完都會話: 好好味呀不得一提: 略帶甜的公仔麵配上瑞士雞翼簡直絕配啊！

成日一大班人嚟紅磡冰室食飯，嗌到成枱都係餸，食到好飽，每人都唔使＄100！真係又好食又抵食！今次同朋友兩個人諗住快快哋食個晚餐趕住去睇戲，點知嗌太多，又唔記得佢鬼死咁大碟，食唔晒要打包  haha呢個避風塘茄子不得了!  唔係好辣，但係就好惹味 健康之選一定要食呢個欖角肉碎蒸菜芯! 清清哋，有啲肉味，冇咁寡！呢個菠蘿炒飯好出色好有鑊氣!!!呢度真係適合10人以上嚟叫小菜share一齊！可以食多啲款式嘅菜。下次我想試下下午茶先有嘅流沙奶黃西多士 

今日落雨，唔想行甘遠，就去左呢間冰室度食，入到去，仲有透明遮套拎，唔洗濕笠笠。地面唔濕，好乾淨，店員安排左個卡位比我地坐，唔洗搭枱幾好。之後同個朋友揀左兩個餐，d 野食5分鐘左右就到，唔洗點等朋友話呢個咖哩豬扒飯，碎上，好方便，仲好多件，咖哩ok, 豬扒林身左d d。我就叫左個常餐，雞翼撈公仔麵，配多士+炒蛋驚喜既係，佢係厚既多士，有烘過，平時烘既都要加錢。個炒蛋就幾滑既，個撈麵既味道少少咸，不過都接受到我同朋友都嗌左杯熱檸水，兩杯都各有4塊檸檬，真係好足料，哈哈下次都會再去，因為地方好乾淨，幾滿意

在尖沙咀逛街後找地方吃晚飯，途經這條街，見有新茶餐廳，裝修吸引，似乎幾新潮，有點西式cafe 似的。就試一試這間吧！士多啤梨骨這道菜是餐廳推介，就點了。士多啤梨醬酸酸甜甜，味道還可以，食多幾塊，感覺卻有點膩，膩得舌頭有些少麻木，而且炸漿粉比較厚身。茄子斑腩煲用油太多吧？！茄子吸了許多油，斑腩並不是太新鮮，脆漿又是較厚身這裏勝在裝修新，環境光猛清潔。 選擇亦多，由常餐，晚餐套餐或精選小菜，粉麵飯都有。鬧市中六七十蚊一餐飯，坐得尚算舒服，我還可以奢求什麼？如果餐廳要與其他茶餐廳爭一日之長短，看來要大大提升食物質素。其他分店會好些嗎？