紅茶冰室

營業中

休息中

食物ok.但服務9流，漏單，永遠遲黎有得食早黎冇得食，個廚房做得幾好食都冇用、樓面一直幫你趕客，有時還冇人派餐、黎到已凍，服務員好似老人癡呆咁、成日忘記客人叫了甚麼

是日陪老公食個lunch 先翻工佢帶我黎呢個佢成日黎既紅茶冰室 裝飾好有心思 係間有格調既茶記 感覺好似紅磡冰室 唔知係咪同一集團呢😆老公食是日午餐 $46豬扒配果條唔係普通腸 係徳國腸 真係唔同啲 好好味👍🏻意粉好大個 老公都食唔晒我唔太餓 所以叫下午茶豬扒包配薯皇 $35薯皇勁熱勁脆！裡面充滿啖啖薯仔肉👍🏻豬扒包份量大 絕無因爲係下午茶而縮水好食抵食！見到隔離枱叫左雞翼 係兩大隻炸全翼！下次黎一定要試啊！上餐速度好快 係快lunch速戰速決之選👍🏻👍🏻👍🏻

本人是第二次光顧此餐廳，雖然餐廳座位很多，但是侍應安排很差，明明有很多空位，但卻一直叫人拼位。而且餐牌錯亂， 令到客人很困惑。問口貼嘅ABC餐牌同餐廳內ABC餐牌不同。(連呢個基本嘅錯誤都犯) 最令人失望的是，餐廳的服務態度極差。叫咗兩樣食物，又漏單又無禮貌。之後追單，先被告知原來食物冇貨。白白等佐20分鐘。同樓面反應但冇同事跟進。現場都見到好多人燥底，感覺上呢間餐廳在營運商冇好好的安排！以後都吾會再黎！！！

帶著老爸食午餐，當然地方要舒服。午餐$46包湯及飲品，價格好合理。老爸要了羅馬式香煎龍脷柳伴牛仔腸。很快就上菜了。賣相吸引，底下有生菜。老爸說飯不是很熱。他只吃了一半飯，但餸就吃個清光。平時不好吃他是不會吃的，所以應該算好味。另外叫了焗蒜茸磨菇煙肉牛扒。上菜間耐得多，因為即焗。上菜時熱騰騰。我們要了意粉。意粉條條分明又彈牙，拌埋芝士蒜茸磨菇好好味。但不覺有煙肉在內，蒜茸味也少，但有極香芝士味。牛扒有三件，好腍，也很好味。等耐少少都值得。湯我們叫了中湯，紅湯和波菜忌廉湯。中湯入面有蓮藕。羅宋湯配菜分量Ok，不太濃。最好味是波菜忌廉湯。大大推介！好濃好creamy，波菜也多，還有好多碎洋蔥，囗感十足！

今日去食個早餐去到落單已經冇人理成功落單後 叫咗兩樣野 又話食物賣晒就走左去完全冇話改乜嘢，十問九唔應搵另一個同事跟進 仲態度十分惡劣要加重語氣先幫我地跟進最後只有一樣野黎左，咗另一樣野漏單目測有幾台客已經係咁全部安排都好混亂一定唔會再去！！！！！！！！！！！！！！！！！！！！！！！！！！！！！！

星期日，又要去探雙親，有朋友話紅茶冰室的茶餐不錯，於是又試一試。今次睇中邪惡的芝士流心西多士茶餐(包熱飲一杯)，盛惠30元，單叫也是30元，所以tea time 食好抵。都等了成十分鐘才出爐，好邪惡，成塊牛油在多士面層，半溶狀態，見到己口水流。多士的色水好靚，但夾在多士內的芝士並不太流，有點失望，但多士勝在夠脆，配上甜甜的糖醬好好味，芝士狂的我，對這茶餐比足一百分。其實此店的奶茶也不錯，好有茶味，值得一讃。

外賣了一客鮮茄焗豬扒飯。豬扒上面鋪滿鮮茄、洋蔥、芹菜丶芝士。炒底的飯，乾濕平衡，片片蛋皮清晰可見，混和醬汁，已可獨當一面，成為主角，現淪為豬扒的配角，實在有點委屈。豬扒肥瘦參半，鬆軟多汁，份量亦不少。幸好是外賣，堂食要一次過啃下一份，身為有點注重健康的大媽，真的會有心無力。

呢間都算係我嘅飯堂，成日都喺呢間紅茶冰室食早餐，講平佢一定唔係，但起碼收得咁嘅價錢有返小小質素平時會食沙嗲牛肉麵跟返杯凍奶茶，今日帶女友黎，就試左呢個西早脆魚柳德國腸配滑蛋多士上菜就慢左小小，不過又的確夠晒熱，但魚柳稍為油左小小，不過外脆肉軟，呢外滑蛋夠晒滑，配多士一流，沙律醬唔係普通沙律醬，係芝麻醬， 咁食法都係第一次，配杯飲品三十幾蚊都算係咁

一個人吃飯，想求求其其，但又想坐得舒服，最後選了紅茶冰室。是晚主菜是焦糖蘋果厚切豬扒，我不要忌廉湯，改中湯。中湯是木瓜雪耳湯，煲得好燶豬骨味，雪耳都好林。主菜像酒店式出品，其實我喜歡個薯仔多過塊豬扒，我連皮食，配上沙律酱，好好味。但蘋果帶點酸味，我不太喜歡，豬扒味道不錯，肉質ok。一個餐65元，坐得舒服，心滿意足了。

之前聽人介紹過呢度出名“流心芝士西多士”, 當然要慕名而來吧果然入面有好多芝士夾住嫁, 超岩芝士迷既我而且好香好滑, 另外奶油加芝士雖然會有少少膩, 但係好甜好滑! 加上西多士表皮炸脆左, 好香口, 呢個配搭係好正