紅茶冰室

營業中

休息中

本身心情好地地去食個早餐再返工。點知一去到，座位安排差都算，落單時有個呀嬸行埋黎，講多句都唔耐煩，未聽完叫咩野食就行開左，結果啲野食黎錯哂，叫佢轉返仲好意思屈我地講錯。到食果陣，仲居然加咗條鋼絲喺個通粉入面，簡直收買人命。

今早到旺角店食早餐，掃code後門口呀姐以呼喝態度拒絕我哋進入餐廳，原因為本人媽媽沒有針卡。該名門口阿姐以極度惡劣態度呼喝我們，並說「我哋係D級食肆，冇打針唔准入，門口已貼左紙，你睇唔到咩！」第一：本人媽媽為殘疾人士，醫生已寫醫生紙可豁免打針，若貴公司咁高貴的話，可否提供適當的培訓給門口接待員，以有禮貌的態度要求顧客提供醫生紙作實，而並不是以惡劣的態度呼喝客人。第二：貴公司的D級食肆貼紙並不是放喺當眼位置強烈建議貴公司即時將該貼紙放大並放喺當眼位置，否則將造成誤會。今天早上天氣寒冷又落雨，本人剛與母親到醫院覆診後想吃過早餐後才回家，遇到這不愉快的經驗，破壞了美好的一天！希望貴集團多加留意並作出改善！食物質素固然重要，但服務態度太差的話，亦會流失客人！不要以為你們每天排晒長龍，基本服務態度就可以不用理會！我不是需要有五星級的服務態度，但請不要呼喝客人，這是人與人的尊重！*順帶一提：本人母親的豁免接種疫苗證明書由於沒有QRcode因此未能放入安心出行程式內，需於下次覆診才可更新。母親有病並不是罪！

依家幾好食都假。。之前成日都會去食，服務態度差都算喇，都未到2月24號，門口亞姐驚死加持唔切，話要打咗疫苗針未啊？有疫苗通行證未啊？至入得去食，永世都唔會去食！！！

11點幾，call左一個外賣，叫了一個早餐B(沙爹牛肉面)，費用為$39。結果比齋你食。完全失望，根本欺騙消費者。外賣叫完就走，點知打開一睇，沙爹牛肉面原來是 公仔面+沙爹汁，一塊牛肉都沒。吾通要我即場打開檢查一下？至於味道，基本就係咸咸咸，可能D面吸收左湯，結果咸到爆炸。麵包可以見到，比較正常，當然可能係外賣，所以一定就吾趣，不過好彩唔係石頭咁，吃得落肚的。抄蛋都算正常，不過不失。整體來講，就係沙爹牛肉面沒牛肉，其他一切都係廢的

旺角區原來都有一間紅茶喺彌敦道，同一班朋友去咗紅茶食下午茶，之前去開太子嗰間坐得又迫又唔舒服仲要搭枱。旺角呢間超大間終於唔使搭枱啦。幾個朋友揀嚟揀去，最後都不約而同撰咗「吉列豬扒湯烏冬」$42，配埋杯凍奶茶。紅茶來來去去其實真係得呢一個吉列豬扒湯烏冬係可以食極都唔厭。佢個炸豬扒真係好好食，個烏冬好滑，個湯底感覺上好似魚湯都幾入味。另外佢杯凍奶茶我飲過好多次，無論去到邊間紅茶分店個奶茶質素都依然咁穩定，佢呢間嘅奶茶有啲似台式奶茶真係唔錯。

之前聽好多谷友讚佢D沙嗲牛肉麵 正 ，専程過嚟一試⋯但真係唔係我杯茶，個沙嗲汁又濃有杰，基本上唔係沙嗲嘅味道，牛肉又老又over，個麵更加係都未煮開，失敗中嘅失望⋯ 同埸加演焗咖喱朱扒飯，肉同肥2/8比例，可惜80%係肥膏，點放入口呀⋯⋯唔知係咪我坐喺地庫果層，俾D蚊子咬到一腳都係，一定冇下次⋯ 😫😫😫

每次嚟旺角金魚街食早餐,一定係老地方哩間紅茶冰室。平時都唔鍾意排隊，但紅茶冰室排隊一定等。雖然門口個姐姐成日都好炆咁，但都明，日日都咁忙邊個唔炆。但流水作業式運作，好快就有位。食早餐一定會叫佢嘅歐陸早餐，因為無論係魚柳定牛扒，都一定係大大件食到飽。而每次最期待嘅係佢嘅Top One丹麥酥!! 平時嘅茶餐廳早餐都係烘邊多士，其實都好味，但呢度嘅Top One丹麥酥係一塊外形好似方包多士嘅丹麥酥多士，勁香牛油味，脆卜卜，好食到不得之了!! 再加上有譚仔姐姐風味嘅紅茶姐姐喺度坐陣，食完個勁量靚早餐再去買魚買水草簡直無得彈!

今日中午放飯行過通菜街見到好長嘅人龍，望一望原來係紅茶冰室，反正放返時間有成個鐘就排一排隊，試一試呢間。排咗大概10分鐘就可以入去啦。😇入到去被安排坐喺卡位，中間有塊隔板，因為對面係坐咗一個陌生人🤣姐姐好快就抹乾淨咗枱面，就問我食乜，我一望落個是日餐牌度有三個餐，我就揀咗C餐焗椰香葡汁雞皇意粉+凍鴛鴦再配上白湯。大概等咗8分鐘個焗意粉就送到，一擺喺面前真係好香嘅椰味，上面有少少燶燶哋，真係睇得出有焗過嫁，我撈勻啲汁之後就開始進食啦。啲意粉唔會太濕，配上啲葡汁啱啱好唔會太濕又唔會滴到啲汁周圍都係，比例係啱啱好。啲雞亦都冇雪藏味，水平係正常嘅。喺旺角食一個$50至$60嘅中午係可以接受嘅水平。整體上啲食物質素都幾好，下次中午放飯都可以繼續食呢間👍👍加埋杯凍飲最後$66埋單

之前係旺角返工成日都食紅茶冰室嘅下午茶架夠曬抵食又好味😋不過轉左工之後就好少機會食啦今日難得係旺角附近做野一定要過嚟食佢個豬扒包😆😆今日叫呢個係 自家制特色豬扒包伴薯皇首先佢個脆薯皇真係即炸嘅黎到都係超熱😍我諗大家都唔會中意食啲擺左好耐嘅薯皇呢個就岩曬中意食薯皇嘅人啦然後個豬扒都係新鮮炸啲肉好嫩滑 唔似某啲餐廳啲豬扒柴曬超級好味👍👍我朋友話直頭好食過澳門嘅豬扒包🤣而家疫情要留喺香港不妨試吓呢一間嘅豬扒包

極級邪惡西多士 流心芝士西多 每間冰室茶記都有自己招牌作, 紅茶冰室唔係紅茶出名,係芝士西多出名一上碟個樣都幾靚仔, 好飽滿仲有大大片牛油同練奶淋在西多面切落去就見到中間既流心芝士 切開有拉絲效果,西多炸到好脆口 配埋牛油練奶甜甜咸咸口感味道好特別,個味道無衝突仲要好夾凍飲要左凍檸茶走甜個茶底都幾濃香既平均消費$38評分8/10 旺角通菜街186號地舖

今日係9月4號星期六我哋收咗工一行三人去到太子見到有一間紅茶出邊呢排都係排長龍咁我哋都等咗一陣大概5至10分鐘左右，入到去先俾咗個超大卡位我哋坐，我哋每人叫咗個常餐，都好快就有得食，咁我就帶咗個豬扒米粉，配煎全熟蛋仲有個丹麥多士，飲熱檸水，我另外個朋友嗌左個鮮茄火腿通，陪呢個炒蛋加丹麥多士，飲菜蜜，而我另外個friend都係叫豬扒通粉，最後我都叫多個蛋撻，講講佢個豬扒米粉個豬扒好好味啦好大塊好鬆軟，如果米粉又唔會太林又唔係好硬，都值得encore，而我第一次食佢哋個酥皮蛋撻佢哋啲酥皮好鬆脆蛋撻入面嘅蛋好有蛋味😋😋

成碗牛肉通粉得個三四塊牛肉、通粉有小、湯就勁多。完全唔捨得俾人食，初初開張都幾吸引，但一次內阻就開始變質。請問經營的手法可否要改善呢？還是因而客多疑不在乎質量嗎？

冰火菠蘿油 $12次次去紅茶都食冰火菠蘿油，但今次少有地不好吃因為菠蘿包完全不熱，甚至不暖只是常溫牛油是好吃的，但菠蘿包不熱可以說是菠蘿油最差的水準，很失望。芝士炒蛋魚柳包伴沙律 $40這個是紅茶最愛之一一上枱就很吸引最頂是堆得高高的炒滑蛋，中間是芝士片，下片是魚柳，最低是生菜和番茄，整個包幾乎不能一口咬下去，口感超豐富平時時吃薯皇的，今次吃沙律，沙律比想像中好，我不喜歡只有薯仔的那些，這個混了一點雜果。

平時食開另一間分店，原本夜晚心情好好咁行完街經過諗起丹麥包就入去食，夜晚6點，店內都仲有幾多位，我兩個人，點個個女職員點我地坐到最入個張望街一日檯，放多張櫈就叫2人座？！ 眼見周圍仲有幾張2人檯話想坐另一張，個好無禮貌嘅女職員話唔得，叫我地出門口排過隊！出面都無人排，依d餐廳永世免費都唔會再入去食！！😡😡😡😡😡😡😡🤬🤬🤬🤬唔洗講野食，今時今日d員工咁嘅服務態度，都唔洗再幫襯！！

紅茶冰室既沙爹牛肉麵都幾多人推薦，作為沙爹牛肉麵既愛好者，今日終於有機會一試🤤首先早餐黎講呢度既價錢都唔貴，平均三十幾四十蚊一個餐，間中黎食翻個早餐都幾開心。1⃣️招牌沙爹牛肉麵配丹麥酥+嫩滑炒蛋（$37）沙爹牛肉既份量唔少，食得出係鮮牛肉整成，食落唔會好多筋，醬汁味道濃郁，撈埋個麵食好正😋不過覺得唔係好食到花生味，如果花生味再濃啲會更加好食。  丹麥酥烘得好香，而且底面都搽左牛油烘，好香脆夠曬邪惡🤤炒蛋唔算好滑好驚喜不過幾有蛋香。